-----------------------------------------


اليوم الثاني .............

في بيت مي صحت وشافت الساعه بعدها 9 الصبح

مي : اففففففف وش هاليوم اليوم أمه وخواته بيجون يعني لازم كل جمعه هنا (جلست وهي ماسكه راسها) اشتقت لجمعات بيت جدي سالم آآآآآآآآخ لو الزمن يرجع ولا ارضخ لامي ولا اوافق ههههههههههههه حلوه اوافق اصلا انجبرت خلني آخذ دش وانزل اشوف مريم الله يعينها بتسمم من كلامهم اللي يجرح

أخذت دش ونشفت شعرها رفعته فوق وحطت كحل وغلوس تعطرت بعد ما لبست دراعه فخمه ونزلت ما شافت احد بالصاله وسمعت صوت في المطبخ دخلت وشافت مريم

مي : صباح الخير
مريم (تبتسم) : صباح النور صح النوم
مي (تجلس على الطاوله) : صح بدنك بس راحت علي نومه
مريم : عشان العرس والسهر متى رديتي
مي : على الساعه 2 الفجر كنت بنام عند اهلي بس ما قلت لسطام خفت يهاوش
مريم : احسن أصب لك حليب بشاي شكلك ما افطرتي
مي : لا قلت اتقهوى معك
مريم (تأخذ كوب) : الله يحييك (صبت لها ولمي وقربت وجلست) هاه شخبار العرس
مي : روعه الله يهنيهم (شربت من الحليب) تمنيتك جيتي
مريم (تطالع كوبها) : سطام رفض
مي : أفففففف زين وينه ما اشوفه
مريم : نايم بالغرفه
مي (رفعت حاجبها) : كالعاده مسلطن
مريم : أيه
مي : لمتى يعني
مريم : عادي تعودت
مي : انتي حره مع احترامي بس انا لا هالوضع ما اتقبله
مريم (تتنهد) : لا تضنين ما تمنيت يتغير بس وش اسوي كل ما نصحته يعصب ومرات يمد يده
مي : عشان كذا سكتي
مريم : بصراحه ايه جسمي ما عاد يتحمل
مي : اليوم عمتي ام سطام بتجي
مريم : ايه بس البنات عرفت ما راح يحضرن
مي : أحسن
مريم : مي
مي : بصراحه ايه احسن أنا أعرف لهم بس اللي يضيق خلقي انك ما تردين عليهم ساكته يقهروني باللي يسوونه فيك ولما يقولون لك عقيم
مريم (أبتسمت بألم) : قدري
مي : مريم بسألك رحتي تتعالجين
مريم : أيه أراجع دكتور خاص
مي : كيف عرفتيه
مريم : طيب يعرفه سطام
مي (رفعت حاجبها) : ما راجعتي غيره
مريم : لا خلاص سطام قال ارضي بالنصيب وسكت
مي : يعني كل ما قال شيء تقولين حاضر
مريم : مو بكيفي غصب عني
مي : ليه انتي كذا سلبيه يعني مالك كلمه ولا رأي مسح سطام شخصيتك
مريم : سطام حياتي وما اقدر اطلع من شوره
مي : ما قلت طلعي بس على الأقل راجعي دكتور ثاني ترى الطب يتقدم
مريم : راحت علي دخلت على 30 سنه الخير والبركه فيك تجيبين لنا نونو
مي (أبتسمت) : الله كريم طيب وش تحبين اساعدك فيه
مريم (تطالع حولها) : كل شيء جاهز الخدامه مجهزه كل شيء بعد شوي اركب الغداء
مي : لازم حلويات بعد الغداء
مريم : لا مولازم عمتي معها سكري وسطام ما يحب
مي (بأستهزاء تبتسم) : يكفيه السكر اللي كل ليله أستغفر الله
مريم ومي : ههههههههههههههههههههههههههههههههه
مي (توقف) : طيب بروح أتصل على أمي وارجع لك
مريم : سلمي عليها
مي : تسلمين

وقفت واتجهت لتلفون البيت جلست ومسكت السماعه واتصلت

مي : ألو هلا يمه
الام : هلا مي كيفك بعد العرس
مي : زينه شخباركم انتم
الام : بخير لولا خالتك اللي مدري وش فيها
مي : وش فيها بعد
الام : صايره عصبيه والبارح وجهي انقص قدام أم سيف
مي (تلعب في سلك التلفون) : وش له
الام : تسألني ليه خوله ما تجينا ولا تزورنا ولا حتى تتصل فيني مثل قبل
مي : وش قلتي
الام : وش أقول بعد قلت أي شيء طرى علي عشان مشغوله في المدرسه آخر الأشهر
مي : يمكن بينها وبين ضاري شوي زعل او مشاكل وتعرفين خالتي ما تحب تسولف عن شيء كتومه
الأم : الظاهر اكبر من كذا زعلهم مو بسيط أهي ما ترد عليه ولو ردت بنفس خايسه وتعصب
مي : خلوها هي تحل امورها
الأم : وكيفك انتي
مي : بخير مريم تسلم عليك
الام : الله يسلمك ويسلمها اليوم بتجي عمتك والبنات
مي (بنفس خايسه) : عساهم ما يجون
الأم (بعصبيه) : علامك على الناس هذي واهي مدللتك وولدها مو مصر عليك بشيء تتكلمين كذا
مي : يمه ليتهم يعاملوني شين بس رجلي مو حاله كذا آخرتها البارح راجع سكران ومطين
الأم : ليه ما كلمتيه
مي : هههههههههههه حلوه نشف حلقي أكلمه بس وش أقول ذيل الكلب
الام (بعصبيه) : أستحي على وجهك تقولين كذا عن رجلك
مي (بعصبيه) : بسألك شيء من أغلى أنا أو أهو أظن أني بنتك مو اهو كل ما اتصلت عليك وكلمتك واطريته ولو بنص كلمه اكلتيني
الأم : الحرمه السنعه ما تتكلم عن رجلها كذا
مي : أيه والحرمه السنعه ما ترمي بنتها كذا
الأم (أنصدمت) : كيف يعني
مي (تأخذ نفس وتحاول تهدأ) : ولا شيء
الام : لا قولي
مي : بصراحه لما قلت لك عنه وقفتي معه ضدي تبين أغير واحد اعوج تبين ارجع له لو على حساب نفسي وش قلت لك يمه لما رجعت من القريه
الأم : قلتي أشياء كثيره مذكر
مي : لا اذكري قلت خلاص يمه قلبي ما عاد يتحمل خلاص
الام : يتحمل وش طبع رجلك تقدرين تغيرينه
مي : ههههههههههههه حلوه ذي أغيره يمه تذكري كلامي ما اسامح قلبي ما عاد يغفر لأحد أبدا فاض فيني ومن حياتي
الام : مي أسمعـ..
مي (بضيق نفس) : مع السلامه يمه ( حست بأيدين على كتوفها فزت واقفه من الخرعه ) وش فيك
سطام (يبتسم ببرود) : وش فيك
مي (بعصبيه) : كذا تخرعني
سطام : كنت مشغوله تتكلمين
مي : ولو ما تجي كذا (صدت عنه وحطت يدها على قلبها) اعوذ بالله كان قلبي بيوقف
سطام(جاء من وراها وحاوط خصرها) : بسم الله على قلبك يا قلبي
مي (أنقرفت من قربه) : اففففففف سطام روح تسبح
سطام(يمسك ثوبه ويشمه) : وش فيه
مي (صرت على ضروسها لا تنفجر) : مو لازم أقول تعرف وش ريحته وعمتي على وصول مو حلوه تشوف منظرك كذا كفايه أحنا نشوف
سطام (رفع حاجبه) : وش تقصدين
مي : ولا شيء روح خذ دش بجهز لك الدخون عشان تروح المسجد
سطام : بصلي هنا
مي (ألتفتت له وقربت منه وبدلع ممزوج بخبث) : سطومي
سطام : أويلي على الدلع لبيه
مي : شوف قلبو اليوم يومك عندي ولو ما رحت للمسجد تصلي صلاة الجمعه جماااااااااااااااعه سمعت جمااااااااااااااااااعه (أشرت على غرفة مريم) تنام هناك وما في نوم بغرفتي
سطام (مسك يدها) : لا ميو حرام عليك
مي (سحبت يدها) : كيفك أنا خيرتك وانت اختار
سطام : والمعنى
مي : الصلاه
سطام : نفس الشيء المهم اصلي وانا بصلي بالبيت
مي : لا اليوم جمعه صل في المسجد مثل الناس
سطام : يعني لو صليت صلاة الجمعه
مي (قربت وهي منقرفه وباست خده) : بنتظرك الليله أو خلك تحت بقفل الباب
سطام : لا بروح آخذ دش وجهزي الدخون بصلي في المسجد
مي : الصلاه دوم مو يوم
سطام (يصرفها) : هاه أيه أيه دوم مو يوم
مي (مسحت شفايفها منقرفه وهي تشوفه يصعد وفي نفسها) : ووووووووع ياربي والله متحمله يمكن ينعدل ما عاد لي قدره والله غير اساومه وبس

دخلت المطبخ وأخذت فحميه (جمره) وحدتها على النار

مريم : دخنت البيت ترى
مي : لا هذي لسطام
مريم : سطام صحى
مي : أيه
مريم : وش عنده
مي : راح يسبح عشان بيروح المسجد يصلي
مريم : ههههههههههههههههههههه
مي : وش فيك
مريم : يصلي في المسجد من وين طالعه الشمس
مي : لا بيصلي من اليوم ورايح بأذن الله
مريم(رفعت كتوفها) : الله يهدي
مي : أمين يالله بصعد أحط الدخون ولما يطلع ارجع لك
مريم : على راحتك

صعدت مي تعطي سطام الدخون عشان يلحق يروح المسجد

------------------------------