عطر الكلام
ــــــــــــــــــــــــــــــــــ
هذا غيابك مرني الليلـة ويقرينـي السـلام
وانا غيابي حاضر الليلة في زهـو الأسئلـه
غبتي غيابٍ ماترك لي غير حـزنٍ مستهـام
في وحدتي يبني على عرش إنكساري منزله
من علمك تبنيـن بغيابـك معاويـل الهـدام
في ذاكرة صوت نما بسمك وفي الذات اشعله
انتي بداية كل مـا لاينتهـي عطـر الكـلام
انتي نهاية كل مـا لا يبتـدي شـوق وولـه
انتي ملامح طفل شده نبض صدر امه ونـام
تقرا بوجهه من شفاة امـه حنـان وبسملـه
صمتك ظلال الغيم.. لمع البرق.. هتان الغمام
بوحك عصافيرٍ عطت للضي غـي السنبلـه
بسمتك فرحة ضيف جايع في قرى بدوٍ كرام
ومعذبه من كثر جوده فك صـدره وادخلـه
انتي ليا قلتـي احبـك ثـارت الدنيـا قيـام
واحس كني في بدايات الطريـق مـن أولـه
وانا متى ما قلت احبك يرتجف جفن الظـلام
والصبح يتنفس مكاني والصعيـب استسهلـه
|