البارحه ياعبيدمركاي كوعي=إمن العشا لين أذن الفجرياعبيد
ياعبيد من موقي تنثرإدموعي=وأحن مثل اللي طوى حاله القيد
وكل السبب ياعبيد زين الطبوعي=عنها حدانا البعد ومسامد البيد
ياعبيد مايهدأعن القلب روعي=حتى إيتهنا خافقي بأتلع الجيد
أبوخديد ولعتبه إشموعي=ولا كما سرْج الحرم بالعناقيد
وانهودها بالصدرزمن إشلوعي=ورع صغيره مالهج نهدها وليد
مثل الزبيدي بادي بالطلوعي=مادوجوابفياض نبته رووايد
غصن الليان الغض لدن الفروعي=طلع الثمرفي روس عوده مناضيد
هذي سبب شقواي سبة ولوعي=منها وسببها حالتي كيد في كيد
لاطيب بيه إلغيري إنفوعي=ولاميت يحفرلي القبربالحيد
يم الشمال أنحت ضعينة إنجوعي=هرجي لكم واحد ولافيه ترديد
إن هلت الدمعه ترى من وجوعي=همي وغربالي إبطول المواعيد
بين الضحى والليل كثرة إرموعي=وأفكارظني صادرات ومواريد
يمكن أقررمن إبلادي إطلوعي=إن كان زادة في حياتي لواهيد
من ماجرالي راح قلبي إمزوعي=والروح ضيقتها والأجراح من زيد
اللي خذاني من ملم الجموعي=لكن من دون الرجافيه تنكيد
ضام الفواد اللي عشقته إبطوعي=حبه إيهدد خافق الحب تهديد
أرماح وده في حشايه إشروعي=في مهجتي والجوف ضرب البواريد
إن كان لي ياعبيد منكم إفزوعي=هيانبي ننهج ولابه مقاعيد
الصدرضاق وبدعتبي إبدوعي=فرقاحبيبي له إبحالي شواهيد
منه أرجف الخافق ولجن إضلوعي=وجملة هواجيسي إبحيره شواريد
ماينجلي همي إبتشتيت نوعي=لوأقطع إدروبي إفياض ومسانيد
يمضي عليْ اليوم كنه إسبوعي=مامريوم وقلت يومي عليْ عيد
ياعبيد ماني عن مرادي قنوعي=لودون وصل إمعلق الشف تهديد
الصاحب اللي دق رسم الردوعي=لمن طرالي زدت ونه وتنهيد
أنهت وقلبي غاديله إقروعي=وفارقت لذ النوم ماذقت تسهيد
لومدمج الساقين قاسي قطوعي=ماأتلفت حالي عنه بحث وتنشيد
علم الطراقي مايريح إسموعي=لعودالله ناس ماهم مساعيد
روحي إتنازع من تضايق إسنوعي=ويروعني ياعبيد كثرالمناقيد
هذاهواي اللي غصيبه وطوعي=عن عشرته مالي ملاذ وتصاديد
سهران كل الليل مركاي كوعي=إمن العشا لين أذن الفجرياعبيد

مركز تحميل الصور[/URL]