(2)
اخذ العـود المنقـوش بااسمـه بخط الرقعـه المميز
وارخـى ظهره على كرسي مكتبه الجلدي وبـدأ يعزف بااصابعه الماهره والمتقنه على اغنيته المفضـله اوعدك للمبدع عبادي الجوهر
وكعـادته الغريبه اطربها بـ لحن ثاني ومميز من صوته الشبيه بعذوبته كسيـل جارف على قعـر وادي جاف,, طربت نفسه فتـره طويـله وهو سارح بخيـاله وكلمـاته اللي اسكنت الحميمه بنفسـه الهاويـه,,ظـل يدق ويـدق وكأنه الكـون باأجمعه سكـن وتوقف لمن حـس انه ثمـلّ واكتفـى!
وبعد برهــه,, وبعد انتهاء الكلمات وتوقف النغمــات رجـع يفكر بقراره اللي اتخذه بجديـه بانت بملامحـه الجامده..!هل بيصيبه الندم ام لا!؟؟
لكن ليه ينـدم وهو عـارف ومتيقـن انه هو مو أهلّ للدراسـه ونظـام الجامعـه..
وهذه مو اول جامعـه يداخلها!للأسف هذا الثالثه وياخوفي تكـون نهايتها مثل الأولى والثانيه!
واذا اجـلّ دراستـه سميستر واحد ماهي نهاية العالـم ولا راح يدني موتـه!
والحـق يقـال..ماله نفس ابدا يواظب ويصحى كل صبـح عشان شويـة محاضرات سخيفه وممله بنظـره..
قـام من كرسيـه وفكرة السفـر بدت تحلى في باله اكثر واكثـر..
واخذ الشنطه اللي تحت سريره وبدأ يفـرز ملابسـه واغـراضه الشخصيـه وهو معـزم على السفـر..ولمن انتهـى و وضب اغراضه اخذ مفتاحـه وتلفونه وطلع يحجز تـذكرته للسعوديه..وقلبـه طايـر قبلـه.
ماافتكـر بمستقبـله الضايـع والفاني بين هالسنين اللي تمـر بسرعة البرق ولا باأمـه اللي امنيتهـا تشوف ولدها بأاعلى المراتــب,,
مصعب اخو لولو الأكبـر طالب بالجامعه ألأمريكيه بالشارقـه
هاوي الغناء,, متمرد ذو شخصيه متكبره وصعب المعشـر لكنه هـش داخليـا متقلب الشخصيه ورقيق لحد الأنكسـار مجنون ألأفكــار عاشــق لكل غريب وفريد,,
=======
بـداخـل بيت شعبـي مائل للبني الباهت واخضر الأطار ومتـواضع جارّت عليه الأيام وصدأ ابوابه وجدرانـه وعـرقل مداخله الخشبيه..
تسكـن عايله صغيـره جمعتهم المحبـه والترابط الأسري القوي.
عايله يضرب فيها المثـل بالكرم والخلـق الحسن والطيبه والتواضـع اللي اصبح نادر الا من رحم ربي..
تطعمت الأرز للمره الأخيـره ولمن حسـت انه مو ناقصه ملح أغلقت الغطـاء بااحكام وبـدت تبهـر الدجـاج بحركـات ماهـره وسريـعه ووضعته بالفـرن على دخـلـة نظر عينها فريده وابتسـامة مشـرقه تعلي وجهها الصبوحي
فريده\شميت الريحـه على بعـد متريــن..فديت الطبخ واللي قاعد يطبخ
بادلتها هيا الأبتسامـه وأردفت بحنيه وهي تعدلّ من غطاء رأسها وتحجبّ خصلات شعرها المصبوغه بالحناء ألاحمر \وابوك وينه!؟
اخذت فريده جزره كانت مصفوفه بسلة الخضروات وجلست على الكرسي\راح يوصل باقي بنات الباص ..بقى بنتين بس ويجي..يمـه بطني يوص وص,,
هيا\خليه يوص وص لحد بكـره هالأكـل اللي اطبخـه مو لك..طلبيه للجيـران..
عقدت فريده حواجبها الكثيفـه وقامت من الكرسي بغصب\يمه شنوا..منوا اولى!احنا والا الجيـران!؟
هيا تحاول تكتم ظحكتها وتظهر العكس\لاتشغليني فريد..روحي بدلي وصلي بدال وقفتك ذي!؟
طلعـت بـروح هايجـه وامها تضحك على عقل بنتها الصغيـر واي حاجه بوجهها رمتها من العصبيه طاحت عينها على مزهريه عريضه ومصنوعـه من الفخـار بزاويه الصاله وبداخلها قـش للزينــه.جمعته كله باايدها النحيله ورمتـه من القهـر والعصبيه ..ومن سوء حظ بدور انها كانت قبالها ولامتها على تصرفها الطفولي وردة فعل فريد انها مشعت ..
شعرّ اختها الطويل اللي دوم تغتاظ منه ودخلت غرفتها على صرخات بدور الرقيقه..
بدور وهي تمسك جديلتها بالم\يالدوبــه..اوريــك!
طلعت فريدة من غرفتها\كولي عســل..وسكـرت الباب بوجهها قبل ماتنطق بأي كلمــه..
دخلت بدور المطبخ وهي متنرفزه وجلست على الكرسي الخسبي بقوه
بدور\يمه شوفي فريد..!
هيا\وش فيها!
بدور بقهر ناعم وهي تـرص على اسنانها\دفشــه..اقول يمه جهز الأكل!
هيا\ايه حبيبتي..روحي فرشي السفره..ونادي خواتك..الا فريد لاتناديها..
بدور\غريبة!؟
هيا\لأني قلت لها الأكل هذا للجيران..
بدور\ليش انتي ماخلصتي الطلبيــات!
هيا بتعب جسدي أردفت\من الصبح وانا اطبخ وخلصتهم يابنتي..وهالغداء هذا لكـم..
رقت ملامح بدور وحنت لأمها اللي تتعـب طول اليوم عشان تساعد أبوها في دخلـه الضعيف \ياحبيبتي يايمــه..الله يعطيك الصحه والعافيه..
هيا\ولاتنسين دقي على مرت ابوك ساره خليها تتغداء..
بدور تذكرت ساره اللي تزوجها ابوها عشان تجيب الولد اللي ماجاء من 22 سنه وخناقتها المتواصله مع اختها اللي مو متقبله وجودها بينهم\اجل اليوم الحرب العالميه مع فريد..
طلعت بدور من المطبخ على عجله تنادي خواتها وتدق على ساره..
==========
قفلت المنبـه اللي ازعجنـي وانا ضايقه من نفسـي..وودي انام اكثـر..
غيلوله ساعة وحده ماكفتنـي بس صلاة العصر...لازم اصليها قبل مايطلع الوقت..
توضيت على عجـلّ وقضيت فرضـي وانا ادعي ربي مثل كل مره انه يصبرني ويعيني,,طويت سجادتي وحطيتها على سريري واخذت كلبس ورفعت شعري ونزلت لتحت وانا اتمنـى اني مااشوفه عشان يمرّ يومي براحـه..
طمأنينة عجيبه سكنتني لمن لقيت الصاله فاضيـه,,
جلست على الكنبـه ودقيت على المطبخ عشان يحضرون أكلي,,
وكلهـا دقايـق وخاله حليمة ترتب الصحون على الطاولة..
خاله حليمه\عواشي تعالي كولي
وقفت على طولي وانا اشم ريحـة شوربتي المفضله
انتقلت عيني على ألأطباق بشهيه شوربة الفطر.. فتشينوا بالدجاج..ورز بالخضروات
يميييييي
اخذت الشوكه واخذت باستا من الفتشينوا واكلتها\تسلم ايدك ياخاله..انا جوعانه مره..وجلست على الكرسـي
خاله حليمه\حبيبتي قولي بسم الله قبلّ,,
نزلت الشوكه وابتسمت بخجل وانا منزله عيوني\بسم الله اوله وآخره..نسيت هههههه ورجعت أكل بهدوء على وقع صوت اقدام شعرت فيها خلفي
ناظرت الساعه اللي امامي وعرفتها..اكيد ساره جت من دوامها..
عواشي\تعالي قبل مايبرد ألأكل..
شعرت بأأحد يلمس كتفي وعلى طـول عرفتـه من مسكته القويه
اقشعـر جسمـي وبلعت ألأكل الي بفمـي بصعوبـه وحاولت احرك كتفي وابتعد عن قبضته اللي تكرهني بنفسـي وترجع الماضي اللي احاول دوم انساه..لكن عبث كل مقاومتي راحت عبث..ترجيتـه بعيوني المتوسلـه..واخيرا حس فيني وابعد ايده وجلس قبالي على الكرسي
"انا حمد..مو ساره..حبيت ياحلوه أعلمك بس"
قال كلمتـه وبدأ ياكل من اكلـي بكـل شراهه ..اما انا..انا وش حالي انا..!ظليت اتـامله بنظرات حارقـه ..ابي اتحرك..اقوم من مكاني..لكن ليه احس ان رجلي تجمدت وجسمي كله يرتجـف ومو قادر يصدر اي حركـه..ليه دوم تخونتي شجاعتـي قبالة..ليه لساني ينخـرس وما يقوى على قـول هذا اللي ذبحنـي وقتلنـي..ليه ياربي انا ضعيفـه!
الى متـى بظـل ساكتـه عن حقـي اللي اغتصبـه بكل بشاعه منـي!
حمد\عايشه..شفيك!؟؟انا عمك..والا نسيتي!
حسيت ببروده بأطراق اصابعـي نزلت عيوني وشفته يحاول يلمس ايدي..
تكهربـت بسرعة وابعدت ايدي وضميتها لصدري وقمت من مكانـي وانا خايفـه منه ومن تلميحاته المستمرة والغير مباشـره..
==========
لازم اضعـف..لازم..لاااااااازم
نزلت من الميـزان وانا بموووت من القهـر..اسبوع كامل عايشته تهيأت ومانعه نفسي من اكلات كثيـره تستهويني..وبالأخيــر..نص كيلــوا..
نص كيلوا اللي خسرتــه..قرف..قـــرف,,اكيد الميـزان خربــان..اكيييد!
حاولت اتمالك اعصابـي..وحطيت حرتـي بااظـافري اللي محتاجه تبريـد..
بردّتهــا بحـركـه متقنـه وسريعـه وبكل خفـه ولمن حسيت انها اوكي وراقت لي,, ابتسمت ابتسامة رضـى ممزوجـه بضيقه خفيفه وحطيت المبـرد بعلبته الشفافه بعد مانظفته بمنديـل
غسـلت ايدي فتـره طويله بصابوني الخاص ولاحظت انه كرات اليليك اللي بوسط باب الحمام بتخـلص,, ييييه لازم ارجع لبودي شوب واقابل وجه هاللبناني عشان اشتريهـا,,
سمعـت صوت امـي تناديني شكلها رجعت من حفلة استقبـال ألأميـره العنود
نزلت تحت بخطـوات سريعة
وحصلت امـي جالسه على الكنـب وواضح انها مرهقـه من جسمهـا المتراخـي
جلست قبالها وقلت\ها..شلون الحفلـهّ؟
نطـقت امـي بصعـوبه وهي تاخذ نفس عميق\روعـــه..كامله من جميع النواحي..بس هدتّ حيلي الوقفـه..
اخذت الريمـوت اللي جنبي وبديت اغير القنوات\والأميره العنود..كيفها!
ارتخت ملامح امي\تهبــل..ماعمري شفت اميره بطيبتها والا بتواضعهــا..الصراحه توقعتها مغروره بعد رجعتها من لندن..لكنها طلعت غيـرّ..
لولو\هي وش تصير لأم عبدالله مرت الوزير..!
بدريه(ام مصعب)\اولا قولي العمه ام عبدالله لاتنسين انه جمايلهم علينا مالها حدود وحتى يوم ابوك توفى مانسونا...وبعدين الوزير سلمان بنته الكبيـره ماخذها اخو ألأميره العنود,,
لويت فمي وماعجبني الكلام..
بدريه\بس ياحظ اللي بيتزوج العنود!
لولو\اكيد مو هي اميره ..اكيد ياحظه!
هزت امي راسهـا وابتسمت على كلامي..وبعدها رمت علي كلمه كانت مثل الغـاز اللي تنتظر شعلـة نار وتشتعـل..
بدريه\صليتي!
تأففت ورديت على طول لأجل انهي النقاش\ايه..يمـه أيــه,, حسيت بوخـز بقلبي لأني اكـذب على نفسي الضايعـه,,
ظليـت فتره ساكنه وانا بصراع مؤلم مع نفسـي,,الى متى يالولو الى متى ,,!
لكن حبي للحياه ونفسي الغيوره تناست هالموضوع وقلت بغيره واضحه وانا اهز رجلي واغلي\حلوه!؟؟
ردت علي امي بسرعه\قمــر,,
مت من الغيـظ لأني وبكـل فخـر..ماأبي احـد يكون اجمـل مني..لكني عارفه انه في غيري الأجمـل اكيــد,,
لولو\تلقينها مسويه عملية تجميل باانفها والا شفايفها..يمه لاتغرك المظاهـر..!
بدريه\اي مظاهر وخرابيط البنت جمالها ربانــي!
زميت شفايفي بضيق\احلى مني!؟؟
بدري\تبين الصراحه!؟
بكـل رقـه قلت\ايه..
بدريه\انـتي احلى..بس ها..لاتغترين علينــا!؟
حسيــت بالأنتعاش فجأه..وكل الضيقه اللي فيني اختفت وابتسمت بكـل غنج ودلـع ورددت جملتي المعتاده\اكيد..انا لولو...لولو انا..!
ضحكت امي وقالت\على طاري الجمـال..تكفين يابنتــي...ام جمال دقيت علي امـس مرتين وو
ماخليت امي تكمل كلامها لأني قلت وبكل غرور\يمه بليييز..سكري الموضوع..جمال هذا لو آخر انسان بالدنيا مااراح اخذه..
بدريه\يابنتي ليش..شاب ملتزم من عايله معروفه وغير كذا دكتور..
صرخـت بملل\يمــه!!!
بدريه\طيب فهميني ..ليش!؟؟؟هذا مو اول واحد ترفضينــه..فيه غيره طوابير
لولو\اولا احسه رخمـه..بكل شي بيطاوع امه..وغير كذا مو حلو..وععع اسمـر..
بدريه\طيب سمعيني..ولد الجيران رائـد..رائد جميـــل ماشاء الله ويموت فيك!
قلت بدلع وانا احط رجل على رجل\والله هذا مش بطأل لكن مااراح يرضـي غروري!
بدريه\طيب سمعيني بكـره في ناس بيزورونا !
لولو\يعني!؟
بدريه\جايين يخطبـون..!
رفعت حاجبـي المحفوف بكل جراءه وسكت..
بدريه\خلينا شنوفهم ويصير خيـر..انا مستحيل ارغمك على شي ماتبينه,,
ماعلقـت
رميـت الريمـوت على الكنبه وطلعـت الحديقه اشـم هواء وانا اتمخطر بمشيتي وصوت كعبـي يـرن باأّذني..وانا ارفع من جسمـي بكل فخر وخيلاء..
محد بيجيب راسي غير اميـر او وزيــر ويليق بجمالي بعد!
رفعت رأسي للسمـاء بكل حالميه وثقـه
انا لولو..فهمت يارائد..فهمت ياجمال..!
لـولـو مو أي احـد..!!
==========
فريده وعائله متواضعـه تقـاوم للعيش بمجتـمع اقوى من ظروفهم!
حنان وغربـة وطـن ونداء فلسطين الحبيببه!
عائشه وماضـي مجهـول يجـول حولها!
ولولو وتغطـرس لانهايه له وامنيـــات بعيــده ليس لها حدود!
بيت شعبي
اشتياق للوطن
طبقه مخمليه
ماضــي مجهول
صداقه
طموحات
ومراهقه
واحلام
تابعونا ولاتملـوا فهنـاك العجب العجاب بـ "آحقا ستحلق الطيـور!"
احترامـــي
كـ \وصيت قلبي عليك