02-02-2013
|
#8
|
الجزء الثامن
عند الشباب
عبدالله راح يشوف غترته عند امه ودخل مكان تقديم العشاء
ولقى ملالالالالاك قدامه بفستان ابيض واسود ؟؟
اما هي فكانت مو حاسه ابدا انو احد يناظرها كانت تكلم خالد بالجوال ( عرفتوها )
هي مها
" اوووف ياربي منك خلووود وقته الحين تبي تسوي مفاجأه لمريم جد فاضي بنات بروح اخبر مريم ان خالد تعبان
ويبيها تطلع بس بعد الزفه ياحياتي ع الرومنسيه على حسابي انا
الله يعيني عليهم الموهيم رحت وجلست مع البنات بالغرفه الين بعد الزفه ونتفاهم "
نوف
" بنات محد حاس فيني يبوني اكون مبسوطه في يوم وفاتي تخيلوا اتزوج واحد واسافر معه 6 شهور بالغربه يعني
لو يموتني محد بيعرف انا طوول عمري قويه شكل الغربه بتعبني ادعولي يابنات "
نزلت دموعي على تفكيري
قامت ريم وجلست جنبي
ريم : ياحبيبتي شفيك تدرين لو ما سفرك بعد كم ساعه كان خليت عزوز يخليك عندي يالغلا
وضمتني وكنت احس اني بفقدها كثير
مابي احس بالضعف اكثر كفايه جففت دموعي وخلاص انا طول عمري قويه مابضعف الحين
< نخليها بأفكارها ونروح نشوف الشباب بأيش يفكرون >
عبدالله "الله فيها جماااال كانت تقوول خالد يعني يامريم يامها وياليت تكون مها كأني تذكرت شي ريم قبل امس تقول
بنطقم سواء قصدها هي واسيل ومها يالبيه الحين تأكدت مها "
عبدالعزيز " ليه انا غبي الحين خلاص تزوجت وحده مابيها عشان عنااد ! ليش سويت كذا بنفسي ليه
مايمديني اطلقها بيذبحني ابوي انا غبي غبي دمرت حياتي وحياتها "
خالد " هههههه ترا مو مجنون اضحك لحالي بس راحم مريم ليه تزعل مني عشاني حالف عليها ماترقص
مجنونه تبي ترقص وهي حامل ودخلت بالثالث بس انا اوريها اليوم مابخليها تزعل مني مره ثانيه "
نرجع للبنات
لين
وانا اشوف نوف جاني خوووف فضيع تخيلت يوم زواجي مع سعود هو يكرهني ولا يبيني وانا اخاف منه
كيف اتزوجه ؟ يعني هو بيضربني مثل فلاح !! ياربي احس يخووووووووووووووف قوي ابي اموت قبل الاسبوعين
ماتعدي انا الحين محتاجه راحه نفسيه عشان انجح بثالث بنسبه حلوه بس ماتوقع يابنات ولا شرايكم
ماكملت تفكيرها الا بدخول شدى وامها وكانت لابسه
سلمو على الكل الى لين وماهتمت هي كثير عادي عندها
ونظرات شذى وامها لو رصاص كان لين الحين من الموتى
جات الساعه 12 وبزفون نوف الحين طبعا انا والبنات من الساعه 10 واحنا طالعين برا
زفوها على موسيقى هاديه تناسب انوثتها وجمالها كانت جوونان جد تخيلوها بفستانها الابيض واضاءه خفيفه
ومسيقى رومنسيه لو مو حرام ومو ممنوعه في المنتدى كان عبور نزلتلكم هي >احممم
الموهيم روحو شوفوا نوف
نوف " كنت خايفه مره مو قادره ارفع عيني وخالاتي زوجات عماني حولي بالبخور والزغاريط وخالتي
ام عبدالله ماسكه يدي وتمشيني الموهيم وصلت للكوشه وجلست بمساعده البنات كلهم كانو حولي فديتهم
جلست شوي جو صديقاتي وصديقات البنات يسلمون على ويباركون وحريم كثير ماعرفهم
خالتي ام عبدالله قالت كلمه خلتني اوقف عن التفكير عبدالعزيز بيدخل يمممممممه يالرعب
اوووف شفيني انا بكون قويه حتى لو دخل عادي
شوي كمان انفتح باب الي انزفيت منه دخل عمي بدر وعمي سعد وبابا ومشعل وو عبدالعزيز
ياه كان يجنن صراحه اكرهه بس اعترف بجماله يجنن حسيت بشعور غريب وانا اشوف البنات الي حولي
عيونهم عليه مو غيييره ترا بس كذا يمكن تقديس لشي الي بينا
وصلوا عندي اول شي سلم علي عمو بدر وبعدها عمو سعد وبعدين مشعل ضمني ونزلت دموعي بحضنه بفقده حييل
وراح وجا حبيبي وقلبي وعيوني ووحي جاء بابا يوم ضمني بكيت وزادت حده بكاي بفقده ما بشوفه 6 شهوور
ياهي فقده هو الي عوضني عن حنان ماما حسيت بشي على كتوفي كانت دموع بابا حسيت بجرح بابا يبكي
لانو بيفقدني كرهت عبدالعزيز زود هو الي فرقنا هو مابسامحه جاء عمي بدر وبعد ابوي عني وابوي مسح دموعه
بشماغه كان شي صعب بالنسبه لي دموع الرجل ترا لها اثر على البنات كبير كبير
جاء موتي يسلم علي عبدالعزيز باس جبيني وبعدين طلعت ريم لانها تكشف على الكل وطلبت اغنيه ورقصت مع
عماني وعبدالعزيز ومشعل يعني مو مره لان واضح انها مستحيه
رحتها هههههه يالبيها ريم هي اكثر وحده بفقدها كانت دوم معي بالحلوه والمره فديتها نزلت ريم وطلع بابا ومشعل وعماني
شوي قالوا قومي عشان التصوير مسك يدي وارتجفت من مسكته شيبي ذا بس سكت امه جبني ماقدر اتكلم
مشى فيني للغرفه وطلعو خالاتي وحتى المصوره باقي ماجات نفضت يدي منه بسرعه عجيبه وهو ناظرني بنص عين
وجلس وانا كنت واقفه الكنبه صغيره اذا جلست معه بنحشلا وبنحرج مامرت عشر دقايق الا دخلت المصوره
وبدت طلباتها الغبيه وطبعا انا مو معبرتها ولا سمعت كلامها بس هو عصب وسحبني من يدي وهمس بأذني
عبدالعزيز : اخلصي على يابنت العم مو فاضيلك فاهمه
خفت من همسه واستجبت لامره وهي غبيه تطلب طلبات مالها داعي بس سكت مابي اخرب اليوم من اوله
واخيرا خلص التصوير
وجات اللحظه الحاسمه دخلو خالاتي وريم يسلمون على عبدالعزيز وطلع ودخلو البنات كلهم
كنت اودعهم وانا ابكي بقوووووووووه ولا تلوموني صعوب شعر انك انسانه مكروهه
الموهيم طلعت ولبست ريم عبايتها عشان تساعدني طلعت برا عند السياره وهي تساعدني يالفستان العلله
بس جاء حبيبها هههههههه مشعل وسلم علي بدموع هو وابوي وساعدوني ادخل بالسياره
وسلمو على عبدالعزيز ووصوا علي وعبدالعزيز حلف محد يوصله للفندق عشان كذا فتحلي مشعل الباب
الي قدام وساعدني ثم دخلت وسكر بابي
وشفته يتكلم مع عبدالعزيز ثم ودعه وركب وحرك السياره
لاتسألوني عن احساسي لانو معد احس خلاص
طول الطريق ساكتين حتى المسجل ماشغله
وصلنا للفندق وهـ المره هو الي ساعدني في النزول واخذ مفتاح الجناح من الاستقبال وطلعنا فوق
فتح باب الجناح ودخل وانا دخلت وقفلت الباب
وقفت عند الباب مو عارفه وين اروح وشنو اسوي الحين الساعه 2 ورحلتنا 5
عزوز < بنات يتعبني الاسم وانا اكتبه يعني اختصار > : ادخلي الغرفه لين موعد الطياره
حمدت ربي قالي شنو اسوي
دخلت الغرفه والاقي شنطتي الصغيره طلعت منها بجامه وردي عاديه السروال كروهات وردي وكحلي والبلوزه
كت وردي
اخذتها واخت اغراضي الباقي ودخلت اخذ شور جلست عشر دقايق وثم اطلعت
ورحت عند التسريحه وكديت شعري وخليته ينشف وحطيت فيرند لفي بوجهي ورحت لشنطه طلعت اللبس الي بلبسه بالروحه
والحجاب حطيته بالشنطه الي باليد وفت الساعه كانت 3:30 شفت السرير وجاني نووووم وماقاومت رحت انسدحت
ورحت بسابع نوومه
بالصاله
عزوز " يارب صبرني وانا اقول بتجاهلها يخرب بيتها فيها جمااااااااااااال يعذب وشلون بصبر عنها
الله يعيني بس "
نرجع للقصر قبل ساعه
بعد ماطلعوا عزوز ونوف رحت اقول لمريم ان خالد تعبان ناديتها ورحت انا وهي لغرفه العروس
مها : مريم بقولك شي
مريم خافت : خوفتيني شنو صار
مها : اممممم خالد تعبان
مريم : اييييش ونزلت دموعها شنو فيه تكلمي
مها : مادري اسمعي سالم ينتظرك براء بيوديك له وانس بيجلس معي وباخذه البيت عندي
على طول جابت عبايتها ولبستها واخذت جوالها وطلعت لسالم بسرعه رهيبه وركبت وشهقاتها واضحه من البكاء
مريم :بسرعه ودني له
سالم " اوريك ياخلود تبكيها كذا يادوووب "
سالم : خلاص مريوم ان شالله يكون بخير
ماردت عليه
وكمل الطريق للفندق وهو ساكت ويسمع بكاها
لموهيم وصلوا
مريم : فين جايبني
سالم : هو هنا
مريم مافكرت كثير نزلت ووصلها سالم للغرفه ودق الباب وراح
خالد فتح " ياحياتي صوت بكاها طالع ماعندها اسلوب مها "
على طول دخلت مريم وسكرت الباب وضمته وهي تبكي : وش متعبك ياروحي
خالد رحمها حييييييل لعن نفسه انه نزل دموع غاااااااااااااليه : انك زعلانه مني
مريم حست بجسمها ارتاح فما قدرت توقف كانت بتنزل تجلس بالارض بس خالد شالها ووداها على الكنبه
وجلس على الارض قدامها : خفتي علي
وهي باقي دموعها تنزل حطت كفوفها على خده : انت روحي وقلبي وعيوني شلون ماخاف عليك قلي انت حبيبي
وزوجي وابو عيالي
ونزلت جسمها ورحعت ضمته : ريحني تكفى ياخالد ولا عاد تكذب علي ترا المره الجايه بتطلع روحي
خالد قام جلس جنبها وضمها وهمس بأذنها بكلمات حب تنسيها نفسها بين احضانه وبعدها وباسها
وكملوا يومهم *-^
في القصر مره ثانيه قبل ساعه
البنات كانوا يستهبلون وحركات البنات عاد تعرفونها خخخ
الموهيم دق رعد على لين وقالها تطلع سلمت على البنات وعلى الحريم الكبار وقبل ماتطلع لحقتها شذى
: تدرين ان سعود يحبني ومتزوجك شفقه بس
ماعبرتها لين وطلعت
ولقت رعد يسولف مع سعود ماهتمت ودخلت ركبت وراء كلمها سعود من الطاقه (الشباك ) : ناقصك شي للعرس
لين : لا شكرا
طلع راسه من الطاقه وسلم على الشباب وراح يرجع للقصر
ورجعت كل العوايل للبيت بعد ان تمموا زواج وملكه
الساعه 5 صباح
بالفندق الي فيه العرسان
دخل عزوز الغرفه عشان ياخذ شور قبل مايرحون المطار
ولقاها نايمه ببجامتها الورديه شكلها جذااااب حيل وناعم بس تعوذ من الشيطان واخذ ملابسه ودخل
ماطول وطلع وجلس ينشف شعره : نوووووووووووووف قومي تأخرنا
قامت بس استغربت المكان الي هي فيه وشنو جاب عزوز معي خافت كثير بس تذكرت انهم تزوجوا قبل ساعتين
قامت اخذت الملابس الي حظرتها ودخلت لبستها كان بنطلون سكني اسود وبلوزه طويله الين الركبه
وطلعت برا ولبست عبايتها وطلعت الصاله وهو نادى العمال ينزلون الشنط
نزلوا تحت وركبو السياره وحرك للمطار ووصلوا ونزلوا بدون كلام راحت لاستراحه النساء لين خلص الاوراق
وعلى طول كان النداء لطياره اول ماسمعت النداء بكت على فرقاء الرياض واهل الرياض
راحت له من اشر ودخلو الطياره وجلست هي جواء وهو على الممر والرحله طويله حيييييل
ومثل ماصار بالسياره مادار بينهم حوار ابدا تخيلو لساعات طويله جدا وناموا بنص الرحله
وقت الوصول راحت نوف وفصخت العبايه ولبست حجاب سماوي لكسر اللون الاسود
ونزلو وكانت فيه سياره بأنتظارهم اختهم على شقتهم بالعماره الي كلها عرب واكثرها سعودين
دخلوا وكان ديكورها حده راقي وهادي
وكان فيه 3 غرب وفي كل غرف حمام وحمام خارجي لوحده وصاله ومطبخ وغرفه جلوس لضيوف
عزوز : غرفتك الي على اليمين وانا الثانيه وبطلع يوميا من 6 الصباح وبرجع 1 الظهر وبرجع الساعه 4 ونهايه دوامي 7 المغرب
الى اوقات الاجتماع ممكن اتأخر الين 10 وابيك كل يوم تسوين لي اكل وفي واحد من اصدقائي ساكن هنا اعملي حسابك
انو عازمنا بكره على الغداء مع زوجته وبس
بعد ماخلص كلامه دخلت على الغرفه حقتها ودخلت شنطتها ورتبت اغراضها كلها بالدواليب وعلى التسريحه
ومن بعدها اخذت شور ولبست بجامه لونها اسود وفيها من الوسط قلب احمر ونامت
وهو سواء مثلها بالظبط ونام
KSA
بدت اختبارات الترم وكانو الكل شادين حيلهم بقوووه
طبعا البنات الي يدرسون كليه بدوا من اسبوع
بعد مرور اسبوعين
نوره ولين ومرام نجحوا بنسب عاليه لين ونوره 99 ومرام 97 وهم علمي
وعادل رجع بعد ماتشافى وكانت ملكته هو ومرام امس
نوف وعزوز على حالهم مايكلمون بعض الا وقت الحاجه بس
وسعود كان متوتر جدا وخايف يحن على لين
رائد مرضه كل مره يزيد وواضح التعب بس يخبي ويحط زواج لين حجه
رعد وريان وراكان كانو متأزمين على فرقأ اختهم وابنتهم وامهم
مشعل ونوف كانوا كل يوم يكلمون بعض وزارها مرتين وعزمها مره برا للعشاء
شذى كانت بتموت قهر تبي تخرب الزواج بأي طريقه ونجحت بأيجاد خطط لتدمير حياة سعود ولين
عبدالله تفكيره محصووور على مها يفكر فيها دوم
والباقي على حالهم
بيوم زواج { سعود & لين }
في الصباح كانت تبكي بخوف وقهر وفراق خوف من سعود وقهر من عدم وجود ام او اخت كبيره معها وفراق
اخوانها الي يشكلون لها كل شي بالدنيا
دق جوالها وكان سعود
: الوو
سعود : شفيه صوتك تبكين
لين : لالا بس توني صاحيه
عرف انها تكذب عليه بس ماتهمه عشان يحقق : طيب البنات بيمرونك بعد ساعتين اجهزي
لين : اوك
سعود : باي
وقفل
اما هي طلعت قامت وجهزت كل اغراضها وشنطتها الكبيره امس جاء سعود اخذها ووداها بيتهم
باقي معها شنطه صغيره بس
وطلعت اغراضها الصاله وعبايتها وقفلت غرفتها وهي تبكي
وجلست بالصاله وكان موجود رائد ضمته وبكت زياده وهو بكاء معها مايقدرون على فراقها
وطلع رعد ويان وراكان وحتى هم نزلت دموعهم على منظر لين ورائد
وضمتهم واحد واحد وهي تبكي شعور صععععععععععب فرقا الحبايب
جلسوا ساعتين يتكلمون عن ذكرياتهم الحلوه ودموعهم تنزل
وبعدين دقت عليها اسيل وطلعت وهي تودعهم ودخلت السياره ومشوا وراحوا القصر وكانت المكوفيرا
وصلت اول شي سوت البنات كلهم حتى شذى والحريم وخلصوا كلهم على الساعه 5:30 وبدت في لين
وكانت كل شوي تعدل المكياج لان دموعها تخربه
وطلعوا البنات بقت معها اسيل
وخلصت مكياجها وشعرها ع الساعه 9
وكانو كلهم لابسين كذا
مريم
ريم
اسيل
مها
شذى
لين
بريطانيا
قبل كم ساعه
عزوز كان معصصب حيل من الموظفين عنده ماعندهم اهتمام بالشغل
دخل البيت وكانت نوف بالمطبخ تسوي الاكل
هو كأنه يدور لــ شر دخل عليها المطبخ
عزوز : سوي غدا زين مو مثل كل مره
وهي اخلاقها كانت زفت عرس اليوم والكل مجتمع الى هي : ماتبي تاكل مو لازم كيفك
عزوز راح مسكها من ذراعها ولفها عليه : صح مو لازم مو لازم وجودك انا مادري كيف اتزوجت وحده مثلك
انا مابي اشوف وجهك نهائيا فاهمه
رفعت حاجبها : طيب طيب
راحت لبست حجابها وطلعت مسرعه على برا
وهو انصدم من تصرفها ولحقها المجنونه ذي وش تبي تسوي
لحقها وكان فيه تقاطع قدام العماره لمن لفت ولقته وراها ركضت بسرعه من غير ماتطالع الطريق
وكان فيه شاحنه ماره
عزوز : نوووووووووووووووووووووووووووووووووف
انتهى البارت الثامن
شذى عندها خطط لتدمير العرس ياترا شنو هي ؟
لين وسعود توقعاتكم لحياتهم؟
سبق وقلتلكم سؤال تتوقعون برجع احد شخصيات روايتي للحياة بعد عادل ؟
نوف ماتت عزوز كيف شعوره ؟؟
واعتذر عن الاخطاء الاملائيه بس ترا من العجله
لــ قراء روايتي
اعتذر كثير عن تأخري واسفه حيييييييل بس انتو تعرفوا الاجازات تشغل والضروف والكتابه تاخذ وقت لاني كل جزء انزله اكتبه
بيومه من جد اعتذر
تحياتي
اختكم |همسي يناديك او كبرتني ياهم |
|
|
|
|
|