منتديات قصايد ليل - عرض مشاركة واحدة

03-09-2019

*********************************************

الساعه 3 ونص

طلعوا رايحين الفندق اللي بيقضوا فيه بس ليله والباقي ضلوا في الصاله يلموا الاغراض وأغراض ملاك اللي في الأكياس (أغراضها القديمه) ..

أسيل: ندى تعالي خذي الكيس هذا ..

ندى تتثاوب: يووووه ... والله نعست ... أبي أنام ..

أسيل: يالله بسرعه وبلا تحلطم ... يكفي إن أبوي منلطع بره ينتظرنا ...

ندى وهي تسحب الكيس: بدينا بالمننننننننه ... اففففف ما يسوى علينا ... (خذت الكيس) ..

توها بتطلع إلا ذكرت علبة العدسات وبسرعه راحت تاخذها حطتها بشنطتها ولأنها مستعجله ومتغطيه : حيا الله شيماء ...

ما انتبهت إلا صقعت بجسم ضخم ارتدت ورى من قوته
ندى بألم: آآآي ..

محمد ويطالع فيها بإنبهار: نـــــــدىـ ..

ندى رفعت راسها وطالعت فيه: حمووووووووود .. (..قالتها لاشعوريا من التسطيل..شهقت وبسرعه تغطت ومشت)

محمد ابتسم: أنا حمود .... (لف لها) ترى اسمي محمد ..

ندى سمعته وحقرته وصعدت سيارة أبوها ومشوا ..

*****************************************

في سيارة ابوجاسم ..

ظلوا يتكلموا عن الزواج واللي صار فيه كيف كان منظم والبنات كيف كانوا ملفتات للنظر

وأهم شيء كم واحد تقدم لريم الليله وبلغ عددهم 4 وتكلموا عن تعب ملاك المفاجئ

وكيف صارت لما وصل جاسم وكيف ضلوا طول الوقت وكيف رقصت الجده وتعكرفت ومسكت جاسم قبل لا تطيح وصورة المصورة الصورة

وكيف ملاك ماتت ضحك وكيف ملاك تطالع أم جاسم وهي تحضن ولدها وكيف الجده تحب ملاك وو كل شيء تقريبا تكلموا عنه ... (نسوان) ...

أبو جاسم: يعني كل شيء أوكي ..

أم جاسم: كل شيء تمام ..

الجده: ياليت ينعاد العرس الحين ...

أبو جاسم ومرته ضحكوا: توه مخلص ...

الجده: بس بجد حليو ... رقصنا خصر ... (حطت يدها على فمها ... أفشت السر) ..

أبو جاسم بشك: يمه ... رقصتي .. ؟؟؟

الجده: ............... ...........

أبو جاسم بدأ المحاضره: أنا كم مره قلت لك ممنوعه انت من الحركه و .. (بدأ) ..

وضلوا طول الطريق وأبو جاسم يتكلم وأمه نعست ونامت في سابع نومه ..

*****************************************

عند المعاريس

وصلت سيارة جاسم الجديده اللي شاريها مخصوص بمناسبة زواجه نزل ومعاه ملاك

وأما علي نزل قبلهم وأخذ مفتاح جناحهم وعطاه جاسم وبارك لهم ومشى

وأما ملاك ظلت تمشي ورى جاسم بهدوء والرجال اللي حامل شنطه صغيره لجاسم وراهم ...

فتح الباب ودخلت ملاك وهو أخذ الشنطه من الرجال وعطاه كم ريال ولف وهو يسكر الباب ويقفله ..

جاسم ويجلس على الكنبه المنفرده : آآآآآه... (طالع ملاك اللي منزله راسها وبس حاطه الغطايه على كتفها وإلا عباتها نفس الشيء عليها) بتنامي ..؟؟؟

ملاك زادت دقات قلبها وزاد نفسها وأما هو حس لها ووقف: على العموم .. بدخل أسبح وأصلي وبنام .. أحس حالي منهك ... (انتظر رد ... وبجديه) : المهم جهزي حالك .... (ودخل)

ملاك بدت تصيح وترجف وهي تتخيل اللي ممكن يصير ظلت على نفس الحاله لمدة ساعه ونص بعدها دخلت الغرفه بس تفاجأت لما لقت جاسم رامي ملابسه على الأرض ونايم على السرير بعرضه ...

ملاك ارتاحت شوي وابتسمت وهي تتأمل شكله: نشف ريقي عشان ينام .. مثل اليهاااااااااال ...

لمت العفسه ودخلت سبحت بعدها طلعت بجامه عاريه مرررره بس أكيد فوقها الروب اللي حقها اللي مغطي كل شيء طلعت من الحمام صلت وراحت على الكنبه ونامت

************************************************** *

اليوم الثاني في قصر أبو جاسم

جلست أم جاسم الساعه 10 الصباح وبدت ترتيب حق المعازيم اللي بيجون وأشرفت على كل شيء بروحها وبعدين أنظم لها زوجها وبعده جلسوا الجميع وبدوا الحوسه ..

سجاد يدخل غرفة ريم: ملاك ... ملاااااك ... (امتلت عينه دموع)

ريم ترفع غطاها وتشوف سجاد وهو يتأمل سرير ملاك الفارغ: سجووووود ...

(قامت له حملته وهو بدأ يصيح)

دخلت هديل على صوت صياحه : شفيه ..؟؟

ريم: يبي ملاك ..

سجاد من بين صياحه: ملاك راحت ... تركتنا ... أبغاها ...

دخل سالم لا احم ولا دستور وسحب سجاد من يد ريم وطلع معاه

(من اللي صار أمس وهو قالب وجهه)

ريم: وش فيه سالم ...؟؟

هديل: علمي علمك ... (تنهدت) قطع قلبي سجاد ...

ريم: سجاد أكثر واحد متعلق بملاك ... لأن كل شيء تسوي له إياه تسبحه وتلبسه وتمشط شعره ... كل شيء ..

هديل: الله يكون بالعون .. والله العظيم فيتها بينا ...

ريم: يالله الحين هي مع ريلها ... ما تبي تشوف رقعة وجهنا ..

هديل بسخريه: هذا إذا كانت علاقتهم أوكي ... (جلست على سرير ملاك) بصراحه علاقتهم كلها متوتره .. وعلى طول صار الزواج والحاله ... يا خوفي ما ينسجمون ...

ريم بمواساه: لا بينسجموا ... على الأقل جاسم بيراعي مشاعرها ...

هديل: تتوقعي ..؟؟

ريم بتأكيد: أكيييييييييد ... أصلا ليلة الزواج رحت له غرفته وتكلمت معاه بس فهمت منه إنه ما بيحرجها

هديل بإرتياح: إنشاء الله ..

دخلت سوزان: الله وناسه الغرفه فضت حقي ..

من وراها: هي من زمان حقك ولو تبيها من الحين ..

سوزان تبخرت من الحياء وأما علي ضحك عليها وهديل وريم يطالعوا فيهم ..

علي: شفيكم يا حافظ ... (يتأمل المكان) تعرفي من زمان ما شفت غرفتك تجننننن ...

ريم: أكيييد ... أصلا من صارت ملاك هنا وأنت ما تدخل ... على العموم يالله قد آوت ببدل ...

علي تخصر: نعم نعم .... أقول لا الحين ألمك من كشتك و ...

هديل وتذكرت: علي وش فيه سالم .. ؟؟

علي وتذكر الأمس ومحاولات إقناعه وهو كان بس يصيح: ولا شيء ... (طلع)

سوزان بإستغراب: وش السالفه ..؟؟

بجهه ثانيه ..

سالم سجاد جنبه على كرسي الحديقه وظل مع سجاد يتكلم عن الروضه وبعدها قطع عليهم

: شفيه الحلو زعلان ..و

سالم ولما شاف محمد قلب وجهه وذاك جلس جنبه: يوووووه ... الولد قالب وجهه ..

سالم وماله خلق: محمد رجاء مالي خلقك ..

محمد: أفا وأنا ولد عمك ...زعلان علي؟؟؟ .. ما عاش من يزعلك على حمودي .... آمر وتدلل ..

سالم قلب وجهه وكمل كلامه مع سجاد: طيب بكره تجي لك ..

سجاد ببراءه: لاااا ... أثلا هي لاحت مع ماما وبابا ..

سالم بسرعه: لا ... ملاك ما راحت معاهم ملاك هناك عند جاسم ... زوجها ..

سجاد ويطالع سالم : ليه لاحوا بلحالهم وما حدوني ... ما يبوني العب بالألعاب ... أعلفهم أنا ما أحبهم ...

سالم: لا أصلا هم راحوا يناموا وبعدين يجون ... (محمد انحرج) وبعدين مستحيل ملاك تروح ألعاب ما تاخذنا ...

محمد بحماس: تبوا تروحوا الألعاب ...

سجاد بسرعه: أي ...

محمد طالع سالم: جهزوا العصر بوديكم ...

سالم يقطع: ما بنقدر .... ملاك بتجي وبنسلم عليها ...

سجاد وبفرح: ملاك بتجي .. ؟؟

سالم ابتسم: أي .. بتجي ..

سجاد فرح: يا سلام بلعب معاها .... باطقها وبهرب و .... بلعب عليها ...

محمد ابتسم وحز في خاطره اولاد عمه الأيتام بس قرر إنه يوقف معاهم ويصير الأخ الكبير لهم

*****************************

الجده: دقي عليهم خلهم يجوا يتغدوا ..

أم جاسم وهي ترتب الكاسات: يوه يا عمتي تلاقيهم نايمين ...

أم محمد بخفيف: إلا أكيد نايمين ..

الجده : حتى ولو ... يكفي بتسافر معاه ... خلنا نعفس عليهم اليوم بس ...

أم محمد: يوه يا عمتي اليوم هو اليوم الخاص ... ؟؟؟؟

أم جاسم بإحراج: أقول ... سكتوا دخلوا البنات ...

ريم بلقافه: وش فيهم الحبايب يتساسرون ...؟؟؟؟؟؟

الجده: بلا لقافه ... سوالف نسوان ...

ريم بتحلطم: يا كثر سوالف النسوان اللي ما تنتهي ...

أم جاسم: هذا أنت قلتيها ما تنتهي ...

الجده: المهم دقوا عليهم وخلهم يجوا يتغدوا ..

أم جاسم: إنشاء الله عمتي ... (طلعت تدق عليهم)

ريم بحماس: بروح أبشر البنات ... يااااااي ملاكوه بتجي ... (طلعت للبنات)

**************************************************

في الفندق

في غرفه كلها ألوان عنابيه على بنيه على سكريه وطابع الرومانسيه يغلف المكان بالكامل
كان جاسم على سريره لابس بنطلون بجامه وما عليه بلوزه ورجل طايحه من السرير والثانيه عليه ومنبطح على بطنه ..انصرع من صوت الجوال وبسرعه اعتدل: بسم الله ...
(رفعاه بصوت نعسان) الووو ..

أم جاسم: كللللللللللللللللوش ... صباحيه مباركه يا عرييييييس ..

جاسم استغرب: عريس ... (تذكر) أوووووه ... وش يردوا ؟؟؟
.
أم جاسم: ما أعرف ... (ضحكت معاه) المهم متى بتجون .. لا تقول توكم جالسين من النوم ..

جاسم ويطالع ملاك النايمه على الكنبه وملتفه على حالها: تقريبا ..

أم جاسم: وش تقصد .. ؟؟

جاسم وعارف أن أمه ممكن تمسك عليه: لا بس كنا تونا بنطلع نتغدى ...

أم جاسم: مع أن صوتك يدل العكس بس بمشيها ... المهم تعالوا هنا ننتظركم ... يالله باي ... (سكرت)

جاسم حط الجوال وتمغط طالع الساعه : بل ... توها الساعه 12 ونصف ... الله يسامحك يا يمه ... (قم يغسل ويصلي)

جلس على السرير بعد ما جهز محتار كيف يجلسها شوي انبطح وسرح بس ما حس إلا:
طباااااااااااااااااااااااااااااااااااااااااااخ

بسرعه أعتدل ولا شاف إلا ملاك طايحه على وجهها في الأرض وهي نايمه ومن الألم قامت تبرك على خشمها وهي تعتدل وأما هو حط يده على فمه يحبس ضحكته وبعدها لما لفت تشوفه : سلاااامات .. (حاول قدر الامكان ماتبن ضحكته)

ملاك وانحرجت منه اعتدلت وشدت على حزام الرواب المذهب حقرته وراحت الحمام تغسل وتصلي ...

أول ما طلعت وشكلها خذت لها دش سريع لأنها لبست برمود أسود وسيع بس الحزام شاد عند خصرها وطبعا بالإضافه إلى البلوزه الحمراء اللي من قدام عاديه بس من ورى كل الظهر طالع بس لما خلت شعرها مفلول ما صار يبين فرشت المصلى ولبست الحرام وبدت الصلاه وهو طلع شوي وبعد ما رجع لقاها تحط أغراضها بالشنطه الصغيره اللي تظم أغراضها مع أغراضه

جاسم وحاط يده داخل مخابي بنطلونه: لبسي عباتك بنروح نتغدى بيت أهلي ..

ملاك جمدت وبعد ما استوعبت لفت بسرعه وبعدم تصديق: أحلــــــــف ..

جاسم استغرب: والله ...

ملاك نقزت وبدون شعور حضنت جاسم وحبته في خده وبسرعه سحبت عباتها : بسرعه جسوم إلبس لازم نروح لهم الحين

جاسم وتأثير المخدر للحين فيه: هاا ..

ملاك وبدون شعور: وهواه .. (انتبهت وحطت يدها على فمها) آسفه ..

جاسم قلب وجهه عنها عشان يبتسم وحاول بقدر المستطاع : دقيقتين وأمشي ...

ملاك وهي تلف الغطاء: أوكي ... (توه بيمشي) جاسم ... والشنطه ...

جاسم وتذكر: أي صح ... (راح سحبها وفي قلبه) هذي بس في الخد ... الله يستر من اللي جاي

ملاك تأكدت إن ما تركوا شيء وطلعت نزلت لقت جاسم في سيارته الجديده السوداء صعدت وفكت نقابها بكون السياره مضلله بالكامل ... إلا الكزاز اللي قدام ...
ملاك وتطلع من مخباها علك : تبي ؟؟

جاسم يطالع وبعد مده: خلني أجرب ...

ملاك عطته واحد وهو بسرعه آكله وهي بدت تاكل واحد وبعد مده

جاسم: الساعه 3 ونص بنمشي ... عشان الطائره الساعه 4 ونص ...

ملاك وهي مندمجه مع العلكه وتسوي نفاخات: أوكي .. إلا الساعه كم الحين ... ؟؟؟

جاسم يطالع الساعه حق السيارة: 1 ونص ...

ملاك: ............ (بعد مده) وين البعثه فيه ...؟؟

جاسم: أمريكا ...

ملاك بعد مده لفت له بفرح: يعني مع هديل وريلها ... يااااااي وناسه ... (اعتدلت)

جاسم لحظه يحاول يستوعب ... صحيح ... نسيت إن فيصل في أمريكا ... الحمد لله يعني بتظل معاها هديل ...اهي لاحظت وانا رااااااااااح عن بالي نهاااااااااااااائي..

ملاك بعد مده: وأخواني ..؟؟

جاسم احتار بس: في الإجازات بيجوا لك ... وش رايك ..؟؟

ملاك فرحت: صج ... ريحتني الله يريح بالك دنيا وآخره ...

البعض يستغرب كيف جاسم طلع بسيارته وليلة زواجه جابه أخوه علي ؟؟؟ أنا بجاوب علي وصلهم ودق على محمد يجي له وبالفعل جاء له ومشى معاه أما عن المفتاح السياره كانت عند الأمانات حق الفندق ..

وصلوا وبسرعه نزلت ملاك ودخلت على طول لغرفة ريم: سلااااااااااااااااام ..

كلهم من الصرعه : بسم الله ... (استوعبوا) ملاكوووووووه ... يا دبـــــــه ..

ملاك وهي تضحك عليهم: حرام عليكم ... ما أكلت شيء وتقولوا دبه ..

ريم تحضنها: وحشتينا ... حييييييييل ..

ملاك تتباعد عنها: صحيح ... خلاص كل مره بروح وبترككم ..

هديل وارتاحت من طريقة ملاك : يعني جاسم نساك خوانك أفا ...

أسيل: مدام عندها الريل وش تبي بنا ..

ملاك انحرجت: حرام عليكم ... ريلي ماله دخل بس ... (سوت نفيخه بالعلكه وفقعتها) بس أحب أتنرقش معاكم ...

سوزان بحماس: بنشوف وش لابسه

ملاك على طول لفت بتطلع بس هم لها بالمرصاد وفتحوا العباه وشافوا البرمود والبلوزه العاديه
ندى: هذا اللي ما تبي تورينا إياه ..

ملاك بقلبها : الحمد لله الفتحه كلها من ورى ... وإلا الحين ... مسكوني تعليق

هديل سحبت يد ملاك: تعالي غرفة ريلك لبسي لك فستان عشان تنزلي تحت للنسوان (طلعوا)

ريم لفت للبنات: ما جهزنا.... دخلتها ..

سوزان: شغلوا جلوات عاديه ..

أسيل: أصلا بتتعبوا نفسكم لا تنسوا إنها بتمشي للمطار وعلى طول ... فما يحتاج ...

ندى: بالفعل وبعدين إحنا وش دورنا ..

ريم فهمتها: فيكم طرب

كلهم: إيوووووووووووووووووووووه

*****************************************

في جناح جاسم

الغرفة مرتبه كل شيء بمكانه وأما غرفة النوم العكس تماما ...

ملاك ترمي الفستان البيج: لا هذا ... ولا هذا ... ولا ... أفففف

هديل تمسك الفستان الأحمر: لبسي هذا .. بتصيري تحفه ...

ملاك: نعم نعم ... أنا ألبس هذا ... (سحبته) طالعيه خيوط كل الصدر بره مطلع اكثر ما هو مخبي ...

هديل: أوووووووه ... عادي ترى كلهم نسوان ..

ملاك: حتى ولو ... ليه قالوا لك قليلة حيا ... فتحه لين فوق الفخذ وأما فتحة الصدر لنص البطن ...

هديل سحبت الفستان: خسارته إنه لك ...

ملاك بلا مبالاه: تبيه أخذيه ..

هديل: من صجك .. ؟؟

ملاك لفت: أي ... إعتبريها هدية زواجك ... (طلعت علبة العلكه من الشنطه)

هديل من الصدمه شهقت: من وين لك هذا ..؟؟

ملاك ابتسمت: مره شفت عمتي هدى تعلك قلت لها أبي عطتني وعجبني قلت لها أبي مثله ... شرت لي علبة

هديل تسحب لها واحد: وش ورانا ... نعلك ... طيب لبسي الأزرق ...

ملاك بعدم إقتناع: كله شفاف ... كأنه ثوب نوم مو ثوب سهرة ... أبي أفهم عمتي وعمتي الثانيه لهذي الدرجه فاصخين الحيا ...؟؟

جاسم من وراها وهو يطالع الفستان الأحمر: رهييييييييييب ... يجننننننننننننننننننن ...

هديل طالعت جاسم: هلا والله بالعريس ... (قامت وسلمت عليه) لهذي الدرجه اشتقت للمره ...

جاسم بمزاح: اشتقت للهواش معاها ...

ملاك شهقت وطالعت فيه: أنا اشتقت للهواش معاي ...

جاسم وحب يلعب بأعصابها : أي ...

ملاك قلبت وجهها عنه وأما هديل طلعت وتركتهم وأما جاسم قرب لها وجلس لزق فيها وسحب الثوب الأحمر وضحك: إغرااااااااااااااااااااء ...

ملاك قلب وجهها ألوان وسحبته: لا تلمسه ...

جاسم قرب من إذنها: ليه ... ما تبي تلبسيه ... ترى أنا زوجك ...

ملاك وتوترت: أصلا هذا حق صاحبتي ... حطته عندي وبتاخذه بكره ...

جاسم: بس بكره بنكون بأمريكا ...

ملاك وتذكرت: أي ... بعطيه ريم تعطيها إياه ...

جاسم بتفهم لنيتها: أها ... المهم لمي أغراضك أبوي وعمي بيسلموا عليك قبل ما نمشي ...

ملاك لمت أغراضها وأما الفستان الأحمر قطته بالكبت: أوكي .. (قامت لأعمامها)

جاسم فتح الكبت وشاف الفستان : والله ما أضيعه ... (ودخلاه الشنطه)

****************************************

بعد الغداء

جلست ملاك مع النسوان شوي وبعدها صعدت للبنات وجلست معاهم وبعدها راحت غرفة سالم أخوها وبعده بدقايق جاء لها ومعاه سجاد وظلت تتكلم معاهم ..

سجاد وهو يلعب بسلسله ملاك الملتفه حول رقبتها: يعني ما بشوفك ... (دمعت عينه)

ملاك تحاول قدر الإمكان تتماسك: إلا ... قال جاسم بتجون عندي في الإجازات ...

سالم بحزن: ملاك ... بنشتاق لك ..

ملاك ابتسمت له: وأنا ما بشتاق لكم ...

سالم طالعاها مستغرب وهي كملت: أنتم (أشرت على قلبها) بقلبي ... وكل ما فقدتكم بتصل لكم ... بتجون لي ...

سالم ابتسم بين دموعه اللي طاحت وبسرعه راح وحضن ملاك: بتوحشينا ...

ملاك مسكت نفسها أكثر وهي تحب أخوها سالم فوق راسه: إنت الحين الرجال يا سالم ... ما أوصيك على أخوك ...

سالم ابتسم: أخيرا اعترفتي إني رجال ...

ملاك بحنان: إنت من وأنت صغير بنظري رجال .. ولد رجال ... لك مقامك بقلبي يكفي إنك سندي يا أخوي ...

ظلت ملاك تتكلم مع سالم وسجاد ووعدتهم بالهدايا وكانوا كل يتكلمون وسوالف ويتذكروا المواقف حتى إن جاسم إنظم لهم وهو جالس جنب ملاك (ملازق لها)

جاسم يدلدغ سجاد: قول ما عيدها ...

سجاد وهو يدمع من الضحك : مانا ... يووووووووه ملاك شوفي جاسم ...

ملاك ابتسمت ودمعت عينها وبسرعه مسحتها وهي تشوف سالم يهجم على جاسم عشان ينقذ سجاد وذاك مسوي نفسه يفاطس : حرام عليكم ... إثنين ضد واحد ... ملاك أنقذيني ...

ملاك ابتسمت على شكله المبهدل: تستاهل ...

جاسم طالع فيها: لكن ... هين ... (هجم عليها)

بدأ سالم وسجاد يسحبوه من ورى وهو يحب ملاك في خدها لين سحباه سالم بقوه: أعقل عن إختي

ملاك وجهها قلب أحمر وعطت جاسم نظره تأنيب على اللي صار وهو : زوجتي وحر فيها ...

سالم: حتى ولو ... ما تقوم تذبحها (ما شافوا حركة جاسم وحتى سجاد ونفس الشيء لانهم كانوا ورى ظهره)

جاسم عدل شعره وهو يطالع الساعه: يالله ...

ملاك نزلت راسها وانقلبت ملامحها وعشان ما تبين لأخوانها بسرعه طلعت لجناح جاسم ودخلت لبست عباتها إلا جاسم حاط يده على كتفها: ما تطمنتي عليهم ...

ملاك بتوتر ودموعها بدت بالإنسياب: لا ... مو كذا ... ما تعودت ابتعد عنهم ...

جاسم: الأيام بتمر سريع ... ما بنحس فيها ..
.
ملاك: بس ما بيروحوا عن بالي ... خايفه عليهم

جاسم ابتسم وهو يلفها قدام وجهه: لا ... ليه الصياح ..؟؟

زادت ملاك وهو حضنها وبدأ يهديها وهي نوعا ما استجابت وبعد مده دزته وبخفيف: كله منك

جاسم انصدم: أنا ..

ملاك: أي ... إحنا اتفقنا على بعد ما أخلص دراستي .. إنت حطمتني ...

جاسم: بس

ملاك تمسح دموعها: إنت تبي تفرقنا ... أعرفك .. إنت واحد تبي كل شيء على هواك ... أناني ما تحب إلا نفسك واحد .. حتى كلمة رجال قليله عليه ...

طااااااااااااااااااااااااااااااااااااااااااااااااا ااااااااااااخ

حطت يدها على خدها من
الألم و هو بحده كمل: أستحملتك كثيييييييييير ... وهذا كله وإحنا ما أخذنا إلا أقل من 24 ساعه مع بعض ... الله يعيني على العـــــــــمـــــــــــــر كله ... (وطلع)

ملاك ظلت تصيح ولما دخلت عليها ريم بسرعه تغطت عشان ما تبين الكف.. ونزلت معاها

أم جاسم وهي حاضنه ضناها: إنتبه لنفسك يـــمــــه ... ولمرتك تراها يتيييييمه مالها أحد غير الله ثم انت

جاسم ويحب أمه فوق راسها: إنشاء الله يمه ... أمرك ...

الجده وهي حاضنه ملاك: إنتبهي لنفسك ولزوجك ولعيالك و ...

ريم بتحلطم: اللي يقول هي حامل ... ؟؟؟؟؟؟؟

الجده بعفويه: أي وش دراك ... يمكن ... ؟؟؟؟

ملاك ساكته ومنحرجه وأما ندى بااستغرااااااب: أي بين يوم وليله ...

الجده وخارتها: في ناس تحمل من نفس اللحظه ونا ...

هدى سحبت يد أمها اللي عرفت إنها بتخورها أكثر: يمه شربتي دواك وإلا ...؟؟؟؟؟؟

أسيل تساسر سوزان: جدتي ما تمسك لسانها ...

سوزان بخفيف: أحرجت ملاك ...

ريم لفت لندى وابتسمت: سمعتي ؟؟؟؟... ملاك حــــــــــامــــــــل ...

كل الأنظار عليها وملاك اكتفت بطقت ريم فوق راسها :.. هـــــــــبـــــــــلــــه

ريم وتحك شعرها مكان الضربه: ما عليه ما برد لك الضربه .. لأنك مرت أخوي أولا ...وثاني شيء إلا وهو الأهم ... إنك حــــــــــــااااااااامل .. (مسكت يد ملاك) شوي.. شوي إمشي بخفيف وبلاش كعب عالي و ...

ملاك انقهرت من غبائها وإحراجها اللي زاد ..دزت ريم: غــــــبـــــــاااااااااء ... (حضنت سالم وبخيف) ..الله معاكم

سالم وحاول بكل قوته ما يصيح: هالله.. هالله ببيتك وزوجك ...

ريم مقاطعه بلقافه: وعيالك مستقبلا ..

سجاد وصل وبسرعه حضن ملاك ومن قوة الحضنه ارتدت ..

وأما ريم شهقت بصدمه: سجووووووووود.. ووجــــــع

سجاد انصرع: وشوووووووووو .... ؟؟؟؟؟؟؟؟

ريم بتأنيب:شفت عورت الدادااااااااااا ...

سجاد بإستفهام: أي دادااااااااااا ... ؟؟؟؟؟؟؟

ريم تأشر على بطن ملاك: هنا داداااااااااااااااا ...

سجاد يطالع بطن أخته: دادااااااااااااا ... (وبإستغراب) وين هو ؟؟؟؟؟؟؟... بشوفه ..

هديل وحست إن ريم بيختها: ريييييييييم والنـــــهايــــــــه ؟؟؟؟؟؟... قالت لك مو حامل .... بلا غبااااااااء ..

ريم بنظرات نص عين: يمكن حملها أخوك المصوووون ... يسويها ولد أمه وأبوه

جاسم انحرج ولف لها وسحبها من إذنها: مو كأن عطيتك وجه زيـــــــــــــاده ...

ريم بألم: آآآآآآآي ... حرام عليك إذني ... بعدين ولدك يصير عنده عمه صمخى ترضاها لولدك؟؟؟..ترضاها لنفسك؟؟؟؟؟؟ ..بعدين يخجل يعترف بيها ...

الكل مات ضحك حتى جاسم غصبا عنه ابتسم وهو يتركها وهي: أي عشان ولده تركني .. مولله فلله

أم جاسم حضنت ملاك: انتبهي لعمرك وهالله هالله بجاسم ... رضاه عليك واجبه لازم تراضيه بكل شيء (بخفيف) فاهمه قصدي ... ؟؟؟؟

ملاك ما ردت واكتفت إنها هزت راسها .... بعد السلام طلعوا جاسم وملاك للسياره وكان اللي يسوق علي وجنبه محمد واتجهوا للمطار ...

******************************

الحين احنا بين السماء والأرض .. أحس روحي بتطلع من مكانها المكان مخييييييييييف بشكل غير طبيعي .... صحيح كله غيوم وسماء زرقاء بس اذا احنا بالجو أنا خايفه مووووووووووت

قطع علي صوت المضيفه: لو سمحتي ... تبي شرااااااااااااب؟؟؟؟؟؟؟؟؟

ملاك تشوف اللي بالعربه احتارت وطالعت جاسم شافته ماخذ مثل الخمر ...وشهقت ..وسحبت الكاس منه

ملاك وتحط الكاس في العربه وسحبت بداله كأسين برتقال : مشكوره

المضيفه استغربت اللي صار بس مشت بدلع ودلال وهي تتلوى مثل الماي المايع ...

لفت له شافته ومن نظراته المصوبه لها عرفت إنه معصب حده منها ...

ملاك تحاول ترقعها: بدل ما تشرب السمووووووووم إشرب أشياء مفيــــــده ...

جاسم ماسك أعصابه: بس هذا عصير عادي ..

ملاك طالعت فيه بعين وعين: عصير عادي وإلا ...؟؟؟؟؟؟؟؟

جاسم أخذ نفس وجاوب وهو يشد على أسنانه: عصير.... تــــــــــفـــــــاح ..

ملاك ظلت مده ولما استوعبت بدت ترقع: مو مشكله .... عصير البرتقال أحلــــــــــــى ...

جاسم سحب العصير منها وبدأ يشرب وهي تشرب ومتملله لإن جاسم طول ماهو جالس كله فاتح الجريده يقرأ ..ولما خلصها لبس السماعات وبدأ يسمع مسيقى هادئه وهو مغمض عينه ...

ملاك زهقت وطنشت ..وتلفزيونهم في أشياء مو أوكي فضلت طول الوقت حاطه يدها على خدها لين تكلم واحد بالمقرفون بالإنجليزي شيء فهمته.. وكل حديثه ما فهمته
بس فهمته متأخر لما اهتزت الطائرة وهي جمدت وعلى طول لفت لجاسم ومسكته من بلوزته
وهي تصيح خايفه
وأما جاسم اللي انصرع من حركتها وخصوصا إنه كان توه غافيه عينه بسرعه سحب السماعه من إذنه وطالعها وهي ترجف بين يدينه: شفيك؟؟؟؟ ... ملااااااااااك ..

ملاك وهي حاطه راسها على صدره: خايــــــــفـــــــته ... جاااااااااسم ... بمووووووووووت خووووووف ..

(اهتزت الطائره وجاسم فهم السبب)

جاسم ابتسم يهديها: ملاااك ... هذي كلها مطبات هوائيه خفيفه ... والحين تروح ..

بدأ الرجال بالمقرفون يخبرهم إن انتهت المطبه الهوائيه وجاسم: سمعتي وش قال ؟؟؟... انتهت المطبه ... يعني خلاص وقفت ...

ملاك طالعت فيه وعينها تدمع: جاسم ... أخاف أمووووووت بالطائره ... وإنت ما تحس فيني ... أخاف أموووووووت وأنا بعيده عن أهلي وأخواني ... عـــــــنـــــــــك .. (قالتها لا شعوري)

جاسم جمد وبعد مده: الله يعطيك طولة العمر ... وبعدين اذا أنا معاك لا تخافي ...

ملاك مسكت يده وبنظرات رجى: أوعدني ما تتخلى عني ... أبـــــــــــــــــــدا ...

جاسم استغرب ورد بدون وعي: أوعدك ...

بعدها ملاك هدئت ونامت وهي حاطه راسها على كتفه وهو ظل يقلب المجله اللي قدامه ...

وصلوا بعد يومين شاقين.. وكان بإستقبالهم شاب إماراتي مرسل من قبل البعثه وصلهم لشقتهم الخاصه واللي كانت نوعا ما ما ناقصها شيء الأكل والأثاث وكل شيء موجود فيها فهو إستأذنهم وطلع ...

ملاك جلست على الكنبة بتعب وهي تفك غطاها: بنعيش ... هناااااااااااااا؟؟؟؟.. (تتأمل المكان)

جاسم فسخ جاكيته اللي كان لابسه عشان الجو البارد: أي ... أحس الشقه كبيره علينا ...والا شرايك؟؟؟؟؟

ملاك بإندماج: أنا بعد احس كذا... (بتفكير) ..وش رايك نغير ديكورها ... ؟؟؟؟؟؟؟

جاسم استغرب حالات ملاك مره طيبه وما في مثلها.... ومره أعوذ بالله ...

جاسم: مو أول شيء يصير قديم ... تونا واصلين .. حدي هلكااااااااااااان أبي أنام أسبوع كامل ...

ملاك ابتسمت: وأنا بعد ... (وبحالميه تتخيل) ..الله ننام أسبوع كامل ... (بشك) ممكن ؟؟؟؟؟؟

جاسم ابتسم: سبحان الله ...( إذا أراد شيئا قال له كن فيكون .. )

ملاك بنزعه دينيه: ونعم بالله ... جلت قدرتك يا ربي ... الحمد لله على كل نعمه ...

جاسم وقف: بروح أصلي الصلوات الفائته وبعدين باكل شيء خفيف وبنام ...

ملاك وقفت: بروح أشوف شنطتنا .... عشان ببدل ... (فسخت عباتها)

طلع من الحمام لقاها تقلبه بين يدينها بقهر وتتوعد: لكن هين يا هدلوووووووووه ... أرووويك .. قليلة أدب

جاسم وراها: وش السالفه ؟؟؟؟؟؟

ملاك بسرعه دخلته شنطتها: لا ولا شيء ...

جاسم بشك وهو عارف وش تخبي: مخبيه شيء ..؟؟؟؟؟؟؟

ملاك بسرعه: لااا .. (دزته).. تباعد عني .. (راحت للحمام)

جاسم ظل جامد مكانه: هالإنسانه هذي مو طبيعيه ..

****************************************

بعد أسبوع تقريبا

الكل مجتمع في بيت أبو جاسم

الجده تشرب قهوتها: الله يذكرها بالخيــــــــر ... من راحوا حتى ما اتصلوا ..

أبو جاسم بدفاع: يوه يا يمه ... الريال يبي حريه خاصه فيه مع مرته ...

الجده: طيب ما قلنا شيء بس يطمنا ... من أخذها ما عرفنا وش صار لهم ..

دخلت هديل توها راجعه من السوق:سلاااااااااام ... (جلست بتعب على الكنبه)

الكل: وعليكم السلام

أم جاسم: وش جايبه معاك ... ؟؟؟؟؟؟؟؟؟؟؟

هديل تأشر على الأكياس: هدايا من فيصل

الجده بإستفهام: لمين ..؟؟؟؟؟؟؟؟؟

هديل: لسالم وسجاد ... (بدت تنادي) ساااااااااااااااالم... سجووووووووووووووود تعالوا .....

وصلوا وهديل عطت سالم قيم بوي مطوره وحتى سجاد نفس الشيء وهم فرحوا كثير بهذي الهدايا ...

أم جاسم تنهدت وبخفيف سمعاه زوجها: الله يصبرهم ..

أبو جاسم بخفيف: لا تحاولوا تحسسوهم بالنقص ... وإذا بغوا شيء قولوا لي ..

أم جاسم: عطاك الله الصحه والعافيه يا أبو جاسم ... ما تقصر كلك خير وبركه ..

الجده بعين وعين: ما أدري ... من كان يقول لا ناخذ زمانا وزمان غيرنا ... أي الأيام تغييييييييير ...

أبو جاسم ابتسم وأم جاسم ضحكت بخفيف ...

رن التليفون وبسرعه سجاد رفعاه لانه جنبه: الوو ... (صرخ) ملاااااااااااااااك ..

الكل نقز عشان يكلم بس هو ما رضى يعطي أحد التليفون: ألو ملاك ... وحشتييييييييننننننني .. تعالي شوفي عمه هديل جابت لي هديه من عمي فيصل قيم بوي حتى سالم عنده ...

ملاك:.. الو سالم

(عطاه سجاد السماعه)

سالم بفرح: ملاك ... شخبارك؟ ... وش مسويه؟؟ ... وشخبار جاسم؟؟؟ ... سلمي عليه .. جدتي هذي هي ...

الجده وتكلم: هلا والله بعمري ... كيف حالك وأخبارك مع ريلك ... (بخفيف) ما حملتي ؟؟؟

أم جاسم وأبو جاسم ضحكوا وأما أم جاسم خذت السماعه منها: كيف الحال ملاك ...؟؟؟؟ شخبارك؟؟؟؟؟ ... تمام .. وجاسم وينه؟؟؟؟؟ .. هلا والله جسوم ..كيف حالك ؟؟؟؟؟... تمام .. وش أخبار ملاك معاك؟؟؟؟؟؟ .. الحمد لله ... ليه ما دقيت علينا من البدايه؟؟؟؟ .. تــــضــــبط الوضــــــع ..

الجده سحبت السماعه: قول انشغلت مع المره مو تضبط الوضع ...

أم جاسم سحبت التليفون: أي يمه ... الو ... الووووووووو ... جاسم .. (سكرت) ..انقطع الخط

أبو جاسم بلحوووووول: البركه فيكم حتى ما كلمته ..

هديل بأسف: وأنا اللي أنتظر الدووووووووور ...

وصلت ريم وبسرعه سحبت التليفون ورفعته: الو ... الوووووووو .. جسووووووووووم ... ووجـــــــــــع ... (وسكرت السماعه).. من متى سكر ؟؟؟؟؟؟

هديل بتعجب: إنتي استجنيتي؟؟؟؟؟ ... هبله؟؟؟؟ .. جايه مدرعمه عند التليفون ورفعتيه وهو مسكر ... هو قال لك أحد متصل؟؟؟؟؟

ريم: أي ... سجاد قال كلم ملاك ..

هديل: أي اتصلوا ومن هواش أمي وجدتي انقطع الخط ..

ريم بحزن: خسااااااااااااااااااااره ..

أبو جاسم: يالله إن شاء الله بيتصل مره ثانيه قريييييييييب ..

*********************************

في أمريكا

جالسه على الكنبه وحاطه يدها على خدها... هذي حالتها من أسبوع تقريبا ... ما تحتك لجاسم أبد ... ولا تكلمه مو عشان شيء بس ما تبي تعصبه وتزعل عليه ..

طلع وهو كاشخ ومشى قدامها وهي توها بتسأله وين بيروح ؟؟؟؟؟....وتذكرت اللي اتفقت معاه عليه ...إلا هو.. إن مالها دخل فيه مثل ماهو ماله دخل فيها ... وطلع

ملاك ظلت ملانه ومن الزهق دخلت غرفة نوم جاسم وعدلتها وبعدها راحت غرفة نومها ورتبتها

(كل واحد بغرفه .... الشقه فيها غرفتين نوم الغرفة الرئيسيه والغرفه حقت العيال .. وفيها حمامين ومطبخ صغير ... )

خذت الثياب تغسلهم وبعدها دخلت المطبخ وسوت شيء سريع تعلمته من كتاب الطبخ اللي شرته هذي المره سوت مقدار صغير بس حقها لأنها كل ما تسوي حقها وحق جاسم ما ياكله ...

سمعت طق على الباب استغربت طلت من الفتحه الصغيره ما لقت أحد حقرت الباب وراحت تكمل طبخ وبعد ثواني رجع الباب للطق ..وهي لبست حجابها وفتحت الباب

لقت بنت صغيره مدت عليها صحن وقالت: أمي تسلم عليك.. وتقول لك خذي الصحن وعليك بالعافيه ..

ملاك استغربت وخذته مبتسمه: مشكووووووووره عمررررري.. (سكرت الباب)

لحظه لحظه وش تسوي هذي هنا ... ليه طالعه من ؟؟؟؟؟... (بسرعه ركض وفتح الباب)

شافها وقبل ما تحط الملعقه بفمها سحب الملعقه والصحن بكبره ..

ملاك بقهر طفولي: عطني إياه

جاسم: لا ... (ظل يتأمل فيه).. بس أنا شاك إنه مسموووووم ..

ملاك شهقت بصدمه: مـــــ ســــــمـــــــ ووووووووووم ..

جاسم أخذ كيس وحطاه فيه: قفلي عليك الباب ودقايق أجي ... (وطلع)

ملاك ظلت حيرانه وخايفه .. وقفلت الباب قفلتين وظلت في غرفة النوم الرئيسيه اللي احتلتها

بعد ساعتين انطق الباب وهي انصرعت وتوترت وبعدها توكلت على ربها: من ...؟؟؟؟؟

جاسم من بره: أنا.. جاسم

فتحت الباب وبقلق: وش صار؟؟؟؟؟ ... ليه تأخرت؟؟ ..

جاسم سكر الباب وراه: عشان أوديه للتحليل في المختبر ...

ملاك بإهتمام: وبعدين .. ؟؟؟؟؟؟؟؟؟؟

جاسم ينهي النقاش: لا تاخذي شيء من أحد غريب ... فاهمه .. ؟؟؟؟؟؟؟؟

ملاك شهقت: يعني مسمووووووووم ... طيب ليه؟؟؟؟؟؟ وش مسويه أنا لهم؟؟؟؟ ..

جاسم وبهدوء: ولا شيء ... حــــــقــــــد ...

ملاك انهارت على الكنبه: مستحييييييييييييييييييل ..أنــ

جاسم خاف عليها: ملااااك ... شفيك ..؟؟؟؟؟؟؟؟؟
.
ملاك قلبت وجهها وغمضت عينها وهو مسك يدها: ملاك ... ملااااااااك ..

ملاك بتعب: اتركني ...

جاسم يجلس جنبها: مستحييييييييييييييييل.. وانتي بهذي الحاله

ملاك ما تكلمت معاه بس تركته ماسك يدها يمكن لأن هو الوحيد الي معاها بهذي البلاد الغريبه

جاسم بعد مده باعد خصله من وجه ملاك : ملاك ... (ومن هدوءها عرف إنها نايمه)

*************************************************

اليوم الثاني..في امريكااااا

جالسه حاطه رجل على رجل وتطالع فلم بدت شوي تتأقلم مع إنها ما تطلع نهاااااااااااائي وخصوصا
إنها بلحالها لأن جاسم بدأ مشاريعه ودراسته مع شخصيات مهمه ..

دخل منهك وبتعب واضح: سلااااااااااااام ...

ملاك لما شافته ابتسمت ووقفت: وعليكم السلام ... (انحرجت من نظرات جاسم وردت) ..تبي الغدى الحين ... ؟؟؟؟؟؟؟

جاسم وهو يتأمل ملابسها ورد وهو وصل لعينها: إذا مسويه تجارب أنا ما أقبل ...

ملاك رفعت حواجبها وبعده قلبت وجهها : على العموم ... كلها طبخاتي تجارب

جاسم ابتسم وجلس جنبها: خلاص أمرنا لله .. روحي حطي لي شيء أسد بيه جوعي

ملاك لفت وبصيغة تهديد طفوليه: مو عشانك ... عشان اللي وصوني عليك ... (مشت عنه)

جاسم صحيح عصب بس مصيرها وتلين ... وأنا وراها والزمن طويل ...

(قام دخل غرفته يبدل)

بعد ما طلع جلس ينتظرها ولما تأخرت راح المطبخ لقاها لامه شعرها كله ورابطته بشكل فوضوي وبينت ملابسها ...

ملاك كانت لابسه بلوزه فتحة الصدر فيها شوي واسعه والظهر كللللللللللله طالع

(عماتها تفننوا بإختيار الملابس) وتنوره سوداء توصل لنص الفخد مع الصندل اللي باللون الأخضر على لون البلوزه ...

جاسم مسك نفسه وقرب بهدوء ويطالع وش تسوي؟؟؟؟؟؟.... وشافها ترتب الصحن وتعدله وتزينه بالليمون والطماط فهمس عند اذنها: وش تسويــــــــــــــــن .. ؟؟؟؟

ملاك انصرعت وكان بيطيح منها الصحن اللي حاملته لولا مشيئة الله ثم جاسم اللي مد يدينه من جنب يدها ومسكاه ..

جاسم تنهد: الحمد لله .. كان الحين أنام بدون غداء ..

ملاك ما ردت ولما باعدت يدينه لفت له: من... متى.. وإنت هنا .. ؟؟؟؟؟؟؟؟

جاسم : من زماااااااااااااااااااااااااااااان ... (سحب ملعقتها وبدأ ياكل) ..جعت وإنتي فاضيه تزيني ..

ملاك جلست قباله على الطاوله الصغيره وبعد مده: عندك محاضره بكره وإلا .. ؟؟؟؟؟؟؟؟

جاسم رفع راسه يشوفها: نسيتي إن بكره السبت وما فيه جامعه ... بس أكيد فيه مقابله لأشخاص مهمه ... (وبشك) تبي شيء ... ؟؟؟؟؟؟؟؟؟؟

ملاك وبعد ما سمعت كلامه نزلت راسها: سلامتك ... (وقامت لغرفتها)

************************************************

في جهه ثانيه في السعوديه

أم محمد: يعني من ذاك اليوم ما تصلوا ... ؟؟؟؟؟؟؟

الجده: أي ... وكل ما أقول لأبو جاسم دق عليه يقول خلوه يتهنا بمرته ... وبلاش إزعاج ..

دخل سالم بعجله: يمه ... يـــــمـــــــــه

الجده : خير يـــمـــه

سالم: بطلع مع علي لصدقانه ... تآمري على شيء ...

الجده: انتبه لنفسك يمه ...

سالم: إن شاء الله .. (وطلع)

أم محمد بإبتسامه: كبر الولد وصار يحتك بعلي ..

الجده: إي ... من أول كل مع جاسم ونادر مع علي.. بس الحين العكس

دخل محمد توه واصل: سلااااااااااااااااااااا ... (عند باب الصاله)

ما كمل إلا طباااااااااااااااااااااااااااااااااااااااااااااااا اااااااخ

صقع محمد في الباب... وأما هي على الأرض طاحت بقووووووووووه

محمد يطالع وهو متألم: ما تشوفي؟؟؟؟؟؟؟؟....عميااااااااااااااااااااا؟؟؟؟؟؟؟؟؟

ندى تنرفزت: لااااااااا .. (فتحت الباب وطلعت ... وراه)

محمد فتح الباب وطل وشاف ندى تلحق سجاد اللي ماسك المقص: جيب المقص سجاد ؟؟؟؟

سجاد بعناد: ماااااااااااااااانا

ندى بخوف عليه وتهدييييييد: بتقص يدك ..وبسيل الدم ...

سجاد بإصرار: ماااااااااااااناااااااااااااااااا

من وراه وبصيغة امر: سجاد عطني المقص

سجاد ويطالع محمد وندى: قلت ما أببببببببببببببي... (هرب للحديقه المليانه بالزهور)

محمد: روحي إنتي من اليسار وأنا من اليمين ..

ندى بسرعه راحت وبعد عدة محاولات سحب محمد سجاد من بطنه وذاك يتعفرت..

وأما ندى جات وعلى طول سحبت المقص منه بتهديد: إن شفتك ماسك سكين أو مقص يا ويلك ... فاااااااااااهم؟؟؟؟؟؟؟

سجاد بدأ يصيح: مانا ... أبيه ... جيبي ..

(ندى حقرته ومشت وأما محمد دخل وهو ماسك سجاد يهديه لين نام سجاد على حضن محمد من كثر الصياح)

**********************************************

في أمريكا

من زمان ما طلعت من الغرفه ... وش السالفه ؟؟

تقدم وطق الباب ما ردت ..طق مره ثانيه... ردت: نــــــــــعــــــــم

جاسم: نايمه ؟؟؟؟؟؟؟؟

ملاك وأخيرا فتحت الباب بملل: لااا ... تبي شيء ؟؟؟؟؟

جاسم ما عرف يقول بس: في فلم بيجيبوه الحين ... تجي تتابعين معاي ..؟؟؟؟؟؟

ملاك بملل: مالي نفس

جاسم توه بيمشي إلا: آكشن وإلا رعب ... ؟؟؟؟؟؟؟

جاسم بمزاح: لا رومانسي ... (ملاك فتحت عينها وهو فهمها وصحح) مـــزحــــه ... على العموم كله مغامراااااااااااااااااااااااااااااااااات ... (يبي يشوقها)

ملاك وحست إن هذي هي الفرصه تصلح علاقتها مع جاسم على الأقل تبيه يعطيها وجه وإعتبار ردت: أوكي ... بغير لبسي وبجي

جاسم بدون شعور: ترى لبسك تمام ... (انتبه لنفسه من نظرات ملاك المنصدمه.. وش فيها؟؟؟؟)

ملاك سكرت الباب وراها وهي محتاره اذا قال كذا خلاص ما بغير ... لا وش ما أغير عشان يعرف إني مطيعه .. لا لازم يعرف العكس ....

(طلعت لها ثوب نوم يوصل لتحت الركبه وكان سكري شفاف عند البطن وعند الفخد نفس الحاله وكله كرستالات لماعه وسوت شعرها بطريقه رومانسيه جمعته كله على جنب وحطت لها كحل خفيف ولمعه بسيطه على شفايفها طالعت نفسها وإنحرجت أطلع لجاسم كذا ... يالله كلها ساعه ساعتين بالكثير ...

(رشت عطر مفعوله قوووووووووووووووووووي وطلعت)

*******************************************

في الصاله

إندمج مع الفلم اللي بدأ من نص ساعه بينما ملاك خذت نص ساعه على تجهيزها ...

وصلت وشافته يطالع الفلم وما عطاها وجه نهائي إنقهرت قررت ترجع بس عجبتها البطله واللي تسويه من ضرب وحركاااااااااااااااااااااات فجلست على الكنبه الطويله بنهايتها ...

جاسم ... اندمجت بصراحه في الفلم كان شيء ... إبدااااااااااااع .. ولااااااااا.. البطله محليه الفلم ..

نسيت عمري إني معرس أو بالأصح عندي من ينسيني بتصرفاتها ... إلا صحيح تأخرت غريبه ..

لفيت براسي بس صدمني لما شفتها بشكلها كانت ناااااااااااااااعمه.. وكأنها الأميره النائمه ...

أو اللي بتنام .. من متى هذي هنا ؟؟؟؟؟؟؟.. يا ربي تجنن .. طالع نظراتها البريئه للفلم ..

وقسم بالله ما مسك نفسي لا أصير بخبر كااااااااااااااااااااان .. (قلبت وجهي عشان ما أزيد)

جات دعايه إعلانيه بس سمعت التأفف من ملاك: أفففففففففففففففف في الحماس وقفوا .. قـــــــــهـــــــــــــر

جاسم جات في بالي فكره طفاه: يالله نووووووووووووووم ..

ملاك وبان الإحباط: اووووووووووووه ....لحظه ما خلص الفلم ..

جاسم نغزه: بروح أناااااااااااااااام ..

ملاك موفاهمه: طيب... والمطلوب .. ؟؟؟؟؟

جاسم بنظرات خبث: ننااااااااااااااااااااام ..

ملاك جمدت وهو مات ضحك على شكلها وجلس على الكنبه وهو يضحك: ترى ... أمـــــــــزززززح .. (شغل التلفزيون)

ملاك وأخذت نفس وبدت تكمل الفلم وهي تفكر بكلامه ...

خلص الفلم متأخر شوي.. أما ملاك فراحت في سابع نومه وأما جاسم لآخر لقطه خلص وعلى طول قام طفاه .. طالع ملاك ... نايمه .. بروح أجلسها ..

جاسم بهدوء وهو يباعد خصله من شعرها: ملاك .. ملاااااااااااااك .. وفي قلبه"هذي وجه سهره مطالع فلم...غير الا بزر"

ملاك وتقلب وجهها للجهه الثانيه: ............................

جاسم مسك يدها عشان يقومها: ملاك ... قومي ..

ملاك بصعوبه فتحت عين: ريـــــــــتم ... (توسعت عينها أكثر لما شافت جاسم).. جاسم ..

جاسم بتحلطم: زين إني ما صرت ريم ... (ابتسم).. هذا إنتي ما بتطالعي الفلم .. ؟؟؟؟؟

ملاك وتذكرت: إي صج .. (لفت للتلفزيون) وينه .. ؟؟؟؟؟؟

جاسم يعاملها مثل الاطفال:باااااااااااااااااااح... خلص من زمان .. بس الحمد لله ما طالعتيه ...

ملاك تخصرت: لااااااااااا .. وش معنى إنت تطالع وأنا ممنوع .. ؟؟؟؟؟؟؟؟؟؟؟؟

جاسم ابتسم وحب يعاندها: لأن ما يصلح إلا للكبار والمتزوجوووووووووووون فــــــقـــــــط ... (مشى عنها لغرفته)

ملاك انقهرت منه وراحت وراه ودخلت لا احم ولا دستور وهو توه بينبطح على السرير

جاسم وناوي عليها: خيـــــــــــــر ...؟؟؟؟؟؟؟...............في شيء؟؟؟؟؟؟؟؟؟

ملاك بقهر: أنا كبيييييييييييره ..وبعدين أنا من ضمن المتزوجااااااااااااااااااااااااات

جاسم رفع حاجب بإستغراب: وش يثبت .. ؟؟؟؟؟؟؟؟؟؟؟؟؟

ملاك في البدايه سكتت تفكر وبعدها: كل شيء .. (أشرت على المكان).. أنظف ......وأغسل الثياب ...

جاسم ما اهتم وانبطح: لو سمحتي طفي الليت معاك .. وانتي طالعه

ملاك زادت قهر وقربت منه وبصيغة امر: قووووووووووووووم ..

جاسم وهو مغطي وجهه داخل الغطاء وقالب وجهه للجهه الثانيه: ما بقوووم ...

ملاك انقهرت وحاولت تسحب الغطاء من عليه بس هو شاد عليه ..جلست على السرير تحاول ..وتحاول في النهايه وبحركه سريعه فتح جاسم الغطاء وهي انصرعت منه ..

جاسم وبدأ الضيق يكسوا ملامحه: ممكن تطلعي وتخليني أنام ...؟؟؟؟؟؟؟

ملاك بعناد: لااااااااااااااااااا ... (وتربعت على السرير)

جاسم ظل يطالعها وبعدها قال: طيب غيري ثيابك أحسن لك ..

ملاك صبغ وجهها أحمر بس قلب وجهها : ما أحد دخلك .. ملابسي والا ملابسك؟؟؟؟؟

جاسم وتغطى: أوكي .. أنا مالي دخل باللي بيصيـــــــــر ..

صخت ملاك وبعد مده: وش اللي بيصير ... ؟؟؟؟؟؟؟؟؟؟؟؟

جاسم: ............................. (حاقرها)

ملاك تنادي عليه: جـــــــــااااااااااسم ... (وبقهر) ...جسمووووووووووه (دزته) ..نمت؟؟؟؟؟؟؟ .. طالع الخيــــــــــانه ...(قامت).. أمري لله بنام بخوفي (طلعت)

فتح الغطاء وعلى طول قام وراها بس بدون ما تحس شافها مقفله الباب حق الشقه وتتأكد منه والنوافذ وكل شيء تقريبا ..بعدها دخلت غرفتها تنام وأكيد الباب مفتوح عشان إذا صار شيء على طول جاسم يسمعها وييجي لها ...

تثاوبت وهي نعسانه بقوه وتوها بتفتح الغطاء إلا انصرعت من صوت الباب وبإستغراب : جااااااااااسم ؟؟؟؟؟؟؟؟؟؟؟؟

جاسم مسوي حاله مو مهتم ..كان ماسك مخدته وعلى طول حطها على السرير وانبطح: تصبحي على خير ..

ملاك بعد ما استوعبت تكتفت: جاسم ........ قوم نام بغرفتك ..

جاسم بعياره: ظهري ألمني من ذاك السرير .. وصغير علي ... بنام هنا لين ما أشتري واحد جديد ... شرايك؟؟؟؟؟؟

ملاك بحيره: طيب... وأنا وين أنام ... ؟؟؟؟؟؟؟؟؟؟؟؟

جاسم بلا مبالاه: في الصاله ... بعد ما تقدري تنامي وأنا هنا ..

ملاك انقهرت حدها وبقهر ردت: أقــــــــدر ... روح أنت من ذيك الجهه ... (اشرت له في الطرف الثاني)

جاسم زاح مكان لها وهي على طول انبطحت وعطته ظهرها وهو مات ضحك في داخله على شكلها وبرائتها ...

بس بعدها لحظه لحظه وش اللي يصير ..جاااااااااسم..وش يصييييييير؟؟؟؟؟؟؟؟

************************************

وش تتوقعوا يصير بالجزء الجاي؟؟؟؟؟؟؟
تتوقعوا ..بداية صلح بين الثناااااااائي؟؟؟؟؟؟؟؟؟؟
وندى ومحمد...يصلحوا لبعض والا لا؟؟؟؟؟؟؟
ترقبووووووا الجزء القاااااااااادم