الساعه 4:15
في البلكونه حقت الشاليه
..:: اوووووووووووووه وش هالزين اللي وصل
..:: لا داعي لا داعي لاحد يقوم
.. هههههههههههههههه نويف صاير مثل البنات جالس تدلع
نايف : ههههههههه هلا فواز
ويقوم فواز يسلم عليه : هلااا وغلا تو مانور الشاليه
نايف بخجل: تسلم والله منور بوجودكم
فواز : يلا قوم نروح داخل
نايف : خلنا هنا شوووي الجو يكفي
فواز : والله واخيرا شفناك وبنجلس معك
نايف : هههههههههههههههه لاتفرح على الفجر برجع
فواز : افاااااااااااا بس ليه عاد
نايف : عندي شغل
فواز : وش شغله عااااااااااااد حرام عليك يعني مانشوفك
نايف : هههههههههههه امزح معك بجلس معكم الويكند احد يشوف هالبحر ويخليه
فواز : وانت الصادق راحه نفسيه مو طبيعيه
نايف : اجل كيف امور الخطبه
فواز : والله مدري عن شي لا تسألني
نايف : هههههههههه كل هذا حيا ماتوقعتك تستحي وترتبك بعد
فواز : هههههههههه هذي خطبه مو شي عادي..
نايف : باااااااين انها خطبه اشوفك جالس لحالك..
فواز : نوووويف اسكت عني هههههههههه
ولف نايف الناحيه الثانيه وشاف الشباب يلعبون
نايف : بروح اسلم على امي وخالاتي وبرجع تقوم معي
فواز : لا لا روح لحالك
نايف يغمز : قوم يمكن تلمح زوجة المستقبل
فواز يضربه : قووووووم عني لا اذبحك قوووووووووووم
نايف وهو قايم وبغمزه : اذا رجعت بتفااااااااااااااهم معك
فواز: لاتتأخر الشباب بيركبون جيتسكي يلا
نايف: اوكي
"نايف طبعا ماطول عند الحريم لانه يستحي سلم على الي حلال عليه والباقي رمى السلام عليهم وراح لفواز وراحوا ثنينهم لعند الشباب كانوا بيركيون جيتسكي "
نايف يعلي صوته : heeeeeeeeeeeeeeeeeeeeyo guys
الشباب انبسطوا بشوفته : هلاوالله
منصور: المهلي مايولي ياحييييييييهم
نايف: الله يحيك ويبقيك
"وسلم على باقي الشباب "
نايف: اجل ناوين تركبون بدوني
طلال: عاد انا حلفت عليهم قلت لهم ماتركبون قبل لايجي نايف ولاطاعوني
"الشباب ضحكوا عليه وعلى نصبه ونايف كان داري"
نايف: هههههههههه فيك الخير والله
طلال: طيب يلا لاتغرب الشمس
"وهذي بعذ الصور"
.
.
.
الساعه 6:00
"مافي احلى من هالوقت اطلع اتمشى.. فيه البنات داخل.. بعض الشباب كانوا رايحين لعند الاوتيل لانه فيه كوفي وقعدات وراحوا هناك حتى وقت العشا ..وشافت انه الوقت الي تاخذ راحتها فيه"
..:: نجود وين رايحه
نجود : يووووووووه بسمه .. بروح اتمشى شوي برا
بسمه : بلبسك هذا
نجود : وش فيه لبسي
بسمه : ماينفع .. لو شافك احد من الشباب
نجود : بسمه ترا ماراح اروح بعيد عند الباب بس وعلي عباتي بعد
بسمه : ما كأنها عليك .. سيقانك طالعه
نجوود : اووف يسمه وش تبين
بسمه : ابييك تنتبهين على نفسك
نجود : وش شايفتني مسوووويه .. بسمه لا تخربين مزاجي خليني كذا مبسوطه وبطلع اشوم هوا بس وهذي عبايتي نزلتها
" وراحت عنها "
*
*
*
علمتني وشلون احب
علمني كيف انســــــــــى
يابحر ضايع فيـــــــه
الشط والمرســـــــــــــى
علمتني وشلون احن
علمني كيف اقســـــــــى
" كان فواز جالس لحاله لانه ماراح معهم.. واستغل الفرصه يقعد لحاله و يتذكر محبوبته اللي عطاها قلبه لكنها خانت هالقلب مو قادر ينساها صدق انه خطب لكن قلبه متعلق بالانانيه اللي ماتهتم الا لنفسها على قد ماجرحته لكنه يحبها مو متخيل الوضع بزواجه من وحده ثانيه اهله اختاروها له لكنه راح يحاول يتقبل الوضع ومايدري ايش الايام مخبيه له .. حب قديم مو قادر ينساه .. وزواج من اختيار الاهل .. حاول انه يرفض الزواج لكن ماباليد حيله .. والله يعينه على الجاي .. جلس يتخيل كيف طبع اللي راح ياخذها عمره ماسأل اهله عنها ولا خطر في باله اصلا انه يجيب طاريها قدامهم بس نجوى تمدحها وتقول انها طيبه .. مافي حل اخر غير اني اتقبلها هي مالها ذنب علشان احقد عليها لكن .... يارب انك تسهل .. وتكتب اللي فيه الخير .. اهم شي عندي فرحة امي واخواني .. وانا مابي غير كذا بعد.."
*
*
*
*كانت تمشي على البحر لكن بمكان قريب من الشاليه حقهم "
واحد بصوت عالي..:: وش في هالزين رايح راجع
الثاني : القمر بكبره يمشي قدامي انا ما اتحمل كذا
" طنشتهم وماردت عليهم وكملت طريقها "
الاول يغني : ياارض احفظي ماعليك حبيب قلبي حضر يارض احفظي ماعليك اليوم طالع قمر
الثاني يغني معه : ياعيني عالابتسامه تمشي وسهامك تصيب اللي يشوفك يقول يابخت راعي النصيب
الاول : اقووول حمووود هالغزال داخل مزاجي مره
اثاني بصوووت عالي : حسوا ياناااااااااااااااس ذبحتونا
" لفت عليه وعطته نظره بمعنى اسكت "
الاول : يالبى هالعيون
ردت عليه : لو سمحت اسكت عني
الثاني : هي انتي ياللي تبين تسكتيني على بالك انك في بيتكم
ردت : مو شغلك زين
رد عليها : الا شغلي ونص مثل ما انتي ماخذه راحتك وتتمشين انا بعد باخذ راحتي بالكلام
ردت عليه بعصبيه : انت ايش تبي مني بالضبط خلني بحالي
رد عليها : انا ابيك انتي
ردت عليه : انت قليل ادب
" خافت وماعرفت ايش تسوي لكنها قررت تمشي بعيد عنهم .. وسمعته يناديها لكنها طنشته ومشت عنه وهو ماخلها بحالها وتوه بيمسك يدها الا يد ثانيه مسكته "
*
*
الساعه 7:30
..:: اقول جنى
جنى : هااااه وش تبين ياغزيلوووه
غزل : يووووووه حتى ماعرف اقول وش ابي اذا كلمتيني كذا
جنى : لاتدلعين اخلصي وش عندك
غزل : همممممممم ابي ايس كريم
جنى : وش قالوا لك عني ثلاجه
غزل : يادووووووبه كنت ابي اجيب لك معي
جنى : ايه ولا عليك امر
غزل ياصبري عليها هالبنت وبأبتسامه من ورا خاطرها : يعني ياحلوه بما انك اصغر وحده المفروض انتي تقومين تجيبين لنا مو
..:: وش بتجييييبين لك
غزل : مشتهيه ايس كريم بس الشباب داخل عند الحريم وما نقدر نمر
جنى : ههههههههههههه وناسه تعالوا نشوف هبالهم
وصايف : اقول اركدي يا اختي العزيزه
غزل : انا احس انها حاطه عينها على واحد
جنى وهي تضرب غزل : اخاف احط عيني على احد ويروح مني واصير عاشقه بدون عشيق
وصايف : انجنيييييييتي شكلك..توك على هالكلام
غزل : لازم تفحصون عليها شكل عقلها مو معها
وصايف : بدر وصل صح
غزل : ايه وصل
فزت على اسمه : وصل والله
جنى وتغمز : وصاااااااايف وش عندك تسألين عن بدر اعترفي
وصايف : سؤال بريء وربي
جنى : الحمدلله كل شي باين شفتوا بعيونكم من اللي حاطه عينها على واحد
"سهر حست بالغيره بس سكتت وماقدرت تقول شي "
جنى : قووومي روحي شوفي حبيب الغفله تطمني عليه
وصايف اللي عصبت : جنوووووووووووه والله لو ماتسكتين ماتلومين الا نفسك
جنى تغني تبي تقهر وصايف : مره بدر ومره قمر ومره هلال
" وصايف سكتت عشان تقهرها "
غزل : منار قولي لاحد يجيب لنا الايس كريم
منار : اقول لمين تكفين
غزل : روحي لنايف قولي له
منار : ليه ماتقومين انتي .. يانروح انا وانتي يا اما نجلس
غزل : امري لله قووومي
" وراحوا عشان يقولون لاحد يجيب لهم وطلعوا من باب الشاليه "
منار :هذا مازن صح تعالي بخليه يجيب لنا
غزل : اوكي يلا
منار تعلي صوتها: مااااااااااااااااازن
مازن من سمع الصوت وهو في خاطره " ياربي اشتقت لهالصوت " : هلااااااا منار
منار تهمس لغزل : في رجال معه منهو
" لفت غزل علشان تعرف مين " اووووووووف هذا بكل مكان طالع لي " وعطته نظره وهو انتبه لها وحب يقهرها "
..:: هلااااااااااا مناروووووووه الدبه
منار استحت وماعرفت شتقول : منصوووووووور اركد عني تراني عقلت
منصور : والله من زمان عن رجتك شخبارك
منار : هههههه والله بخير انت شلونك
منصور : دامك بخير انا بخير
مازن وده يذبح هالاثنين وحب يقطع عليهم : ايوه منار وش بغيتي
منار : نبي الايس كريم
منصور : ماطلبتي كم مناااااار عندنا بالدنيا وحده وتامر امر
منار متعوده على اسلوبه : هههههههههه نبي للكل ترا
منصور : حاضرين اوامر ثانيه بعد
منار : سلامتك
منصور : الله يسلمك.. "وبحاجب مرفوع لغزل " وانتي ياغزل ماتبين شي
غزل بعصبيه : لا شكرا
منصور : فكري يمكن تبين شي
غزل وهي اوردي متنرفزه منه : يووووووووه قلت لك مابي ماتفهم
منار: يوووه غزل وش فيك عصبتي مو انتي اللي ساحبتني تبين ايس كريم
منصور : هذا جزاتي اسال وش تبين تقومين تعصبين علي صدق ان ماعندك ذوق
غزل وصبرها بينفذ منها: منصور انا ماقلت لك شي
مازن استغرب الوضع اول مره يمر عليه
مازن يبي يهدي الوضع : خلاص ياجماعه ماصار شي كل هذا على ايس كريم
غزل بهمس : محد يكرهني في الايس كريم غيره
ومحد سمعها غير منصور ومنار
منصور وهو معصب عليها : يلا مازن مشينا
مازن بخاطره " يكووون احسن لاني ما احب اشوف منار تمون على احد غيري" : يلا اوكي
" وراحو عنهم "
*
*
بصوت باكي..:: والله ماسويت شي
..:: كل هاللي صار قدامي وماسويتي شي
..:: فواز والله ماسويت شي كنت اتمشى
فواز وشوي ويفقد اعصابه : لو انك كنتي تتمشين بس مامشيتي قدامهم
بإرتباك..:: والله مو قصدي
فواز : نجود خليني محترمك قصدك والا موقصدك وانتي جالسه تستعرضين مابقى مكياج ماحطيتيه ماكنك رايحه شاليه
نجود بعصبيه من بعد كلامه : شوف انت مالك دخل فيني
فواز وده يذبحها : لي دخل ونص .. انتي شفتي اللي صار وانه كان ناوي يمسك يدك
نجود : لو شو ماصار ماترفع صوتك علي .. انت فااااااااااهم
فواز مو قادر يمسك نفسه : لا وطاقتها سوالف معهم بعد .. شفتيهم تمادوا كان دخلتي بس انتي عاجبك الوضع
نجود : عاجبني والا مو عاجبني هذا شي يخصني انا و..
قاطعها فواز وهو معلي صوته عليها : روحي داخل وان شفتك مره ثانيه كذا مالك الا الكف يسنعك فاهمه .. والبسي لبس مثل البنات مو هالسيقان طالعه والعبايه مالها داعي ترا لو تشيلينها مايفرق .. عن اذنك
" مشى وخلى نجود وهو متنرفز منها لانها تستفزه بس لازم يتعدل حال هالبنت من اول ماجاوا الشاليه وهو ملاحظها وهالوضع ماينسكت عليه وكان وده يضربها لكنه تعوذ من ابليس .. على طول جا في باله اديم ...لاتكون اديم مثل طبعها لاااااا انا مابي كذا .. وجالس وهو متضايق منها .. اخ بس الله يستر على بناتنا وعليها "
*
*
الساعه 8:15
كان الجو عند البنات هادي سوالف بسيطه
غزل قامت من محلها وجلست قريب وصايف
غزل بصوت واطي لوصايف: وصايف خلينا نطلع برا شوي
وصايف بأستغراب :ليه
غزل: في شي بقولك عليه
وصايف : هممم اوكي
غزل: بس مانبي حد معنا
وصايف رفعت حاجب : اوكي
"قاموا وصايف وغزل مع بعض مما خلاهم بنتبهون لهم"
سهر: بنات وين بتروحون
غزل بكلمه يعني سيكرت : عندي سالفه بقولها لوصايف وبنرجع
"وكملوا طريقهم مما خلى البنات يسكتون ولايزودونها معهم ... وهم طالعين صادفتهم نجود وهي تنفض الرمل الي بعبايتها ومانتهب لهم وصدمت بغزل "
نجود بعصبيه: ماتشوفين
غزل رفعت حاجبها: تراك انتي ماشيه ومغمضه عيونك
نجود: اوووووه عطيني مقفاك
"وصايف عقدت حواجبها وكملوا طريقهم"
وصايف: شيالفتكم انتوا
غزل: انا ادري عنها ذي مسكينه اختها بسمه
"وصايف ماحبت تتدخل وكملوا طريقهم وهم ساكتين وقعدوا قدام البحر وكان الشاليه هادي مافيه الا صوت امواج البحر وصوت الداينيق بس كان بعيد منهم "
"بعد ماجلسوا "
وصايف: همممم
غزل كانت خايفه تسألها وتعصب وصايف وتقول لها مو شغلك
غزل: همممممم
وصايف: هههههه لاوالله احلفي
غزل: ههههههه طيب طيب بحكي
وصايف: يلا
غزل ونزلت عيونها تلعب بأصابعها : وصايف ليه ماجت العنود العزيمه يوم الخميس؟
وصايف توترت ولفت وجهها ناحية البحر: هاه اي كانت معزومه
غزل: وصايف خلي عنك تراي عارفه
وصايف انفعلت : وشو تعرفين
غزل: مو مهم الي اعرفه .. بس الي ابي اعرف منك سالفتك مع العنود
وصايف: اول مين قالك انه في سالفه بيني وبينها
غزل: لاني استغربت اكثر وحده فاضحتنا عليها وتعزينها ولاعزمتيها ويوم سألت اديم قالت لي انو ماتدري وش سالفتك معها وجنى بعد قالت انها ملاحظتك انك ماتمسين مع العنود بالمدرسه
وصايف تضايقت يعني خواتها عارفين ولاسألوها وغزل وهي بنت عمها عرفت
غزل بهدوء: وصايف عادي قولي والله ماي بقايله لحد
وصايف: هاه لاعادي اصلا انتيهنا من السالفه
غزل: طيب خاطري اعرفها اذا ماعندك مانع
وصايف ناظررت فيها شوي ولفت من جديد وقالت وهي تلعب بيدينها : مافي شي بس كل الي صار انها خانتني ياغزل
غزل اخترعت : خانتك ؟؟ كيف
وصايف: كل الي صار .. طبعا انتي عارفه والكل عارف علاقتي معها شلون قويه .. وشلون عطيتها ثقتي الي ماتستاهلها واقولها كل شي حتى لوظفري انكسر اقولها .. وهي كاتمه اسراري كل شي عني تعرفه .. وانا كمان كل شي عنها اعرفه ..وهي مثل ماقالت لي انها تحب ولد عمها ومدري وشو وتقولي قصصها معه وانا ماكنت اقول شي انه عادي ولد عمها ومستحيل يضرها ..و هذا الي تقول ولد عمها ويخاف عليها اخذ ارقامنا كلنا منها وقعد يدق علينا ومدري وشو ولمن نقول لها تقول انا ماعرف الرقم وانا كنت حاسه انه هو ولد عمها لانها مره قالت لي انها تحب رقم 48 لانه اخر رقمين من رقم جواله .. والرقم الي يدقدق علينا نهايته 48 .. وانا اصلا كنت الاحظ عليها اشياء وماكنت اقول... المهم طلع بالنهايه مو ولد عمها طلع خويها
غزل: من جدددددددددددك .. العنود تغازل يعني
وصايف وقلبها متقطع : اي
غزل: حقيررره ..كملي
وصاايف : والله مافيني احكي بس هذا خويها ضرنا كلنا قام يلحقنا لبيوتنا وكنا نسكت يدق على جوالاتنا ونسكت وعلى بيوتنا ونسكت كمان .. ماصارت حاله وانتي عارفه اهالينا لو عرفت ان عندنا صديقه مثل هذي الاشكال وش بيسوون فينا .. وقلنا نجيبها من نهايتها وانهينا كل شي بينا
غزل ماحبت تضايق وصايف اكثر ولاتعرف اسلالفه فيها عيال بس قالت : اهاااااااا
وصايف: تكفين لايطلع منك انا حتى خواتي ماقلت لهم
غزل بأبتسامه : دونت ووري .. بس ماتخيلت السالفه كذا
وصايف: واكثر بس مابي احكي اكثر
غزل: تتوقعونها تضركم الحين
وصايف: والله ماندري عنها بس كل الي نقدر نسوي سويناه قطعنا علاقتنا فيها نهائيا واذا صار شي بقول لامي
غزل: اي احسن لك المفروض من البدايه قلتي لخالتي
وصايف: خفت امي كل شي تقول لفيصل وانتي تعرفين فيصل اذا عصب
غزل: اي والله .. لابس انتي ماغلطتي ولاسويتي شي "وابتسمت "
وصايف: خليها على ربك .."وتغير المود " ماودك نرجع
غزل: هههههه لاعجبني الجو كذا بدون ازعاج
وصايف تقول: اقول قومي لا تتريمسين علي انا توي على هذي الاشياء
غزل: ههههههههه امحححق بس يلا
"ورجعوا لعند البنات وطبعا هبلوا فيهم "
.
.
.
بعد فتره
9:30
الخدم جهزوا كل شي للعيال عشان يشوون للعشاء والعيال قعدوا قدام الطاولات الي قبال شاليه الحريم والشوايه قدامهم وكل شي مجهز على الطاوله البنات استغلوا الفرص وراحوا جلسوا مع الحريم والباب مفتوح والستاره مسكرينها لكن يطيرها الهوا
جنى: اقول يمه وخروهم بس خلونا حنا نشوي الغدا والله ماينوكل
رغد: ههههههههههه اي والله
سهر: تهقون نسويها
بسمه : اقول اقعدوا لاياكلونكم بألسنتهم
سهر: هههههههههه اي والله
غزل: والله لو نبي قمنا بس مافينا حيل
نجود: احكي عن نفسك
غزل ماحبت تبين انها قالت شي : وش تبون اكثر من انهم يخدمونكم
ام رغد : اي والله
سهر: ماما كلمتي بابا دق عليك
ام محمد : اي كان يسأل اذا بنام هنا ولالا
سهر: اهاا
ام رغد: والله احسن شي سويتوه.. اجواء تاخذ العقل
رغد : من جد مررره كووول
ام فيصل : امي ديومه قومي قولي للخدم يرتبون الغرفه الثانيه عشان بعد العشاء نروحها ونلاقيها نظيفه
ام فواز: الا اديم ماسمعنا صوتك
اديم استحت وماعرفت شتقول
جنى ببراءه: اصلا لو تحكي انا اقطع لسانها مو كافي زوج وهذا هي بتاخذه
"ااديم استحت وقامت"
"والبنات يضحكون على جنى "
ام رغد : هههههههههههه جنى تبين تعرسين
جنى استحت : هههههه لامابي شدعوى
وصايف: يبي له قص لسانها
جنى بنظره لوصايف: لاوالله خوفتيني
وصايف: هههههه جنوو عيب عليك
جنى استحت : تيب تيب
رغد: جنو بسرعه تستحي
جنى: لاوالله احلفي عشان اثدقك
رغد تفشلت : ههههههههههه
جنى طلعت لسانها لها وبس
......: ياولـــد
عبير: اوب اوب "وتعلي صوتها " والله وعرفنا الذوق ياطلييل
طلال دخل : امي شوفيها
عبير: ههههههه "وبدلع " ياربيه ياماما
طلال طنشها عشانه يستحي من ام رغد : امي وين الخدم
ام فواز : هناك والله تونا ارسلنا عليهم ينظفون الغرف
طلال: الله يهيدكم الحين حنا محتاسين برا "وراح ماشي للمطبخ وبوجهه اديم "
اديم خافت وتلثمت وكانت واقفه عند الباب وكانت تبي ترجع للمطبخ
طلال عرفها : لو سمحتي نادي وحده من الخدم تجيب الملح
اديم : ان شاء الله "وهي على بالها بيروح "
"وطلال بخاطره ياربي مسوي نفسها بريئه ااااخ منكم يالبنات "
طلال: يلا بسرعه
اديم استغربت ذا ليش يتكلم كذا خلاص فهمنا يبي ملح راح يجيبونه : طيب "وتأففت بداخلها .. اذا انت كذا كيف اخوك "
"طلال لف ومشى عنها وبعدها قالت اديم لهم ورجعت لصاله "
"اول ماقبلت اديم قامت ام فواز ترحب فيها.. اوديم تعبت من كثر ماتجامل وتحس فكينها مو قادرين يتحركون ويجاملون اكثر "
سهر حست على اديم : عمتي تراها تستحي
ام فواز: خليني اتحلى عليها
سهر: ههههههه طيب مو قدام العالم ياخاله تستحي والله شوفي خدودها
ام فواز: ياحي البنات الي يستحون والله
"اديم بخاطرها : طيب فهمنا ..وبنفس الوقت محتاره ولاهي عارفه شتسوي"
ام محمد : اي والله البنات شكثرهم مالوم طلال يوم يقول من وين بتلقون لهم
"ضحكوا البنات"
ام محمد : قوموا شموا هوا برا جاين تجلسون تحتنا ووقت الشعاء نرسل حد يناديكم
رغد: اي والله بنات يلا قوموا
"نجود لفت عليها وبخاطرها وش معنى مايكلمها هي او يهاوشها هذا هي تمشي معنا وطرحه على شعرها مو حاطه .. مغرور انسان "
.
.
عند الشباب
"كانوا قاعدين برا والاكل وكل شي عندهم وسلمان ودنو يلعبون برا بالكوره جنبهم "
......: اااااااح بسكم صدعتوا براسي اااااح
طلال ووليد : هههههههههههههه
"كانوا يضحكون على فواز الي لسعته الشوايه "
منصور وفيه الضحكه : هذا جزاه قاعد يشوي لكم وانتوا تتضحكون عليه وتتمصخرون
فواز كان عارف ان منصور ماسك ضحكته وبما انه حتى هو فيه الضحكه عطى منصور نظره وبعدها عطاهم ظهره يكمل شوي
منصور: هههههههههه "بس بصوت واطي "
تركي: اي الي ماخذ عقلوااا يتهنا بوو
وليد: عاشو اهل الرياض يتهنا بووه "ويقلده "
طلال: ههههههههههههههههههه
تركي: وبعدين معك انت وياه لساتكم ماعقلتوا
طلال يرمش بعيونه ومنعم صوته : مابعد حوووبي
وليد ومنصور: هههههههههههههههه
فواز لف على طلال وخزه : طلال عيب
فيصل: الله يرجهم هالمهابيل
مساعد : من جد ورا ماتروحون تتقهون في الاوتيل حتى يخلص العشا
طلال: ممنون لك بس انتوا الي جبتونا
منصور: منت بصاحي اخليهم لحالهم عشان تمسكنا الهيئه هنا ومعنا حريم لو لحالهم بالعنا
طلال ووليد: ههههههههههه
تركي: والعجيب انهم يضحكون على حالهم شوف كيف
طلال: وليد مو كنهم زوودوها
وليد: كنهم
ياسر بحاجب مرفوع: وهو حنا قلنا شي غلط
وليد: محشوووووووم
طلال: اي والله
"وضحكوا "
"وياسر ماقدر وضحك لانه عرف ان وليد خاف وغمز ياسر لفيصل الي يناظره "
منصور: مساعد
مساعد: سم
منصور: سم الله عدوك.. بس حبيت اقولك اني فكرت بالمشروع وقلت بنستشير الاهل على مشغل نسائي هنا بالخبر
مساعد بتفكير: هممممم خلاص استشيرهم وعطني خبر
منصور: وانت معي
مساعد : لالا خلني بعيد رايي هو رايك انت استشير وعطني خبر
منصور عارف انه يستحي : ولايهمك
طلال: ليه ماتسوون كوفي شوب وبلياردو هنا في الخبر
منصور: ماظن عليكم قصيره كوفي شوبات .. وبيبي وبينك تغير والمشاغل ناجحه
فيصل: اي صح عليهم
ياسر: صحيح ناجحه بس شوفوا اذا عندنا بنات تقدر تدير المشغل
محمد : اذا على كذا اخلي زوجتي دارسه اداره اعمال وجالسه بالبيت ماتوقعها ترفض هي من زمان تبي تشتغل
منصور: وهذا محمد حلهاااا
مساعد : ماشاء الله سريع سريع
مننصور: ههههههه ايش على بالك ذول اهل الشرقيه عيال الفزعات
مازن : انا اشهد
"لفوا عليه.. استغربوا مانطق الا يوم قالوا كذا "
طلال يصفق : ياهووووو شكلك مطيح شرقاويه
وليد ومنصور: ههههههههههه
مازن يضحك :كلن يرى الناس بعين طبعووه
وليد: ههههههههه طاايب ياطبعوو
"ضحكوا الشباب عليهم "
مازن لمنصور: شسوي معهم ذول
منصور: ههههههه مدري اذا عندك حل ؟
ياسر : هههههههههه
فواز: طلال طلال تعال قرب لي البايركس
"فز طلال وقرب البايركس منه وحط فواز قطع الشيش طاووق "
فواز: دخلهم داخل للبنات .. ووليد تعال جيب البايركس الثاني عشان احط الباقي لنا
"وليد قربه منه وطلال راح يدخل الاكل "
طلال: يــــاولد
الي داخل: اقرب طلال
"دخل طلال وتقدم وحط الاكل على الطاوله "
ام محمد: طلال يبه قول لهم لايشوون ستيك شبعانين
طلال: ان شااء الله
"وبس وطلع طلال .. وقاموا يتعشوون.. وبعد العشا بفتره قعدوا يسولفون وراحوا الامهات ينامون والبنات غيروا ملابسهم ولبسوا بجايم وبسمه وجنى ونجود طاح حيلهم وناموا والباقي قعدوا"
سهر منسدحه على غزل: ياسلام الجو كذا راايق
"كانوا قاعدين بالصاله وفاتحين البلكونه "
عبير: منجد خلنا نلبس عبايتنا فوق البجايم ونطلع قدام البحر مافي حد هالوقت
غزل: اي والله
رغد: انا ماقدر اقاوم اكثر رايحه انام
منار: مثكينه مدروخه ههههههههههههه
"رغد ابتسمت وراحت "
سهر: انبسطتي لميس؟
لميس: مرررررررررره صراحه انتوا عايشين في نعيم
منار: هههههههه اي والله
لميس: والله بحر وشاليهات وماني عارف كاشخين علينا
غزل: ورا ماتجون هنا
لميس: لو على كيفي كان من اختلقت وانا هناااا
منار: ههههههههههههههه
عبير: مثكيينه حسيتها كذا مدري شلون
لميس: والله حياتنا كلها مجمعات وبسس
سهر: احلى مافي الرياض اسواقها والله
عبير: اجل انا ماتفرق معي اموت بالشرقيه
منار تصرخ : هيييي اديم شصاير فيك هدوئك مو طبيعي
غزل: ماعليكم من مرت اخوي فديتها صارت تستحي
اديم بضيق باين : بناااااات لاتقولون لي كذا
بعضهم فكروها مستحيه ماعدا سهر
سهر: من جد اسكتوا بنات عنها تستحي لوووووووول
اديم: سهير اعقلي
سهر: هههههههه طيب
وصايف: اصلا اديم ماهي معرسه الحين ريحوا نفسكم
البنات انصدموا واولهم غزل
منار: ليييييييييييه
اديم بصراحه : احس توي صغيره والله ماعرف ماعرف
عبير: طيب عادي فواز من متى ينتظر
اديم: مافيها شي لو قعد ينتظرني اكثر
منار: ما اقنعني سببك
اديم ابتسمت وبس
غزل ساكته..وسهر غمزت حق اديم
اديم ناظرت غزل: والله فواز ياحليله وانا بقول لامي تقول لخالتي ينتظرني مابي ارتبط من بدري وانه يكون ارتباطي فيه بس كلام
غزل ابتسمت : ديومه ليكون مستحيه مني ترى عادي
اديم بخجل: صحيح غزل
غزل فزت : من جد ديوم مستحيه مني ترا عاادي والله "وضمتها"
"اديم انبسطت وارتاحت جزئياً لانها عارفه ان هذا كلام بنات وان الاهل عادي يغيرون كل شي "
عبير: انا بروح اجيب عبايتي وبطلع
سهر: وانا جيبيها
غزل: وانا
"وكل البنات قالوا وانا ..عبير ماقالت شي جمعت كل العبايات وجابتها ..لبسوا عبايتهم البنات وطلعوا .. اديم وسهر قعدوا قدام البلكونه والباقي راحوا قريب البحر "
سهر: ماكنت متوقعتك بتقولين قدام غزل
اديم: مادري احس مليت من كثر مايقولون فواز ومستحيه عشان فواز
سهر: يعني انتي عادي تاخذين فواز
................... بعصبيه : وش فيــه فـــــــواز
.
.
.
الجزء الخامس
الفصل الثاني
سهر: ماكنت متوقعتك بتقولين قدام غزل
اديم: مادري احس مليت من كثر مايقولون فواز ومستحيه عشان فواز
سهر: يعني انتي عادي تاخذين فواز
................... بعصبيه : وش فيــه فـــــــواز
*
عادتي والله خطا غيري أرده بأبتسامه... لكن أنتي ماسكتي ولا وقفتي عند حدك
أسمعي من صدري المكبوت وأستلمي كلامه... صدري اللي كم شكيتي له غرابيل تهدك
*
نزلت عليهم كلمته مثل الصارخ اخترق كل ذره من اجزائهم .. ماكانوا عارفين اذا هم مفزوعين ولاخايفين منه .. اديم طاح قلبها في بطنها ماعرفت شتسوي حطت يدها على فمها ورجولها ماساعدتها تقوم او تتحرك بعكس سهر الي قامت بأقوى ماعندها وطاح كرسيها على ورى ومماكان سبب سكوت الطرفين
كل من الطرفين كان ساكت... ماهم عارفين ساكتين من الازعاج الي صار بسبب طيحة الكرسي وتسبييب دوشه بالمكان .. او انه كل منهم انربط لسانه
واخيرا تحركت سهر وبأنزعاج وبدون مبالاه لكن قلبها لسا يرقع :انت بأي حق تتكلم معنا بهذي الطريقه "وكملت وهي ترتجف " اصلا كيف تتجرأ تكلمنا
....... "رد عليها وهو مو مهتم لها " : مثل مانتي لك الحق انتي والي معك تمشون وتقرضون بخلق الله
"سهر واديم جلسوا يناظرون بعض ..اديم جات بتقوم وبتدخل داخل "
بس وقفها صـوتــه : هي اسمعي انتي والي معك .. وقسماً بالله لو سمعتكم مره ثانيه جايبين طاري اخوي فواز بكلمه وحده زياده والله لاتعظون اصابيع الندم في اللحظه الي فكرتم تحكون عليه فيها وبعدين انتي "ويأشر على اديم ويكلمها بأشمئزاز " من قالك ان اخوي ميت عليك او ماينام الليل بسببك تراك فقط بنت عمه لاقمتي ولاقعدتي وكل الي قاعد يسويه عشان الواجب والصله الي بينا مو عشان سواد عيونك
"طلال قال الكلام الي قاعد يقرقع بقبله من ذيك الليله الي سمعهم يتكلمون فيها .. ومشى عنهم وهو في خاطره " انا اوريكم يابنات عمي على ايش مغترين مالت عليكم صدق " حس انه مرتاح بعد الي قاله وكان صادق بالي يقوله انه مراح يسكت لهم لو سمعهم من جديد يحكون في اخوه "
اما عند اديم وسهر كل وحده كانت واقفه على حالها بس قطع عليهم صوت وصايف تناديهم من بعيد
سهر وهي حزنانه على حاله اديم : ديومه ماعليك منه تراه مراهق لاتهتمين له
اديم وعيونها تلمع عطت سهر نظره ودخلت داخل بأسرع ماعندها
سهر بخاطرها" اففففففففففف ياربي هالمراهق من وين طلع لنا اديم الي فيها يكفيها مو كافيه اخوه جاي يطلبها وهي توها صغيره يبي يعرس ومستعجل يروح يدور غيرها .. كانت منقهره من طلال والكلام الي رماه وخصوصا اديم كل شي يأثر فيها "
راحت جهة البنات عشان ماتبين انه في شي حاصل والي مادرت ان البنات شافوا كل شي
اول ماوصلت سهر
غزل: سهر شعنده طلال جاي لكم
وصايف: لاوشكله يصارخ
سهر طاح قلبها في بطنها شدراهم ذول بس ارتبكت : هاه .. اي كان يصارخ علينا يقول ان حنا مسوين ازعاج وماني عارف وكأنه مافي غيرنا بالشاليه ويهزئ
عبير: ههههههههههه ياحياتي ذقتوا لسان طلال
سهر ودها لو تروح له وتخنقه : بنات صدق قوموا داخل يخوف الشاليه هالوقت وانا بديت انعس
غزل: اجل اديم دخلت تنام
سهر: اي ماقدرت تقاوم
وصايف: عاد اديم تقدس النوم هههههههه استغفر الله
عبير: هههههههه حتى انا بس انا ماعندي مجال انام فيه كثير
غزل: الله يعينك .. يلا بنات قوموا عشان نصحى بدري
البنات : يلا
"وسبقتهم سهر وراحت مسرعه للغرفه الي بينامون فيها وتخبت تحت الفراش ونامت وماكانت تبي تفكر بأي شي يكفي انه بدر زعلان ومايكلمها "
.
.
.
نثرت الشمس خصال أشعتها المتوهجة على صفحة ذلك البحر الأزرق المتلألئ الذي يتربع بين النخيل..صحت الامهات وصحوا بعض البنات الي ناموا بدري وبعض العيال
الحريم بالعاده كانوا قايمين ومصحصحيين اما البنات قاموا بس لانهم شبعوا نوم وماودهم يضيعون عليهم هذي الرحله
بسمه بأبتسامه وهي تصب للحريم قهوة الصباح:تفضلي ياعمه
ام محمد : زاد فضلك
ام محمد كانت تناظر بسمه بأعجاب وتحس انها من جد غير البنات
ام محمد : يازين هالبنات عسى ربي يحفظهم
بسمه استحت
وام نايف كانت مبسوطه على بنتها
ام رغد: ايش تدرسين يابسمه؟
بسمه بعد ماجلست وحطت قهوتها جنبها وبأبتسامه صبوحيه : ادرس هندسه ديكور
ام رغد: ماشاء الله وكيف الدراسه هنا
بسمه : الحمدالله كويسه بس هئ "وتأشر بيدها "
ام رغد: الله يوفقك "وتناظرها هي بعد بأعجاب "
ام فيصل: هقوكم العيال صحوا؟
ام محمد :والله مايندرى بهم بتصل عليهم الحين
"اتصلت ام محمد على منصور وكان مقفل واتصلوا على محمد ورد عليهم وخلته يصحي كل الشباب وثنين منهم يروحون يجيبون لهم فطور من
dining hall
وهي بدورها امرت على البنات الصاحيات يصحون النايمات"
"بأختصار بعد ما الكل صحى وفطوروا فطور جماعي اقعدوا شوي وطلعوا الحريم مع الشباب يمشون على البحر وعلى قولتهم يخفوون "
.
.
.
"عند الشباب والحريم "
قرب منصور من امه وناداها على جنب يمشي معها "
منصور بدلع : مامي
ام محمد : ياعيون مامي
منصور يضحك
ام محمد : لاوالله هات من الاخر
منصور مسوي جدي بس لسى الابتسامه مرسومه على وجهه : امي تذكرين المشروع الي قلت لك عليه الي بنسويه انا ومساعد
ام محمد : اي طبعا اذكره .. وش فيه ؟
منصور:انا قلت ان المشغل النسائي احسن مو ؟
ام محمد : اي والله احسن وغالبا مشاريع المشاغل تكون ناجحه
منصور: اي وانا قلت كذا بعد بس ابيك تساعدينا طبعا
ام محمد : تامرون امر.. وش تبون مساعدتي فيه ؟
منصور : همم يعني انتي عارفه الحريم كيف تحب يكون ستايل المشغل .. جنسيات العاملات ... الموقع وهو الاهم.. يعني ساعات انتوا تحبون شغل وحده ويكون محلها مدري وين ربي قاطه.. يعني هذي الشغلات
ام محمد : دام كذا ماطلبتوا
منصور يبوسها على راسها : ياعسااي ماخلا "ويغمر "بيني وبينك انا عارف انك راح تساعدينا بهذي الشغلات بس قلت اضيع وقتي معك ههههههههههه
ام محمد: ههههههههه اخ علييك ماضيعت وقتي ضيعت علي سالفه مهمه
منصور يصفر: اما سالفه مهمه هههههههه لاتضحكيني
ام محمد تناظر ولدها وفيها ضحكه : اما انت مادري من وين طالع لي قالولك وحده من عيالك انا
منصور يمسك راسها ويبوسها : محشوووومه
ام محمد تضرب يده : بسك تبوس في هالراس
منصور:هههههههه
ام محمد ضحكت عليه وراحت جهة الحريم
.
.
اما منصور رجع مكان ما الشباب فيه وحكى حق مساعد ومساعد انبسط
طلال: مشروعكم ذا احس حد قاري عليه
منصور: وليه ان شاء الله
طلال: الحين بالله عليك قلي كم صار لكم وانتم تحكون فيه
مساعد : وهو عندنا وقت نفضى فيه ومثل مانت شايف يوم فضينا جينا البحر وحكينا فيه
طلال وهو ماينكر انه حكي مساعد سكته : والله مدري قلبي ناغزني
منصور:ههههههههه اقول
وليد وطلال بصوت واحد : لايكثـــــــر
"الشباب ضحكوا عليهم لانها كلمه منصور "
مساعد لفيصل: انتوا اليوم بترجعون صح
فيصـل : ايه
مساعد لمازن: اجل ورا مانحرك من الحين
مازن تبلعم : تو الناس ياخي
"والشباب قاموا عليه"
فيصل: والله ماتتحركون وانتوا ماتغديتم
منصور: من جد تغدوا والله عليكم حافظ
مساعد : اخاف نتأخر على الوالد والله
مازن: مساعد لاعاادي تكفى خلنا مو كل يوم بنجي الشرقيه وبنجي البحر
طلال: اي والله ماشبعنا منكم
مازن بصوت واطي لطلال :ماشبعت منا ولا من التريقه علينا
طلال مات ضحك :هههههههههههههه الاثنين صراحه
وليد: هههههه ماعليك منه مازن والله مشتاقين لكم واان صراحه اول مره امون عليك
مازن : انا اول ماتجرأ اكلمكم اصلا
وليد وطلال: ههههههههه ليه
مازن: انتم اول ماحد يفكر يحاكيكم كبريت ماتبون الا بعض
طلال ووليد : ههههههههههههههه
مازن: هههههههههه
طلال: طيب ليه مايطلع ان انت مغرور وماتعطينا و جــه
مازن ووليد: ههههههههههههههههه
وليد: كل شي جايز ياولد عمي
مازن يضرب وليد: هههههههههههه
مازن: والله حنا اهل الرياض ماعندنا حركات الغرور والفشخره
طلال وكنه غص بشي: كح كح وش قـــلت
مازن يضحك لان عارف تنقاض كلامه : هههههههههههه كلام الملوك لايعاد مرتين
وليد: ههههههه شفت شفت
مازن : ههههههههههههه اخ منكم حشا الواحد ماياخذ جوه
فيصل الي لقطهم : انا اشهــد بهذي صدقت
مساعد غمز لفيصل عشان يقوم وقام ..قاموا ثنينهم ووقفوا قدام البحر
كانوا ساكتين لفتره بعدها تكلم مساعد
مساعد يلعب برمل برجوله : شفتها ؟
فيصل: انت تتوقع اني بشوفها وبكون بهذي الحاله
مساعد: وش الي يمنع انك ماتشوفها .. هذا حنا قاعدين اربع وعشرين معهم صحيح كل واحد في شاليه بس ماحسيت فيه قيود بينا يعني ذاك الزود احس لونقعد مع بعض ماتفرق
فيصل: هههههههه طايحين من عينك الظاهر
مساعد: لا محشوومين يعني هنا الشرقيه غير الرياض مو متقيدين مثلنا يعني احس تقدر تشوفها بكل سهوووله
فيصل: اي يمكن بس هي مادري وينها وانا ماذكر بالضبط ملامحها مثل ماشفتها ذيك المره
مساعد: طيب تتوقع انها
"وبس كملوا سوالف وبعد فتره قرروا يرجعون "
.
.
.
بنفس الوقت عند البنات
كانوا ماخذين راحتهم على الاخر ومتوزعات الي بالغرفه والي بالصاله والي على البلكونه ...اديم كانت من ضمن البنات الي بالصاله وكانت ساكته وكارهه العافيه"من وين طلع لي انا هالنتفه ياطول لسانه كريه"
اديم بصوت منتهي : متى بنمنشي من هنا ؟
بسمه : والله مادري اتوقع بنتغدا وبنمشي
منار لاويه بوزها : مابي اروووح ابي اصييح
بسمه: هههههههه ياحيااتي تعودي
منار بدلع: لامابي ابي اجلس هنا وربي واحشني احس لسا ماشبعت منكم
بسمه: والله حتى انا بس يلا خلصي دراستك وتعالي هنا لاحقه على الوناسه
منار لاويه بوزها :مابي
جنى: عاد بغيتي ولالا بتروحين غصب عنك
منار وبسمه : هههههههههههههههه
منار: ادري بس اتدلع لوووووووول
جنى: ندري والله ندري
اديم: وين سهر؟
جنى: طلعت برا هي وغزل
اديم: اهااا
.
.
عند غزل وسهر
غزل: شعندك ساكته ؟
سهر وسانده راسها : وش اقوول
غزل: اي شي ولا تدرين قومي عند البحر
سهر: لا الشمس تصقع واخاف يصدع راسي
غزل: عادي نسوي tan
سهر: ههههههههه هذي مو شمس تان هذي الشمس تحرق
غزل: ههههههههههه صدقتي
سهر: مو كنه هذاك ياسر ومشاري ومعهم دنوو ولولي
غزل: اشووف "وتشيل نظارتها " اي والله هذا هم غريبه ماراحوا معهم
سهر: اي من جد
غزل: تدرين مشاري يخوفني
سهر: هههههههههههههه ليه؟
غزل: مدي احسه شديد على اخوانه كذا حتى هيئته
سهر: ههههههه توني انتبه
غزل: لووول والله لاحظيه
سهر: اف عاد لولي الحين بيطفش ياسر وهو شكله ماله مله بزران
غزل:بالعكس ماتشوفينه مع اخته دنوو والله كنها بنته
سهر: اي اشوف بس مادري احسه بس مع ندو غيرها لا
غزل: ههههههههههههه مانتي بصاحيه تفكيرك مدري شلون قايل
سهر: ههههههههههههه
غزل: عاد ماشاء الله لولي ماهو مقصر فيه بيطيح حيله
سهر: من جد جني هالولد
غزل: بس وربي يجنن
سهر: شوفيييه طايررر
غزل: ههههههههههههه
"شوي وطلعت عبير وكانت تمشي "
سهر: وين بتروحين؟
عبير: بجيب سلمان امه تبي تغير ملابسه
سهر: اهااا
"اول ماقربت عبير منهم صارت تنادي على سلمان انتبه مشاري وبعد عنهم شوي "
عبير: سلمااااان حبيبي تعااال يلا ماما تبيك
سلمان: مااااابي ابي العب
عبير: نغير ملابسنا ونجي طيب
سلمان يعفس وجهه : ماااااااااااابي "ويركض ناحية البحر"
ياسر خاف وعبير بعد
ياسر يصرخ بعصبيه من خوفه عليه : سلمان سلمااااااااااااااااااااااان تعال هنا
سلمان ماخاف وكمل طريقه
عبير: ياسر الحق عليييه تراه ماهو بصاحي "ولفت تنادي سهر من بعيييد الي كانت تراقب بس مستحيه تقوم لسلمان " سهررررررررررر تعااااااااااااااااااالي شوفي سلمااااان
"سهر على طول قامت تركض لانها عارفه محد يقوى عليه سلمان "
سهر: تعالي معي نروح
عبير: رووحي جيبيه وانا بقول لامه "ومشت "
" سهر راحت ناحية سلمان وياسر بس ارتاحت يوم شافت سلمان منبطح على الرمل بس مو قريب مره من البحر وكان معند مايبي يقوم لياسر وياسر قاعد يكلمه بهدوء لان العصبيه زادت من عناد سلمان "
سهر من بعيد : لووولي
"سلمان وقف من بعد ماكان يرافس على الرمل
سهر ابتسمت له وتحيه بيدها .. هو شافها وانبسط وقعدت يتقلب على الرمل"
سهر فخاطرها "قوم الله يفشلك يالوصخ "وقربت منهم
سهر: لولي يلا قوم بنروح المسبح
ياسر كان يناظرهم ثنينهم يبي يعرف اذا بتستجيب له ولالا
"سهر اول ماقربت قام سلمان وراح مسرررع بعيد عنها عشان لاتصيده"
سهر شهقت وحطه يدها على فمها
وياسر طاح حيله من هالسلمان وراح يركض له وسلمان قاعد يزيد من سرعته وسهر تمشي مهروله على تركض ومتفشله من هالسلمان.. شوي سلمان يركض وطاح وسرع ياسر من سرعته عشان يمسكه
سلمان طاح وقعد يضحك سهر شافته من سافه وقعدت تضحك
وياسر واصله معها مو كافيه مخليه يركض كل هالمسافه
سهر مشت حتى وصلت لناحيتهم وصارت قريبه من الثنين
سهر طنشت ياسر ومسكت بسلمان
سهر: كذا زين
سلمان قاعد يضحك
ياسر بعصبيه : هذا لاينتودى وهذي اخر مره تجيبونه
سهر سكتت والضحه بداخلها "شذنبها قاعده يصارخ " بس احترمت نفسها ومسكت ضحكتها
سهر: سلمان يالله قوم
سلمان : مابي
ياسر شهق: سلماااااان قوم تفهم
سهر ناظرته بنظره : مايجي هو بهذا الاسلوب
"ياسر سكتت وعقد حواجبه شتبي ذي.. ماعلق يبي يشوف الاسلوب الي بتقومه فيه لان ماخذ فكره عن هالولد انه عنيد ومايسمع الكلام"
سهر تضحك : يلا باابا قوووم حنا بنروح باثكن"باسكن" "قامت وخلته وعلى طول سلمان قام معها"
سهر استانست وشالته ورمت نظره على ياسر
"ياسر فخاطره تكفين يام الاسلوب ماجبتي شي جديد .. بس لعنبوها نظره ..ولحقها وكان قريب منها"
"الي ماكنت تعرفه لاسهر ولا ياسر ولاحتى سلمان العيون الي كانت تراقب وقاعده تحترق من بعيييد ..صحيح كانت العيون بعيده عنهم بس كانت تشوفها قدامه عيونه .. ااااااااااااخ ياسهر الى وين تبين توصلين .. وكان قلبه يقرررررقع وعيونه يحس انه تحرقه وكان يشوفها وهي تضحك مع سلمان وياسر عينه عليهم هذا "بدر" الي ماتحرك قعد ينتظرها توصل وده يصفقها .. وكان يقول في خاطره "هز صحيح ياسر احلى مني بس لو تبيه كان طيحته في البدايه مثل ماطيحتني بس وش قصدها ورا حركاتها هذي ..يمكن تبي تتحدى غيرتي .. بس لا اكيد هي عارفه ان ياسر مو تبع هذي الحركات والسوالف واستغلتني عشان تتقرب منه اففففففف ياربي" الشيطان بدا يلعب براسه عشرين فكره توديه وعشرين تجيبه حتى قربوا منهم "
" سهر يوم شافت العيال نزلت عيونها وراحت تقرب للشاليه من جهة بعيده عنهم مشت هي وسسلمان شايلته ومنصور كان يأشر لسلمان وسلمان يرد عليه بس هي سوت نفسها ماتشوف شي ولاتسمع شي وبس صارت قريب من الشاليه نزلت سلمان عشان يركض لامه وشافت انه غزل دخلت قامت وكملت طريقها لداخل "
.
.
.
|