رسمت لك من برج الاحلام غيمه
ــــــــــــــــــــــــــــ من حزنها تبكي تبي تمسك يديك
واشوفها شحت علينا بديمه
ــــــــــــــــــــــــــــ عافت يباس(ن)صاب معظم صحاريك
كني يتيمه وامنياتي يتيمه
ــــــــــــــــــــــــــــ مااشوف كل الناس عندي تساويك
بقول لك رغبه بصدري قديمه
ــــــــــــــــــــــــــــ ودي تنور بالملاقا لياليك
قربك بحر وانا عدودي كريمه
ــــــــــــــــــــــــــــ اصوغ لك من مفرداتي واغنيك
يامن منح للعمر والوقت قيمه
ــــــــــــــــــــــــــــ حبك وطن واحلام عمري شبابيك
لك بالمحاني بيت والروح خيمه
ــــــــــــــــــــــــــــ تسري بها مثل الدما لامشت فيك
لباك يانبض الحياة العظيمه
ــــــــــــــــــــــــــــ لامن جفتك العين فالقلب شاريك
|