الا ياطيـر كـم غـرّك علـى حـدْ السمـا سمّـار
وكم خانك من أحبابك كريم وصحت مـن دونـه !!

غسلت ايدك من اصحابك ورقصت الامانـي زار؟!
تبي تعرف من اللي طاح ومن اللي تأثـم ظنونـه؟!

تعال أعلمـك كيـف الحنيـن اليـا غـدا مسمـار !
وكيـف الليـل لادكّـه وبلّـلْ دمعـك جفـونـه!!

تعـال أعلمـك كيـف الحبايـب لاغـدوا كـفّـار
يصرون الوفـا ملـح وعلـى جرحـك يذرونـه !

تعـال أعلمـك كيـف الغيـاب اليـا غـدا جبّـار!
وحط أبهامـك بحلـق الـوداع وصكّـت سنونـه!

تعبت أدري ! رموك أدري ! على بساط الوجع زوّار
جفـوك وهمّـك البـارح علـى دمعـك يحدّونـه!

وأنا ياطير مـن خيّـر شقـاه مـن الشقـا وأختـار
يجرْ الآه مـن جـب الحنيـن و تشـرب عيونـه !

وأنا صوت الحصاد اللي بكى فـي حنجـرة بـذّار
تعـداه المطـر يسـال علـيـه وروح بـدونـه !!

وأنا هاك البسيط اللي زرع.. سدر وحمامـه طـار
وشـرّع كـل آهـات الغيـاب وناحـت غصونـه

وأنا يا صاحبـي مولـى الحنيـن وربعـه الفجّـار
يسنـون الوتـد هـم وعـلـى صــدره يدقّـونـه

يمر الريح فـي جوفـه غنـاوي و يحِـدى مزمـار
ويبكـي داخلـه طفـل وتمـنـى لــو يهدنـونـه

وأنا اللـي كسّـر شـداده برجـوى صيدتـه للنـار
طفت ناره وضـاع اللـي رجـاه وكلـت متونـه !

وأنا ياطير لو تسأل عـن اللـي صـار أو ماصـار
تعال وشـوف بعيونـك جزايـه كيـف يوفونـه ؟!

حملـت أوزارهـم طيبـه وعابـوا حملـي الأوزار
تعشـوا لحمـي البـارح ولا زالـوا يلوكـونـه !!

على كبر الخوي لا طاح.. تجي كلمة (أفا) منشـار
وتبكي المرجله صاحب قصـر ثوبـه عـن ردونـه

واذا ياطير غنـوا لـك علـى حـد السمـا سمـار
تـعـوذ هـمـك لـربـك .. تـعـوذ لايغنـونـه





للشاعر:
مشعل الذايدي