02-22-2017
|
|
|
يـاغـاليـه مافـيه داعـي تغلـين
يـاغـاليـــه مافـيــه داعـــي تغـلـيــن
غـــلاك فــي قـلبـــي بـلـيــا تـغـلــــي
اغـليـك فـي شـرع الهواء والمحبين
قـلـبـي محلــن لـك وقـلـبــك محلــي
لكـن مــدري ليـش عـنــي تصـديــن
وتقفيــن عـن قـلبــن بحـبــك يهلــي
عشــرة ليـالــي ماتلـديــن بالعــيــن
واحـاول اسمــع صوتـك ولاحصلـي
مـدري ظـروفــك تجبــرك ماترديــن
ولا على ماقـيـــل مـــزح وتـسـلـــي
خـليتـــي العـــذال منــي قـريـبـيـــن
وقالـوا لي ارياء بس ماناسبـن لـي
ونصحني اللي جرب الشين والزين
والظاهـــر إنه مخلـص ومنصحلــي
قال العــرب مـايطــردون المقفـيـــن
من صـد واقفـى عنــك خلــه يـولــي
قلت استـريح وجنب النصح ياشيـن
نبضــات قلبـي تعـرف ظـروف خلي
خـلـك على فـالـك واذكــرك بعـديــن
لامـن عســرات الليـالــي صفـن لـي
تــرا القـمـــر لابــد مـانــوره يبيـــن
وتعـايـنــه بيــن النجـــــوم متعلـــي
واليــوم جيتينـي وعـنـدك براهيــن
بظروفـك اللي في غيابـك طرن لـي
وقبلت عـذرك قبــل بالعـذر تبديــن
ونسيت كل همومي اللي مضن لـي
واجـب علي اصــدق اللـي تقوليــن
عـلمــك مصــدق والخطــا جايـزلـي
|
|