06-02-2017
|
|
|
ديـــــوان الامـــير ســـــعود بن بــــندر
(قـــــالو تــــحــــبه)
قالـوا تحبه..قلـت ماهـو بالحـيـل
بس انه اغلى شوي من نـور عينـي
يسوى جميع الجيـل الاول وهالجيـل
أحبـابـي الماضـيـن والمقبليـنـي
شوقي له أعظم من ظما الأرض للسيل
وأشفق عليه أكثـر مـن أم الجنينـي
واحتاج له حاجة ثرى مصـر للنيـل
وعليه أغار ولو مـن مـا لوالدينـي
اشتـاق لـه شـوق المحبيـن لليـل
وارتاح له راحـة دمـوع الحزينـي
لا صار جنبي لو سنه وقتـي بخيـل
ولا غاب لو لحظات صارت سنينـي
قالوا يحبك.. قلت هـذا هـو الويـل
ما ودي أنشـد ثـم رفضـه يجينـي
وأهدم رجاي بدبرتي مثـل مـا قيـل
والأفضل أحيـا بالأمـل لـو لحينـي
يا حبكـم يـا نـاس للقـال وللقيـل
والأمر لو هو سهـل يصبـح مهينـي
خلوني أحيا في الوهـم يـا عواذيـل
وش دخلكـم والأمـر بينـه وبينـي
|