**************************************
في غرفة لجين
دخلت ريم الحمام ولبست بجامه جايبتها ورديه برمود وبلوزتها خيط (بما انه عمها نايم وخطيبها عنده مناوبه) ....وفتحت الصدر كبيره وفيها أزره قدام طلعت من الحمام (الله يكرمكم)
لجين تصفر: أيوووووووووه ... يا حلاوووووه ... ايه ده ؟؟... ايه ده القمال كلوا ؟؟.... وينك يا مزوني تجي تشوف الخطيبه وعمايلها
ريم بإحراج: لجييييييييييييييييين
لجين قلبت وجهها: خساره عنده مناوبه ... لو انه بس يلغي المناوبه ويجي فجأه ويطلع غلط في حسب الأيام وتطلع مناوبته بكره
ريم بعد سمعت كذا حقرت لجين وهي منقهره وطلعت وصفقت الباب وراها وهذا اللي نبه لجين لخرابيطها وسرحانها لذلك طلعت وراها
لمياء متخصره: لااااااااااا ... كان لا جيتوا ... (على طول عطتها الدريم ويب) الحلى عليك ...
أم مازن وهي تعجن: أقول خلصوا كلكم وفكونا
ريم: عمتي بسوي الجلو ....
لمياء تخصرت: نعم نعم ... أسمع وش تقول ... أنا بسوي الجلو خلصي وسوي كيكه ...
أم مازن بإنزعاج: لمياء والنهايه .... (لفت لريم) سوي اللي يعجبك .....
بعدها الكل اندمج في الشغل سوت ريم الجلو والحلى وأم مازن الشوربه والكبسه ولمياء سوت
خفايف يعني سندويشات خفيفه وسلطه وأما لجين المعلق الرياضي لهم
أم مازن بتعب: ما خلصتوا ؟؟؟
ريم تغسل يدها وتنشفها وتروح لعمتها: شفيك عمه
أم مازن: لا ولا شيء ... بس بروح أرتاح ... إذا خلصتوا روحوا ناموا ....
لجين: يمه والفطاير؟؟؟
أم مازن وكأنها تذكرت: يوووووووه ... خلاص بكره بسويه
ريم تجاريها: طيب عمتي روحي ارتاحي
أم مازن: تصبحوا على خير (طلعت)
بعد كذا خلصت ريم ولمياء أشغالهم بعد ربع ساعه وصارت الساعه 1 الليل
لجين بملل: يالله نروح ننام ....(نعسانه)
لمياء تمسح الفرن: خلاص طلعوا والحين الحقكم
ريم بعد مده: الفطاير على ايش بتسويها أمكم ؟؟؟؟
لجين: على جبن كيري
ريم ابتسمت: خلنا نسويهم احنا ..شرايكم؟؟؟
لجين فتحت عينها على اوسعهم: ايش؟؟؟؟
لمياء فهمت ريم: ما عندي مانع ... كذا كذا بنسهر
لجين وتشجععععععت: يالله
بدوا يشتغلوا كلهم حتى لجين ساعدتهم ولما خلصوا بدوا الترتيب بس ريم ظلت مده تطالع الطحين خسارته ...على طول خذت شوي ورمته على لمياء وذيك شهقت وهي تطالع ملابسها: ريمووووه ... حرا ....
لجين فطست ضحك مع ريم بس ما حست بعمرها إلا يجي الطحين بوجهها وهي بدت تكح: حراااااااااااااااام عليكم
لمياء وريم ماتوا ضحك بعدها بدوا كلهم كل وحده ترمي على الثانيه وصار المكان خرااااااااااااااااابه
صدمه.. وتفاجئ ..وصرخه هزت المطبخ بكبره: والنهااااااااااااااااااايـــــــــه ؟؟؟؟
الكل من الصدمه جمد بس اللي قطع لما رمت ريم طحين على اللي جاي (محسبتها لمياء تتطنز)
مازن شهقت: شسويتي ؟؟؟؟؟؟
ريم بدت ترجف وجات لها الصيحه وبصوت فيه غبنه: فكرتها ... (منصدمه..متبهدله)
مازن بحده: وش تسووا ؟؟
ريم نزلت راسها ولجين مسكت يدها وببراءه: لو ان طالبه مليونييييييييييين ذيك الحزه كان استجاب الله دعائي ..(لفت لمازن).. هذا الله يسلمك نشتغل
مازن وهو يقرب منهم ثلاثتهم اللي جنب بعض: هذا .. ( أشر على العفسه اللي سووها) شغل؟؟
لمياء: الحين بنظف
مازن ظل بس يطالع فيهم لين وقف نظره على ريم اللي ترجف وصايره حالتها لله شعرها الأبيض من الطحين ووجهها وصدرها وحتى بجامتها كلها مبقعه بالطحين
لما حست أنه ما تكلم استغربت رفعت عينها لقته يطالع فيها هي فكرته بيصفعها على اللي سوته بيه لأن صايره ملابسه اللي حق المستشفى كلها طحين
مازن: حتى انتي معاهم ؟؟
ريم إلى هنا ما قدرت وغصبا عنها صاحت وبسرعه دزته وطلعت لغرفة لجين
مازن بحده: مثل ما خربتوا المكان رتبووووووووه
لجين بعيــــــاره: يوووووووه مازن طالع الساعه 3 نبي نروح ننام تعبانيييييييين
مازن بحزم: نظفوا مثل ما عفستوا
لجين تخصرت: إذا جات ريموووووووووووه تساعدنا بشتغل
مازن على طول سحبها من إذنها: من هي؟؟ ... جات من ؟؟
لجين تصلح: ريم مرت أخوي مزون
مازن يشد: وش اسم اخوك ؟؟
لجين: مازن حبيبي
مازن تركها وبأمر: خلصوا تنظيف وروحوا ناموا ... (طلع)
*******************************************
في غرفة لجين
ريم ظلت تصيح من قلب بس لما سمعت صوت اقدام على الدرج قالت أكيد هذا مازن وبسرعه دخلت الحمام ..وقفلت الباب وانفتح الباب ودخل مازن طالع الغرفه شاف شنطة ريم حق الرحلات وعرف إنها هنا بس في الحمام.. لما سمع صوت الماي سكر الباب وطلع وهي بعد ما حست أنه طلع طلعت سحبت شنطتها ورجعت الحمام عشان تسبح
*************************************
في الصباح
جلست أم مازن الساعه 10 ودخلت المطبخ لقت الفطاير جاهزه ابتسمت على بناتها وخذت الصينيه حطتها في الفرن وهي بدت تطلع صحون وتجهز لزوم الضيافه لين
: صباح الخير لأحلى أم بالعالم
أم مازن من الصدمه ظلت تطالع فيه: مــــــــــازن ... (توترت لأن ريم هنا)
مازن حس لأمه بس ما حب يبين: أي مازن ... ليكون مفكره أبوي بيجي المطبخ يساعدك ؟؟
أم مازن ضحكت وهي تكمل شغلها: مره ... إلا ابوك عاد ... (بتساؤل) مو كأن عليك مناوبه وإلا ... ؟؟
مازن حبس الضحكه ورد: إلا علي المناوبه بس في آخر دقيقه دكتور بادل معاي عشان يبي يسافر الخميس مع عايلته فأخذت منه المناوبه الخميس وهو أخذا الإثنين اللي هو اليوم ... (بتساؤل) فيها شيء ؟؟؟
أم مازن بتوتر: لا أبد ... تبي فطور ؟؟
مازن وهو بيطلع: لا أبد ... إلا يمه متى بيجوا الناس ؟؟
أم مازن: قالوا الساعه 1 هم هنا
مازن يطالع الساعه: والحين الساعه 11 وما جلسوا رقيـــــــــه وسبيــــــــكه ... لازم أجلسهم يساعدونك.... (طلع)
أم مازن بسرعه وراه: تعااااااااااااااااال مازن وين رايح؟؟؟؟...... (مسكته من يده)
مازنز ببراءه: أصحيهم
أم مازن بتوتر: خلاص خلهم أنا بصحيهم
مازن بسرعه: مستحييييييييييييييييييل ... أنا اتعب امي مستحيــــــــــــــل ... (طلع قبل ما تكمل)
أم مازن توها بتلحقه بس سمعت زوجها ينادي عليها
***************************************
في غرفة لمياء
دخل مازن مالقى أحد أكيد كلهم بغرفة لجنوه ... هييييييييييين
راح وفتح الباب ودخل.. (المفاتيح دائما مو موجوده في الغرف عشان ما أحد يقفل الباب ومره وحده عشان أم مازن لما تصحيهم من النوم )
لقى لمياء على الأرض نايمه ولجين جنبها وريم على السرير وكلهم بسابع نومه فكر كيف يخرب عليهم فكر بخطه خبيثه.. لريم بس بعدها شاف خواته هنا قال يا ولد استح ..وعلى طول طفى المكيف وفتح الستاره وفتح النافذه
مازن بحب حق يعفس النومه: الله ... الشمس حلوووووووووووووووووه ...
ما كمل إلا طااااااااااااااااااااااااااااااااااااااااخ
مازن لف ما لقى أحد في السرير ما سمع إلا لجين: ووجع ... ريمووووه قومـــــــــي
ريم بخفيف: ما أقدر ...
لمياء وهي فطسانه حر فتحت الغطى عن وجهها وقامت كشتها معاه: يووووووووووووه تباعدوا
مازن قرب لهم: قوموا ساعدوا أمي
ما قال كذا إلا أم مازن: مازن يمه تعال أبيك
مازن حس بـأمه وبعناد صار يسحب الغطى بس كانت ريم شاده عليه وهو: لجنووووووووووه ولعنـــــــه تركيـــــــــــــه
أم مازن تبي تنقذ الموقف: مازن .... أبوك يبيك
مازن ترك الغطى: الحين بروح له ... (توه بيمشي إلا سحب الغطى بقوه أكثر ومشى بيه) أتمنى طريقتي تكون حلوووووووووووه في التجليس .... (ضحك على ريم اللي على طول قامت للحمام)
أم مازن: أنت عارف ؟؟
مازن هز راسه وطلع ..وأمه وراه ولما راح لأبوه قال لها كيف رجع أمس وشافهم ... الخ
بعد 10 دقايق نزلت لمياء: صباح الخير
الكل: صباح النور
مازن حبس الضحكه : وين العفاريت البقيه ؟؟
لمياء فهمت أخوها وحبت تحرق اعصابه: ما بينزلوووووووووووووون
مازن فتح عينه: واااااااي ؟؟؟؟
لمياء: بعض الناس زعلانيــــــــن ... لااا وبعد بيتصلوا لأهلهم يجوا لهم
مازن ترك كوب الشاي: أفااا ... وش اللي زعلهم ؟؟
لمياء تصب لها شاي: أسأل نفسك
مازن ما تحمل وقام يشوف السالفه وأما في غرفة لجين الباب مفتوح و ...
ريم بقهر: انقلعي يا ... وش أقول عنك ..
لجين ببراءه: والله ما كنت عارفه إن ذيك الحزه مر ملك واستجاب دعوتي
ريم خذت المخده وعلى لجين : جب ولا كلمه ... أنا لازم أرجع بيتنا ولو تحلمين ما جيت بيتكم
لجين بنغزه: ترى عادي كلها زوجك .... حلال عليه
بعد ريم خذت المخده الثانيه وعلى لجين وذيك نفس الحاله لين بالغلط انرمت مخده وصقعت على صدره وهو مسكها قبل ما تطيح
ريم ظلت تطالع فيه ومن القهر جلست على السرير بعصبيه ...وأما لجين جلست جنبها وسوت نفس حركتها طالعت الأرض.. وأما مازن دخل وسكر الباب وراه ووقف قبالهم متسند على حافة التسريحه
مازن: بترجعي البيت ؟؟؟
لجين أول ما سمعت كذا على طول وقفت وبفرح: فرجــــــــــت ... الحمد لله (مشت بتطلع بس حست بيد تسحبها وتجلسها جنبها)
ريم بقهر: انتظري يا نطلع سوى يا نتهزأ سوى ...
مازن سمعها بس جطل: بترجعي ...؟؟؟
ريم ترد له زعله: أي
مازن: من بيجي لك ؟؟؟؟
ريم: علي
مازن: متى ؟؟؟
ريم: الحين
مازن: والضيوف ؟؟؟
ريم: خالتي والبنات معهم
مازن طالع لجين أشر لها تطلع وهي بسرعه طلعت وهو تقدم وجلس جنبها حسها ترجف مسك يدها: ترى ما آكل بشر
ريم بدت دموعها تطيح وهو قابلها: شفيك ؟؟
ريم: أبي أرجع بيتنا
مازن انقهر ووقف: الله معاك
ريم وقفت جنبه: بعدك زعلان ؟؟
مازن وتذكر وحب يعاندها: وش رايك ؟؟
ريم بحيره: أنا وش قلت يزعلك مني
مازن: انتي قلتي وسويتي ... (طلع)
ريم احتارت هي قالت ان علي بيجي لها ولو كانت هذي كذبه بس الحين كيف تلفقها
دق جوالها وبسرعه ردت: هلا ... ملاك ... ايش .؟؟؟؟ (بفرح) حلفي ... يالله تتربى بعزه ...
لا ان شاء الله المغرب أنا بالبيت ... لا ولايهمك سلمي عليهم ... باي (سكرت)..... جات البشاره في وقتها (نزلت)
*****************************************
|