منتديات قصايد ليل - عرض مشاركة واحدة

05-21-2012

بعدماسكرت شهد من بندر ونامت ويافرحه ماتمت يوم غفت جاها سامي لنه هواللي بيوديها للمشغل قامت تصارح النعاس تروشت ولاأفطرت وراحت للمشغل وبدو يسوون لها أقنعه للوجه لاكن ماقدرو يسوون لها حمام بخار للجسم بسبب العذر الشرعي.
أنتهوا من تجهيزها العصروماأكلت شي وهي متوتره وميته من الخوف راحو للفندق وجلست بغرفه العروس وبدأ المعازيم بالتوافد من كل مكان بسبب معرفتهم باابو بندروصل العريس الساعه 11 وسلمو عليه المعازيم وشهد على أعصابها وبألحاح من أم بندر قررويسوون الزفه بدري لأنها تبي ولدها ينبسط على قولتها دخل بندر غرفه العروس وسلم على شهد وأنبهر من شكلها لأنها حاطه مكياج عروس وجلسو يصورون فجأه سمع صوت وحده قالت:مبروك يابندر منك المال ومنها العيال.
عرفها عهود بس كانت متغطيه.
أنزفت شهد على موسيقه كلاسيكيه وبندر رفض ينزف مايبي يشوف وجه عهود وبينما كان الكل منشغل بالزفه دخلت عهود وهي متلثمه غرفه العروس شافت بندر جالس يطالع الساعه وماعنده أحد قربت منه:لا بأس بها كزوجه بس أتوقع أن كثره مكياجها مومبينه ملامحها.
رفع راسه عرفها من صوتها نفس الصوت ونفس العيون ونفس النظره هذي هي عهود ماتغير يبي ينزل راسه ماقدر يصد عنها رجعت له الذاكره لورا اول لقى اللي صار بمطبخ بيتهم الكبير.
عهودكشفت وجهها لبندر:من احلا انا ولاهي أكيد أنا خساره يابندرتوقعت ذوقك رفيع تصدق لوتلف الكون ماتلاقي وحده بجمالي.
غمزت له وتلثمت وطلعت وخلته في وسط حيرته.
قال بينه وبين نفسه: ليتني ماتسرعت ليتني ماتزوجت.
وجلس يندب حظه لأنه شاف الوجه اللي خلى عينه مايملاها شي.
وبعدالزفه الوحوسه رجعت العروس لغرفه العروس وبدو يصورون صوركثيره فجأه المصوره طلعت الكل وخلت العريس والعروس يسوون حركات رومنسيه وبدت تصور كان بندر شارد الذهن رجعت الذاكره لذكريات طواها من زمان.
ليه ياعهود تجرحيني
تجرحين بأسم المحبه وبعدغيبه تسألين
يااللي بجروحك كريمه من متى قلبك علي
الوداع أخرحروفآ في خفوقي شلتها
ياتموت بوسط قلبي ياأموت أن قلتها
يااللي حبك في خفوقي كان حلم وأنتهى
أنتهى أنتهى خلاص يابندرفلها الليله خلاص مايحتاج تذكرماضي أنتهى
قطع عليه حبل أفكاره أمه:بندر ياالله السياره عند الباب تسهل أنت وحرمتك.
وكل واحد بدأ يودع أهله وأحبابها ومن بين دموع الفرح أنطلقو العرسان بالسياره لحياه مايدرون وش بيصير لهم فيها.
كان بندر يسوق وهي ميته من الخوف وفي بالها أكثر من سؤال وأولهم:
وين بيوديني هذا الأدمي لايكون بينتقم مني لأني وافقت عليه؟
2- ياترى بيذبحني والله صرت أخاف منه؟.
3- شهد أنتي متأثره بأفلام الأكشن بس جايزيذبحني يالله لوتركني في مكان وش أسوي؟.
أحيانآ الواحد إذا صار متوتريطرى على باله أمور سخيفه مايدري من وين يجيب الأفكار.
بندر:مبروك ياعروسه خلاص ماعادفيه انافي بيت أهلي والله أخاف أن أحد يشوفنا خلاص ههههههههههه من بيفكك مني.
شهدخافت ولزمت الصمت.
شغل بندرأغنيه وأهداها لها وكان يسوي حركات كأنه يتوعدها بشيء.
ناوي لك على نيه بس أنت أصبرشويه إذا ماأعلقك فيني وهواك يصير بيديا
ناوي لك على نيه
كان قلبها ميت من الرعب خلاص ماتقدر تتحمل خفقان قلبها زاد بشكل غير طبيعي لزمت الصمت وجلست تطالع الطريق وحست انهم ابتعدو كثير عن الحي اللي هم ساكنين فيه كانت العبره خانقتها ماتخيلت في يوم انها بتروح مع واحد القدر خلاه في طريقها وأخذها معه لمكان هي تجهله كانت تفكر في نفسهاوتقول:ياليتني ماتسرعت وافقت عليه كنت بجرب كيف يكون شعور البنت المخطوبه وماتوقعت أن في يوم أروح مع واحد كلمته 7شهور وفي يوم وليليه صار زوجي ياالله وين بيوديني ليش يطالعني بهالنظرات الغريبه اناميته خوف وهوطاير من الفرحه ويرقص على الأغاني اللي مشغلها والمشكله أنه مافصخ بشته.
لاحظت شهد أن وراهم موكب سيارات حست أنها شخص مهم كان الموكب محاوطهم بشكل غير طبيعي والرجال اللي بالسياره معهم أسلحه هذا الشي الوحيد اللي خلاها تتعجب وضحكت بينها وبين نفسها لأنها حست أنها في فيلم أكشن فجأه أرتاعت وصرخت ضحك بندر:وش فيك حبيبتي.
شهدوهي ترجف:ولاشي بس أبعد يدك.
بندر:فيها شي هذي حطيت يدي على ركبتك عادي أنا زوجك.
شهدلزمت الصمت فجأه لقت نفسها قدام بوابه كبيره أول مره تشوف بوابه بحجمها.
وقف بندر:ياالله وصلنا.
شهدبخوف واضح: وصلنا لوين وين بتوديني بندر إذا أنت بتتركني وتروح لأني رفضت أنفصل عنك يوم طلبت مني خلاص مستعده أكلم أبوي وأطلب منك الطلاق بس لاتخليني أنا......قطع صوتها البكاء.... أنا أأأ... خخ....خاااااا يييفف....ففففه.
بندرمسك يدها وباسها:قلبي حنا في المطار بنسافر ورانا شهرعسل ياالله مابقى شي على الطياره وإذا على الأنفصال أنسي هالموضوع خلاص أنتي لي وانالك وأناراضي يالله حبيبتي.
فجأه أنفتح باب السياره بندر:محمد وبعدين معاك.
محمد: ندري أنك توك متزوج ومتلهف لحرمتك بس أخلص علينا وريح قلب أبوي تراه مب مرتاح إلى إذا سافرت تعرف الأعداء مايتسلطون على الرجال إلافي وقت عرسه.
بندرشاف الساعه ووقف:ياالله ياشهد.
نزلت ولاتدري وين بتروح كانت تمشي وراه حست أنها غريبه عنه ماكأنه بندراللي كان يكلمها أيام الملكه مشت وراه وهي ترتجف وكانت ماسكه جوالها بيدهاوهي خايفه كانت تمشي ورجال محاوطينها هي وبندر ظنت أنهم شرطه لأنها شافت معهم أسلحه وكانو متأهبين لأي هجوم وصلوا لنقطه التفتيش طلب منها بندرتروح لتفتيش النساء ويوم راحت مشو وراها خمس رجال من اللي كانو يمشون وراها هي وبندر وقفو عند الباب وكل واحد يتكلم عبرسماعه البلوتوث كانو يتلقون اوامر من بندر طلعت ومشو وراها كانولابسين فنيله سوداء كت وأجسامهم معضله هم بدي قارد بس شهد ظنت انهم شرطه كانت تقول بينها وبين نفسها:ياالله الناس كلهم يطالعوني أحس أني شخص مهم طيب ليه الشرطه محاوطتني ومحاوطه بندر وكل شوي يتكلمون بلاسلكي شكل بندر مسوي شي صح أذكر فلم كان يتكلم عن مجرم خطيركان خارج عن القانون والحكومه الأميريكيه حاوطوه بحرس مثل اللي محاوطيني أنا وبندر ووصلوه لباب الطياره ومنعوه من دخول أمريكا مدى الحياه لايكون بندر مجرم وأنا ماأدري ياربيه ليش وهقت عمري بواحد مدري من يكون.
بندر:شهد وش فيك سرحانه .
شهد: هاه اااا لاولاشي.
وصلو للطياره وركبوها وجلسو في الدرجه الأولى جت المضيفه ومعها عربيه فيها خمر وثلج ووقفت عندهم وكانت تتكلم أنجليزي لأن الطياره موسعوديه.
طبعأ راح أترجم لكم كلامها لأكن بالفصحى: طاب صباحك ياسيدي هل تريد بعضآ من النبيذ.
بندر: لاشكرآ أنا لااشرب.
المضيفه بإبتسامه: جربه أنه رائع.
بندر:شكرآ لاأريد لاكن هل لي بطلب.
المضيفه بتغنج وبإبتسامه ساحره:تفضل يا..... أوه ماأسمك.
بندرعصب لأنها تسوي إغرائات لأي أحد تكلمه لاكنها زادت الأغراء يوم شافت جمال وجهه بس ماحب يهزئها لأنه عارف أن هالمضيفه بتدلع وبتزيد بالكلام معها فاختصر الكلام وقال: لا اريد منك شيئآ فقط أريد أن يأتي لخدمتي مضيف وليس مضيفه.
المضيفه:لماذا ياسيدي هل شكلي لايعجبك.
بندر: نعم ولأنك ساقطه وأنا لاأتحدث مع أشكالك.
عصبت المضيفه بس ماقدرت تقاوم جماله:أنت رجل وسيم ورائع.
بندر:أنا أعامل الناس على قدر مقامهم وهذا هو قدرك ولوقمت بعمل أنواع الأغرائات فلن تغريني أبدآ .
المضيفه:أستطيع ذلك.
بندر: لوطرت للسماء ووقعت لن تصلي إلى مرادك .
توها بتردقاطعها بندربنظرات إستحقار:رجائآ لاتزعجيني فكلامي واضح وأرجوأن تحترمي نفسك وتبتعدي لأني حديث الزواج وزوجتي بجانبي وأنا مسافر لقضاء شهر العسل وأريد أن أنفرد بحبيبتي لأني أحبها ولاأطيق الأبتعاد عنها دقيقه واحده لأني مغرم بها.
عصبت وراحت لصديقاتها المضيفات وهي تتمتم بكلامات القهر.
شهد في هاللحظه كانت تفكر: ماشاء الله يرطن أنجليزي مالت علي بس وش كان يقول لها بس الحيوانه كانت تسوي حركات وصخه قدامه تبي تغريه ووجع انشاء الله جعلها العمى اللي يعميها بنت اليهود ولابسه صليب بعد جعلها الطاعون أنشاء الله بنت الكلب صدق وقحه وقحه وش قله اللأدب لابسه تنوره نصف الفخذ وفاتحه الصدر اللي كنه صدر هيفاء وهبي جهله ينفقع بوجهها خخخخخ وش فيها عصبت شكلها حست اني أدعي عليها بندريتكلم معها بقرف شكله متقرف منها أحسن والمصيبه تتمايع قدامه وهو يستحقرها صدق وجهها مغسول بمرق يوه بندر ليش يمسك يدي ويلزق فيني حرام عليك بندر والله أستحي بس لحظه عصبت الأنسه يوم قرب مني بندرومسك يدي أحسن طست جعلها روحه مابعدها رجعه هي كافره ويجوز أدعي عليها.
دخلت المضيفه وهي تردد: أحمق أحمق.
المضيفه2: مابك.
المضيفه1:ذلك الشاب الوسيم اللي جنن عقولنا كلنا ذهبت إليه وفعلت كل شي قد يثير أي رجل ولم يعطني أي وجه يناديني بالساقطه.
المضيفه:هل فعلت كل الطرق معه.
المضيفه2: لم يعطني فرصه فقد كان يلتصق بالمرأه اللتي بجانبه ويقبل يديها وهي كالصنم صامته لم تتحرك أبدآ وتلبس عبائه سوداء حتى وجهها قد غطته بهذه العبائه وأنااللتي جميع الرجال يقعون تحت قدمي من أجل نظره مني فلماذا يفعل بي ذلك.
المضيفه2:لماذا تبكين.
المضيفه1: حرق قلبي عندما قال أنها زوجته وهوذاهب لقضاء شهرالعسل معها.
المضيفه2:أنت تعلمين أن السيد بندرمنذ أن كان أعزب لايعطي أحدآ بال فكما تعلمين سفراته على هذه الطائره متكرره وأنت منذ خمس سنوات تحاولين الأقتراب منه ولاكنه كان لايلتفت لك لأنه كان يعمل على أوراق وملفات فلماذا اليوم بالذات تحرشتي به.
المضيفه1:أنها المره الأولى اللتي يسافر على هذه الطائره وهولم يحمل أوراق أويقوم بأي عمل فقلت هذه فرصتي فكما تعلمين في السابق كان يقول ضعي القهوه على الطاوله وهو عينه على الأوراق واليوم جالس بدون عمل أنها المره الأولى اللتي يتحدث معي فيهاوهو ينظر إلي أنها فرصه لاتعوض.
المضيفه2:أنت مجنونه تعلمين أنه مسلم والمسلم لاينظر إلى امرأها عاهره .
المضيفه1:لايهم يكفي أنه حقق ثروه وهوصغير بالسن لوتزوجني لملكت ثروته.
المضيف2:تحلمين فدينه يمنعه من الزواج بك.
المضيفه1:أعلم لاكن تعجبت من الفتاه اللتي تجلس بجانبه صامته ومع ذلك يتحدث معها ويتكلم بطلاقه ويضحك معها وهي لاتبادره الحديث.
المضيفه2:هي أيضآ مسلمه ودينها يحثها على الحياء الرجل المسلم يعشق المرأه اللتي يبدو عليها الحياء لايهم المهم متى ستقابلين جون.
المضيفه1: لاأعلم.
وفي الجهه الثانيه من الطياره كان بندريشرب قهوه وهومبسوط من قده عريس
بندر:حبيبتي وش فيك ماتكلمتي من اليوم وأنااللي أسولف تصدقين توني أكتشف أني بربار.
شهدتطالع الشاشه اللي قدامها كانت تراقب الوقت مرت أربع ساعات على وجودهم بالطياره وماوصلو.
بندر:تبين تعرفين لوين حنا رايحين.
شهد: إيه.
بندر:لفرنسا تدرين ليه لأنها بلدالرومنسيه.
شهدلازمه الصمت فجأه جت مطبات هوائيه قويه وعاصفه جويه بأسباب الأمطارخافت وتمسكت في بندر وبندرضمها يبي يطمنها وبعد ساعه من الرعب والقلق تعدت الطائره مرحلت الخطروواصلت رحلتها بندرأستغرب من شهد لأنها مازالت حاضنته همس:شهدخلاص قلبي.
ماردت عليه حركها ماردت قرب منها وأبتسم لأنها كانت نايمه فخلاها تنام وهي راسها على صدره وكان مبسوط من الحركه وبعد سفرطويل ومتعب أستقرت الطائره وبسلام في أراضي فرنسا.
بندرماتحرك من مكانه مايبي يصحي شهد إلاإذا فضت الطياره لأنها مزحومه بالناس ومايبيها تتضايق لأن هنا عادي الرجال يلصق في الحرمه أويتكلم معها غير التحرشات وقله الأدب اللي تصير عند باب الطياره.
فضت الطياره ومابقى فيها غير المضيفات .
بندر:شهد حبيبتي وصلنا.
وبدأ يهمس: قلبي حبي ياالله قومي.
جت المضيفه: يبدو أن فتاتك لاتتحمل السفر.
بندر:اللهم طولك ياروح.
أنقهرت لأن بندرمارد عليها: مرحبا أناأتحدث معك.
ماألتفت عليها:نعم ماذا تريدين.
المضيفه:أريدك أنت.
بندرقرب من شهد وجلس يبوس فيها يبي يقهر المضيفه:وأنا أريد زوجتي.
المضيفه: إذا كنت تريدها فلماذا لاتذهب.
بندر:أريد أن يخلو الجومن الحثاله لأني لاأطيق الحديث معهم.
المضيفه:أنت رجل وقح.
ضحك بندرضحكه أستهزاء وجلس يصحي شهد بهدوء والمضيفه تسب فيه وهو ماأعطاها وجه.
صحت شهد وهي متعجبه من ذي اللي تصارخ وهي معصبه.
شهد:بندر ذي وش بلاها تصارخ وش ترطن.
بندرضحك على كلمه ترطن اللي قالتها شهد بدون ماتنتبه.
بندر:حبيبتي ياالله الطياره فضت خلينا ننزل.
شهد: وأخيرآ.
وقفت ودها تتمغط بس أنحرجت من بندر لأن ععيونه تطالعها من فوق لتحت.
وبأبتسامه قال:ياالله عمري بس قبل لاننزل أفصخي عباتك وأفتشي وجهك.
شهد:ليه.
بندر:تعرفين هنا مايعترفون بالحجاب ولولبستيه بيقولون عننا أرهاب أو أنهم بيحولونا للتحقيق شي طبيعي لأنهم كفار والكفار يكرهون المسلمين فياريت تفصخينهم.
بعدتردد نزلت من الطياره وشافت الناس يطالعونها لأنها مازالت بفستان ناعم وبتسريحه وبمكياج العرس.
بندرأبتسم لاكن في قلبه شبت نار الغيره لاكن لأنها عروس لزم الصمت.
وصلو الفندق وأول ماوصلوشهد جلست على الكنبه من الإرهاق وحست بدوخه لأنها رفضت تاكل شي في الطياره أصفر لون وجهها.
بندر:فاتتنا صلاه الفجروش رايك نصلي جماعه بروح أتوضى وأجي.
شهدبلعت ريقها وشلون بتقول له أنها ماتصلي.
جاء بندربإبتسامه:ماغيرتي الفستان.
شهد:روح صل وأنابروح غرفه النوم.
غمزلها:لها الدرجه مستعجله.
شهدأنحرجت وجههاصار طماطه:لابس أبي أغير ملابسي.
بندر:إيه على طاري الملابس ترا ملابسك ماعجبتني كلها ساتره .
شهد:أنت مفتش بأغراضي.
بندر:إيه وشفت الملابس ولاعجبتني عشان كذا شريت لك ملابس على ذوق خواتي بس ياهي فاصخه شي يهول.
ضاقت وأنقهرت ودخلت غرفه النوم وسكرت الباب وفصخت الفستان ولبست قميص نوم أسود حرير طويل ماله أكمام ومعه روب شفاف ومعه طقم شبشب حريرفيه فرو أسود.
دخلت الحمام وطلعت منه وجلست قدام التسريحه تحاول تفك التسريحه لاكن مع كثره البنسات والسبرت طولت وهي تفك فيها وتعبت وهي توها عصبت وجلست تدعي على العامله اللي سوت لها هذي التسريحه ولأنها كانت لاهيه ماأنتبهت للي واقف عند الباب ويتأملها من بعيد.
بندربينه وبين نفسه:صراحه شفتها تأخرت في الغرفه ومالها حس فقلت أدخل يمكن نامت بس أستغربت لأنها ماصلت بس كانت لابسه أسود أنقهرت فيه عروس ليله زواجها تلبس قميص نوم أسود وطويل بعد كنها بعزاء بس رحمتها يوم شفتها تعاني في فك تسريحه شعرها كنت بأقرب لاكن شفت علامات الضيق بوجهها تعكر مزاجها لأن شعرها متعقد وصعب فكه توني بأدخل شفتها تاخذ جوالها وماأنتبهت لوجودي وأتصلت على أحد بس مدري من فقلت أسمع المكالمه وهي ماتدري.
شهد:هلا سلافوه كيفك.
سلافه:وااااااااااااااااااو شهد من جد أنتي شهد ولا أحلم.
شهد: لابنت جيرانهم إيه أنا شهد المهم قولي لأمي أني وصلت لفرنسا.
سلافه:واو فرنسا مره وحده.
شهد: شفتي عاد تصدقين أنا ميته من الخوف ماأدري كيف باقول له أن فيني العذر الشرعي من شوي قال خلينا نصلي جماعه.
سلافه:ههههه شكله متأثر بالمسجد.
شهد: ياحياتي من يوم العرس وهو طاير من الفرحه ويتبسم ويوعدني بليله ماعمري راح أعيش مثلها ويقول بتشوفين الرومنسيه على أصولها ياقلبي عليه أجل لو درى بالعذر وش بيسوي أخاف تجيه صدمه عاطفيه لاماأتحمل هذا حبيبي بندوري.
سلافه:أسكتي لايسمعك, أقول فيني النوم بروح أنام.
شهد:ياسخفك سلافوه لاتسكرين أناشهوده خالتك حبيبتك.
سلافه: هذاك أول الحين بندرالكل بالكل خليه يعطيك الحب والحنان وال....... واللي أنتي خابرته.
شهد:كلي تراب ياقليله الأدب المهم سلمي لي على الكل وبوسيهم لي واحد واحد.
سلافه: وأنامالي بوسه.
شهد:بعد قلبي أنتي أنتي عاد بوستي لك شي ثاني أممممممممموه حبيبه قلب خالتك.
بندربينه وبين نفسه:بصراحه كنت مصدوم من كلامها ليه ماقالت لي عن العذرالشرعي كنت متحمس كثير خساره بس كبر راسي يوم قالت هذا حبيبي بندوري بس ليه تدلع بنت أختها وتعطيها بوسات بالسماعه وأنا أطرها عشان بوسه وحده وياليتها تنسمع طيب ياشهد أما أحرجتك ماأكون بندر.
دخل بندروشهدمن شافتها صرفت سلافه وسكرت.
بندر بإبتسامه:حنا في شهر عسل فجوالي وجوالك لازم نقفلهم .
شهدرجعت تفك التسريحه.
بندر:أساعدك.
شهد: شكرآ مايحتاج.
قرب بندرأكثرلدرجه أن شهد صارت تحس بحراره أنفاسه عند أرقبتها:لا خليني أساعدك.
شهدبربكه:مايحتاج.
بندر:أنا زوجك.
شهد:ممكن توخر.
بندر: لا ماراح أحديقدر يردني عنك إلارب العالمين.
شهد:طيب لاتلصق فيني كذا أنت تربكني.
بندر:أموت أناعلى المرتبكين.
وبدأ يسوي لها حركات غير طبيعيه شهد:ممكن توخرأبي أتنفس.
بندر:ليه.
قرب حط يده على جهه قلبها كان ينبض بسرعه.
بندر:عز الطلب ياالله قومي معي.
شهد بخوف:وين.
بندرباغتها وشالها وهي تصرخ:نزلني.
ورجفته وأضربت يده بقوه عشان يفكها رماها على السرير بقوه بدت تبكي ضاق صدره كان يبي يمزح معها:أسف حبيبتي كنت أمزح معك.
شهد:هذا مومزح هذا إغتصاب.
بندر:طيب أنا ماأغتصبتك مزحت معك أبيك تضحكين.
شهد بكت وطالعته بنظره إستحقار أنصدم من نظرتها وقف وقال: أناأدري أن فيك عذرشرعي بس حبيت أمزح معك أنا أسف.
قامت وراحت للحمام وقفلت عليها الباب وكملت صياحها وعشان تهدأ تروشت بمويه بارده.
نروح لبندر:كنت جالس على السرير وأطالع باب الحمام أنتظرها تطلع وطال جلوسها بالحمام فجأه سمعت صوت الدش عرفت أنها تتروش فرحت يمكن تكون طهرت بس أنصدمت يوم شفتها واقفه بطريقه غيرطبيعيه فجأه.
طاحت قدام باب الحمام ركضت لها حركتها يمين يسار صرخت شهد قومي ولاتحركت كان قلبها يدق ببطء مدري وش أسوي شلتها وحطيتها على السريروركضت مثل المجنون أتصل على الريسبشن وطلبت يحضرون دكتور جاء الدكتور وكشف عليها
كنت خايف لاكن أرتحت يوم قال لي مجرد إرهاق لأنها ماأكلت شي من الصبح تركتها تنام ووصلت الدكتور للباب وأنسدت نفسي عن الأكل ونمت جمبها .
شهد: مدري وش صار لي صحيت وأنا أحس بتعب وإرهاق واحس أن راسي مصدع شفت بندرنايم جمبي وحاط راسه على صدري أبي أقوم أصلي أها تذكرت إيه ماوراي صلاه خلاص أجل أكمل نومتي أحسن.
بندر: حسيت أنها صحت رفعت راسي عن صدرها شفتها نامت وقمت عشان أطلب من الريسبشن أكل ووصل الأكل حطيته على الطاوله انتظرها تقوم وماقامت تركتها تنام وجلست أطالع التلفزيون.
شهد:أساسآ أنا مانمت بس مثلت عليه أني نايمه عشان مايبدى يمزح معي لأني أكتشفت أن مزح بندر ثقيل ولايطاق وسمعته يطالع التلفزيون كنت أسمع موسيقه رومنسيه شكله يطالع فلم رومنسي وقفت عند الباب وطليت لقيته منسجم وأنصدمت يوم شفته يبكي.
بندر: بكيت لاشعوريآ لأن قصه الفلم تشبه قصتي مع عهود ماأدري وش صار لي وأنا أشوف البطله تترجى البطل يرجع لها لاكنه رفض وتزوج غيرها وهي تحاول تتقرب منه وهو رافض وقرريتزوجها ورمى زوجته السابقه برا البيت وأنصدم من نفسه اللي صارت تحب زوجته اللي رماها ويوم راح يبي يرجعها وصل له خبرموتها وظل طول عمره يبكي ويتندم على فعلته ومات من كثره الحزن أنتهى الفلم .
شهد:بندروش فيك.
بندرشارد الذهن وماأنتبه لشهد.
شهد:حسيت أن الفلم فتح جرح بقلبه وأكبر دليل أنه يبكي بكاء غير طبيعي وكان ماسك شعره وحاط يده على قلبه ويردد خلاص أنساها أنساها اني فضول أعرف وش السالفه فقلت:بندر وش فيك.
أنتبه لي وقال:مافيني شي.
كانت عيونه حمراء شكله من زمان وهو يبكي فقلت له:أنت تحب صح.
بندر:وش دراك.
شهد:واضح من عيونك.
بندر:لابس تذكرت المرحوم أخوي بدر.
شهد:أنت تحب .
بندر:لا.
شهد ألحت وأصرت وبندر ينكرويلف ويدور وبعد إلحاح حس بندر أن مافيه مفر وغلط غلطه كبيره وهي الأعتراف بالماضي وقص لها قصته مع عهود من البدايه إلين كلامها له يوم العرس شهد في هاللحظه كانت تطالعه ضاق صدرها عليه قربت منه وكان يتكلم وهو يبكي قربت وضمته ومسحت على شعرها رفع راسه وقال:شهد لوقلت لك بروح لها تقبلين.
شهد:ماراح أمنعك.
قالت هذي الأجابه لأنها مابعد تعلقت فيه كان بندر بالنسبه لها شخص عادي مابعد دخل قلبها ولأنه ماسوى لها شي يعني توها بنت لوطلقها بتتزوج غيره على طول.
ومرت الأيام عليهم حلوه وممتعه وأكتشف بندر أن شهد ماتطيق مزحه وماينمزح معهالأنها بعد كل مزح تسبب له مشكله وتزعل زعل لايطاق فصار مايمزح معها وأكتشف فيها الغيره كانت تنكد عليه بغيرتها ماتبيه يطالع أحد غيرها وتضايق لأنها ماتخليه يقرب منها وفي يوم من الأيام كانت شهد جالسه بالفندق اللي يطل على البحرفي ماليزيا وكانت مطفيه اللمبات ومشغله الأباجورات الخافته جلست ببنطلون برموده ضيق لونه أسود وبلوزه حمرا كت مفتوحه جهه الصدركانت تطالع التلفزيون اللي بالصاله وكان الفلم فلم تايتنك وكانت متحمسه معه دخل بندر وماحست بوجوده لأنها إذا انسجمت مع شي لويصرخ أحد جمبها ماألتفتت له.
بندر:قلت لها أني بتأخرلاكن صديقي ماحضرالإجتماع رجعت بدري ماتوقعت أنها بتخلي الجو رومنسي جلست جمبها ولاحست فيني كانت تشوف فلم تايتنك ياقدمه ذا الفلم المهم جلست أتأملها وهي مندمجه بالفلم من يصدق ان بندر تزوج ذا البنت وين بندراللي يقول ماأتزوج أحد إلاعهود أو ملكه جمال وطحت بذي اللي أستغفرالله المهم يابندر وش بتسوي معها من تزوجتها مادخلت عليها مرشهرين ولادخلت عليها والله لويدرون الشباب بياخذوني مسخره ولاأمي المسكينه دايم تقول ورا ماحملت شهد ماتدري أنها ألين الحين بنت ماأدري وش أسوي أقول أشوف الفلم أحسن.
أندمجومع الفلم وهاضت مشاعرهم في اللحظات الحميميه اللي بين جاك وروز, ويوم مات جاك دمعت عين بندروشهد ويوم خلص الفلم جلسو يستمعون لموسيقه الفلم وتأججت مشاعرهم وهاضت الأحاسيس بسبب الأغنيه والجو الرومنسي فجأه بندربدون مايحس ضم شهد بقوه شهد ضاعت خلاص ماقدرت تقاومه شالها للغرفه وخلع ملابسها وصار اللي صار بعد مرورأربع شهوركانو مسافرين لجزر الهند كانت شهد تركض على الشاطىء وتنطط مبسوطه نست نفسها وراحت للملاهي وألعبت ألين داخت كان بندر يحاول ينسى عهود كل ماشاف شهد تذكرعهود عهود شغلت باله قرر ينساها ويمتع عمره.
وفي يوم من الأيام صارت مشكله بينهم.
بندر:من تزوجتك وأنتي عنيده طفشتيني أضحك لك تعبسين أسولف معك تزعلين.
شهد:والله وش أسوي لك كلما شفتك شفت عيونك على الحريم البيض وتتنهد ومتضايق لهالدرجه الجمال صارأهم شي.
بندر:أنتي تعرفين أناوش كنت أبي بس خلاص أخذتك وصار اللي صار وش أسوي يعني .
شهد: مشكلتك أنك تقارن بيني وبين الكلبه والوقحه عهود اللي هي في نظري أنجس من الكلب.
بندر:أحترمي نفسك.
شهد:ماعمرك حسيت فيني همك الشكل والمظهر الخارجي وأهم شي اللون ليه يابشر ليه حنا بشر نحس اللي وهبك الجمال وهبني هذا الشكل وش أسوي يعني هاه قول وش أسوي.
بندر: الشكل وعديناه واللون وعديناه طيب التصرفات شهد أنتي تنفريني منك بتصرفاتك من نطلع عيونك على عيوني ماتبيني أطالع أحد.
شهد: لأن عينك ماتجي إلاعلى الحريم الزينات والبيض والمشكله أنبهك وكني أحاكي جدار.
بندر: لاتحرقين قلبي خلاص والله قهر وين شهد اللي تقول بدلعك وبكشخك وبخليك أسعد إنسان وين شهد اللي تقول بوريك أنواع الدلع والدلال وين شهد اللي تقول بأفرش لك الدنيا ورود كل غلطه تغلطينها تذكرني بعهود تدرين وش كانت تقول والله ماراح تشوف علي غلطه وحده وفعلآ ماشفت منها الغلط خلتني أسعد أنسان على وجه الأرض وجيتي أنتي و....... خلني ساكت أحسن.
شهد:الحكي معك ضايع.
وطلعت قبل لايكمل كلامه لحقها بندرلأنه ماأنهى كلامه مسك يدها وسحبها طالعته بنظره قهر: لاتحرق قلبي يابندر يكفي سالفه عهود اللي أذبحتني.
بندر:مابعد أنهيت كلامي.
شهد: مشكلتك مومشكلتي.
بندروالشرر يتطايرمن عيونه:شهد لاتتحديني.
شهد: اتحداك بأيش أصلآ أنت أنسان عديم إحساس ماتخاف ربك كنت أظن أنك رجال لاكن طلعت غلطانه الرجال لاقال شي صدق فيه لاكن أنت مورجال مورجال عهود خلتك مثل شبشبها وطتك لين قلت بس ولاعندك كرامه المفروض اللي باعك برخيص تبيعه بتراب.
بندر:بس خلاص.
شهد: من تزوجنا وحنا خارج المملكه متى تنهي أشغالك أشتقت لأهلي تصدق بعد اللي شفته منك خلاص مالي عيشه عندك خلاص يكفي تجريح يابندر أنابشر أحس قهرتني وحرقت قلبي بزلاتك ياليتني وافقت يوم أنك طلبت الأنفصال.
وراحت لغرفه النوم وجمعت أغراضها.
بندر:شهد أسف.
شهد:لوالأسف يفيد كان فادك من زمان.
بندر:طيب أنا ماخلصت من أشغالي.
شهد: وصلني المطار وإذا ركبت الطياره أرجع وأهلي بيستقبلوني لاتخاف بقول لهم أني أشتقت لهم وماراح أبين أني زعلانه وبعد ماترجع أرسل لي ورقه الطلاق أوكيه.
هل بندر بيطلق شهد وعهود وش بتسوي عشان يميل قلب بندر لها كل هذا بتعرفونه قريب