يتبع..
جاسم شد على يدها وبصوت تسمعه ملاك: وقسم بالله لو لي خلق هوااااااااااش هالوقت كان رديت عليك .... وبعدين بالـــــــطــــ قــــــــ اقـ ... عمرك ما جلستيني ... (وترك يدها )..
ملاك جلست على الكنبه المنفرده اللي في الصاله وضمت رجلها وبدت تصيح...
هذي حالها الأيام الأخيرة ...
جاسم بدأ يبعد عنها أكثر من قبل صار كل يصد عنها .. أكيد فيه شيء مضايقه ... زين منه يتكلم معها وإن أتكلم قال لها تصحيه وفطوره وغداه وعشاه كله بره ...
طبعا ملاك مستغربه منه بس قالت خله على راحته أكيد الشباب كذا وكفايه ضغط الشغل وكانت كل ما يعصبها تحط له أعذار في بالها .... تعبان ... الشغل .... الخ ...
ماكانت تدري ان اللي بيصير..واللي فيه اعظـــــــــــــم من انها تعرفه مستقبلاااا..
***************************
بعد ساعتين
جلس جاسم وبدأ يجهز نفسه ولما طلع ظلت تطالع فيه كاشخ كأنه معرس وراجع شبااااااااااب وكأنه توه في 25 سنه ...
فتح الباب بيطلع بدون مايعطيها وجه..سالته: بتتأخر ... ؟؟؟؟؟
جاسم سكر الباب ولف لها وعفاريته بدت تطلع: خيــــــــر ... من متى إنتي تسأليني متى أروح ومتى أرجع ... أتأخر ما أتأخر ... ؟؟؟؟؟؟؟
ملاك تحاول ترقعها: لا بس يعني أنـ ...
جاسم مقاطع بصوت عالي: ولااااااااا.. كلمه ... ولا عاد أسمعك تسألي هذا السؤال ... فاهمه ...؟؟؟؟
(طلع وكفخ الباب وراه..علامه لانتهاء النقاش)
ملاك ما تحملت قسوته أكثر وبدت تصيح زياده ...
*******************************
في السوق ..
شافته جالس ينتظر ابتسمت ..وعدلت تنورتها اللي توصل لنص الفخد ورفعت بلوزتها البدي العاري اللي يبين كل بطنها ويغطي الصدر فقط: Hi..كيفك؟؟
جاسم رفع راسه وظل يطالع فيها وبعدها بإبتسامه: ليه تأخرتي ؟؟؟؟؟؟؟
سماح وهي تجلس قباله بأبتسامه تجذب: بعتبرك قلت لي تفضلي ... (ضحكت وهو ضحك معها)
جاسم بإبتسامه: ما رديتي ... من الساعه 5 إلى خمس والنص ..
سماح تطالع الساعه: وش أسوي ...؟؟؟؟؟؟... أبوي الله يهديه قال إيش يبي أروح مع سامر ولد عمي حفله صغيره ...
جاسم فتح عينه على أوسعهم: كيف ... ؟؟؟؟
سماح بدلع ومياعه: لا تخاف ... قلت له أنا معزومه على حفله أحلى منها ... (ابتسمت..وناظرته بنظرات خبث..)
************************************
في شقة جاسم وملاك
هديل وهي تنقز على السرير: خلصي ملاكووووووووه .. زهقت من الإنتظار ... وبعدين فيصل منلطع برررره وينتظر ..
ملاك وهي تحكم حجابها: أوكي الحين جايه ... يالله نطلع
*************************
في السيارة
فيصل: في أي سوق تبون نروح .. ؟؟؟؟
هديل: بصراحه ... أنا عندي أي شيء عادي ... وإلا وش رايك يا ملاك ..؟؟؟؟؟
ملاك كانت سرحانه وانتبهت: هلااا
هديل ما حبت تحرجها لأنها حاسه أن بيها شيء وشكله السالفه كبيره: لا ولا شيء
ملاك بتساؤل: أنتوا بترجعوا بنفس يومنا ..
فيصل طالع هديل: على طلبات المدام ... أي ... أنا مخلص ... يعني عادي أرجع بأي وقت وخصوصا إني ضامن الشغل من الحين
هديل: إلا ملاكوووووه ... ناويه تشتري إيش لسالم وسجاد ؟؟؟؟
ملاك وتذكرت اخوانها اللي اشتاقت لهم حيل وما بقى غير أسبوعين ويرجعوا للبلاد: وحشوني حيــــــــــــل ...
هديل وحست بنفس الحنين: تصدقي حتى أنا .. وحشني سجود .. يا عمري عليه أكيد كبر ..
ملاك وهي تتذكر سجاد وكيف لما كلمته قبل يومين كان كلامه تحسن بعد ما دخل الروضه ..
وحست بطعنه وهي تسمعه يسألها متى بترجع وهي ترد عليه قريب ... بس مهما يكون لازم تتأكد من اللي سمعته ... ما في أحد بيحقد عليهم لهذي الدرجه وبيتصل على إنه فاعل خير ويتهم زوجي وأنا واثقه فيه ... لازم أتأكد بعيني ...
وصلوا ونزلوا دخلوا كم محل واشتروا هدايا لسالم وسجاد وريم وبعدها صعدوا للطابق العلوي
ملاك ازدادت ضربات قلبها وهي حاسه إن بيصير شيء: أنا بروح أجلس على الكراسي تعبت من اللف ...
هديل بتاييد: وأنا بعد ... (لفت لفيصل) حبي.. ممكن تروح تجيب لنا شيء نشربه ... ؟؟؟؟؟؟
فيصل ويحط الأغراض على واحد من الكراسي : أوكي دقايق (مشى)
جلست وتطالع يمين وشمال حست إن قلبها ارتاح لفت للجهه اليمين وظلت تطالع ... هذي الملامح أذكرها ... هذي صاحبة الجوال الضايع ... سبحان الله .. الصدف ... لحظه لحظه ...
الصدف تجمعني فيها ... مو تجمعني بزوجي وهو معاها ... ولاااااااااااااااا ... لازقه فيه وتدلع عليه ...
ما حسيت بحالي إلا أنا قايمه وعفاريت عقلي ترقص قدامي.. ما اهتميت لكلمات هديل ومناداتها علي بس كنت أمشي مو حاسه بنفسي أحس روحي تطلع تدريجي ... لازم اتأكـــــــــــد اكثر..
***************************************
بطاولة سماح وجاسم
سماح وهي تحط راسها على صدر جاسم: يووووووووووه جاسم والنهايه ...؟؟؟؟؟... (رفعت راسها) أنت قلت زواجنا هذا الأسبوع ..والا غيرت رايك؟؟؟
طاحت دموعها بس ما تكلمت أول تعرف رده...السالفه بعد فيها زواااااااااااااااااااج...ايا الخاااااااايـــــــــــــــن
جاسم وهو يشد على يد سماح: وأنا مثل ما قلت لك ... بعد يومين ..
سماح بمحبه كبيره له: تعرف أني حبيتك من أول ما شفتك ..
جاسم ابتسم: وأنا بعد
قطع عليهم الجو صرختها : حقيييييييييييييييييييييييييييير
جاسم لف وطالعها بصدمه ..وأما سماح طالعت فيها بنظرات دلع وغرور: خيــــر ... مغلطه بالعنوان .. ؟؟؟؟؟
ملاك كانت ترجف مو متحمله الموقف وكل نظراتها على جاسم: كذاااااااااااااااااااااااب ... وخـــــــــــايــــــــــــن ...
سماح وقفت وبدفاع: لو سمحتي ... مالك دخل بخطيبي ...
ملاك فتحت عينها على أوسعهم: إيش؟؟؟؟؟؟ ... خطيبك .. ؟؟؟؟؟؟؟
سماح: أي خطيبي .. وعلى فكره .. إنتي بأي حق تتدخلي بيننا ..
ملاك ما اهتمت لها بس اكتفت بتصويب نظرات ناريه لجاسم اللي يحاول يسكت سماح وهي أبد تكمل كلامها
جاسم مسك يد سماح: سماح ... رجاء ... إذا لي معززه بقلبك ... سكتي شوي ...
سماح هدت شوي وبدلع أكثر: حبي ... تعرف ما أحب أحد يضايقك ... كل شيء ولا حبيبي ..
ملاك بقهر وهي تطالعها من فوق لتحت وبقرف: حبك برص قولي آميـــــــــن...(طالعت جاسم بشموخ العالم) في شيء في شريعه الاسلاااااااام..إسمه ... طلااااااااااااااااااااااااق ...
(طاحوا دموعها ..وهي بسرعه بدت تركض تطلع..)
جاسم حاول يلحقها بس سماح مسكته: وين ... ؟؟؟؟
جاسم بعجله: سماح ... بعدين نتفاهم و ... (لف بيطلع إلا ينصدم أكثر) هديل ... ؟؟؟؟؟؟؟؟؟
هديل دموعها على خدها والأكياس اللي بيدها طاحوا وبعدها على طول سحبت الأكياس ومشت ..
وأما فيصل لما شافها ترك اللي بيده وبسرعه لحقها لأنها كانت بالفعل منصدمه ومنهاره نفسيا من اللي شافته ...
هديل طالعت فيصل ودموعها مغطيه عليها: فيصل .... ملا ... ملاك
فيصل فهم وبسرعه: وينها .. ؟؟؟؟؟
هديل بكلام مقطع مومفهوم: ما أعرف ... شافت و ... طلعت ما ...
(هديل مو عارفه تجمع الكلام بس كانت ترتجف أكثر من أول)
فيصل مسح على يدها بحنان: هديل أهدي ... (عطاها مفتاح السيارة) روحي السيارة وأنا بجيبها وبجي ...
هديل ومسكت يده: لا أنا بجي معاك ... (بدوا يدوروا عليها)
*****************************************
عند الباقي جاسم وسماح
سماح مسكت يد جاسم: شفت... ما صار شيء ... الحين يزعلوا وبكره يرضوا ...ايزززززززززززي
جاسم سحب يده منها: إنتي قلتي لأحد بهذا اللقاء ... ؟؟؟؟؟؟؟
سماح توترت: لاا ... ما أحد غير أمي و ... صديقتي أحلام ... بس ...
جاسم طالع فيها من فوق لتحت بقرف..وكانه توه فاااااق من اللي كان مقدم عليه.. ومشى عنها وبعدها بدأ يركض يبي يلحق على الباقي ...
حاضنه ملاك وتحاول تهديها وذيك مو قادره تتحرك كل ما حاولت ترفعها تطيح من جديد وهم ظلوا نص ساعه بس يدوروها على ما لقوها في الحمام تقدف.. ولما غسلت طلعوا هديل حاضنه ملاك وأما فيصل
فيصل بقلق: شخبارك ملاك .. ؟؟؟؟؟؟
ملاك والتعب ماخذ مجراه: أبي أرجع .... مو قادره ...
فيصل بسرعه: يالله بسرعه للسياره ...
صعدوا السيارة ومشوا وأما جاسم لف السوق كله ما لقاهم على طول طلع للشقه ...
ملاك بتعب: فيصل ... قواك الله ممكن توصلني بيتنا ... ؟؟؟؟؟
هديل وهي هدت شوي: ملاك .. تعالي معانا شوي كم يوم و ...
ملاك : بس باخذ شيء ...
هديل بتفهم لموقفها: طيب .... على راحتك ...
وصلوا شقتهم نزلت هديل مع ملاك اللي على طول دخلت غرفة النوم ... ومعها هديل وفتحت واحد من الأكباته وطلعت منه جواز سفرها وورقة الإذن لها بالسفر وطلعت .. أما هديل ما تكلمت بشيء نهائي ... اصلا كيييييييف بتواسيها واهي تحتااااااااج من يواسيهاا
وصل بعد مشيهم بـ 5 دقايق..
على طول دخل الغرفه ما لقى أحد ظل يدور ويحوس كل شيء مرتب ... لحظه ليه هذا الكبت مفتوح طل براسه وانصدم سحب جواز سفره .... لاااااااااا ... إلا ملاك.. (بسرعه دق بجواله على فيصل)
فيصل طالع الرقم وسكت وأما هديل لفت له وهي فهمت من نظراته ولا تكلمت
ملاك وفهمت صمتهم عشان مايصير بيها شيء: رد عليه وقول له أنا معاكم
فيصل رفع الجوال : هلا جاسم
جاسم بقلق: ملاك معكم؟؟؟؟؟
فيصل بتنهيده: أي
جاسم بتوتر اكثر: عطني إياها
فيصل مد الجوال: ملاك ... جاسم يبيك
ملاك ببرود: النفس عافته .. خل ينسى ملاك ... وأهل ملاك ... (كملت صياح..اللي كان ملازمها من عرفت باللي صار)
جاسم سمعها حس بروحه تطلع مستحيل ... وش اللي تقوله ...
جلس على الكنبه وبدأ يفكر باللي صار ... وبجد ندم ... دق جواله رقم سماح قام ورماه وكسراه كل شيء تفتت ما بقت إلا الشريحه أخذها وحطها بجيبه وقال بكره بيصلح كل شيء ...
أول ما دخلت ملاك شقة فيصل وهديل على طول هديل خذتها لغرفة النوم وملاك بس انبطحت على السرير وصاحت صياح يقطع القلب وهديل تحاول تهديها .. ماقدرت
هديل وهي تبكي على حال بنت عمها اليتيمه: خلاص ملاك ... وقسم بالله ما يستاهل اللي تسويه بنفسك ..
ملاك ومومتحمله الموقف اللي اكبر منها: أنا ما أصيح عليه هو ... أصيح على غــــــبـــــــائـــــــــي ...أنا .. كنت حاسه إنه مو طبيعي بس أنه يتزوج علي ... ما توقعتها نهائي ... نـــهائـــــــــــــــي
هديل بمواساه: بس هو ما تزوج ولا ...
ملاك وتحط يدها على إذنها: كفايه هديل ... كفايه .. لا تدافعي عنه عشانه أخوووووووك ... أنا من أولي أكرهه.. وبعدها بديت أتقبله كزوج وأما الحين ... أكــــــرهـــــــــه مضاعف أضعاف كرهي له من البدايه ... (مسحت دموعها وبتصميم وتحدي) هديل ... خلي فيصل يحجز لي على أول طائره للسعوديه ... ابرجع الحيييييييييييييييييييييييييين
هديل بصدمه: إيش .؟؟؟؟؟؟؟
ملاك بإصرار : مثل ما سمعتي ... أنا مالي جلسه هنا ولا ثانيه ... لا معاه ... ولا بالبلد الـــــزفـــــــت هذي ...
هديل تحاول تخليها تغير رايها: بس ...
ملاك بإنهيار مقاطعه: هديل بليييييييز.. قولي له ..لا والله ثم والله أنا اللي أروح أحجز لنفسي ...
هديل وخافت من ملاك وإصرارها : أوكي ... (قالت لفيصل وتفاهم مع هديل وطلع)
بعد نص ساعه دق فيصل وسأل هديل: قولي لها فيه بكره الساعه 7 الليل ..تبغي؟؟
هديل قالت لملاك وملاك: أوكي موافقه
فيصل: هديل.. جهزي أغراضنا حنا بعد ...
هديل: أوكي ... (سكرت) بجهز أغراضنا
جهزوا كل شيء سريع وفيصل دفع قيمة الشقه لصاحبها والساعه 5 طلعوا للمطار ..
أما جاسم جلس الساعه 4 العصر لأنه ما نام إلا متأخر من التفكير جلس وغسل وصلى اللي فات وعلى طول تسبح وطلع وكان ناوي يروح ويستسمح منها بس لما وصل ...
صاحب الشقه قال له إنهم سلموا الشقه وطلعوا بيسافروا وهو انصدم أكثر ولما دق على فيصل
فيصل ببرود: هلا ...
جاسم بلهفه: وين أنتوا ... ؟؟؟؟
فيصل بعجله: جاسم ... اسمح لي الطائره بتقلع ... عن إذنك بغلق الجهاز ...
جاسم بسرعه: لحظه وين بتسافروا ... ؟؟؟؟؟
فيصل: للبلد ... باي ... (سكر)
جاسم نشف دمه وبسرعه رجع مره ثانيه لشقته واتصل للمطار وقالوا مافي حجز إلا بعد 3 ..
أيام وكل أمره لربه وحجز وأما المشاريع الباقيه كنسلها يكفي عقد 5 صفقات في هذي السنه
وهو خلص دراسه في المعهد يعني ماله داعي يجلس على طول سحب شنطة السفر ولم ملابسه وملابس ملاك على السريع وخلص كل أموره ..
************************************
في السعوديه
الكل مجتمع بيت أبو جاسم وكان الجو وناسه ... ضحك وألغاز ... ويعني من هذا القبيل ...
الجده : سلوم ... قوم باعد أخوك عن المرجحانه لا يطيح ...
سالم بطواعيه: أوكي ( باعد سجاد عنها)
أبو جاسم: سالم ... سالم
سالم لف: خير عمي ؟؟
أبو جاسم بإبتسامه: تعال إجلس سولف معاي شوي
سالم تقرب وجلس جنب عمه وأما أبو جواد: متى بيرجعوا الشباب ؟؟؟؟
سالم: قالت ملاك بعد أسبوعين
الجده: الله يرجعهم بالسلامه
الكل: إن شاء الله
دخلت سوزان ووراها علي زوجها: سلاااااام
وبدأ الكل يسلم ويحبب
أم جاسم: ها سوزان ما في شيء بالطريق ؟؟؟؟؟؟..(فقدت الأمل بملاك)
سوزان صبغ وجهها أحمر: لااا ... تو الناس
أم محمد: أي والله ... تو الناس خلها ترتاح لها كم سنه بلا هالمغثه
ندى بإستفهام: الحين العيال مغثه ؟؟؟؟؟
أسيل: أي ... للمتزوجين حاليا
ندى ما عجبها الكلام: الله يذكر أيام أول ... آآآآآه بس
الجده: أي والله ..(الكل ضحك على نده والجده..لان ندى ماخذه بعض تصرفات جدتها العفويه..منها اللقافه)
*********************************
في المطار..وتحديدا المكان اللي وقفت فيها الطائره ..للاستراحه
ملاك وهي جالسه على الكرسي تحس نفسها تدوخ وقفت: بروح الحمام
فيصل طالع هديل: روحي معاها
ملاك: ما يحتاج ... أنا أدل ... (مسكت درابزين الكرسي)
هديل بقلق: ملاك ..تحسي بشيء؟؟
ملاك مسكت يد هديل: أبي أروح الحما ... (حطت يدها على فمها)
هديل حست إن ملاك مو طبيعيه : طيب طيب ... (وبسرعه راحوا الحمام)
بعد ما غسلت بعد مده هديل: من متى ؟؟؟
ملاك لفت لها: إيش ... ؟؟؟؟؟
هديل بجديه: ملاك .. إنتي فاهمه قصدي زين ... من متى إنتي حامل؟؟؟؟؟
ملاك سكتت وبعد مده: أنا مو حامل
هديل بشك: متأكده ... ؟؟؟؟؟؟
ملاك سكتت ومشت عنها وهديل لحقتها وقبل ما يوصلوا لفيصل
هديل: ملاك ... السفر في الشهور الأولى مو زين للحامل ... ليه ماحرصتي على صحتك..؟؟؟
ملاك انقهرت وتنرفزت: قلت لك أنا مو حامل ... اففففففففف ... (مشت عنها)
ركبوا الطائره ملاك جنب النافذه وجنبها هديل وبعدها فيصل... ملاك على طول نامت من التعب
فيصل بخفيف: شكلها تعبانه حيل ..
هديل بخفيف تطالع فيصل: لحظه بقول لك شيء ... (لفت لملاك..تبي تتأكد انها نايمه) ملاك ... ملاك
ملاك: ........................................
هديل وتأكدت إن ملاك نايمه لفت لفيصل: ملاك حامل
فيصل من الصدمه فتح عينه على أوسعهم: إيش ... ؟؟؟؟؟.....بهالسرعه؟؟؟
من الصدمه صوته كان عالي شوي وملاك انصرعت: وش صاير ؟؟؟؟؟؟؟؟
هديل بترقيع: ما شيء ... كملي نومتك ...
ملاك بتعب ودوخه: هديل جلسيني لما نوصل ... (كملت نومتها)
فيصل بخفيف: مو كأن السفر مو زين للحامل ؟؟؟؟؟
هديل بلا حول: تقول هي إنها مو حامل ... مع إني أبصم بالمئه إنها حامل
فيصل تنهد: الله يساعدك يا جاسم ..وين ماتطقها عويه
هديل بتسائل: تتوقع وش يسوي ؟؟؟؟؟؟
فيصل: ما أعرف ... ما أبي أعرف ... انصدمت باللي سواه ... ما توقعت يسوي كذا ...
**************************************
عند سماح
سماح جالسه على الكنبه وراسها على حضن امها وتصيح: خلاص يا يمه ... قال ما يبيني
أم سماح بتفهم لموقف جاسم: قلت لك يا يمه ... الريال متزوج ويحب زوجته
سماح: لا ما يحبها ... يحبني أنا ... وأنا أحبه ... ما في ... أنا أبيه
أم سماح: يا سماح يا يمه ... حطي نفسك بمكان زوجته .. وش تسوين .. ؟؟؟
سماح ظلت تفكر شوي وبعدها عرفت إن اللي سوته غلط ..
وأما أمها كملت: مهما يكون يا يمه ... ما نبني سعادتنا على تعاسة الآخرين ...
سماح بندم: بس أنا أحبه
أم سماح بحنان: وهي تحبه ... ما في زوجه ما تحب زوجها على الأقل إذا ما في حب في غيره .... وهذا دليل على الحب
سماح حضنت أمها: بيتركني وبيسافر ...
أم سماح: الله يوفقه ... ويرزقك بالزوج الصالح ...
دخل فجأه: أحد قال زوج صالح ... ما في أحسن مني ..
سماح طالعت فيه وغصبا عنها ابتسمت: فؤااااااااااااااااااااااااااد ...
فؤاد: عمره
سماح ابتسمت: وحشتــــــــني ... (وبدت معاه)
****************************************
|