يعاتبني حبيبي ليه أنا طولت في المسفار
وهو يدري بأن السر في بُعده وتقصيره


حياته كلها عندي شغل أو رحت لي مشوار
قضينا وقتنا ننطر ولا خلُصَت مشاويره


بعدها راحتي واجمل سنيني جات بالأسفار
أقضي الوقت أستمتع كذا من ديره لْديرة


أجسد كل تفاصيلي وأنظم رحلتي أشعار
محوته من تفاصلي ولا طاري ولا سيرة


وشلته من حياتي للأبد وانقطعت الأخبار
وكل اللي عطيته من حناني فاز به غيره


أنا مان من اللي لاختياراته يجيب أعذار
تقبلني كذا أو سيبني يمكن لنا خِيرَة


حياةٍ كلها امْدَارى وتشرّه لازم ابتنهار
هدمناها قبل تكسر فؤادٍ صعب تجبيره


وزي ما اخترت من حقك بعد ياصاحبي تختار
ترانا اخوان ما فيه بيننا قمحة ولا شْعيرة


أحبك ما أحبك ما لها دعوى بكونك جار
وانا وانته رغم كل الظروف نقدر الجيرة



لجرير