وليد وهو يزفر:حدك سخيف انا طالع عن أذنكم طلع بسرعه و هو نازل مع الدرج كا ن يدق رقم فجر و بقهر ردي
خالد اللي يطالع بامه وهي تضحك:وش السالفه؟
مريم:تعرف منو فجر؟
خالد:لا والله منو فجر؟
مريم:هذي بنت وليد يحبها و يموت فيها بالصدفه شفتها و خمنت انها هي لانها هي تشتغل بدار بالدمام وهي الوحيده اللي اسمها فجر
خالد:وليه تخطبيها لي؟
مريم:ههههههههه انا ما خطبتها لك انا كلمتها وفعلا ارتبكت و انسحبت بس انا قصدي على وليد بس قلت كذا عشان أبيه يتحرك بدل هالبرود اللي عايشه و فعلا البنت حلوه و ممكن تروح من يده وهو لسى على كلام امه
خالد:وخالتي وش تبي؟
مريم:تبي وحده من أغنى العائلات و فجر حالها على قدها
خالد:أها اجل وليد حاب و منتهي زين قلتي لي القى شي أتونس فيه
مريم:ههههههه أترك عنك وليد و تعال بحضني مشاقه لك يمه
خالد وهو يحط راسه بحضنها:كبرت يمه؟
مريم:سهام ايه بس مافي عقل
خالد:هههههههههه ليه عاد؟زوجتي العقل كله
مريم:مابعد صارت زوجتك؟
خالد:و هذا ما بعد صارت زوجتي و سويتي فيها كذا لو صارت يمه وش تسويين؟
مريم:أقول أعقل أنا امك
خالد:هي تعرف أني أبيها
مريم:طبعا لا وش المناسبه؟و بعدين حط ببالك أحتمال ترفضك
خالد ببرود:عادي وش المشكله
مريم بشك:ما راح تزعل؟
خالد:يمه و انا كل ما اخطب وحده و ترفض أزعل وش بيصير فيني من الهموم عادي يمه انا بخطبها لان هذا اختيارك و لو رفضت دوري غيرها وش ورانا الا اقول وش رايك تخطب لي فجر من جد
مريم:هههههههههه خالد روح لا يسمعك و ليد و الله ينسيك من أكون
خالد:طيب بس أبدل و ارجعلك يالغلا عندي كثير سوالف
مريم :زين يمه
حاولت تتصل بوليد بس كل مره كان يعطيها مشغول ما قدرت الا تضحك عليه
وليد:عيد وينك؟
عيد:معاها يا طويل العمر
وليد:وينها؟
عيد:توها تطلع من شغلها
وليد وين ما تروح تقولي قفل بسرعه ورجع يدق لها فجر أستغفر الله العظيم وش يبي طنشت وركبت مع راجو اللي طلبته يمر السوبر ماركت قبل ما ينزلها البحر
وليد كان يحس انه بيحترق و مو عارف يوصل لها كلام عمته قهره ما يدري وشلون مسك نفسه قدامها و اللي قهره انها تتكلم وهي قاصده هالشي ضرب بيده ع الدركسون الا فجر ما تروح مني عمري ضاع بين شغل و تعب بس من شفتها نسيت كل شي حسيت انها شي حلو لي لو وافق خالد ممكن تروح مني له حس بغصه و انه يختنق يالله ردي يا فجر أرحميني وردي دخل لدمام و مشى لعند البحر و بداخله يدعي يشوفها اللحين قدامه نزل وجلس قدام البحر وسرح في فجر فتح جواله و ظل يطالع صورتها اللي اخدها وهي هنا و مو منتبهه لوجوده تذكر ليلة البارح وهي تبكي و تترجاه يبعد و بداخله اروح فدى لدموعك يا شيخه رجع يدق لها بس اعطته مشغول أبتسم و هو يتخيل شكلها متضايقه من اتصالاته
تعالي
</B>ارحمي بلادك لا تسوين حالة استنفار
...........غيابك حول افراح الوطن
للضيق </B>والشده
brb
|