بين جفاه وصد عني وقفا
وانا بعد شفت الجفا منه صديت






كان الفراق اللي يقوله مخفا
مخفيه عني كل ما اقبلت واقفيت






خلا العذول امع الليال ايتشفا
وزرع بقلبي من فراقه دنميت






والدمع من عين المحبين جفا
ماباقي الا جر ونه وتنهيت








وشمع الوصال اللي مع الوقت طفا
مايشعله غير اللقا والزغاريت








والعاشق اللي معك كفا ووفا
بنا لوصلك بيت ياهادم البيت








واليوم ما للقلب فالعشق شفا
اعطاك وانته مثل معطاك ماعطيت






اسقاك من وصله شرابن مصفا
واسقيته امن الهجر صبرن وحلتيت








هذا جزا اللي كان غدره مخفا

واخطا وانا من كثر الاشواق مخطيت
منقول