سلام الله يا كويت سلام الله
ياربوع العز وفخر الكرامه

مرفوع راسك والعيد فى محله
ياعيدنا ويا خيرنا والسلامه

يا صباحنا والمسا ورده وفله
يا بيوت الكرم واهل النشامه

فى خفوقي حبك ناطقٍ كله
ياكويت ياعشقي ويا فخامه

اسعدي ويسعد قلبي واقول له
اسمك على شفاتي احلا ابتسامه

فى سمانا انتى مطر ما نمله
وفى وريدنا نبض حبك علامه

سلام الله يا كويت سلام الله
من مصر حرفي يوصل سلامه





كل عام وكويتنا العربيه بخير
كل عام وكويتنا فى تقدم وازدهار




ياسر إبراهيم

حرف إحساسي قصيد فى مجمله
ماهمني" لونه"بحره" و تفاعيله

صحيح ان أجمل الاحساس اوله
وصحيح الحرف واصف تفاصيله

بعض القصيد وحي من دنيا الوله
وبعضه حرف ما تلقى للوله دليله

وانا قصيدي إحساس طيف وأخيله
بعضه غصه وبعضه قصه جميله


]
وبعض الحروف ما تلقى التكمله
وبعض الاحساس من حرفي اشيله

اه يالقصيد كل حروفك مشكله
وجرحك دوا للقلوب العليله

ياسر إبراهيم خليفه**بكاء بلادموع**