الجزء الخامس عشر
<حبيبي مغرور واعشقه
لحد الجنون >
مر اسبوعين وبدا فارس يتحسن
وشالو الجبيره عن رجله بس
لفوها وعطوه عصى تساعده على المشي
ونوره يوميا تزوره بس اليل ترجع بيت اهلها
سكن رياض ونوره بيتهم الجديد
الساعه 10 اليل
العنود طالعه من المطبخ
يمه تقول مشاعل الملح قليل
تزيده اشوي
حياة ايه وبعدين متى بتخلصون
ماسو علينا عشى انتي معاها
وابوك هذا اهو جاي
العنود كل شي خالص
بس يجي ابوي وانحطه
ارجعت المطبخ
حياة تقلب المحطات واسمعت
اغنيه شدتها
ياطير يامسافر له وصله هذا الكلام
ميت حبيبه قله وبغيبته ماينام
ياطير من يرضاها ايامنا ينساها
والعشره ماتهون الا على ابن الحرام
سافر وقال لي اصبر لي راجع لك اني اكيد
راح وماجاني خلاني عايش وحيد
انزلت ادموع حياة
تذكرت فواز وكانت مشتاقه له كثير
الله يجيبك لي يالغالي
واسمعت
؟؟ طيرك رجع يالغاليه
حياة لفت وشافت فواز واقف
جاها يركض ويحضنها
ويبوس يدها وراسها
حياة تصرخ بصوت عالي
فوااااااااااااااااااااز رجع
فوووووووووووووواز رجع
اطلعت مشاعل والعنود
وشافوه وراحو له واحضنوه
وكان لابد من الدموع الي
تعبر عن الأشتياق للأهل
بعد غيبه
ثاني يوم الكل درا برجعت
فواز وراحو له اهله كلهم
من جهة أبوه وامه
والفرحه زادت اكثر على
ام رياض برجعت بناتها
واهل زياد افرحو برجعة
ولدهم لهم كثير
مريومين وفواز زار
فارس مع زياد وعرفه
عليه وخبره انه نسيب رياض
نوره2 مسويه حفله محفوفه
جامعه البنات فيها
نوره ومشاعل ونوف وليال وليان
نوره2 حيالله من جانا تو مانور البيت
الكل
منور براعيته
نوره بس ماشالله يا نوره
تصميم بيتك روعه
تتهنون فيه
نوره2 الله يسلمك وعقبالك
مشاعل ماكنت ادري
ان ذوقك حلو في كل شي
حتى في الأثاث
نوره2 صدقوني تقريبا
كل شي ذوق رياض
دايم يقول هذا بيت العمر
وانا كنت ارسمه واخطط له
ليان عاد في هذي صادقه
طلبت منه يخليني اصممه له
مارضى راح لمصمم وصار
يوصف له كل زاويه في البيت
وكيف يرسمها بس صج
ذوقه جنان
نوره مع انك تخصصتي
هندسه معماريه بس
ان شالله تصممين بيتي
ليان اوكيه خذتها كلمه منك
انتي اول زبونه
مشاعل يعني صدق ناويه
تصيرين مهندسه تبنين البيوت
وتشرفين عليها
ليان ايه عادي المره في السعوديه الحين
اوصلت اماكن كثيره ومهمه
والبنبان شي عادي
مشاعل ياليت اصير مثلك
نوف درسي بره وتخصصي
نوره لا ماعندنا مثل هالكلام
دراسه برا مايرضون
نوره2 صادقه حدك مدرسه
ولا جلسي في البيت
ليال لا انتو اهلكم من العصر
الحجري وين الثقه
في بنتهم لازم يعطونها الثقه
ويشجعونها
نوره2 عاد انتي عيني عليك بارده
رجلك دكتور مثلك وعقله منفتح
مشاعل خلف الله علي ماورى ابوي
واخوي فواز دراسه خارجيه
ليال انتي الله يعينك اخوك فواز
تفكيره غير والله ماصدقت
كيف كان يقول ان المره لازم
تجلس في البيت وتخدم زوجها وعيالها
نوره ومشاعل ؟؟؟؟
نوره2 ايه صج نسيت اقول
لكم ليال وليان تعرفو على فواز
في كندا وزياد زوج ليال صديق
فواز
نوره يحليلكم بس والله فواز
حبوب واذا رافض فكرة
دراسة مشاعل بره لأنه يحبها
ويخاف عليها
نوره2 بروح اشوف الأكل استو
ولا للحين شغالتين ومافيهم فايده
نوره من قدك عندك شغالتين
نوره2 والثالثه جايه في الطريق
البيت كبير ومانلحق تنظيف فيه
مشاعل الله يساعدك
راحت نوره2 المطبخ
والحقتها ليان
ليان اساعدك
نوره2 لا ياعمري كل شي جاهز
بس انتي وجهك ماعجبني
فيك شي
ليان مرت اخوي انا
انا
نوره2 شفيك قولي
ليان انا مدري كيف صار
الموضوع ومتى بالظبط
بس الي اعرفه ومتأكده
منه اني حبيته وصرت اشتاق
لشوفته بعد مارجعنا هنا
نوره2 حبه حبه علي
من الي حبيتيه
ليان الي اخته وخالته جالسين عندك
نوره2 فواز
ليان تهز راسها ايه
نوره2 وانا اقول ليه وجهك
تغير لما تكلمنا فيه
المهم اهو صارحك قال يحبك
ليان اهو مايفكر فيني اصلا
سمعتي كيف تفكيره
اكيد انا خارج تفكيره
نوره2 سمعي الحين خلينا
نطلع ونجلس معاهم
وبعد مايروحون لي جلسه ثانيه
معاك مدري الله كاتب لي
اشوف الي احبهم يتعذبون بس
وغلاتك مثل ماخليت نوره
تتزوج فارس حبيبها انتي بخليك
ليان ليه نوره كانت تحب فارس
نوره2 قصه طويله تصلح فلم
كملو السهره مع بعض
لحد مامشو وظلت نوف
وليان وليال
ليان الحين قولي لنا قصة
نوره صديقتك كيف حبت فارس
ليال ليه كانت بينهم قصه
نوف مبين عليها انها تحبه كثير
نوره 2 بدت تروي قصة
نوره مع فارس وكيف
عاشت تحبه لحد ماساعدتها
نوره2 وجاب في الطاري
رياض
|