اليوم الثاني
فصل 3\3 علمي
فريد\مو عارفه اتصرف..الهبله لولو غارقه بااحلامها..وعريس الغفله..كرهته قبل مااعرفه
عايشه\الصراحه مشكله..البنت انهبلت,,اقولك خلي الموضوع علي..انا بكلمها..
فريد بلهجه ساخره\حتى لو كلمتيها النتيجه وحده..
سندت حنان رأسها على الطاوله الخشبيه وشاركتهم بالحديث\وانتوا ليش مصعبين الموضوع..اتركوا البنت لحالها..
فريد\حنوا وعمى..وشفيك انتي..بدال ماتساعدينا بالمشكله تقومين تزيدينا..
حنان\انا مائلت هالحكي الا لاني عارفه انه لولو مو وجهه دراسه..
فريد بكل حراره قالت\لكن هذا مايمنع انها تكمل دراستها..انتوا ماشتفوها امس وش قالت لي..مو معطيه الموضوع أي اهميه..بغيت اذبحها امس..
عايشه\خلينا من موضوع لولو.. انا بكلمها اليوم..انتي وشفيك..صايره عصبيه اليوم بزياده!ولاحظت انك بحصة ألأنجليزي مسرحه وقلت يمكن لأنها اول حصه..لكن الحصه الثانيه نفس الشي..!
قربت منهم بكل اهتمام بان بملامحها\اي والله..فريد فيك شي؟؟
تذكرت فريد موقفها مع مصعب وبلعت ريقها من الغصه اللي شعرت فيها
فريد\ولاشي..بس متضايقه من موضوع لولو!
ناظرت عايشه بعيون فريده\مـتأكده..!
اومأت فريد برأسها وفتحت كتاب الفيزياء
حنان\طيب اذا مافيك تحكي..اجليها لوقت تاني..
فريد بصوت اقرب للهمس\اوكي
عايشه\وش سويتي أنتي أمس..!
فريد\انا!
عايشه صوبت نظراتها لحنان\لا..اقصد حنان!
حنان\ماسويت شي
عايشه\مو قلتي انك بتدقين علي..مادقيتي..!
توترت حنان في كلامها\أأأنشغلت شويّ..
عايشه\وماقدرتي تفضين دقايق عشان تكلميني..فكرت إني ادق عليك بس خفت ابوك ينزعج من اتصالي..
حنان\بابا..بابا لاهي بشغلوا..ومو داري عني!
عقدت عايشه حواجبها باستنكار\عنك!
حنان\قصدي..عنا..
عايشه\اها....خلصتي تصميمك..
حنان\أيه..خلصتوا وجبتوا معي كمان..
عايشه\فرجينا..وناظرت فريد..خلينا نغير مزاج بعض ناس..
اخذت حنان ملف بنفسجي من درج طاولتها.. وفتحته وطلعت التصميم اللي آثار إعجاب البنـات وماقدروا يقولون غير واااااااااااااو ..
فريد رجعت لحركاتها\تفو عليك ماابي احسدك.
حنان اشمئزت من حركة فريد\فرييييييييد مابتعملي هيك مره تانيه..
فريد\ياهبله أحفظك من عيني.
عايشه كانت تـتأمل التصميم بدقه\اقولك..لو ترفعي الفستان من تحت شوي وبيطلع أحلى..خصوصا لأنه موديله ضيق من تحت الخصر..
حنان\سبحان الله..نفس تفكيري بالضبط..مش مشكله..بغيروا اذا رجعت البيت..
فريد\والله حرام كل هالتصاميم تظل مسكره بملف..
حنان\شو بدي اعمـل..خليني ساكته افضل..
عايشه\طيب ما حاولتي تعرضينهم بمحلات غير جارتكم اللي قلتي لنا عنها!
حنان\للأسف لا.. أصلا أنا مره ئلت لبنات عمي الهبلات وقاموا يتمصخروا علييّ
فريد\منوا.. منال والاء..!
حنان شعرت بـ الاشمئزاز لمن سمعت اسماء بنات عمها\لاتجيبي طاريهم فريد..انا مو مستحمله شوفتهم بالصيف..
عايشه\ابي افهم بس!وش سرّ هالعداوه الكبيرة..!
حنان\الحسد ياحياتي..والغيره لأني انا أجمل منهم..
فريد ناظرتها بنص عين\متأكدة مافي سبب ثاني..!
حنان بكل حراره قالت\ابــداااا
عايشه\ههه طيب شوي شوي لاتموتي علينا..
وقفت على رجولها حنان\بلا كلام فاضي..بروح دورة المياه..في حدى بدوا يروح!
عايشه\لا..بس لا تتأخري..بتبدأ حصة الكيمياء..
حنان مشت وهي تتمخطر \اوكــي
فريد صرخت\وعمى عدلي مشيتك..
التفت لها حنان\مالك شغل
فريد\كولي عسل
ناظرت عايشه زول حنان اللي اختفى\ههه خبله هالبنت..فريد
فريد\بليز عواشي لاتبدين..مافيني شي ..انسي..
عايشه\شلون مافيك شي..وانتي توك تقولبي انسي..
فريد\لأنه هبله..واللي بخاطري على لساني..
عايشه\والله انك اعقل هبله بالعالم..
فريد تضايقت\شكرا على السبه
عايشه\لاااا..والله فيك شي كايد..قولي..انا عواشي
فريد تنهدت بالم\مافيني شي
عايشه\مصعب صح!؟
اومأتت فريد رأسها باستسلام..وحكت كل اللي حدث
عايشه\والله انه حمـ..
فريد\لاتسبينه..بس انا اللي مسموح اسبه..
عايشه\فريد..انسيه..ومثل ماقلت لولو..مصعب مايستاهلك.
فريد\انساه..!صعب اني انساه..وشلون قولي لي وهو معاي كل لحظه.كل دقيقه وثانيه..عواشي..حتى بأحلامي اللي بتظل احلام يكون متغلغل فيها بغروره وكبريائه..ليتني اقدر..بس خلاص ياعواشي مصعب صابح دمي..اصبح هواي..شلون تبيني اعيش بدونه!
عايشه\طيب حبيبني انا..ماانفع يعني!
فريد بنبره باكيه\تستهبلين انتي..لاتخلينين احلف مااكلمك عنه مره ثانيه..
عايشه\شسوي فيك..ابي اريحك شوي..
فريد\ابي حل..ابي اذبحه مثل ماذبحني..تبي اذوقه اللي ذقته..
عايشه\وليش كل هذا..يكفي كلمتك اللي رمتيها عليه..دصقيني لو ماارثت فيه ماكان ذكرها لك أمس..فريييييييييييد اكتشاف خطير ..صمعب يحبك..
فريد\هه كان..
عايشه\ليش كان..لولو صادقه..لو مايحبك ماكان ذكرك بهاللكلمه!
فريد بلهجه ساخره ممزوجه بشجن\يحبني واكبر دليل ..انه اهداني تيشرت رجالي.... يحبني وكل مايشوفني يسبني ويناظرني كأني وحده هبله وماافهم بالأنوثه بشي يحبني ويكلم غيري ويسهر مع غيري..يحبني وهو اللي سماني فريد..شفتي كيف يحبني!؟؟؟شفتي كيف يحبني ياعواشي!؟؟
كلمات فريد اغرمت عايشه على الصمـت..ودخول لولو رفع الحرج عنها..
لولو وهي مسكهر انفها بااصابع ايدها المطليه باللون الفوشي\وش هالريحه..اافففف!مافي احد يتبرع بعطـر!
عايشه\فصحتينيا قصري صوتك!
لولو\شنوا يعني اختنق..!
دخلت حنان هاللحظه ووجها محمر..والدموع محبوسه بعيونها
عايشه\سلامات..وشفيك!
جلست حنان على كرسيها بعصبيه\مافيني شي..
لولو\اقول تكلمي..شنوا مافيك شي!؟
حنان\سلوى..
عايشه\وشفيها سلوى بعد!؟
حنان نزلت دموعها\شرشحتني قدام بنات اولى ثانوي...وارغمتني افصخ جاكيتي الأحمر..ومسحت الكحل من عيوني الدبه..ومو بس هيك...اخذت مني علبة العلكه..الدبه تئقول انها ممنوعه
فريد رغم عنها ظحكت ونست المها\هههههههههه تستاهلين..محد قالك تحطي كحل..!بس تعالي ليش اخذت الجاكيت..
عايشه\يمكن لأنه لونه احمر..
فريد\هههههههه احسن بعد
حنان\وعمى..ليش تضحكي..اصلا هي لو شافتك هيك..بتشرشحك كمان..
ناظرت فريد شكلها..كانت لابسه جاكيت جينز مقلوب ومسكره زرين من تحت وألازرار الثانيه مفتوحه لأجل تبين السلسله المتدلية بوسط عنقها.ورافعه اكمامها..
فريد\تخسي.!
لولو حطت ايدها على قلبها\الحمدلله..انا جيتكم من السيب الخلفي..ومحد شافني..
حنان\ومو بس هيك..سمعت انها بتعمل تفتيش..بالحصه السادسه..اذا حد عندوا ممنوعات يعطيني اياها لأني بطلع ملفي بمكانا المعتاد..ووجهت كلامع لبنات الفصل بنبره عاليه..يابنااااات في تفتيش الحصه السادسه..
..والكل صابه الخوف..وثواني بسطيه و عمت الفوضى بالفصـل والكل يحاول يطلع الممنوعات اللي عنده..
جلست فريد على الطاوله بدون اكتراث\انا جايبه شريط اغاني الي طلبتيه مني..بحط تحت جزمتي.وينتهي الموضوع..
لولو\الحمدلله كنت بجيب مجله لعواطف اللي بفصلي...بس الله يحبني ونسيتها بالبيت..
عايشه\وش اللي حادكم!مره ثانيه لاتجيبوا ممنوعات..وارتاحوا..
حنان ناظرتها بنص عين\ومذكرتك عيني..مو خايفه عليها..!
اتسعت عيون عايشه وووقفت على رجولها وهي تضرب جبينها الأبيض\نسيــت..
لولو\بالله..!عشان ماتعطينا مواضع منتي قدها..
عايشه زاد خوفها واضطرابها\لاااا..يفصلوني..ولا ياخذون المذكره..!
لولو\اهدي شفيك..مليون مخبأ يتسع لمذكرتك..لاتخافين..
عايشه\تكفين لولو..قولي لي وين احطها!
لولو مسكت معصم عايشه\بمكانا المعتاد..هذا احسن حل..
عايشه\لحظه خليني اطلعها..
فتحت عواشي شنطتها الورديه وناظرت مذكرتها الذهبيه بخوف..
عايشه\واللحين وين احطها..!!!!!!!!
مسكت فريد المذكرة وفتحت جاكيت عايشه ووضعته داخلها وسكرت الجاكيت بسهوله
فريد\يالله..اللحين تقدرون تطلعون..
عايشه \طيب وإذا شافتنا..
مسكت لولو معصمها مره ثانيه\بنطلع من السيب الخلفي..
حنان\إذا هيك..انتظروني بطلع معكم..وأنتي فريد..!
فريد\ماله داعي...آنا بتصرف..
طلعوا البنات بخطوات سريعة لخارج الفصـل ..وفريد رجعت كرسيها للخلف وفتحت كتاب الفيزياء.. وضعت قلمها بفمها وركزت على ألإثبات..
-------------
بعد يومين
..فكرها مشغـول بإنسان كانت ترسمه صوره شفافة بمخيلتها وما عمرها ناظرت هيئته شكله ودققت بملامحه اللي كان بالنسبة لها ألأساس لجمال أي شخص..او بالأحرى ماتذكر إنها قابلته بيوم ولعبت معاه..ماتذكر انه الصدف جمعتهم وجسدت موقف بينهم..!
حاولت تعصر مخها وترجع لذكرياتها للوراء..لكن محاولتها كانت عابثه وشبه مستحيله..لأنه الفرق بينها وبينه اعـوام عديده..
فكرت كثيـر وتذكرت كلام فريد ..واللقب اللي أعطته سامي
"الشايب"
معقوله يكون كلامها صحيح!
معقولة على نهاية عمرها تتزوج شايب ومذموم الخلق والملامح!
يمكن يكون اسمر!
أو حتى شعره تخلله الشيب وقضى عليه!
فيه عيب!يمكن فيه عيب..!
وبعدين وش الحل!
هي..لولو..لــولــو تتزوج شخص بهالمواصفات!
لكن مو مهم!آبدا مو مهم!
يكفي فلوسه..فلوسه بتغنيها عن العالم كله..
وبعدين شو فايدة عمليات التجميل!؟؟
"آآآه ليتني اشوفه ..اشوفه حتى لو كان من بعيد..ليتنـــي"
فكـرت بسندس..سندس هي الوحيده اللي ممكن تعطيها صوره له..
لكن وش تقول لها!
ابي أشوف صوره لآخوك العزيز!؟؟
فكري يالولو..اكيد بأيدك الحل؟
اخذت تلفونها الفوشي وبسرعه ظغطت على اسم سندس قبل ماتغير رأيها,,
وبعد رنتين
لولو\هاي سندس
تكلمت سندس بصوت متقطع\هاااااي للللولو..هلا بمرت خيي
شعرت بحراره بخدها لأول مره ومو عارفه لها تفسير..كلمة "مرت خيي" وترتها
لولو\سندس صوت يقطع..وينك انتي!؟؟
بنفس الصوت المتقطع ردت\ انا بلبنان مع امي نعدل بااجسامنها قبل زواجك ههههه..يومين وراجعين..
عضت لولو على شفتها السفلى"حظك ياسندس"وانقهرت لأنه محاولتها باءت بالفشل
لولو بغيره حاولت تخفيها\اها
ضحكت سندس ووابعدت السماعه من اذنها وواضح انه في شخص اخر جنبها
لولو\سندس انتي معي,,
سندس\ايــه..معك...خلصتي تجهيزاتك..
ركزت لولو بكلمة تجهيزات..لأنها فعلا ماحركت شي من مهرها..
لولو\لاااا..بس اليوم بطلع للسوق..
سندس\حلللو
لولو\طيب سندس اكلمك اذا رجعتي..
سندس\اوكي حبي..تشاو
رمت لولو تلفونها بقهر..
لكن مكالمتها لسندس صحتها من غفلتها,,
هي لازم تتجهز..وتترك الشايب على جنب..
المفروض الكل ينبهر منها..وتبرز جمالها ومفاتنها قد ماتقدر..
وبكره وقت التنفيذ
-------------
بكلمتين...وابتسامه لها الف معنى ومعنى اتفقوا البنات يصاحبونها بالمشغل...
حنوا كانت لها الكلمه الأولى والأخيره في تصميم الملابس والخامات الأضافيه اللي طلبتها..
وعواشي كانت تضيف ارءاها بكل اهتمام..
اما فريد..مثل الأطرش بالزفه..
فريد\وش هالغباء..وش جاب الدانتيل للحرير..!؟
ضربت عواشي فريد بأيدها..
عواشي\قصري صوتك..والله شوي وبتطردنـا..والتفت لحنوا..فهميها.!
قامت فريد من الكنبه الجلدية بقهر\وش شايفيني هبله..ولا هبله!؟؟
اشرت حنوا بأيدها\التنتين شايفينك..وكملت بااهتمام..وش رايكن نضيف فيونكا بلون اصفر بدال الأخضر..بتطلع بارزه صح!
ابتسمت لولو برضا وتشويق\واااو بتطلع احلى..
اعتفست ملامح فريد وضربت الطاوله اللي قبالها\والله انك تلوعين الكبد..كأنك باربي..
عايشه\كسرتي الطاوله الله يهديك..
حطت لولو رجل على رجل بدلع\وينها هذه تأخرت..ماصار تلفون..؟
وبكلمة لولو دخلت المصممه منار بابتسامه حرجه
منار\سوري تأخرت عليكن..
حنوا\خذي راحتك..
جلست قبالهم ورجعت تتأمل الأوراق اللي بأيدها باهتمام..
وفريد كانت تناظر المصممة وتقلد حركاتها بدقه..مره تمسك الورق وتجحظ بعيونها..ومره ترفع شعرها الكستنائي بحركات رقيقه..لولو كانت كاتمه انفساها من حركات فريد الطفوليه..اما حنو كاتمه انفاسها لأجل تخفي ضحكه ممكن تدوي أي لحظه,.
وبعد ساعتين اضافيه..طلعوا البنات ولولو مطمئنه نسبيا من اختيارها في تصميم الفساتين,,
حنوا\نكمـل..والا شوا!؟
مسحت فريد وجهها بالمنديل من خلف الغطاء\لاااا..انا انهلكت..
عايشه\ويــه..ماسوينا شي وتعبتي!
فريد\يااختي انتوا عارفينين مااطيق السوق..
لولو كانت بالمثل طاقتها كلها انتهت\تبون الصدق..حتى انا تعبت..وش رايكم نروح كوفي.ونرجع البيت نكمـل السهره..
فريد\وش كوفي انتي الثانيه..انا ميته حرّ..
حنوا\إذا مابدك كوفي..عزمينا ببيتك ..وسال لعابها وهي تقول..نفسي بعصير من ايدينك الحلويين..والا كيكة التوفي..يم يم..
عايشه\إلا صحيح فريد..كيف تسوينه..حاولت اصلحه..وماضبط..
رمشت فريد بعيونها بفخر\حبيبتي..سرّ المهنه..ادعوا لي بس افتح محل بااسمي..
لولو\اكيد تستهبلين صح!
فريد\وليش استهبـل..انا فعلا جاده بكلامي..بس خليني اكمل دراستي..ويصير خيـر..وشوي شوي..تكـون لي محلات باسمي..!ومو بس كذا..للنساء فقط..
لولو\احلامك بعيده..
فريد بنظرات تحدي\والله ياحببيتي محد احسن من احد..وبتشوفين..
عايشه\تعجبني ثقتك بنفسك..
لولو\المهم فكونا..اللحين وين..!اذا ماودكم بكوفي..نروح البيت ونخلي الشيف فريييد تصلح لنا عصير..وبعض من اطباقها..واذا سمحت تصلح لي كابتشيونا ماعندي مانع
حنوا\انا موافقه..
عايشه باابتسامه راضيه\وانا بعد..
فريد\احم احم..اصلا انتوا تقدرون تقولون لا..!
=========
لمحها لمحه سريعه وبهالنظره الوحيده اعجب بشكلهـا وبياضها العجيب وبثواني بسيطه حس بالشخـص الثالث اللي شاهد الموقف بكل دقه..وعشان يغيضه اكثـر طـول النظـر فيهـا لمن شعر بالقهـر بعيونها..
ولأجل يرضي غروره غمـز بعيونه للبنات واشر بأيده وطلع من البيت بكل برود..
فريد اول وحـده دخلت البيت بخطـوت سريعـه وعيون قاتله..وعواشي حست بالحـرج وتمنت انها مافكت الغطاء بالحديقه وانتظرت لمن تدخل الصاله..اما حنوا ولولو ضحكوا بسخـريه وكأنهم معتادين على هالمواقف..
تقدموا الثلاثي للصاله وحصلوا فريد جالسه على اول كنبه وتضرب رجلها على الأرض بعيون شارده..
جلست قربها حنوا وضربتها على كتفها\اموت انا على اللي بيغاروا..فديتوا وفديت نظارتوا...وشامتوا السوداء..
التفت لها فريد ومشعت شعرها\كولي عسل ياحمـ..
حنان\امووت على الغيـره
فريد هددتها بحقد\وقسم بالله ان ماسكرتي فمك لأذبحك
حنان\احلى ذبحه كمان
قربت منهم عايشه ووجهت كلامها لفريد\يعني انتي من صجك معصبه..
كتفت ايدينها بقوه ومدت شفايفها\لا طبعا.
رمت لولو غطاها\واضح..اقول بس لاتتهربين..ابي عصيـر..بروح اخليهم يجهزون الأغراض..
اخذت فريد مخده زيتيه ورمتها على لولو\انتي وين..وانا وين.!؟
ركضت لولو للبوفيه وضحكتها العاليه تدوي الممر..
جلست عايشه بالجنب الثاني لفريد
فريد بغيره صعب انها تخفيها\ليش يناظرك!
اتسعت عيون عايشه ..ومافي كلمه هاللحظه ممكن تسعفها..
أحيانا فريد ترجع طفله..طفله صغيــره ماتعـرف وين درب الأمان..
عايشه\لأنه غبي..
فريد\وليش غمز بعيونه
حنان\والله يغيظك..
فريد\طيب ليش قال باي..!
حنان\كمان بدوا يغيظك..
فريد\ليش احبه!؟
عايشه بلهجه طفوليه ردت\مااعرف..يمكن لأنه له شامه سوداء..
حنان بونفس لهجة عواشي\لا.أظن لأنه يشبه توم كروز..
عايشه\لا لا لاااا..اتوقع لأنه يحبك يافريد.
غمضت فريد عيونها..واكتفت بالصمت..
عايشه بصوت ساكن\لهدرجه الحب يعذب!؟
مسكت فريد ايد عايشه وحطتها بمكان قلبها\ويألم..
حنان\لا انا حبي مايألمني..
استنكرت عايشه كلام حنان\يألمك!؟
حنان\انا حبي بيقويني..!
عايشه\رجعنـا للخرافه..!
فريد بصوت هامس\ابعديه هالحب اللي لسه ماانولد..انسيه..اقتليه..
حنان\لا..ماتقولي هيك..
لولو\جنـووون..
التفتوا البنات لـ لولو اللي كملت حديثها
لولو\كل وحده فيكم مجنونه..اللي يحب مجنون..
عايشه\يعني بتقولين لي انه عمرك ماراح تحبين..
لولو\كل شي بهالدنيا احبه..ماعدا رجـل اسلمه قلبي عشان يعذبـه..لا ياقلبي انا اكبـر من هالحب اللي مايعـرف غير التضحيه..
عايشه تمللت من هالنقاش الغير منتهي\الكلام معك ضايـع..
حنان\ممكن ننسى هالنقاش شويه..ومانضيع وقتنا بحكي فاضي.!لولو..امك وينها!؟
لولو\بالبحرين..
ما تفاجأت فريد ابدا..لأنها متعوده على طلعات خالتها لوحدها خارج السعوديه..
قامت بملل وبخطوات بطيئه اتجهت للمطبخ..
وبصوت عالي قالت\في ايس كريم فانيلا,,
لولو بنفس نبرة فريد\موجووووود على الطاوله..واذا ناقصك شي قولي لـ سيلا
حنان\فريييييييد كثري ايس كريم للعصير..
عايشه\ولاتنسين الكرز..
طلعت لهم فريد وهي مشمره ساعديها\تبون شي ثاني بعد اميراتي..
عايشه\ايه..
فريد بلهجه ساخره\تدللي..
عايشه\سلامتك..
فريد ارتفع ضغطها لكنها ردت بكل هدوء\الله يسلمك..
رجعت للمطبخ بمـرح وحاولت تتناسى مصعـب اللي يدمر حياتها بشكل بطيء..وبسهوله انشغلـت بعصير الفواكه اللي صلحته واضافت عليه ايس كريم فانيلا ذائب وكانت هذه سرّ الخلطه ولمساتها الأخيره كانت شرايح من الكرز الأحمر للزينه..
رتبت الأكواب الطويله بصينيه ذهبيه..وارفقت مع كوب الكابتشينوا مكعبات للسكر وطلعت للبنات وهي تصرخ
فريد\وسعواااااااااااا لأحلى عصير..وكابتشينوا..
قامت عايشه بعد مااعطت الريموت كنترول لحنوا ووزعت على البنات العصير واعطت لولو الكابتشينوا..
تذوقته لولو بتلذذ\جنااان..ولا ستار بكس..!
شخرت فريد بسخريه وهي تمد رجولها براحه على الطاوله\نعم..نعـم..هذا اللي ناقص تشبهيني بستار بوكس..!
لولو\هههههههههه مشكله الثقه..
فريد\اقـول..شربي وانتي ساكتـه..
لولو\بقيتي من الكوفي!
فريد\ليش!؟
لولو\لأنه في ناس يحبونه!
فريد\قولي لهالناس ياكلون عسـل..
عايشه\انتي قد هالكلمه!
اخذت رشفه من كوبها وتمتمت بعدها\قدها ونص..
=========
يتبـــــــــع
|