تكملة الجزء الثاني

في الصباح
راح ابوبدر وزياد وخالد وفهد للمحكمه عشان يملكون لزياد
بعد الملكه قال زياد لبوبدر:وين بيتك عشان بجي في الليل اخذ العروس قالها بسخريه
ابوبدر وصف له البيت
رد زياد لشركه ومعه فهد
فهد:منت مسوي فرح
زياد بسخريه:الا بسوي فرح عشان الناس تشوف انا مناسب من
فهد بحيره:طيب ليه ناسبتهم يوم تشوفهم مايشرفون
زياديشتغل في اوراق قدامه:اهم شي ماحد يدري زين
فهد وهو قايم بيطلع:انشاءالله
عبير:هنادي يالله بسرعه
هنادي نازله مع الدرج:يالله جايه
سكرت هنادي الجوال وطلعت لعبير برى مع السواق بيرحون للكليه داهم السواق للجامعه
وكان باقي على محاظرتهم ساعه فجلسو على طاوله في الكوفي حق الجامعه يسولفون
عبير:هنادي بسألك سؤال
هنادي:تفضلي
عبير بتردد:انتي تحبين اخوي فهد
هنادي بصدمه:وشتقولين انتي
عبيربصرار:لاتنكرين انا شفت الشوق في عيونك لفهد امس
هنادي :يتهيألك
عبير:لا ما يتهيألي انا اعرف نظرات الشوق
هنادي نزلت دموعها
عبير بخوف:هنادي ليه تبكين
هنادي:مافيه شي
عبير اصرت على هنادي لين عرفت ليه تبكي
عبير:مدامك تحبينه ليه تبكين
هنادي:خايفه انه يحب غيري
عبير:ههههههههه فهد يحب
هنادي بدهشه:ليه لا
عبير بجد:شوفي انا اكثر وحده اعرف فهد فلو انه يحب كان انا اول من بيعرف
هنادي بستفسار:وغلا مايحبها
عبير ضحكت ضحكه رجت المكان
هنادي:وجع ليه تضحكين
عبير تحاول توقف ضحك:لان فهد مايحب جرات غلا ودايم يقولي قوليلها تحتشم اكثر
هنادي ارتاحت من هم غلا بس كيف تعرف اذا فهد يحبها او لا
رجع كلن من دوامه
ابوزياد :خلاص ملكت
زيادببرود:أي ملكت
ام زياد:الله يرزقك الذريه الصالحه
ابوزياد:متى بتروح تاخذها
زياد:في الليل
ام زياد :وين بتسكنها
زياد وبتدى يمل من كثر الاسئله في الموضوع:شاري لي فله وبسكنها فيها
ابوزياد حس ان زياد مل من الموضوع فقال:روح ارتاح وانا ابوك
طلع زياد لجناحه
كانت اميره لابسه قميص من الحرير قصير وناعم وفاكه شعرها وجالسه تبخره
زياد ببتسامه وهو يمسك المبخره:خليه انا ببخره
اميره ترفع شعرها عن وجها وببتسامه قالت:اخاف تحرقه
زياد يقبصها على خدها بخفه:انا احرق شعر اميرتي
اميره تنزل المبخره على الطاوله
ماودك تنام قبل الصلاه
زياد يمسكها مع خصرها ويقربها له :الا بس انتي طيرتي النوم
اميره بدلع:انا اطير النوم
زياد يشيلها بين يديه قال وهو يضحك:أي انتي
في بيت ابو فهد
عبير تكلم فهد:انت تحب احد
فهد اعتدل في جلسته وقال:ليه تسألين
عبير:بصراحه فيه وحده تحبك
فهد بسخريه:والله
عبيربقهر:لا تتمسخر علي انا اكلمك جد
فهد بجد:وانا ماني فاضي لخرابيطك
عبير:على العموم انا بقول من الي تحبك وانت وضميرك
فهد:ههههههههههههه ليه تبيني اخطبها
عبير بجد:ليه لا
فهد بملل:يالله قولي من بنام
عبير وهي قايمه قالت:هنادي بنت عمي
فهد بصدمه:هنادي
طلعت عبير من غرفة فهد وتركته في حيره من امره
فهد"معقوله هنادي تحبني بس انا ما احبها ولا احس ناحيتها بأي شعور "
احتار زياد يكشخ او لا مايدري وش يسوي بس قرر انه يروح بشكله الطبيعي لبس ثوب وشماغ وتعطر وجاء بيطلع
اميره:حبي وين بتروح
زياد ببتسامه باهته:اوووه هو انا ماقلتلك
اميره بحيره:قلتلي وش
زياد يقرب منها ويبوسها على خدها وقال ببتسامه عذبه:عندي شغل في جده يومين
اميره تضمه لصدرها:ليه ماقلتلي من بدري
زياد يمسح على شعرها:غصب علي جت فجئه
اميره تبعد عن صدره وتبوسه على خده:تروح وتجي بالسلامه
زياد ببتسامه:الله يسلمك يالله ياقلبي تأخرت وباسها على خدودها وطلع
اميره حست بضيق ماتدري ليه فقالت خلني اروح لهنادي اتسلى معها
زياد طلع وركب سيارته وتوجه لبيت ابوبدر
ام بدر اصرت على ريم تتزين عند مشغل لكن عشان الفلوس قليله سوت ميك اب عادي ولبست فستان سكري قصير انزل من الركبه بشوي كمه كت وعليه شريطه من الوسط لونها احمر فيها ورده كبيره في الوسط ولبست انعال لونها سكري وكانت بكعب خفيف عشان تعطي الفستان شكل وشعرها خلته بلف خفيف عشان يكون شكله حلو وحطت عطر من شنل
ابوبدر:حيالله من جانا
زياد بشمئزاز:الله يحيك الا وين العروس بمشي
ابوبدر:دقيقه طال عمرك
طلال طلع لزياد وقال:انت زوج ريم
زياد ابتسم للولد لا ارادي:أي انا زوجها
طلال يمد يده يسلم على زياد ومد يده زياد له
طلال بجد:دير بالك على ريم
زياد بستفسار:انت وش تقربلها
طلال بفخر حس فيه زياد:اخوها
ام بدر:يالله ياريم زوجك يبيك
ريم بخوف:اطلعي معي يمه
ام ريم تمسك يد ريم:تعالي يمي بروح معك
لبست ريم عباتها وتسترت مابين منها شي ابد وطلعت مع امها لحد باب الشارع بعدين امها نادت طلال الي جاء
طلال:سمي يمه
ام ريم ودموعها على خدها:خذ اختك لزوجها
طلال مسك يد ريم واخذها لزياد الي كان ينتظر وهو مشمئز من كل شي
زياد اول ماشاف زياد ماسك يد بنت عرف انها ريم كان طولها متوسط وجسمها وسط بس يميل لنحف اكثر غير كذا ماقدر يشوف
زياد ركب السياره وفتح الباب لها
طلال ببتسامه:يالله ركبي ياحلى عروس
ريم ودها تصرخ وتقول لا بس الخوف منعها
زياد مل وهو ينتظر فقال بعصبيه:بسرعه خلصيني
ريم خافت من صوته وركبت وصك الباب طلال بعد ماحط الشنطه في السياره من ورى
تحرك زياد بالسياره وشغل المسجل يتسلى فيه لين يصل للفندق ماحاول يفتح معها أي حوار
وصل زياد للفندق وكان فخم
نزل زياد وقال:يالله انزلي
نزلت ريم وهي ميته خوف مشى زياد وريم تمشي وراهاخذ المفتاح وامرهم يجيبون الاغراض طلع للجناح الخاص لهم وكان عباره عن صاله صغيره فيها تلفزيون وكنبه طويله وكنبه ثانيه صغيره وفيها غرفه كبيره وكانت غرفة النوم
دخل زياد وجلس على الكنبه
دخلت ريم وهي منزله راسها وقفت عند الباب كأنها مستعده للهرب
طالع فيها زياد بعدين قال:صكي الباب
صكت ريم الباب وقفت مركيه ظهرها عليه وكل مافيها يرجف من الخوف لانها مع انسان عمرها ماشافته ولا سمعت عنه
زياد يأشر لها بيده :روحي للغرفة وطي عباتك
ريم دخلت بسرعه الغرفة وسكرت الباب وتنفست براحه لانها اخيرا صارت لحالها وطت عباتها وطالعت شكلها في المرايه كان شكلها مرتب لفت بنظرها في الغرفه بعدين جلست على حافت السرير
زياد مل وهو جالس برى فقال في نفسه"خلني اروح اشوف هذي وش تسوي"
فتح زياد الباب وشافها جالسه على السرير ومنزله راسها وشعرها مغطي وجها

الجزء الثالث
ريم حست بوجوده فرفعت نظرها لا ارادي
زياد اول ماشاف وجها انصدم الان الي يشوف وجها يقول انها بزر ماهو وحده عمرها ثلاثين سنه


ريم حست ان زياد منصدم من شي بس ماتدري وشهو فردت نزلت راسها للارض وصارت تلعب بصابعها
زياد ارتبك مايدري كيف يتصرف حتى يوم زواجه من اميره مارتبك مثله الحين لانه يعرف اميره بس ريم لا
زياد يحاول يخفف لارتباك:اطلب عشاء
ريم:..................
زياد انقهر منها يوم ماردت فقرب بخطوات بطيئه للسرير وكأنه خايف منها
ريم اول ماشافت رجوله تحركت بتجاها قلبها وقف من الخوف
زياد جلس جنبها ورفع راسها بيده
رفعت ريم راسها وهي مغمضه عيونها كأنها ماتبي تشوفه
زياد ابتسم من ردت فعلها وقال بهمس:خايفه تشوفين وجهي
ريم:............
زياد طالع في وجها بعدين قام وطلع
مايدري ليه طلع بس كل الي يعرفه انه محتاج اميره تكون جنبه
ريم بعد ماطلع قامت تشوف وجها في المرايه كان واضح عليه الخوف اكثر من الحياء