وش حاجتك ياليل لارهاق غالين
مادامت الشوفه على بعد الافلاك
مدري متى يالليل للعاشق اتلين
غاب الهوى وياك عن وضع الادراك
وانته يابو رمشين من زيها فين
ب القلب لك عرقين والدم مجراك
مادري طلعت منين لاكنك امنين
مارحت وانظاري تتوق و تحراك

اخاف اذوبك شوق واخاف بعدين
اليا نسيت الحب ياكيف ابنساك
قرت على شوفتك كل الموازين
والقلب تو ارضاه شفك ولاماك
كثر الدلع يحكمه قرب المحبين
واليوم زود فيك كبرك وقساك
وين انت ياابن الناس رايح على وين
وليتك فرضت الحب خليتني اهواك
وخليتني محبوس مابين قوسين
وانته تعيش الوقت طفل ل تغلاك
ماظن صدر الوصل تنصاه ب البين
وتروح عني ابعيد واقول فرقاك
وش حدنا ل الحزن واوضاعنا زين
ارجع على ماكنت أو ردنا اهناك
حق الغلا ينصان ول عمره اسنين
وان ضاع عمري ضاع كله لعيناك
كان الوفا شاريه ف الحب قلبين
وكان الزعل غاويك ماشحت ب رضاك
وكانه عذابك طال ب قفي ب ثنتين
الله يصبرني ويفداك ماجاك