06-12-2017
|
|
|
إحساااس غريب منتديات قصايد ليل
أنا.. ماني بطبيعي.
أنا عاشق وبك ولهاااان
و أكيد الشوق يفضح لامن نادت
عيونك عيوني
وباحت خافي الوجدان ؛؛
أنا ماني بطبيعي
أدري النظرات تقول
أني بعد عطشان ؛
أنا فيني الغلا رووضه
وفيني من الوله بركان ؛؛
أنا أدري إنك بعد تشتاق
وبك قصة من الحرمان ؛؛
لكن الوله والشوووق
ماغيري
لقى له بالبشر عنوان ؛؛
أنا يامعذبة روووحي
أشوفك بالسما هتان ؛؛
وأنا الرمله عطش تبكي
تبي منك المطر إحسان ؛؛
أحسك جنة أفراحي
عقب ليلن من الأحزان ؛؛
وبأطراف الهدب
ضميت أنا طيفك
لقيته ذااايبن بأحضان ؛؛
على جناح الأمل جيتي
على الموعد
ولو ماله زمن ومكان ؛؛
بخيالي جيتي كــــ البسمهه و سريت أعزم لك الألوان ؛؛
حلفت أعزم لك القمره
وبنت الريح
والبستان ؛؛
هلا يالغالي وعيونك
سقت عقب الضمأ عطشان ؛؛
هلا _ بكل الغلا
بأجمل قصيدي
وإعذب الألحان ؛؛
أبنظم لك نجوم الليل
عقد أجمل من المرجان ؛؛
وأطرز من زهور الكون
أنا لجلك بعد فستان ؛؛
وأكيد
ماني بطبيعي دام في غيابك
أناالمشتاق
وبحضورك بعد ولهان ؛؛
الـــ غ ريب
|
|
|
|