منتديات قصايد ليل - عرض مشاركة واحدة - رواية يدري إن اسباب ضعفي نظرته يدري إني ما اقاوم ضحكته كامله

07-26-2011

اضطرت سهام تعطيها أبره مهدئه بمساعدة فيصل وإبراهيم لان سلطان ما كان قادر يقرب لها بحالتها بعد ما بدأ مفعول المخدر قام فيصل وشالها واتجه لغرفتها وطلعت معه منى وسمر عذاري مو حاسه بالدنيا غيرت منى وسمر فستان العرس لعذاري و بدت سمر تمسح كل المكياج اللي كان ملطخ وجه عذاري بسبب الدموع والكل يترحم لحال عذاري ويترحم للخاله

وما أن بدأت شمس الرياض بالشروق وقد أعلن خبر وفاة أم سلطان الحزن عم العائلة كلها على الساعة 9 الصبح كانت العائلة قد اجتمعت في بيت سلطان
واتفقوا أن إكرام الميت دفنه تم الدفن وان العزاء يقام في بيت العم أبو إبراهيم حتى يبعدون عذاري عن جو الحزن والجو الكئيب اللي ممكن يخلقه وجود النساء المعزيات ونظرات الشفقة لها سمر ومنى وبنات العائلة مع عذاري ما قدرن يتركنها أما نجود فأجلت السفر لبعد العزاء وكذلك أهل وضحه وأهل الأمارات رغم المحاولات لتهدئه عذاري من نوبات الحزن ما كانت تنام إلا بعد المهدأ وسهام وعائلتها كانوا سند لهم في محنتهم
الجد كان أكثر شخص يجلس معها يكلمها يهديها يخفف عنها هي حفيدته بالرضاعة عذاري بعد أسبوع بدت تتقبل فكرت موت أمها رغم أنها تحس بطيف أمها حولها أيامها كانت حزينة والبسمة قله ما ترتسم على شفاها من أحاديث البنات والجو اللي يتمنن يطلعنها منها غرفة أمها أغلقت بطلب من الخالة ميثه مراعاة لعذاري اللي كل ما تشوف أشياء والدتها تدخل في نوبه بكاء قررت الخالة أن أغراض الأم يتبرعون فيها وتفضى الغرفة من كل شيء ومنعوا عذاري تدخلها حتى لا تأخذ شيء للذكرى وتعود للحزن مره أخرى في يوم عذاري قدرت تدخل الغرفة قبل يطلعوا كل أغراض أمها وأخذت شيء من رائحتها جلال الصلاة ضمته لها كما تضم الأم وليدها هربت فيه عن أعين الكل لغرفتها قفلت الباب وتسندت عليه

عذاري (تشم الجلال وتضمه ودمعت عيونها) : اشتقت لك يالغاليه ....... اشتقت لدفئ حضنك لصباح الخير ....... يمه مو قادرة أتعود أكذب على الكل بس مو قادرة أحس فيهم وأنتي مو معاي يمه ...... مالها طعم الدنيا مو غيرك يالغاليه آآآآآآآآه يالزمن لو ترد وبس أضمها وأقول أحبك يمه ...... صوتك يرن في إذني ما نسيته (ابتسمت) اشتقت لكلمه أنا أمك يا بعد أمك

دثرينــي .، وارحلي ..لملمي شعثا ً مذاب .،
اعجني من حزني الملتـآع ألوان العذاب .،

احضنينــي وارحــلي كـ الأمس يخطـو في ارتيـآب .،
أنت ذكرى أنـت طيف ُ عــآبر .، يحـكـي سراب .،

كلمـآ ناديت أمـي .، داعبت جفنــي الدموع .،
داهمتنــي في الدجــى والشوق يجتـآح الضلوع .،

فـ تندي القلب يستجدي من الشمس السطــوع .،
لكن الشمس .، تنـآهت .، غادرت دون الرجــوع ..،

أنضرب الباب

عذاري (مسحت دموعها ) : أحم أحم من
: أنا ليالي
عذاري : هلا لولو ثواني بس بفتح قاعدة أغير ملابسي (اتجهت للدولاب (الكبت) وحطت الجلال تحت الملابس وسكرته واتجهت للباب وفتحت ) هلاااااااا
ليالي (تضمها) : هلا فيك كيفك
عذاري : أنا بخير أنتي كيفك تعالي حياك
ليالي : الله يحييك أنا بخير هاه جالسه لوحدك فيك شيء
عذاري : لا كنت أغير ملابسي من جاي معك
ليالي : أمي حمده بس تحت مع خاله ميثه وجدتي أممممم عذاري كنت تبكين صح
عذاري(تمسح دموعها) : لا هذا شيء طاح بعيوني
ليالي : لك أسبوع من وفاة أمك الله يرحمها ما تبين تردين الجامعه
عذاري: لا أحس نفسيتي ما راح تساعدني بعد فتره برجع أذا الله أراد
ليالي (حست أنها ما تبي تتكلم فحبت ما تضغط عليها) : عارفه الأسبوع اللي فات بعرس خالد وميثه وش صار
عذاري : شنو
ليالي : سمعي سمعي صارت بلاوي معي
عذاري : بلاوي لا يكون يقرب لخلاوي
ليالي : خخخخخخخ سخيفه بس سمعي
عذاري : نسمع قولي
ليالي : يوم الخميس اللي فات بعرس خالد وميثه بعد ما زفوا المعاريس أمي حمده تعبت وصدع رأسها قالت لي طلعي شوفي ناصر وصل لأنها اتصلت يجي يأخذها بترد البيت وفيها نوم لبست عباتي ولفتي وطلعت قلت يمكن ألقى طلال أو احد العيال الصغار مثل عيال اخوي وليد يشوف لي ناصر وسيارته لفيت الشيله (اللفه) على وجهي ما غطيت عيوني قلت بالليل محد بيشوفني قمت أدور يمين يسار مو فيه قلت برجع أقول لامي ما جاء ونتصل عليه لفيت وعباتي مسكت بالكعب كنت بطيح على وجهي مو متعودة على الكعب تركت(فلتت – هديت) لفتي (شيلتي) اللي ما سكتها على وجهي ومسكت الباب بسرعة لا أطيح على وجهي ولا يوم رفعت نفسي ورفعت راسي أنصدمت كان سااااااااااااااااااااااالم قدامي وجهي بوجهه كان جاي يشوف أمه إذا برجع البيت معه ولا مع أحد أخوانه
عذاري (شهقت) : أهئئئئئئئئئ حلفي وش صار
ليالي : ههههههههههههههه شكله تحفه تحفففففففففففففه طول عمره عينه زايغه خخخخخخخخخخ أبد مبقق(فاتح) عيونه هههههههههههه وأنا بغيت أموت صار لي فتره طووووووووووويله مو شايفته ومتغيركثير ضعفان (نحفان) وبعد ما تغطيت عنه ولا تقابلنا أو جلسنا مع بعض ولا هالمره متزينه لفيت وجهي وتغطيت يوم رجعت أطالع له للحين متصنم على حاله فاك عيونه وفاك فمه كأنه بزر هههههههههههههههههههههههههههههههههه
عذاري : ما عرفك
ليالي : أبدا
عذاري : كيف يعرفك على كل هالزين اللي كنتي فيه بالعرس وبعدين وش صار
ليالي : هههههههههههه قال يوم أستوعب وشبع طالع (تقلد صوته) أحم احم آسف أختي ما كنت أقصد السموحه
عذاري : ههههههههههههه مؤدب أخوي
ليالي (تطالع لها بنص عين ) : أحلفي بعد ما طالع وشبع شوف تقولين مؤدب
عذاري : ههههههههههههههه طيب كملي
ليالي : غيرت صوتي عشان ما يعرفني وقلت له لا أخوي معذور وتذكرت أهل حمدان يوم يقولون الشيخ عاد ما صدقت قلت أختم جملتي بالسموحه الشيخ عاد قال لي (تقلد صوته) أحم الأخت إماراتيه قلت له هيه أسمح لي الشيخ خلني أطوف أمايه تزقرني ( خلني أمر أمي تناديني)
عذاري : هههههههههههههههه مسكين أخوي
ليالي : رجعت داخل ويوم لفيت وراي لقيته واقف مكانه والله يا عذاري ما صدقت أختفي عنه جلست على أقرب كرسي وقعدت أضحك ههههههههههههههههههههه لا هذا عادي شوفي وش سوى بعدين
عذاري : خير بعد وش صار
ليالي : قلت للبنات اللي حصل وضحكن وحلفتهن ما يسولفن عن اللي صار أثر طلع مو سهل هالسالم رجع البيت وسأل سمر عن بنت إماراتيه لا وبعد وصف شكلي لها طبعا بعد الخز وسمر قالت أني بنت أقرب لأهل حمدان صديق أخوك سلطان من أهل الإمارات وأسمي نوره ما تدري بنت عمهم ولا خالهم
عذاري : هههههههههههه مسكين يا خوي طحت ولا حد سمى عليك
ليالي : مو تقولين له أدري فيك مسحوب لسانك عاد هذا سالم
عذاري : حراااام لولو تكسرين بخاطره
ليالي : لا والله وأنا ما اكسر الخاطر يوم يرمي الكلام بعدين جـــــــــب أنتي معه ولا معي خليه يندم على اللي قاله
عذاري : جــــــــــب أنتي أنا مع أخوي تصدقين لو قلت له من بكره شنو بكره الليلة يخطبك من أبوك وغصب يتزوج كالزين والجمال
ليالي (شهقت) : أهئئئئئئئئئ تسوينها والله اخاصمك ولا أكلمك لا تسوينها عذوره
عذاري(تلعب بحواجبها) : اخاصمك آه آه أسيبك لا لا خاصميه آه آه تسيبينه لا لا
ليالي : لا لا
عذاري (بخبث) : عيني بعينك
ليالي (فتحت عيونها وطالعت لعذاري) : أطالع لعيونك وابطهن لك وش أحبه يا هبله سالم أخوي وبس
عذاري : لا تكابرين يا حماره أنتي تحبينه
ليالي (عصبت ) : حبك برص أنتي وأخوك يالخبلللللللللللللللللللللللللله
عذاري : اجل وش تغير فيك ليه مو راضيه عنه
ليالي : أنتي مجنونه يا بنت قبل ليالي شيء والحين شيء تبيني يوم صرت بنت أجلس مع العيال سالم صار مو مسموح آخذ وأعطي معه وش فيك أنتي
عذاري : ليالي صدق تغيرتي وصلتي أحلى بس في شيء مختلف اللي أهو عيونك في شيء مفقود والكل لاحظ قبل كان عيونك تحسين فيها حياه وشعور وسعادة والحين فيها حزن من زعلتي من ناصر وسالم ليالي إذا عقابك له عشان الحب بسكت لين تتأكدين من مشاعرك ناحيته
ليالي : لا حب ولا شيء قولي له ما يهمني أساسا أساسا يوم الثلاثاء جاني خاطب
عذاري : شنوووووووووووووووووو لا تكونين وافقتي
ليالي : وش فيه وولد ناس والكل يمدحه
عذاري (تضربها على كتفها) : أخووووووووووووووي
ليالي (تدلك كتفها) : آآآآآآي ووووووجع وبعدين وش فيه أخوك
عذاري : أنتي عارفه لا تتغيبين
ليالي : لا غبيه فهميني وش دخل سالم في الموضوع
عذاري (وقفت قدامها) : يحبك
ليالي (وقفت وكتفت أيديها قدام عذاري) : يحبني ومتى أكتشفتي هذا الشيء وعلى فكره أنا بالنسبة له أختك لا تخلطون بين حب و الأخت ترى متربين مع بعض و أنا ما أحبه هو مثل ناصر حسبة أخ وبس ولما أبي أتزوج ما آخذ سويلم لو شنو صار
عذاري : الكل صار يعرف تقريبا أنه يحبك ويتمناك و سالم يسوى كل الشباب بعدين لا تلعبين بالنار
ليالي : ما فهمت
عذاري : سالم لو عرف أن أحد متقدم لك بيولع الدنيا نار ويقلبها
ليالي : ههههههه على رأسه لا يحلم وعلى العموم أبوي عطاني أسبوعين أفكر وأخوك جاه الوقت اللي يعرف أن كلامه غلط
عذاري : ما فهمت
ليالي : يوم قال أن ما فيني أنوثة ولا أحد بيطالع لي شوفي الكل يتمناني ولا بحلى بعينه وأكون أستحق حضرت جنابه بعد ما تزينت
قطع الكلام دق الباب ...
عذاري : أدخل
الخدامه : ماما يبي ليالي يلوح
عذاري : أوكيه (لفت لليالي) بنزل معك أسلم على خاله حمده
نزلن البنات وسلمت عذاري ولفت ليالي لفتها وتنقبت وطلعت مع أمها حمده ويوم طلعت شافت سالم اللي ما كان يعرف بوجودها وكان جاي يأخذ أمها اللي صار لها أسبوع في بيت المرحومة خالته يوم قرب سحبت اللفه على عيونها وخبت عنه ومرت من جنبه وسبقت أمه ولا عبرته ولا سلمت عليه وكأنه ولا موجود أبتسم سالم صار له 3 أسابيع مو شايفها وتمنى بس يشوف زولها وشافها سلم على الخالة حمده ووقف يطالع السيارة يتمنى يلمحها لو شوي يتمنى يمسكها ويكسر غرورها وشموخها يقول مو على سالم حبيبك لما غابت السيارة تنهد وهز رأسه على عنادها وصرخ قلبه
أحبهاااااااااااااااااااااااااااااااااااااااااااااا اااااااااااا

في الفترة اللي فاتت كانت سمر تتلقى رسائل كثيرة من مشاعل أنها ترد عليها واتصالات البعض منها من مشاعل والبعض من رقم غريب بس ما ترد ولا تلتفت للأرقام الغريبة تخاف يكون عبدالرحمن أو مشاعل تتصل من رقم غريب
وهي بغرفتها جاها مسج من مشاعل
سمر (تطالع المسج مصدومه) : ردي يا سمر أحسن لك تعتقدين بتهربين مني ما أنا وأنتي بنفس الكليه يعني بشوفك بشوفك لا وتهدد هي وجها أنا لازم أغير رغم تلفوني بس وش أقول لأخواني يا ربي أقول أحد يضايقني يووووووه يتصل فيه وأتأذى أنا ولا الحماره مشاعل تقول شيء ما سويته وأنذبح أدري الحيوانه تسويها لمصلحتها يمه يمه وش أسوي لا بقول لأبوي ولا جدي (أنضرب الباب) أدخل
الخادمه : سمر مدام يجي تحت
سمر : ماما تحت من جابها
الخادمه : مستر سالم
سمر(سكرت الجوال ورمته على السرير) : أنا نازله
أما عند مشاعل اللي معزومة في بيت خالها هي وأمها
مشاعل : عجزت ما ترد والحين سكرته
عبدالرحمن : ما عليه أصيدها
مشاعل : أشوفك مهتم فيها وما عدت تهتم في غيرها حتى صديقتي حبت تتعرف عليك بس لأول مره رفضت لا تكون حبيتها
عبدالرحمن : وأن كنت حبيتها وش دخلك
مشاعل : لا والله حبيتها طيب وأنا
عبدالرحمن (رفع حاجبه) : أنتي شنو
مشاعل : ما تحبني
عبدالرحمن (باشمئزاز) : احبك ليه أنهبلت أصلا ما عمري حبيتك وأنتي عارفه نوع العلاقة بينا مصالح فقط
مشاعل (بدلع) : بس أنا أسوي كل اللي تطلبه مني
عبدالرحمن : بمقابل يا بنت عمتي مو رغبه منك كل اللي تقدمينه تحصلين على أجرك
مشاعل (في نفسها) : ما عليه تقول حبيتها حب مثل ما تبي بس أنت لي غصبن عنك أنت ملك مشاعل تسلى مثل ما تبي بس يوم يجي الجد بترد لي وبكسر غرورك يا ولد خالي أما سمر بعرف كيف أخليك تكرها وأجيب خشمها بنت فهد بالأرض أنا مشاعل من يتحداني يندم يا حبيبي
عبدالرحمن : هيييييييييه وين سرحتي
مشاعل : هاه معك خير فيه شيء
عبدالرحمن : اللي ماخذ عقلك بس أمي تنادي على العشاء ما تبين
مشاعل (توقف) : إلا بس تفكيري بالدراسة
عبدالرحمن (يوقف) : أيه صح شدي حيلك شكلك مو مع الدراسة كم يوم تغيبين تونا أول الدراسة
مشاعل : الله يعين يالله تأخرنا عليهم
عبدالرحمن : يالله

بعائلة عبدالرحمن تجلس مشاعل مع عيال خالها عادي بدون غطاء بس لفه على الرأس بشكل مهمل تعبترهم أخوانها بس عبدالرحمن حبها من الطفولة

أما سمر اللي نزلت يوم شافت أمها حضنتها ودعت ربها يخليها لها ولا يحرمها هالصدر الحنون وتسمع سوالفهم و أهي ضامتها وما تركتها وجالسه بينها وبين عمتها خوله اللي صار لها أسبوع في بيت أخوها مشتاقه لعايشه وللكل بس مو قادرة تحس بجرح في قلبها معهم بالجسد بس فكرها مع أمها الثانية اللي ربتها من كانت صغيره أختها وأمها وأهلها عايشه تحس ودها تبكي اشتاقت لصوتها ولها وما صحت من تفكيرها إلا يوم قالت سمر لأبوها شيء

سمر( وقفت بصدمه) : شنوووووووووووو
الاب : اللي سمعتيه
سمر : يعني بنطلع البر ونجتمع كلنا
الأب(أبتسم) : أيه كلنا
سمر : وناااااااااااااااااااااااااااااااااااااااااااااااا اااااااااااااااااااااسه (لف لأبوها) مو تكذب علي