أنزل قوافي وأرتحل رحلة حروف
وأرحل سراب ونزلتي عاصفة ليل

أرحل هجير وسكتي شمس وكسوف
وأنزل جليد وخطوتي تدهش الحيل

لي حرف ماياقف من الوجد مكتوف
واحساس صادق والاماني مقابيل

ماجيت أبقرا قصة الليل والخوف
ولاجيت أبطرد هاجس الخوف بالليل

جيت أستشف البوح والقلب ملهوف
وأشعل بحرفي مابقى من قناديل

يوم المعاني داخلي كنها سيوف
والبوح نزف ونكهته كنها الهيل

أحيان أحس !! وأتأكد !! ولا أشوف
واسمع صدى حزني يعود مواويل

وأحيان أطوف بنفسي وغيري يطوف
بين الظنون اللي لها ألف تأويل

وأرحل قوافي كل ماتطري حروف
وألقاك فجر يكتسح غربة الليل