البارت الخامس والعشرون ...
:
:
:
اما عند شقة ظافر كان يحس بلهفه وشوق لوضحى غريب خصوصا هاليومين هي دقت له تطمنه عليها وحس باحساس غريب انها بادرة له وخصوصا انها تطمنت على عياله وسكرت ...
دخلت عليا وعيونها منفوخه من صايح وزقرت ظافر اللي كان يلاعب ولده وهو أصلا متزاعل وياها بسبب موضوع عنادها ماتبا تتقرب لوضحى طالعها بطرف عينه وقام وتنهد وحط ولده في حضن مريم وقام بسرعه واتجهه لها وهي دخلت داخل وقفلت الباب طالعها بطرف عينه وقال: انا ما قلت لج انسيني وانسي ...
قاطعته وهي تقول: أذا تبا ترد وضحى انا مستعده اردها لك ..
ضحك بصوت عالي ردد صداه في الغرفة وقال: عيدي عيدي فقتي من الغيبوبه ولا شوه !!! شو اللي طرى عليج تبين تردينها لي حنيتي لربيعتج ولا انا كاسر خاطرج !! ولا عشان حبيب القلب سحب عليج ومات في عيونها ..
انصدمت من جملته ولفت عليه بسرعه: انته عرفت !!
ضحك باستهتزاء: خبرني حميد وانتي ماتبينه يروح لغيرج فقلتي ارد العلاقة بيني وبين وضحى واجمع بين ظافر وحبه القديم صح هنيه تناسيتي مريم ومشاعرها صح ركزتي في مشاعرج بس يا الانانيه انا مابا منج مساعده اعرف اساعد نفسي واييب وضحى لي وطلع ورقع الباب بقووو وشل مفاتيحه وجاكيته ولف عليهم اللي بيتصل بي اليوم بكفرررر فيه وطلع ورقع باب شقه بقووو ...
امه بعصبيه : تعالي يا الخيبه شو قلتي لخوج يا الحماره..
قفلت باب غرفتها وهي تتجاهل وضع أمها وحرمة اخوها ابدا ماعليها الوقت هذا لازم ترد يوسف الحين لها وتعلقه فيها وتنسيه وضحى ...
:
عند وضحى بعد ما يابوا لها الحراس أغراض ويابوا لها ملابس يديده دخلت المطبخ تسوي لها عشاء سوت مكرونه بشاميل وحطت زيتون �� في صحن وغرشة داقوس ورتبت طاوله وهي تشوف شو ناقص زهبت الاكل وراحت تسبح فوق لان ظافر كلمها انه بيي عندها اليوم ودخلت الحمام وتسبحت وتلبست وثقلت على عمرها وطلعت وهي تنزل بسرعه ولعت الشموع ورتبتتهن ع طاوله وحطت شمع فواح شوي وسمعت صوت الباب لفت عليه ببتسامه: يا مرحبا والله ..
ابتسم وقرب منها وهو يفصخ نظارته ويحط جاكيته على الطاوله اللي قرب الباب وقال وهو يمسك خدودها: شو النفسيه عقب غياب أسبوعين من ريلج..
وضحى بربكه : فكه منه ومن ويهه قرب عالعشا
ظافر : بعدج مصره ما تفضفضين لي ...
وضحى ابتسمت: امبلا بفضفض بس بعد العشا .ابتسم وراح يغسل ايده ورد ياكل بشراهه..
بعد الاكل سوت لهم جاي احمر مع نعناع وسارت لين الخيمه اللي مسونها ع شكل كوخ �� وفيها مشعل المدفأه اللي على فحم وتطلع الدخان من الفتحه الخاصه فيها دخلت وحطت الكوب جدامه على طاوله صغيره وخذت هي كربها ..
ظافر ببتسامه حلوه: من ايد ما نعدمها..
ابتسمت وهي تقول: ما بتقولي كيف تعرفني !!
ابتسم وهو يقول: لا ضيعين الموضوع هاتي ما في جعبتك وانا اعطيج اللي عندي ..
ابتسمت بضيق ثم خذ نفس عميييييق وهي مغمضه عيونها وتقوله سالفة علي والعنود وشما الى اخر شي وبعدها مسحت دموعها بخنقه وهي تحاول تبتسم وبس والله توتته توته خلصت الحتوته
ضاق خاطره عليها وهو يقول: حسبي الله ونعم الوكيل فيه ...اللي مايخاف ربه.. وكيف عرفتي بخطة اختطافج ..
بضيق جاوبت: سمعته يرمس تلفون ويقوله أوقف في مكان معين ويوصف له المكان وانا لازم ابعدها عن الكل اباها تحبني بالغصب ولا بالطيب يعني تتخيل انه ممكن يحرمني من حريتي وعادي يبدا يعذبني علي ماله امان وينخاف منه اللي سواه فيني اجرام مافيه شي من الانسانيه ... رفعت عيونه لها والتقت بعيونه الحانيه قرب منها ومسح دمعه متمرده على رمشها وقال: لا عاد تبكين مابا اشوف غير الابتسامه وضحكة ..
ابتسممت بالم وهي مرتبكه من دفء يده اللي ع خدها ...
ابتسم وقال: ما قلتي لهلج ولا طمنتيهم ..
هزت راسها بلا وهي تقول: انا ماريد حد يعرف عني لين ماهو يفقد الامل ويرد الامارات ..
ابتسم وهز راسه رن تلفونه وانه مريم مرته رد بقهر انا ما قلت اللي بيتصل بجرم فيه وسكر في ويهها ..
انصدمت منه وقالت: توك تضحك امداك تعصب ..
ضحك وقال: برايهم انا قايل محد يدق لي ..
تذكرت وقالت وهي تعدل يلستها: قولي ظافر انته كيف تعرفنى ...
ظافر لف عليها ولف عالمدفأه وقال وهو يزيد فالحم فيها: يا طويله العمر انتي كنتي ربيعة عليا اختي وسمع شهقتها طالعها ورد كمل وكنت اشوفج كل مره تين في بيتنا واحس بسعاده وقلبي يملاه الفرح ويوم اعرف انج بتين كانه يوم عيد بالنسبة لي كنت أبا اصارحج بحبي لكن عليا اوهمتنى انج بتضايقين وبتزعلين منها وانج انتي بتحسبين نفسج رخيصه وانج بتاخذين فكره ان عليا تباج تقربين مني واتقرب منج ومن هالكلام ثرها الحبيبه تحب اخو حرمتيه وخايفه على مشاعره لو درى انى احب غير اخته فانهت العلاقه وياج بحيث انها تنسيني اياج وانها تراعي مشاعر اخو الحبيبه فهمتي ...
طالعتع بغموض وحده وهي تقول: كيف اخو حرمتك في هذيج الفترة لنته كنت متزوج ..
هز راسه بنفي وهو يسترسل الحديث لا كنت اقولهم أبا اعرس قبل ما اختار الحرمه لقيتهم قايلين لي نحن رمسنا عمك وهو موافق انك تملج وقومي عاد استوت الضرابه والهده والحشره ومارسينا على بر يهديكم يرضيكم مافي مصممين ع بنت عمى خذيتها بالاكراه ومثل ما يقول المثل ما ينجبر قلبن ع قلب ويبت منها عيال توام ولدين وطلعوا مريضين بالقلب وواحد منهم فوق القلب عنده صمام القلب وعندهم تكسر في دم وبعدها ندم ابوي وامي انهم زوجونى بنت عمى لان كانت تحاليلنا ما تطابق ورغم هذا زوجوني بالغصب والحين يدورن رضايه امي تقول بو تبا تزوج برايك مادروا انى عاشق وولهان مالقيت ضالتي الا امسات يوم يابها القدر لي هديه..
اكتسن خدودها بلون الوردي الفاتح ومنحرجه من كلامه وياها كانه مالكنها ويتكلم عن شي له هو بس ممنوع لغيره لمسه او حتى نظره ...
تحنحن يحسسها بوجوده وقال: وين وصلتي..
هزت راسها بلا وهي مستحيه رفعت راسها له وهي تقول: الله يا الدنيا سبحان الله ردت تجمعنا انا وعليا مع بعض بعد طول هالسنين ...
ابتسم بضيق وقال: شفتي ..
رن تلفونها وردت بلهفه: هلا اريام .
اريام تحاول تخفي صوت بكاها: هلا بالغناه انتي وينج ولهت عليج
وضحى : وانا زوود غناتي بشريني عنج وعن هادي المعرس شو سوى وياج...
ابتسمت وهي تقول: هادي فديته شيخ ولد الشيخ محد يوصل مواصيله بس البلا في اختج اني مب مستعده للشيء اللي يباه ...
وضحى: بلا سخافه شو يعني مب مستعده تراه حلالج..
هزت راسها بضعف وهي تقول : ادري بس مب بيدي ...
وضحى: تعوذي من بليس وحاولي تتقربين منه وعسى خير ...
اريام تغير الموضع لانه بدا يضيقها: يالهايته انتي وينج من كم يوم لا خبر ولا علم شو بو شباب وياج..
وضحى تضحك: ههههه سكتي ياختي كان يبا يخطفني حبيني بالغصب او بالطيب جان اخطف نفسي تخيلي شردت ودورت لي ملجأ...
ضحكت اريام وهي تقول: يخربيتج يا حرمه ما توقعتج تسوينها
وضحى بضيق: هو اللي يابه لعمره نعم متفق على خطفي مينونه انتي بيشل تلفوناتي وبيعقني في بقعه مهجوره لا فيه صديق ولا عابر طريق ...
ضحكت اريام من خاطرها وهي تسمع صوت الباب:هههههههههههههههههااااااي انتتتي مينونه والله يستر من ينانج ..
وضحى تنهو المكالمه: اسمع صوت ريلج يأ..
اريام تحاول تلهي ننفسها بالعطور اللي قدامها تتجنب نظراته اللي صارت في اخر فتره تايهه فيهن: امممم شكنتي تقولين..
وضحى: بلا قلة ادب وتسوين نفسج تكابرين يلا روحي لريلج ووسكرت في ويهها ...
ورفعت عيونها تطالعه لقته يشوفه قالت بصدمه: شفيك تطالعني..
ظافر يضحك: هههههه اول مره اشوف جانبج الثاني اللي يبين عكس ظاهرج..
وضحى بضيق: والله شوف كل واحد فينا له جانب مضيء وجانب مظلم وعادة هالجانب المظلم يكون فيه كثير أشياء ونحن ما نعرف عن الاخرين سوى الجانب المضيء لنا اما الجانب الاخر فنحن ما نعرف شي عنه يا اما يظهره شخص لنفسه في وقت خلوته بذاته او يظهره كغيض وعصبيه للأشخاص الاخرين فانته تشوف الوجه الاخر لذات الشخص ولكنهم وجهين لعملة واحده ..
ابتسم وهو يقولها: هيه صح تصدقين ماعمر مريم شافت الجانب الاخر مني كله تشوف العبوس والضيق فيني ماعمري ابتسمت لها تصدقين حتى يوم ربت بعيالي توام صح فرحت فيهم لكن ما كانوا يقربوني من امهم نهائيا تعرفين احس اذا سمعت صوتها او او قربتني اتنرفز احس اني مقروص وضحى يمكن بديت اتقبلها في حياتي بس صراحه من رديت وشفتج في مطار بوظبي ردت لي عواطفي ورد لي كل شي حسسسيت فيه من شفتج ومن بعدها رفضت فكرة القبول لها باي اتجاه كان وصرت صلب وصارم وياها نفس قبل وزود مافرقت معاملتيه عنها زود عن قبل الا اني مب طايق قعدتها ولا طايق قربه تتخيلين لدرجة ان امي تقولي اذا ناوي تعرس برايك لان ع اجبارهم لنا هذي نتيجة افعالهم عيالي انظلموا وشو ذنبهم صغار ولا يعرفون للحياة لا لون ولا طعم اشوفهم يتعذبون قدامي وبوايراتهم مش حرام وهي تعرف اني كارهنها بس ما تقدر تقول شي تدرين لو اطلقها محد يوقف في ويهي بس انا مستحمل عشان عيالي ومابا مضره لعيالي
انتهى ✅
|