منتديات قصايد ليل - عرض مشاركة واحدة - رواية يدري إن اسباب ضعفي نظرته يدري إني ما اقاوم ضحكته كامله

07-26-2011

في بيت عذاري ......

كانت في غرفتها تسمع انشوده حزينه بس تحبها . . .

عذاري : اااااه يا يمه كنت ماليه علي حياتي ورحتي (نزلت دمعتها ومسحتها) الله يرحمك يا رب

اليك إيها القلب المكتوم
اليك إيها القلب المهموم
كفاك حزنا واسى
كفاك دمعا والم
كفااااااكـ
كفاك إيها القلبــ
**
إلا ياقلب لاتحزن ترا دنياك ماتسوى
ولا ياعين لاتبكين كفاية لوعة الذكرى
**
ويكفينا الم وجروح واحزان بها نكوى
نبي ننساك يإلاحزان ونفرح في أمل بكرى
**
تراه الهم وان طول يجيله يوم وبه يطوى
ودايم خلها فبالك وكل العسر له يسرى
**
إذا بتطأوع الدنيا تراك بنارها تصلى
نصيحة ابتعد عنها وعن ازماتها الكبرى
**
غريبة حالة الدنيا تبي صبر وتبي تقوى
تراقب ربك المعبود وفي درب النبي المسرى
**
إذا تقدر تعيش بخير وتنسا الحزن والبلوى
في ظل الدين نتعأون ونقهر دنية قشرى
**
إلا ياربنا عفوك وغفرانك لك الدعوى
إلا ياالله نبي قربك وجناتك لنا مأوى

قررت تطلع من غرفتها و تتمشى بالحوش وأهي تحاول ما تفكر بالوحدة اللي عايشتها اتجهت للمجلس وأهي تفكر من شغل الأضاءه

: احم احم
عذاري (أنصدمت لما سمعت صوت غريب قبل تلف غطت وجها) : أنت من
(ابتسم) : أنتي عذاري
عذاري (عقدت حواجبها ونست نفسها) : أنت من وش عرفك فيني
(طالع لها من فوق لتحت) : كبرتي
عذاري(انتبهت هي تكلم غريب) : أنت كيف تتجرأ وتدخل البيت
(طالع حواليه) : أنا بالمجلس أنتي اللي داخله غلط
عذاري(عصبت) : تستخف دمك
: طيب روحي قبل سلطان يجي
عذاري (شهقت) : أنا كيف اسولف معك ومأخذ راحتك ولا نبهتني
(رفع حاجبه) : ههههههههههههههههههههههه لأني حبوب وحلو
عذاري(عصبت) : أنت أنت حماااااااااااااااااار فاااااااااااااهم
طلعت عذاري معصبه ومتفشله ونست نفسها من حزنها على أمها ودخلت المجلس فيه رجال غريب وتسولف معه حمدت ربها أن متغطية يوم سمعت الصوت دخلت الصالة تمسح دموعها و اصدمت بسلطان
سلطان(مسكها قبل تطيح) : بسم الله عليك
عذاري(أول ما شافته حضنته وبكت) : انـ ـ ـ ـا
سلطان(حضنها ومسح على ظهرها) : بسم الله عليك اهدي عذوره
عذاري(مسكت بثوبه ورفعت رأسها تطالع والدمع بعيونها) : سلطان لا تتركني طلبتك لا تروح مثل أمي أنا مفتقدتها كثير لا تخليني
سلطان : تعوذي من الشيطان ما راح أتركك بإذن الله اهدي( حس أنها هدت بعد دقائق مسح دموعها وابتسم) هاه أحسن
عذاري : إيه الحمد لله
سلطان : يووووووه تأخرت على الرجال
عذاري(تسوي نفسها مو فاهمه شيء) : ليه عندك احد
سلطان : إيه هذا عـ ... (سكت فجاه و ارتبك) هذا صاحبي
عذاري : اها
سلطان(قرص خدودها ) : سوي لنا عشاء وعلى فكره هو بينام عندي اليوم
عذاري(رفعت حاجبها) : لهذي الدرجة قريب لدرجه ينام عندنا ما عنده أهل
سلطان : هاه لا عنده بس اهو جاي من جده بشغل
عذاري : جده
سلطان : لا هو كان من أهل الرياض بس أنتقل جده من فتره أمممم أسألتك كثيرة يالله سوي لنا عشاء وخلي الخدامة تجيب له بطانيه ومخدة (لحاف ووسادة)
عذاري : تأمر أمر (في نفسها) وش ورآك يا سلطان ومن هذا اللي لهذي الدرجة مهتم له لا وبعد تخليه ينام عندنا ومأمن له يا عيني والله أن ورآك أن وبعد أن وهذاك قوي عين (تقلد صوته) أنتي عذاري ... طيب روحي قبل سلطان يجي .... لاني حبوب وحلو جعلك للمرض ويطالع بعد إيه وش عليه مو أنا الحماره وقفه قدامه وقوية عين اتهاوش بعد هههههههههههههههههههه الله يستر ما يعرف سلطان أروح فيها يالله أسوي لهم العشاء ويتسمم هو شمه إيه ما قال قال بس عـ .. وش عين يمكن عبدالله يمكن عبدالرحمن أو عبداللطيف ويمكن عبيد أو عبسي خخخخخخخخ حلوه عبسي على شعره الناعم وعيونه الواسعة وعلى طوله يا ويل حالي قمر يمشي بالأرض يوووووووووووووووه انهبلت الله يلعنك جننتني هههههههههههههههههههههه

$$$$$$$$$$$$$$$$$$$$$$$$$$$

نعود لبيت أبو إبراهيم ...

بعد الصلاة رجعوا للبيت وتأمل فيصل الوجيه اللي ما تبشر بخير
فيصل : خير حصل شيء
منى (بحزن) : عهد
فيصل(جلس جنبها) : ماتت
سمر : فال الله ولا فالك
الأب : اجل وش فيها اللي يشوفكم يقول مات لكم احد
الأم(بحزن) : لا بس المسكينة من ضرب خالها و أخذوها للمستشفى
فيصل(بصدمه) : مستشفى

خطاك الشر يا عمري خطاك
عسى عمرك تفاريح و ربيع
و تصحبك السلامة في خطاك
و فال السعد لك دايـم ربيـع

منى(حطت يدها على ركبته تطمنه) : لا تخاف بس كدمات الله ستر ولا جاها انهيار منه
سمر : الله يكسر يديه
الجد : لا حول ولا قوة إلا بالله اللهم أنا وكلناك عليه أنت وكيلنا
الجميع : أمين
إبراهيم(حط يده على كتف فيصل وابتسم) : لا تخاف كلها كم يوم وتكون عندك أهي بخير
فيصل(ابتسم رغم الألم) : الله لا يحرمني منك (وقف) يالله أنا طالع
الأب : وين
فيصل : بروح للشباب بمجلس واحد من أصحابي
الأب : طريق السلامة
سالم : اجل أنا بعد بطلع
الأب (لف له) : أنت بعد
سالم : معزوم يبه أنا وناصر على عشاء
الجد : من الغبي اللي عزمك أنت وناصر
الكل : ههههههههههههههههههههههههههههههههههههههه
سالم(بوز) : ما نستاهل يعني على العموم عبدالرحمن هو اللي عازمنا بس مو غبي كريم
سمر كتمت غيضها من ذكره تكره ذكره ولازم ينذكر دائم اففففففففففففففففف
الأم : وليه عازمكم
منى : أخاف قاطين نفسكم عليه
سالم : لا لا قويه إن سالم فهد أقط فيسي نو نو نو مستحيل
سمر(وقفت) : بروح غرفتي
سالم : لا يكون زعلتي لان محد عزمك
سمر(رفعت خشمها) : من زين العازم ولا المعزوم مالت عليكم أساسا أنا مسويه رجيم
إبراهيم : الصراحة وزنك زايد هذي الأيام
سالم : وأنا أقول الأكل يخلص بسرعة من البيت
سمر(بعصبيه تضرب برجلها الأرض ) : اففففففففف يباااااه شف عيالك
الكل : هههههههههههههههههههههههههههه
الأب(يتصنع العصبية) : خلاص اسكتوا عن حبيبتي سموره
منى : أحسن يبه خلهم يسكتون عنها
سالم : والله من الدلع
سمر(رفعت حاجبها) : والله يحق لي الله يخليه لي (وباست رأس أبوها)
الأب (ابتسم) : ويلوموني فيها يوم ادلعها
سمر : تصبحون على خير (طلعت غرفتها ومسكت الجوال تتصل) اففففففففف وينها هذي ....... الو وينك يالخبله
مي : الخبله أنتي وين يعني على البحر تحت بالصالة
سمر : يعني اضحك
مي : لا ابكي اخلصي وش تبغين
سمر : اخلصي أنتي وين كنت لي وقت اتصل ولا تردين رحت صليت ورجعت اتصلت ولا رديتي
مي : كنت اتعشى مع حبيبي
سمر (بعصبيه) : تستخفين دمك ومن حبيبك هذا بعد
مي : وش دخلك هو حبيبي ولا حبيبك
سمر : حبك برص وخنافس سود
مي : ههههههههههههههههههههههههههههه
سمر(تصر على ضروسها) : ليه تضحكين قايله نكته
مي : لا الأخلاق قافله اليوم وأنتي معصبه بس مو السبب أنا
سمر : أنا معصبه إلا بنفجر من العصبية
مي : أووووف لهذي الدرجة خير
سمر : أول من حبيبك
مي : هههههههههههههههههههه فضوليه طيب بندر حبيبي وروحي واخوي وأبوي ودنيتي كنت اتعشاء معه
سمر : غبيه كان قلتي من أول قلت البنت أعرست ولا انخطبت وأنا مدري
مي : فال الله ولا فالك وش فيك سمسم
سمر (تنسدح على السرير) : عبدالرحمن
مي : من عبدالرحمن
سمر : هبله أنتي
مي : بسم الله شابه نار اليوم وبعدين إذا أنا هبله طالعه على توأمتي اللي أهي أنتي
سمر : جب جب وبعد جب
مي : طيب لا ينط لك عرق من حمني هذا
سمر(عصبت) : لاااااا تدلعينه الله يأخذه
مي (خافت منها) : يمااااااااه أسفه والله أسفه وش بلاك اليوم وصدق من عبدالرحمن
سمر : عبدالرحمن هو أبو سلطان
مي : لحظه ليكون الشاب اللي في المجمع
سمر : إيه اهو
مي : وش جابه لك وش عرفك باسمه
سمر : ما جاني أنا
مي : ما فهمت
سمر : جاء لناصر وسالم صار صاحبهم القريب
مي : لاااااااااااااااااا طيب أممم ما اذكر مره قالوا عنه أو سولفوا
سمر : يوووووه سؤال ورى سؤال اسكتي وأنا أقول لك طلع أبوي صاحب أبوه وبينهم صفقات وشراكه وكان يحضر العزايم ويجي للمجلس اهو وولده الكبير سيف بس عبدالرحمن ما كان يجي جاهم أول مره يوم عزاء خالتي فضه وبعدين فجاه فجاه صار صاحبهم ولا يفترقون وين رايح يا سالم قال مع ناصر وعبدالرحمن منين جاي من عند عبدالرحمن
مي (رفعت حاجبها) : يعني حبهم لله في لله
سمر : سألت سالم قال بقدرة قادر
مي : ما تدخل المخ عرفهم أو تعرف عليهم وخالي يعرف أبوه من زمان ولا مره جاء عندهم وشافهم
سمر : ...................
مي : سمر
سمر : ...................
مي : معي ولا سكرتي
سمر : معك
مي : من قال هاه سمع وش فيك حصل شيء ما اعرفه
سمر : بصراحة إيه
مي : وجع افاااااا تخبين علي
سمر : والله ما حبيت أضايقك لا تزعلين
مي :..................
سمر : ميمي ردي علي
مي : أسفه سمر صار لازم اسكر وأنام باي
سكرت مي بدون لا تعطي مجال لسمر ترد عليها
سمر(تضايقت) : مي ليه كنت محتاجه لك افففففففففف كله من يا عبدالرحمن
رمت الجوال وتغطت وهي تحس تبي تبكي مي زعلت عليها وهذا شيء يضايقها إلا مي ما تزعل

$$$$$$$$$$$$$$$$$$$$$$$$$$$$$

يوم آخر بحياة أبطالي .......

منى : إيه ...... أسمعك وكيفها الحين ..... أمممم الله لا يسامحه ... وعهد

فيصل كان توه طالع من الدوام وداخل البيت بيصعد غرفته تعبان بس سمع كلمة منى آخر شيء عهد وشده الكلام لأنه بيعرف شيء عن عهد
منى (طالعت فيصل بنظرة حزن) : زين الحمد لله ...... بكره إحنا طالعين للبر يومين بينا الو ......... انتبهي لها نوير يله مع السلامة (لفت لفيصل) توك طالع
فيصل (يجلس جنبها) : إيه
منى : شكلك تعبان
فيصل : شوي خذيت اليوم عن واحد من الربع عشان اقدر اخذ يوم الأربعاء والخميس والجمعة أجازه جاهزين لبكره
منى : لا كل شيء جاهز
فيصل (يلتفت حوله) : محد هنا البيت هدوء وسكون
منى : إبراهيم بعد ما صلى العصر اخذ سلمى وسمر وطلال للسوبر ماركت يجيبون شغلات للطلعة تسليات يعني أمي في بيت خالتي فضه الله يرحمها تجهز أغراض جدتي وتساعد عذاري في اللي ناقصهم سالم طالع كالعادة مع ناصر وأبوي وجدي زايرين صاحب لهم أظن اسمه أبو علي والشغالات في المطبخ وأنا هنا وانتهى الموجز
فيصل : ههههههههههههههههههه ودمتم سالمين يا حليلك
منى : ما جبت شيء جديد
فيصل : يا عيني على الغرور الله يعين مشاري
منى : إلا يا حظه (انتبهت انه سرح) خير
فيصل(بجده طالع لها) : منى عهد كيفها
منى(تبتسم) : العروس بخير نوير تطمني عليها بس
فيصل : بس شنو حصل شيء
منى : ما تبغاك
فيصل : هههههههههههههههههه قديمه أنا عارف بس ما خذها ما خذها غصب عن خشمها
منى : نوير تقول أنها مو موافقه عليك وقالت تبلغني عشان أبلغك تبعد عنها وتنساها
فيصل(يوقف) : اااااااه خليها تقول اللي تقوله اهي لي وأنا لها يله بروح أنا قبل يأذن
مني : نوم العوافي يا عريس
فيصل(ابتسم) : حلوه عريس مع السلامة
منى : مع السلامة (رفعت سماعة التلفون واتصلت بسهام) الو السلام عليكم
سهأم : وعليكم السلام هلا بمناي
منى : شخبارك وشخبار خالتي ورغد
سهأم : بخير بس ما سألتيني عن أخباره
منى(تتغبى ) : من
سهأم : مشاري
منى : يا علني فداه مشمش ما اصحى إلا على صوته ربي لا يحرمني من حبيبي
: من حبيبك
منى (انصدمت) : هاه مشاري
مشاري(ابتسم) : مشاري ولا حبيبك
منى (استحت) : هلا
مشاري : يا ربي من حياك سولفي معي
منى (في نفسها) : يا ربي إحراج ما عمري قلت له من ملكتنا حبيبي أو عمري ياااااااااه ويسمعها فشله الله يخسك يا سهام وش أسوي الحين
مشاري : منى بسك حياه تكلمي معي
مني : .....................
مشاري(تضايق) : خلاص على راحتك إذا مو حابه تتكلمين خذي
منى : مشاري
سهام : الو منى
منى : سهام وش فيه مشاري
سهام : مدري شكله زعل وطلع وش صار بينكم
منى (بحزن) : ما قلت شيء ليه ما قلتي انه عندك
سهام : اهو طلب يكلمك يوم شاف رقمك
منى : طيب وينه
سهام : طلع
منى : ما تعرفين لوين
سهام : مدري
منى : أوكيه اخليك الحين بتصل أصالحه
سهام : ههههههههههههه الله يعينك مشاري عاد يتغلى كثير
منى : على قلبي مثل العسل يالله باي
سهام : باي

اتصلت عليه ولا يرد أرسلت عليه مسج يمكن يرد

قالوا تحبه... قلت واحب ماطاه
.................... واحب إلارض اللي وطتها مواطيه
قالوا توده... قلت وأود موتاه
........................ وأود حيه مع اهله مع عوانيه
قالوا يشوقك ... قلت يأناس ويلاه
...................... زود اشتياقي له بقلبي مواريه
قالوا يحبك... قلت مدري عن اقصاه
............................. ولدري لو ان حبي معنيه
قالوا يودك... قلت مااعلم خفاياه
........................والظاهر انه مثلي الود كأويه

انتظرت ولا اتصل قررت تتصل بعد الصلاة وصعدت صلت ونزلت تحاول يرد بس اهو عند لا رد أرسلت له مره ثانية وصار لها أكثر من ساعة تحاول لا يرد

اغليك حتى لوتباعدت باغليك
اغليك لو كل البشر عارضوني
اغليك حتى وان تناسيت شاريك
واهواك لوكل البشرضايقوني
انساك كيف وعالمي تإيهن فيك
وانساك كيف وأنت حياتي وعيوني

منى : اففففففففففففف يا حبك للتغلي رد
شوي وتبكي من القهر من حركته وتماسكت يوم شافت إبراهيم وسمر وسلمى ابتسمت غصب عنها
إبراهيم وسمر وسلمى : السلام عليكم
منى : وعليكم السلام
إبراهيم : والله آخر مره ثانية ما أوديهن
سلمى وسمر : شنوووووووو
منى : خير وش فيكم
إبراهيم(يجلس) : خسرني حسبي الله على إبليسهن
سلمى : هاه شنو قلت ما أنا زوجتك مسئوله منك حبيبتك
سمر : يا عيني يعني ضبطتي حالك وأنا اطلع الغلطانة أنا أختك آخر العنقود
إبراهيم : يا ربي
منى : ما راح تقدر عليهن ههههههههههههههههههه
الجد : من اللي ما يقدر عليهن السلام عليكم
الكل : وعليكم السلام
منى : يقصد سلمى وسمر خسرنه
الجد (يجلس) : حريم يا حبهن للتخسير
إبراهيم : ههههههههه وشهد جدي
منى : جدي أبوي ما جاء معك
الجد : إيه بس سلطان يغيه بموضوع ودخلوا للمجلس
سمر : وش عنده
الجد : يا لقافتك شايفتني جالس معهم
إبراهيم : ههههههههههههه لقطي وجهك
سمر : خخخخخ بايخ منى أمي جت
منى : لا ما جت
سلمى : ما كأنها تأخرت
إبراهيم : إيه
الأب(يدخل) : السلام عليكم
الكل : وعليكم السلام
سمر(وقف) : بروح اتصل على أمي أشوف ليه تأخرت
الأب(يجلس) : لا تتصلين أمك بتنام في بيت جدتك الليلة
الجد : عسى ما فيهم شيء
الأب : لا بس سلطان لازم يسافر الليلة لجده عنده شغل ضروري وأمك وسالم بينامون عندهم
إبراهيم : وش شغله بجده
الأب : لما يرد اسأله هو بيقول لك
الجد : هاه ما تبون تعشونا يا بنات
سلمى (توقف) : دقائق يا جدي
سمر : أنا بساعدك
منى(تستند على عكازها) : تصبحون على خير
الجد : ما تبين عشاء
منى : لا كلت المغرب
الأب : خلاص روحي نوم العوافي
منى ما كان فيها نوم بس تحاول تتصل على مشاري لين تعبت منه انتظرت يتصل لين حوالي الساعة وحده بس اهو عنيد و يتغلى كثير وهذا الشيء عصب منى لأنها خافت صاير عليه شيء وقررت إذا هو عنيد هي اعند منه وبترد له هذي الحركة لولا يتجرا ويخليها على أعصابها مره ثانية كذا أغلقت جهازها ونامت بعد ما بكت لأنها تضايقت أنها زعلته وتضايقت انه ما يرد عليها ومطنشها .. مشاري كان طالع مع أصحابه ويشوف اتصالاتها ومسجاتها وحب بتغلى عليها يمكن تفك عقدت الحياء وتسولف معه مثل ما يسولف معها وتعبر عن حبها وشوقها