منتديات قصايد ليل - عرض مشاركة واحدة - رواية ياغايتي لو كان لضلوعي لسان قالت تعال ارجوك محتاجة عناق

02-02-2013

الجــ23ــزء
بيت سعود
بعد ماتعشوا اخيرا جلسوا بهدوء
وكانت لين بالمطبخ
اول مارجعت كانت بتروح تجلس عند رائد
بس
رعد : ليون خلك منه تعالي عندي
لين قامت : من عنوني اساسا مابي اجلس جنبه بس هو اشر لي وخفت احرجه
رائد يناظر فيها بصدمه : انا
الشباب :ههههههههه
وفعلا جلست لين بجمب رعد وراسها ع صدره
ماكملوا نص ساعه سوالف
الى ونامت بالامكان الي انحرمت منه
شهور
راكان هو الي انتبه واشر لهم كلهم يشوفون
رعد ابتسم لمن شافها وباس راسها : رجعت لعادتها
ابتسم سعود لان اول مره يشوفها تضحك وتسولف بهالشكل واخر شي تنام بهدوء
رعد كان بيوقف عشان يشيلها
سعود : خلك انا بوديها
وفعلا وقف وتقدم منها وشالها بحنيه
وطلع فيها فوق
دخلها غرفتها وحطها ع السرير ولحفها زين ونزل
لقى الشباب واقفين : وين وين
رعد : ورانا دوامات شوف ساعتك
سعود : الدوام موب طاير اجلسوا بس
راكان : مره ثانيه ان شالله
سعود ماحب يصر عليهم : براحتكم
وسلم عليهم وطلعوا
--
اليوم الثاني
لمن قامت لين انصدمت بمكان نومها عمرها مانامت بهالغرفه
قامت وخذت لها شور وصلت ونزلت تحت
وبدت تحظر الفطور

بعد نص ساعه لقت سعود قدامها حطت له الفطور وكانت بتروح
لاكن مسك كفها
: افطري معاي

الموقف هذا حتى لو صغير زاد حب سعود بقلب لين لان ادنى شي منه تعتبره انجاااز

سعود تكلم : اليوم الساعه 9 بتجيك دكتوره ع البيت
ناظرته بخوووف
سعود شاف الخوف بوجها : لاتخافين بس ابيها تشوفك وتعطيك فتمينات وكالسيوم
وناظر جسمها وهي انحرجت شوي
كمل : لان مو معقوله هذا جسم وحده متزوجه
انحرجت من نظراته وكلمته وببالها جسمي كذا ايش اسوي

سعود وقف : نسيت اقولك من اليوم ورايح فطورك غداك وعشاك معاي وبالاسبوع هذا ابيك تزيدين 2 كيلو لاني متزوج وحده عمرها 19 مو 11 سنه

وطلع

لين
اوووف منه ع كيفه انحف واسمن
--
الساعه 12 الظهر
بيت ابو سعود
الكل مجتمع ولا يعرفون السبب الا ان ابو سعود امرهم بالوجود ببيته ويشغلون التلفزون وينتظرون الي يصير
--
بالشركه ابو سعود جمع الموظفين كلهم تحت
وكان هو بأعلى الدرج واخوانه واولاده واولادهم كلهم موجودين طبعا مه رعد واخوانه

ابوسعود : الشركه هذي تأسست قبل 20 سنه اشتغلنا فيها انا واخواني واجتهدنا وسهرنا الليالي وبعدنا عن اهلنا لسنين بالخارج عشان تنجح وبعد 8 سنوات من التعب كبر اسمها والكل صار يعرفها
وبعد سنوات اولادنا معانا مسكوها وكبروها زياده
وتعبو مثل ماتعبنا
وقبل 3 سنوات مرت واكثر شاركنا فلاح الـ...... بشركاتنا لثقتنا الوهميه فيه وكان يوهمنا بأشياء عمره ماسوها
الين امس فجأه جاني تلفون يعلن افلاس شركاتنا وهذا شي مستحيل يصير الا بالازمات الماليه وشركتنا كانت بأحس حال
توجهت لشركه مع
اخواني واولادي واولادهم وانسباء العايله كانو موجودين بعد
دخل علينا فلاح وكان المسؤول عن الي صار لانه هو الي اغتلس الشركه

هنا بدو الموظفين بالوشوشه
وسكتوا لمن رجع ابو سعود يتكلم

ابو سعود : احنا فقدنا الامل بفلوسنا وحلالنا الا لمن تكلم الاستاذ رعد ( قالها بفخر ) وكان عارف عن الاعيب فلاح وكشفه على حقيقته امام الكل

هنا الموظفين صفقوا بقوووووووووه لان متواضع مع الكل
ودام تصفيقهم لـ 10 دقايق دوم مايملون للأنسان الي قلبه يملا الدنيا طيبه

ابو سعود واخوانه والشباب كلهم بعد صفقوا مع الموظفين وكانو مبتسمين على وجهه المحرج

ابو سعود كمل بعد ماوقفوا التصفيق : ومكافأه له اصبح مدير قسم المحاماه وراتبه زاد الضعف ويكتب 5% نسبه من شركاتنا

رعد توجه له وحب راسه وهمس بأذنه : عمي كل الي قلته مابيه انتو عايلتي والي يضركم يضرني

ابو سعود ابتسم ولف على الشباب : يقول مايبي شي
مشعل : ماعليك منه انا وياه ننزل نتفاهم تحت ولو تكفخ ترا موب انا

الكل : هههههههههههههه

--
بيت ابو سعود

لين ابتسمت بفخر لان حتى الحريم عندها كانو يصفقون بحب لـ هذا الشباب الي انقذهم من الفقر

الجده : الله يرحم الام الي ولدته
الكل : امين
ماعدا ثنتين << اكيد عارفينهم
العمه وشذى

وفيه قلوب هيمانه بالشباب الي تشوفهم يا حبها او زوجها او خطيبها

لاكن قلب غير مبتسم برعد وحب العايله له

هو قلب اميره الي عرفته وعرفت ان هو الي كلمها بالمزرعه

--

العشاء
كانو كلهم مجتمعين ومبسوطين بدون الم بدون تعب بدون غرور وتكبر
لاول مره
بس الشي الباقي هو الحقد
ولا اضن بينتهي

شذى دخلت غرفه اسيل وبكت من قلب ماهي متحمله الي يصير
حبها يكون لغيرها مستحيل
مسحت دموعها بقهر
وقامت بتطلع لاكن سمعت صوت شغالةلين تتكلم ببكاء

وفهمت من كلامها ان بنتها تعبانه ومحتاجه لعمليه بأقرب وقت
ابتسمت شذى بفرح
وطلعت
وقفت عند الشغالة : بنتك تعبانه
تيتي ( على اسم شغالتنا الله يبقيها هههه ) : أي ماما واجد تعبان
شذى : طيب تبين اعطيك فلوس كثير لها وترسلينها واوديك تشوفينها
هزت تيتي راسها بالموافقه
شذى : اووكي بس مقابل شي تسوينه لي
تيتي : اوكي ماما

وهنا حضر الشر والحقد والحاجه والذل ف ضعيفين النفوس

--
عند الرجال
رعد : عمي ( ابو ثامر ) ممكن اكلمك شوي
ابو ثامر : امر
رعد نزل راسه : ابي اناسبك
ابو ثامر ابتسم بفرح : عطيتك
رعد رفع راسه بفرح لاكن تذكر شي : بس البنت
ابو ثامر : من تبي
رعد بأحراج : الكبيره
ابو ثامر : والله ماتلقى احسن منك
رعد باس راسه : تسلم
ابو ثامر : الله يسلمك وانا بسألها ويومين ونرد عليك

بنفس المجلس ومكان ثاني
راكان كان يفكر بالبنت الي شافها عجبته حييييييييييل < اسيل
تمننى يخطبها بأسرع وقت

--
بريطانيا

كانت جالسه لحالها بالجامعه ماتدري رحمت ثامر ابوها جابره يكون معاها

: تفكرين بثامر
لفت عليه ورجعت : مالك شغل
جلس جنبها : عندي حل
لفت عليه : ايش
مهند : اخطبك وهذا الحل الوحيد عشان يرجع ثامر
انصدمت بس سكتت شوي وبعدها : واذا رجعت نفسخ الخطبه
مهند ( نشوف ) : اوكي
ابتسمت سماء ووقفت : شكرا على المساعده
وراحت
ابتسم مهند وقرر يكلم ابوه

--
سعود : الو
لين : هلا
سعود : اكلتي
لين : الحين بنحط العشاء
سعود : مافيه انا قلت اكلك معي انا بالمجلس والاكل عندي يالله تعالي
لين : بس ابـ.... قاطعها
سعود : انتظر
وقفل كـ العاده

لين : اوووووف
اسيل : اش فيك
لين : ولا شي بس اخوكي يبيني اكل معاه
البنات : هههههههههههههههه
تولين : بالعافيه
لين ابسمت : الله يعافيك

راحت للمجلس
ودخلت
سعود من غير مايطالع : تأخرتي
لين راحت جلست جمبه بدون كلام
سعود ابتسم : كلي
لين : مو ........
قاطعها : كيفك لاتاكلين بس مافيه نومه عند اخوانك اليوم
لين نفزت بفرح : جد
سعود : اذا خلصتي صحنك
لين حسته كأنه اخوها << هالكلمه رسمتك واحاسيس يكرهونها تذكرهم بشي ههههههه<<
وباسته ع خده : شكرا
وجلست تاكل

ماتعرف بعد بوستها وش صار لسعود
تنح
كانت ارق من نسمه الهواء لاكن عملت العمايل بـ سعود

ناظر فيها وهي تاكل وابتسم وكمل اكله

--
ابو مهند : تسلم ياخوك وننتظر ردكم
<<مهند ماقدر يصبر واصر على ابوه يكلم ابو ثامر فورا
ابو ثامر قفل منه وهو بقمه ابتسامته
اليوم جاء لبناته ناس ماينردون ابد
--

سعود : انتبهي ع نفسك
وقرب منها وباسها

لمن بعد غمز لها : رديت بوستك بطريقتي
استحت منه حيييييييييل وطلعت من البيت رايحه مع رعد

سعود لحقها وسلم على الشباب ودق ع عبود يجيه
--
ابو ثامر من رجع للبيت ع طول قال للام
وهي مانتظرت خبرت بناتها يصلون استخاره

سماء
كانت مبسوطه لثامر انه بيرجع وتحسب ان مهند فتره ويروح
وصلت استخاره وطبعا موافقه

اميره
لمن سمعت الخبر ماصدقت حست بفرح كبيييييييييييير
توها تحبه وربي كتب لها نصيب فيه
صلت وحست براحه وموافقه

--
راكان : وبس
رعد : تامر بكره اكلم عمي
راكان نقز : من جدك
ابتسم رعد : اكييد
راكان حب راسه وراح ينام
<<عرفتو اكيد شيحكون عنه
--

بيت سعود
...: ههههههه صرت محروم منها
سعود : بلا استهبال الله لايحرمني وجودها
عبود : لالالالالالالا فيه تطورات
سعود ابتسم
عبود : تحبها
سعود : مادري
عبود : كيف
سعود : احب اشوفها واذا ماشفتها احس بشي غريب يمكن شوق اغار عليها من اخوانها اذا سلمت عليهم او كلمتهم اخاف عليها من نسمه الهواء احب اشوفها تضحك اذا بكت احس بألم

عبود : ياحبيبي انت غرقاااااااااااااااااااااااااااااااااان بالحب
--
نهايه البارت
وانتظروني مع اخر بارتين
فيها الكثيييييييييييييييييييييييييير

تحياتي
|همسي يناديك |