السلام عليكم
انا هون لقبي اقتنعت انك النهايه
وبالاماكن الثانيه همسي يناديك او كبرتني ياهم
وانا نزلت الروايه هون عشان صديقاتي
اوك
"

بسم اللة الرحمن الرحيم
اليوم حابة اطلع موهبة الكتابة الي عندي لكم ترا اعتبر مبتدئه يعني ياليت النقد يكون بناء مو يتحول لسب
وروايتي اهديها لـــ موري - عزه - مرومة -سم ولبية - رسمتك حلم - احاسيس مبعثرهـ -روح الاحسان ولكثير غيرهم
وانتو اولهم يا احلا اعضاء اتمنى تعجبكم


:
:


ياغايتي لو كان لضلوعي لسان قالت تعال ارجوك محتاجه عناق
:
:
الجزء الاول
لين: خيير
سعود:ساعه عشان تردين
لين :كنت نايمه
سعود:تقومين عشاني مو زوجك
لين: لا
سعود: ههههه والله والله لخليك تتمنين الموت بس اذا جيتي بيدي ياهانم وقفل الخط بوجها
لين انقهرت منه بس يدق ينكد علي ويقفل يرفع الظغط وبدت دموعها تنزل ع طريقه معها بس هي وافقت عشان تريح اخوانها من همها
{ابوها كان مروج ****** بس تاب بسبه شاب كان يبيعله ال****** وبيوم عطاه جرعه زايده كان بيموت بس مامات لان اخوه الي هو سعود انقذه ووداه للمستشفى بأخر لحظه وهم عايله غنيه جدا جدا جدا جدا سفروه وعالجوه برا ورجع بس سعود لايزال حاقد عليه لان اغلى اخوانه كان بيروح بسهوله بسبته وحالف ينتقم منه بس خطته فشلت يوم مات ابو لين بعدها بشهر ومر على القصه ٥ سنوات وكان ورا اولاده صحيح نجحو بالدراسه بسهوله لانهم اذكياء بس ماتوظفو كلهم لا بحكومي ولا خاص وعايشين بفقر وبالصدفه عرف انه عنده بنت وحده الي هي لين حاول يستدرجها عن طريق البنات الي يعرفهم بمدرستها بس ماقدر ابدا وماعندها جوال ولا فيه تلفون ببيتهم عشان يقدر يجيب راسها وحتى فكر يخطفها بس فكل مكان اخوانها معها حتى المدرسه يودونها ويجوبونها مالقى حل الا انه يتزوجها وفعلا خطبها واخوانها سألو عنه وعجبهم وهي وافقت و هو ماطلب شوفتها وجاب المملك وملك عليها من غير مايشوفها وجابلها جوال بس عشان يكلمها و يقهرها وبقالهم ٣ شهور متملكين على بعض وماشافها ابدا بس يكلمها ويهددها }
اوصفلكم لين: عمرها ١٨ ثالث ثنوي اخلاقها روعه الكل يحبها عسل جد عمرها ماتلكلمت على احد ومالها اعداء ابدا بس عنيده مره وخوافه ماتتحرك من غير اخوانها بس من ماتت امها من سنتين تعلمت الطبخ عشان اخوانها وصارت بالنسبه لهم الام على صغر سنها قمر الكل يشهد بجمالها طولها متوسط جسمها جنان مرسوم رسم وبيضاء ودايم خدودها ورديه شفايفها صغيره ومليانه والخشم طويل وحلو وعيونها عذاب كبار مره وكأنها مكحله من كثر رموشها وشعرها لأخر فقره بظهرها
واخوانها ٤
رعد: عمره ٢٣ سنه متخرج من كليه حقوق حنون جدا ويحب الكل متحمل مسؤليه تربيه والصرف على اخوانه من سنتين طيب بس يقسى اوقات عشان الطيب مايعيش وفيه جمال مو طبيعي جسمه معضل بس يميل لنحف اسمر وخشمه حد السيف وفمه مرسوم بحده وعيونه تشبه عيون لين وفيه عزه نفس كبيره ورثها لاخوانه
راكان وريان :تؤام عمرهم ٢٢ توهم متخرجين السنه الي راحت من اداره اعمال اجسامهم رياضيه ويشبهون رعد بالشكل ومع انهم تؤام ويشبهون بعض لاكن يقدرون الناس يفرقون بينهم بسهوله والصفات فيهم طيبه الدنيا ومحبوبين وعندهم عزه نفس
رائد: عمره ٢٠ احلى واحد بأخوانه لين نسخه منه بالشكل الي يشوفهم يقولون هم التؤام مرح مره وحبوب وعنيد شوي يدرس ٢ كليه اداره اعمال
رعد:ليون فينك
لين طلعت من المطبخ وراحت له:هلا حبيبي امر
رعد :مايامر عليك عدو ياعيوني بس كنت بقولك سعود دق علي ولقى لي وظيفه انا وراكان وريان بشركته براتب حلو
لين فرحت كثير له وباست راسه :مبروووك تستاهل والله
رعد:الله يبارك فيك وع فكره هو كلمني عشان ياخذك بكره لعايلته طيب
كان بيوقف قلبها من الصدمه :طيب وقامت من عنده وراحت دقت عليه
ابتسم يوم شاف رقمها اكيد وصلها الخبر:الو
لين:مابي اروح
سعود:مو برضاك غصب عنك
لين :بس انا مابي
سعود:وانا ماطلبت رأيك هذا امر مفهوم والحين بيوصلك اغراض وملابس ع البيت ابيك تلبسينهم ولا تعاندين عشان مابي اوريك وجهي الثاني وبكره ٦ تماما تكونين جاهزه وكالعاده قفل بوجها
٠٠٠٠
بيت اهل سعود }
كانو متجمعين كلهم بالصاله دخل عليهم:السلام عليكم
الكل :وعليكم السلام
سعود :بكره بجيب زوجتي تشوفونها قبل الزواج
اسيل نطت من الفرح:وناسه بشوفها اخير
سعود ابتسم ولف على امه وشافها مبتسمه:دوم
ام سعود:تدوم ايامك اخيرا بنشوف الي غيرت فكره الاضراب عن الزواج عندك
سالم:هههههههه حلوه الاضراب عن الزواج يالله عقبالي ولف على سعود : متى الزواج
سعود وهو يوقف : بين الترمين باقي شهر يمكن ولف ع امه: يمه لاتنسين خالتي وعماتي وعماني كلهم اعزميهم
ام سعود :اكيد مابنسى
واستأذن سعود وطلع
{عائلة سعود
ابو سعود: عمره 55 سنة قوي وله حكمه على الكل لان كبير العايلة بس طيب حيل ويدلع اسيل كثير
ام سعود : عمرها 45 طيووووووووبة بس من النوع الي يصدق اي كلمة تنقال لها
سعود : عمره 26 سنة جميييييييييييييييييييييييييييييييييييييييييل مره عيونة كبار مره وخشمة حد السيف وباين ع وجهة انه جدي مره
طيب وحنون بس اذا حط احد براسة الله يكون بعووونه وعصبي شوي
مريم : عمرها 25 سنة تجنن بطيبتها وحنانها ودلعها وغنجها وكل شي
متزوجه ولد عمتها {خالد}
سالم : عمرة 22 سنة { قلت قصة سابقا }بارد شوي بس يدنن عسول مره
ومايعصب ابدا الا بالسنة مره هذا اذا عصب
اسيل : عمرها 20 الدلووووووووعه في البيت كل طلباتها اوامر عند ابوها
وشخصيتها مرجوووجه شوي <<اقصد كثير
اليوم الثاني
بيت رعد }
كانت الساعة 5 العصر
طلعت من غرفتها
واخوانها يصفرون ويصرخووون
لين : ها حلووو ولا لا
رعد قرب لها وحط يده على راسها وجلس يحصنها وهي ساكتة بس بقلبها قهر { والله لولا حبي لكم ماتزوجت وخليتكم }
رعد : طالعة قمر اليوم
(كانت لابسة الفستان الي ارسلة سعود لونة احمر كوكتيل قصير وضيق على جسمها مطلعها واااااااااااااااااو وشعرها فكته ع طبيعه وحطت بس روج احمر يجنن وكحلت عيونها ومسكرت رموشها واكتفت بهذا الشي
بس طلعت كأنها اميرة بس كانت بنفسها مستغربة كيف عرف المقاس بس كيفة
وهذا شكل الفستان
)

ريان : يالبي بس وش هـ الكشخة عشان سعود
استحت منة لين وماردت وهي فخاطرها ماتدري لية سوت كذا لة ولا لاهلة
رائد قرص خدودها : لبي الي يستحوون
حمر وجها زيادة وبعدت يدك وجلست جنب راكان
راكان : ياهلا والله بالغلا كلة اعرف جاية جنبي عشان ماتكلم صح
لين : ههههههههههه صحين
دق جوالها واستغربت : ايوه
سعود : انا برا لايكون ماجهزتي
لين : لا جاهزه بس انت قلت 6 والحين ناظرت ساعتها لقتها 6 وسكتت
سعود : حلو عرفتي غلطك بنفسك خلي اخوانك يطلعون بسلم عليهم وامشي
لين : طيب وقفلت منه وقالت لاخوانها وطلعو لة وهي لبست عبايتها واخذت شنطتها حطت فيها الجوال وطلعت لهم
وكان سعود يسولف مع اخوانها ويضحك اول مره تشوفة وكان حلوووو مره لابس ثوب وشماغ ونظارة طبيه بس طالع شكلة حلوووو بها
ماتوقعته بهـ الجمال اول مره تشوفه عن قرب
رائد : مطولة عند الباب تعالي اركبي تأخرتوا
ناظرتة لين وبقلبها طيب طيب يارائد اوريك
فتح الباب سعود لها وركبت وقفله وذكر الشباب عشان ماينسون يجون العشاء وركب ومشاء
وهي من الخوف لازقة بالباب
وهو ماتكلم ابدا الا عند بوابة القصر : اسمعي اهلي كلهم اليوم بيجون مابيك تفشليني معهم فاهمة
سكتت وماردت
ردد :فاهمة
لين تنهدت بدينا : فاهمة
نزلو ودخلو القصر وكان عند الباب مراية كبيرة فشافته دخل وخلاها فصخت عبايتها وعدلت فستانها ومكياجها وتعطرت بس ماعرفت وين تروح وسعود اكيد راح للمجلس
مامداها تكمل تفكيرها الا وهو راجع
سعود : مطولة هنــ سكت وماكمل كلامة جمالها يذهل
قرب لها وهي خافت وبحركة لاشعوريا رجعت على ورى وعيونها دمعت بألم الذكرى <<سر بتعرفونة قريب



خلص الجزء الاول واوعدكم الجاي يكون احلى
بينكشف فية سر خطير يخص احد ابطالنا
والعشاء بيكون فيه احداث كثيرة بتكتشفونها بأنفسكم
تعمدت يكون قصير عشان تعطوني رايكم
اكمل
او لا
وان شالله تكون عجبتكم
واذا عجبتكم ابي توقعاتكم
اختكم : همسي يناديك او كبرتني ياهم

• جنون قصايدليل في التصاميـم
• لآ تسألونيے مـכּ أڪَوכּ •● هُنآ أنفَآسْ وξـشقـہآ כـتى الجنوכּ •●