يكفي التراحيب ترحيبك وترحيبي
لا من جلسنا نبي نوزع هدايانا
واذا انتهى موعدك ثم رحت ياطيبي
مبسوط ساعة بعدها الله لا يبلانا
امشي وانا يديني الثنتين في جيبي
واضيق واقول ليه الوقت ما امدانا؟
ياحبيبي الاشتياق ان صار تجريبي
ان ما كلاك وتفاديته كلاي انا!
ازعلك من زعل نفسي وتدريبي
بعض الحوارات ماتتفهم رضانا!
الحزن فالنفس مثل الحبس تاديبي
يا الله انا طالبك تغفر خطايانا!
وصحيبي اللي ماهو من مده صحيبي
هو غره الوقت .. او انه تناسانا!
القوت لو ما وضع دينار في جيبي
بيضحك الوقت كان ان الله احيانا!