منتديات قصايد ليل - عرض مشاركة واحدة - رواية يدري إن اسباب ضعفي نظرته يدري إني ما اقاوم ضحكته كامله

07-26-2011

في بيت أبو خالد ...

فرح : يبه حياك الغداء جاهز
الأب (يوقف) : يله إخوانك وينهم
فرح : بتناديهم رغد
الكل جلس يأكل بهدوء
الأب : ما شاء الله الأكل طعمه غير اليوم
فرح : إيه والأصناف متغيره صح يبه
الأب : صح وهذا أنا متعجب منه
رغد : بابا هذا طبخ وضحه كله سوته اليوم
الأب (ابتسم) : تسلم أيديك
وضحه (استحت) : الله يسلمك يا عمي
فهد : لا حول ولا قوة إلا بالله
خالد : علامك
فهد : ليت قلتوا لي بالأول أنها مسويته الله يديمها نعمه وش هذا عسانا بس ما نتسمم اليوم
وضحه حست ودها تصرخ وتبكي خلاص مو قادرة تتحمل
خالد : لا الصراحة الأكل روعه تسلمين يا بنت خالي
فهد : إي روعه شف الحمد لله شنو تجرب فينا
ميثه : لا والله أكلها لا يعلى عليه هذا وأنا اعرف اطبخ ما طلع أكلي مثل هذي الحلاوة
وضحه(ابتسمت) : بالعافية عليك هذا بعد الله ثم أنتي وتعليمك لي
ميثه : اتقنتي الدرس يا تلميذتي
فهد : الظاهر لازم دروس خصوصية لأنها طلعت فاشلة بالتطبيق اففففف يعني لازم اطلب لي أكل
الأب (يحاول يمسك أعصابه) : فـــــــــــــــهــــــــــد يا تأكل يا تقوم
فهد : ................
وضحه( وقفت ) : اسمحوا لي
الأم : وضحه وين اجلسي ما عليك من فهد
الأب : يا بنتي أنتي الجالسة واهو الطالع والأكل والله حلو
وضحه(ابتسمت بمراره) : بالعافية بس شبعت العذر
صعدت وضحه أما فهد ما رفع رأسه يعرف أبوه يبغى يعصب منه
الأب(بعصبيه) : أنت ما ترتاح لين تزعلها ما تقدر تمسك لسانك
فهد : يبه أنا ما سويت شيء قلت رأي بس
خالد (بقهر من أخوه) : البنت تعبانه وتزين لنا وتضبط وأنت بس تعطيها من الكلام اللي يسم البدن
فرح(توقف وبعصبيه) : أنا مو فاهمه ليه تسوي كذا حرام عليك قلنا ما تحبها أمنا بالله بس مو كل مره تقهرها وتستفزها بروح أشوفها أحسن
الأم(بعصبيه) : فهد رجال وش كبرك تسوي سوات البزران
رغد(والدمعة بعينها) : حرام فهد كل مره تصيحها كذا راح تروح لعند ليالي وتتركنا ما احبك أنا أحب وضحه (ركضت تصعد لغرفة فرح)
الأب (يوقف و يحاول يسيطر على أعصابه) : شوف أنا عارف حركاتك عشان تطفشها بس يكون بعلمك أنا فاهمك واللي أبيه بيصير غضب عنك فاهم غضب عنك أم خالد جيبي لي ماء للغرفة بأخذ دواء الضغط قبل يجلطني
الأم(بنظرة عتب لفهد) : بسم الله عليك رح وأنا جايه
فهد(مطنش الكل ولا مهتم ويكمل أكل وفي نفسه) : يلعن شكلك يا حلو طبخها هذي لو تفتح مطعم تكسب
خالد(رفع حاجبه) : فهد
فهد : هاه
خالد : هويت في بير ما تطلع مو تقول مو حلو الأكل أشوفك لحست الصحن
ميثه : بصراحة قضى عليه كله
فهد(يوقف) : يا أخي نعمه الله هذا تبذير حرام يغضب الله علينا وبعدين الكل ما أكل يبقى الأكل ويرمي بالزبالة حرام بعدين اذكر الله أنت وحرمتك لا أغص من عيونك أو يصيبني شيء
خالد : صدق انك عديم إحساس
فهد : خلينا الإحساس لك بروح أنام قولوا لأمي تصحيني الساعة 5 عندي شغل
خالد : نشتغل عندك رح قل لها أنت إذا تحب
فهد : يصير خير (صعد فهد ومر جنب غرفة فرح وسمع صوت وضحه معصبه وابتسم بخبث) هين إن ما جننتك وخليتك تكرهين فهد وأبوي يغير رأيه ما أكون ولد أبوي
فرح : شنو
وضحه : اللي سمعتي خلاص مو قادرة
فرح : لا وضحه لا تفكرين كذا كيف تبين تتركينها وترجعين القرية
وضحه : ما أبي اجلس هنا تعبت أخوك لا يرحم ولا يخلي رحمة الله تنزل ليه يحسب إني ما اقدر أرد عليه لا أنا وضحه بنت محمد اسكت عشره من أشكاله بس احترام لأمه وأبوه
فرح : واهون عليك تتركيني
وضحه(بعصبيه) : ما يحس حيوان أنا بشر بشر ما صار عندي احتمال زيادة خليني أروح قبل أسوي شيء اندم عليه
فهد(فتح الباب وبعصبيه ووضحه عدلت نقابها بسرعة) : من الحيواااااااااااان
وضحه (لفت له وخزته عصبت من حركته البايخه كيف يفتح الباب فجاه) : اللي على رأسه بطحه
فهد(يقرب وبعصبيه) : وتقولينها
فرح(وقفت قدامه) : فهد اطلع
فهد : وخري
فرح(بعصبيه) : رووووووووووووووح لا أنادي أبوي
فهد : هيين بروح مو عشانك عشان تعبان وعندي دوام والأيام بينا
وضحه (دخلت الحمام وسكرت الباب بعصبيه) : ...............................

والا يا كبر القهر لا صـار مـا باليـد حيلـه.
والجروح من القرايب والخطا مني وفينـي!!
ان نويت اشفي غليلي ما لقيت اية وسيلـه..
كيف ابلقى دام جرحي سبته طعنـه يمينـي؟!
وان نوت تبكي عيوني صارت الدمعه بخيله!!
كبرها لامن تجمع هم قلبـي وهـم عينـي..
ياهموم(ن) بي تعدت حدها صـارت ثقيلـه..
اخذي مني كم سؤال ولو سمحتي جاوبينـي..
ليه من بعد الوفا والطيب وفعول(ن) جليلـه..
من يدين اللي حشمته اول طعونـي تجينـي؟؟
فرح (طالعت فهد وبعتب) : فهد كفايه إذا ما تبغاها لا تجننها
فهد(بعصبيه) : تحترم نفسها أحسن لها
فرح (طالعت له وباستهزاء) : وأنت احترمتها يوم دخلت الغرفة بهذي الطريقة تخيل أنها مو متغطية ولا مو متحجبه ترى عيب هالطريقه
فهد(حس انه غلط) : .....................
فرح : اسمع يا خوي أنا بقول لأبوي انه يغض النظر عن زواجك منها
فهد(رفع حاجبه) : ليه وش غير رأيك
فرح(تجلس على السرير) : لأنك ما تستحقها أظن كفاية
فهد(أنصدم) : نععععععععععععععععم
فرح : اللي سمعت واعذرني يا خوي على صراحتي بس أنت ترفس النعمة وصدقني بتندم كثير كثير والحين لو سمحت اطلع عشان الوضحه تعبانه كثير
طلع بعد واهو يفكر بكلام أخته لكن أكثر شيء أعجبه بكلامها بكلم أبوي يغض البصر عن زواجه منها هذا كل اللي يهمه دخل غرفته ينام قبل الدوام ووضحه طلعت ولا تكلمت مع فرح خافت أنها تنفجر بوجهها وهي مالها دخل بالسالفة نامت وهذي أول مره تنام الظهر يمكن من التعب الجسمي بعد ما أنها سوت الغداء لأنها طلعت بدري من الكلية ما عندها محاضرات متاخره قررت تسوي الغداء وطلبت عمتها ووافقت أو من تعبها النفسي ومواجهة فهد اللي دائم تخاف منه لكن خلاص وعدت نفسها ما تسكت تعبت كاتمه وتشيل هم الناس وفهد مو محترم احد أما فرح ولعت اللابتوب تسولف مع بنات عمامها ويخططن لطلعت البر

$$$$$$$$$$$$$$$$$$$$$$$

بعد صلاة العصر .................

جالس متوتر ويطقطق أصابعه وعن يمينه أخوه إبراهيم ويساره سالم وأبوه جنب إبراهيم وقرر اهو اللي مسك زمام الأمور في الكلام للخطبة

الأب : والله يا أبو محسن إحنا جايين لك اليوم نخطب منك بنت أختك وبنت صديقي الله يرحمه منصور لولدي فيصل
أبو محسن (مسواك بفمه يحركه) : والله هذي الساعة المباركة اللي نناسب ناس مثلكم اسمحوا لي دقائق
الأب : من طيبك تفضل
سالم (يبي يخفف التوتر عن أخوه همس له) : الله يلوع كبده من جلسنا ومسواكه بفمه أحسه كله سعابيل (زعابيل) ووووع
فيصل(صر على ضروسه ) : الله يقرفك لازم تدقق
إبراهيم (لف وهمس لفيصل بعد ما سمعه) : صراحة ونعم النسب
سالم : صدقت بكره عيال فيصل يدخلون و المسواك في فمهم يبه يبه أمي تبغاك
إبراهيم : عاد العرق نساس والخال يلحق
فيصل(اشمئز يوم فكر يصير صدق) : الله يقرفكم ممنوع المسواك في البيت من الحين وووووووع مقرف هإلانسان
سالم و إبراهيم : هههههههههههههههههههههههههههههههه
الأب : بس يا عيال لا يجي يسمعكم ويهون عن العرس
فيصل : لا لا أنا ما صدقت أخطبها
فجاه سمعوا أصوات علت بعد ما كان هدوء
: نععععععععععععععععععععععععععععععععععععععععم
أبو محسن : اللي سمعتيه
عهد : لا
أبو محسن(عصب) : تقولين لي لا
عهد : إيه أقولها لاااااااااااااااااا
أبو محسن(عصب) : مو كيفك يا بنت منصور غصب عنك
عهد (بعصبيه) : والله منت ولي أمري وفيصل ما راح أخذه لو انطبقت السماء على الأرض ( مسكها خالها بشعرها) ااااااااااااااااه يماااااااااااااه
الأم : أترك بنتي يا محمد
أبو محسن : والله لأربيها تعرف ترفع صوتها علي
عهد(تحاول تفك نفسها) : رب ولدك بعدين تعال ربني
فيصل اللي يسمع صراخها وما قدر يمسك أعصابه وقف بس أبوه وقفه ومسك يده
فيصل : يبه والله لأذبحه
الأب : أهدى يا بوك أنت مالك حق تدخل عليهم وتتدخل فيهم ما صارت بعد زوجتك لو هي أقولك اذبحه بس منت وليها
فيصل(بغضب) : قهر أشوفها تنضرب ولا اقدر أسوي شيء
أبو محسن :غصب عنك يوم الخميس العرس فاهمه
عهد(قدرت تبعد عنه ووقفت خلف أمها وبعصبيه) : لو تموتون ما أخذت فيصل فهد لا لا أسمعني يا فيصل لااااااااااااااااا ما راح تكون زوجي أتزوج الزبال ولا أتزوج فيصل اهو لااااااااااااااااااااااا
فيصل عض على شفايفه يكتم الغضب عرف أنها ما نست الموضوع وللحين مجروحة منه

أخلفت في وعدي والله ما ودي
كل الظروف ضدي في عالم مجهول
غلطة وأنا المسؤول

لا تبتعد غاضب من حقك تعاتب
حقك علي واجب كل مشكلة بحلول
غلطة وأنا المسؤول

إحنا بشر نخطي بس ناخذ ونعطي
هالزعلة لا تبطي الانتظار مــملـــــــول
غلطة وأنا المسؤول

لوما الغلى ماجيك عل العذر يكفيك
باللي تبي أرضيك آمر تدلل قــــــــــول
غلطة وأنا المسؤول..
الأم(تبعد أخوها عن بنتها و واقفة بينهم) : تكفه يا خوي خل البنت ما تبغى العرس خلها
عهد(بكت) : يمه تكفين ما أبي فيصل ماااااااااا أبيه يمااااااااااااااااه
أبو محسن(باستهزاء) : ومن براسك يالحيوانه حاط براسك تأخذين من
عهد : أنا مو حيوانه كلن يرى الناس بعين طبعه
سالم (ابتسم ) : أعجبتني والله بنت رجال
إبراهيم : الله يرحم أبوها صدق عرف يربي
فيصل : هييييييييييييه أنت واهو طايحين سوالف ومدح فيها تراها حرمتي
أبو محسن (قدر يمسكها ونزل عقاله وبعصبيه) : أنا حيوان يا بنت الكلب
عهد( بغضب) : لهني وبس أبوي اشرف منك واطهر لا تجيب سيرته ولا تنطق اسمه على لسانك ولا تقول كلب هذا أبوي لو هو ميت مسموح لك كل شيء تأخذ الحلال تضرب تهيني بس تتلفظ عليه بالألفاظ السيئة لااااااااااااااا لااااا لا
كانوا يسمعون صراخها ورجاء أمها وصوت الخال المعصب وصوت أناتها وضرب العقال وفيصل مو قادر يتحمل لولا أبوه وإخوانه اللي ماسكينه كان دخل وذبح الخال اختفت الأصوات لدقائق وبعدها دخل الخال للمجلس وكأنه جاي من مارثون مسح جبينه بشماغه وحط مسواكه في فمه
أبو محسن : إذا حابين الملكة الأسبوع هذا يا أبو إبراهيم حنا حاضرين
الأب : أنا حابها الخميس الجاي الملكة والحفلة بتكون بسيطة عائليه وش قلت الأسبوع هذا بنطلع للبر نخليها الأسبوع الجاي تأخذون وقتكم بالتجهيزات
أبو محسن : مثل ما تحب
الأب (يوقف) : خير إن شاء الله على بركة الله يالله يا عيال
طلعوا فرحانين أن الأمور تمت رغم أنهم يفكرون بعهد وش صار لها واختفى صوتها ورغم أنهم عارفين رفضها بس متأكدين أنها لما تعرف فيصل على حقيقته بتحبه وتغير فكرتها عنه

وصلوا للبيت و سالم قال اللي حصل للكل

سمر(بعصبيه) : عسى يده الكسر الظالم
سلمى : عفيه عليها بنت رجال
الأم : ما تدرون وش حصل لها هي بخير ولا لا
فيصل : والله يمه ما نعرف كنت أتمنى بس ما ادري كيف اتطمن عليها خصوصا أنها سكتت فجاه
إبراهيم( بخبث) : الأخ قلبه على الغالية
فيصل (ابتسم) : لا مو قصدي بس أحاتي اسمحوا لي بتوضأ للصلاة
منى (وقفت) : اسمحوا لي (طلعت ورى فيصل ) فيصل
فيصل(كان يرفع أيدين ثوبه بيتوضأ لف) : هلا
منى (ابتسمت) : تحاتيها
فيصل : كثيرررررر
مني : واللي يطمنك عليها
فيصل : اللي يطلبه أعطيه
منى(رفعت حاجبها) : خلك عند كلمتك أنا بطمنك عليها
فيصل(بفرح) : صدق والله كيف ومتى
منى : عاد مالك دخل كيف ومتى بس ترجع من الصلاة تحصل المعلومات
فيصل : عاشت مرت مشاري
منى : افااااا عليك أعجبك يالله روح

$$$$$$$$$$$$$$$$$$$$$$$$$$$$$$$$$$