09-25-2015
|
|
|
بالصور والشرح طريقة وضع كريم الاساس والبودر
الخطوة الأولى لازم قبل ان نضع الفونديشن(كريم الاساس)يجب وضع
القليل من أي كريم مغذي للبشرة انا بستخدم دوف او جونسون ده كويس اوي وزعيه
بالتساوي على كامل الوجه و انتظري حتى يجف.
الخطوة الثانية اختاري اسفنجة توزيع الأساس نوع كويس مثلثة الشكل علشان نقدراننا نوزع كريم الأساس في أدق زوايا الوجه عند زاوايا العيون مثلا
الخطوة الثالثة بللي الاسفنجة بالماء ثم اعصريها بيدك وعلشان نتخلص من المياه الزيادة نضغط عليها بمنديل والاسفنجة دي ال سوف نستخدمها في توزيع كريم الاساس علي البشرة
. الخطوة الرابعة على ظهريدك، ضعي كمية من أساس اى نوع انا بستخدم اولاي او ماكس فاكتور او اوريفلام دول كويسين جدا
الخطوة الخامسة بواسطة اسفنجة التوزيع ضعي نقطة من كريم الاساس على جبهتك و وزعيها على الجانبين يمين وشمال بالاسفنجة او بيدك
الخطوة السادسة ابدئي التوزيع على الجبين صعودا إلى أعلى حتى منابت الشعر ولوانتي يا عدولة مش عايزة تستخدمي الاسفنجة عادي ممكن تستخدمي ايدك بس بشرط اياكي انك تضعي كريم الاساس بطريقة المسح ده غلط المفروض علشان يغطي مشاكل البشرة يعني يبقي لازم نضعه بطريقة التربيت بأطراف الاصابع بمعني اخر انك تضعيه بطريقة ضرب اطراف اصابعك بخفة مع التوزيع علي كامل البشرة
الخطوة السابعة ضعي نقطة و وزعيها على الأنف من أعلى لأسفل ولو عندك مشكلة في الانف بكل سهولة شوفي ايه الجزء ال في الانف مش حلو نفترض مثلا جانبي الأنف يبقي حنضع عليها كريم اساس بس اغمق درجتين ولو مش متوفر عندك كريم اساس غامق ها حتعملي ايه حقولك
ممكن تستخدمي بدلا منه البلاشر(احمر الخدود )وبعدين نضع عليه كريم الاساس عادي او ممكن بعد الانتهاء من المكياج خالص واثناء وضع احمرالخدود نقوم بوضع احمر الخدود علي المناطق المراد اخفائها في الوجه سواء في الانف او الجبين او الزقن وطبعا طبقة خفيفة جدا
الخطوة الثامنة قومي بوضع نقطتين على كل خد و ابدئي توزيعها بشكل جانبي صعودا إلى الأذنين ولاتنسي نضع الكريم بضربات خفيفة وده عشان الكريم لا يكون ظاهر يعني طريقة التربيت دى حتجعله يتوزع كويس وكمان لا احد حيلاحظ انك وضعة كريم اساس وتكون البشرة كأنها طبيعية
الخطوة التاسعة أتأكدي من توزيع الأساس بشكل كويس حول منطقة و منحنيات الفم و الذقن وممكن كمان نضع نقطة بسيطة جداعلي الشفايف وده حيساعد في تثبيت الروج وقت اطول بس خاللي بالك وضع كريم الاساس علي الشفايف بيصغر حجم الشفايف
الخطوة العاشرة وزعي الأساس على عظمة الفك ابتداءا من الأذنين و نزولا إلى الرقبة علشان لا تكون الرقبة لون والوجه لون اخر
الخطوة الحادية عشر وزعي الكونسيلر( خافي العيوب)ال بيخفي الهالات السوداء وده بنضع قليل منه طبعا بعد كريم الاساس واحسن نوع انا بحبه( ديور) او (اوريفلام)
الخطوة الثانية عشر انتظري جفاف كريم الأساس بشكل كامل
وبعد كده هاتي البودر وضعيه ايضا بطريقة التربيت لانك لو وضعتي البودر بطريقة المسح يبقي انتي حتمسي كريم الاساس ال انتي وضعتيه وهذة الخطوة مفيدة ايضا لانها حتساعدك في تثبيت كريم الاساس يعني لا ينفع كريم اساس بدون بودر ولو شعرتي انك وضعتي كمية زائدة من البودر ممكن تتخلصي منها بفرشة احمر الخدود بس تكون نظيفة طبعا ........ها ايه رايكم في الشرح
|