.
.
.
.
.
بسولف سالفة حصلت بعيد ما قبل كرونا ؛ مدري اقول: صديق او زميل هو مكس .. ساكن بمكة ومستأجر شقة في جدة مع عيال عمه.
قبل العصر اتصل كيفك واخبارك وإلا يعزمني على حفل مسوينها لاخوه ( الي هو صديقي أيضاً ) عنده دورة بالرياض وراح يغيب شهر.
قلت: ياخي علمني بدري أنا المغرب اصك ٢٤ ساعة.
يقول: مسوي استقراطي وقهوة! قلت: خلاص احلق شعري وذقني وانطلق للبيت ؛ تقهويت مع امي ( عشان لا تقول من أمس ما شفتك ) واسبريسو ثري دبل بعض تناولي لوجبة مشبعة.
ما ابغى اطول الموضوع واختصرة لكم بحادثة تخص فصلتي بعد الاجهاد واحلى فصله.
الي عزمني يقول: خذ راحتك كلهم يمونون ؛ وكأنك في بيتكم يعرفني ثقيل مع الاشخاص الي ما أتعامل معهم.
طرب ؛ وفي وقتاً ما قبل الثالثة فجراً .. أشعر ان ظهري ليس مني. انسحبت واتجهت للغرفة الأخرى ( ما صار اختصار يا أنا )
سحبتهم من الطرب وربع الموجودين بالغرفة يحلون فوازير!
وأنا اسمع هذا يقول: فزوره .. وتنحل ونقاط.
أنا كأني ولا بحياتي حفظت لغز! بيني وبينكم الاجهاد استنزفني ذهنيا وجسدياً. وبعد تفكير قوي أحارب في الارهاق تذكرت .. لكن للأسف تذكرت حل اللغز .. وعيت اجيب اللغز! ولا قدرت أصبر بدون مشاركة!
قلت: يا جماعة الخير .. أنا ما عندي لغز ؛ لكن عندي حل اللغز بقوله لكم وانتم جيبوا اللغز.
الصراحة ما اعرف كيف اوصف الوضع غير اني أكلت الجو باحلى فصلة.
|