الجزء الثامن
الفصل الثاني
الساعه 11: 30 بتوقيت لندن
جنى شهقت: وصااايف لايفوتك
وصايف شهقت الثانيه
عبير: شفيكم
جنى: شوفي شوفي هناك
عبير شافت وشهقت : اخسسس لهذي الدرجه
وصايف: ماتوقعته كذا
جنى: بس بس اسكتوا لاتقولون لحد
عبير: ياحليلكم يدرس هنا شوفوا من كم سنه تبون تثبتون لي انه مايعرف وحده اي طيب
وصايف: فرندز بس بس هذا يمسك يدها وماني عارف
جنى: مالت عليه
وصايف: وشكلها مو اجنبيه
جنى: خليجيه بحت
جنى: تكفوون قوموا نخرب عليه
وصايف : صاحيه انتي
عبير: ههههه قوموا بس راح نمر قدامه
جنى: والله عبير قدام
وصايف: لاوشفيكم انتم متهورين
جنى: يقال انه حنا مانتبهنا له
وصايف: انا اخاف
عبير انبسطت على الفكره: جنو قومي بس بس بنمر
وصايف: بجي معكم وش يقعدني لحالي
عبير: طيب شوفوا سوو نفسكم ماشفتوه بعدين انكم انصدمتوا
وصايف اشهقت: الحين مو بس بتمرون
جنى وعبير ضحكوا: ههههههههههههههه
عبير: بتجين ولاشلون
وصايف: الله يخسكم بجي بس ماراح اسوي شي
"كانوا البنات في شارع العرب وهم رايحين السوبر ماركت يبون يجيبون حلويات للسهره والبنات في كوفي شوب"
"قعدوا يمشون ويقال انهم قاعدين يستكشفون المكان ويأشرون على المحل هذا وذاك واول مامروا من عند المقصود سو نفسهم مصدومين "
جنى بصوت مسموع : سلطااااااان
"سلطان لف مخترع عليهم..وصايف وجنى وحتى عبير طاح قلبهم"
سلطان عقد حواجبه يوم شافهم
شيما: هذيلا هلك
سلطان معصب: ايه"وقام لهم "
وصايف: حسبي الله عليكم جانا
جنى: امشوا نمشي
عبير: بيذبحنا ياويلي
وصايف : تستاهلون
سلطان مقعد حواجبه : وش ممشيكم لحالكم لهنا
"الكل سكت "ا اتكلم
عبير: رايحين السوبر ماركت
جنى:حنا مو اول مره نجي هنا لحالنا
سلطان كان عارف بس لانه متوتر:بس لانه الوقت متأخر
جنى: لاعادي حنا مشتهين حلاويات وجينا نشتري بليز سلطان لاتعصب علينا
سلطان ابتسم ياحبيله للبنت هذي : خلاص عشان خاطر جنوو
جنى ببراءه : سلطان ممكن سؤال
سلطان يبتسم : تفضلي
جنى تتميلح : مين هالحلوه اللي معك؟
"وصايف وعبير انصدموا من جراتها "
سلطان ضحك ويغمز لها : هذي القيرل فريند حقتي ... خويتي عندكم تبين تشوفينها من قريب
جنى ضحكت وانبسطت : أي أي
سلطان ينادي على شيما الي على طول قامت : شيما تعالي
شيما جات على طول وهي مبتسمه
شيماء: heeey
البنات: هااي
سلطان:شيماء ذولا بنات عمي
شيما: اتشرفنا
البنات: وحنا اكثر
سلطان: شرايك في ولد عمك يعرف ينقي
جنى ضحكت : لامااشاء الله
عبير: كويتيه؟
شيماء ابتسمت : أي
عبير نقزت لانها تحب الكويتين مررره: هيوو
سلطان وشيماء استغربوا لكن وصايف وجنى يعرفون
جنى: ترى بنتنا مافيها شي بس مجنونه كويت
شيماء تضحك مبسوطه : فديتج عيوني
عبير: تسلمين غلالاي
جنى: طيب شكلنا عطلناهم وعبير لاتتمليحين امشي
وصايف ضحكت
سلطان: لاعادي وش دعوى
عبير: اوكي مع السلامه وفرصه سعيده
جنى تضحك وتسحبها: امشي
"وبعد ماعدوا "
وصايف: منقيها نقوه
جنى وعبير يضحكون: من جد
جنى: وعادي عنده
عبير: أي من جد بس تراها حلوه
وصايف: بس حاطه اوفر ميك اب تدرس هنا حلاتها كل شي سيمبل
جنى: اليوم الويك اند حقهم ولاناسيه
وصايف: لووول ماقلنا شي
جنى: خلاص خلونا منهم وادخلوا
"دخلوا السوبر ماركت وقعدوا يشترون "
.
.
"حبيبي انا اغار عليك من بنات عمك "
سلطان: حبيبي يعني مو واثقه فيني
شيماء: شو يضمني وانا كل يوم اجوف وحده احلى عن اللي قبلها
سلطان: ولاوحده منهم تساويك
شيماء: صج
سلطان بصدق : صج
شيماء ضحكت
سلطان: والايام بتثبت لك
شيما ابتسمت بحالميه وهي تتخيل نفسها مع سلطـان
سلطان: حبيبي الحين انا استأذن بروح عند اهلي
شيماء: طيب خلاص ادري طولت معك اليوم
سلطان: اعوضك عن غيابي عنك
شيماء: فديتك ياربي حبيبي بكرا انا مسافره 9 الصباح
سلطان: الله معك غلاتي وتيك كير اوكي
شيماء: اووكي
سلطان: يلا سي يوو
شيماء : سي يوو
"سلطان عاطاها حركه من بعيد طارت منها ومشى وراح دفع وطلع"
.
.
.
.
"يامنصوور خلني مع خالاتك"
منصور: مالي دخل تطلعين الحين
ام محمد: الله يهديك بس وين بتروح فيني؟
منصور: بنتمشى هنا بهالشارع ماني مطول عليك
ام محمد: خلاص يلا تعال
"وسكرت منه "
ام فواز: شعنده منصور
ام محمد: يقول يبي يتمشى فيني مادري شعنده
ام فيصل: فاقد حنان
ام محمد تضحك: كود انه
ام مساعد: ياحليلوه والله الله يخليه لك
"صوت تصفيير"
ام محمد تضحك عليه : يلا عن اذنكم
"راحت لمنصور ومنصور حط يده على كفتها ومشى فيها "
منصور بتنهد: وو شخبااار ام منصوور
ام محمد تضحك : الحمدالله انت بشرها عنك
منصور يتنهد:ولدك تعبان يايمه
ام محمد: افأ وش متعبك
منصور: كل شي كل شي
ام محمد: تتعب وانا يمك
منصور: شفتي شلوون
ام محمد : يلا عاد قلي شفيك
منصور بصوت واطي: ولدك طاح....!!
ام محمد ضحكت : وين طحت
منصور: طاح في المالانهايه
ام محمد ضحكت :ومنهي اللي طيحت ولدي
منصور: وحده يايمه ودي اذبحها
ام محمد تضحك على اسلوب ولدها: ودك تذبحها ومطيحتك شلون تجي
منصور: أي مو عشان لان ودي اذبحها حبيتها
ام محمد تضحك : منصور لاتجننني
منصور: يمه يمه انا وجهي مو وجه عرس
ام محمد: الا يبه وهذي الساعه المباركه
منصور: يمه الحين انتي شفتي البنات كلهم لو قلت لك نقي لي وحده منهم مين تختاريييين
ام محمد تفكر: همممم كل البنات تحت امرك
منصور: لايمه مابيهم كلهم بس ابيها هي
ام محمد: وهي تبيك
منصور: وانا شدراني عنها عشان كذا طلبت مساعدتك
ام محمد: وه اساعدك في ايش
منصور: تقيسين لي نبضها بس
ام محمد: مو بلاول اعرف مين
منصور: اول جاوبيني مين تختارين
ام محمد: همممممممم مادري يايبه كل وحده الزود عندها ابي اعرف مين اللي جايبه راسك
منصور: بس توعديني ماتقولين لحد
ام محمد: وعد
منصور: ................. غزل
ام محمد بأستهزاء: غزل يامنصوور
منصور اخترع ووقف بوجه امه : وش فيها يمه غزل
ام محمد تضحك: غريبه غزل العنيده هي اللي جابت راسك
منصور: ااها يعني بس عشان عنيده عشان كذا هي اللي جابت راسي
ام محمد: اثااريك منت بهين يامنصوور اجل غزل "وتغمز "
منصور يضحك: يمه قولي لي رايك ذويق ولا"ويغمز"
ام محمد: البنت تجنن ماشاء لله عليها بس ماتوقعتها هي اللي تجيب راسك
منصور: شسوي يايمه
ام محمد: الله يوفقك ويخليها من نصيبك
منصور: يمه انا ابيك تضمنينها لي
ام محمد: شلون يعني
منصور: اانا مابيها الحين ومابي ابين لها الحين بس ابي امها يكون عندها خلفيه
ام محمد فهمت عليه: ولايهمك كم منصور عندي
منصور باس امه بدون شعور: ياعساااااااي ماخلا يلومووني يانااااااس
ام محمد: طيب يمه ليه ماتخطبها من هنا عشان توسع صدرك معها
منصور ضحك بقوه : ههههههههههههههههههه من جدك يمه انتي تقولين كذا
ام محمد : تفكرني ماعرف حركاتك وش فيها لو وسعت صدرك بالحلال
منصور يضحك : لامابي الحين اخاف ترفع خشمها علي من الحين بس انتي اللي عليك تحجزينها
ام محمد: اخاف هي ماترضى حد يحجزها يمكن يجيها واحد ماينرد مثلا او واحد من عيال عمك
منصور تخيل الموقف لو صدق واحد من عيال عمه تقدم لها ووقف شوي ويفكر
ام محمد: شفت يمه
منصور مايبي يبدا صراع حاد معها من الحين وخصوصا هي كارهته ويخاف يتقدم الحين وترفضه : عشان كذا قولي لخالتي الحيين وقولي منصور بس نرجع يبي يملك ويتكلم رسمي شرايك
ام محمد: انا بقولها وبسوي اللي علي وعساها تكون من نصيبك وغزل صدقني ماتتعوض
منصور يستند على امه : عارف
ام محمد: انت من متى تحبها
منصور بمكابره : هممم انا لسا ماحبيتها بس شفتها وعجبتني
ام محمد فهمت انه مايبي يقول وقررت تكمل معه : طيب فيه احلى منها
منصور: هممم مين؟
ام محمد: عندك عبير ولميس وكلهم اصغر منها وياخذون العقل
منصور توهق : مادري مابعد اشوفهم
ام محمد ضحكت لانها عرفت مالقى جواب: ههههههههههه ليه ماتبي تقول انك تحبها
منصور يضحك : يمه عاد خلاص مابيها الا هي زيييييييين
ام محمد: ههههههههه مشكلتك ترى مافيها شي لوقلت تحبها
منصور بعناد : مابي
ام محمد: اجل مافيه تاخذها
منصور خاف :لييييييه
ام محمد: انت عنيد وهي عنيده وش ناوينين علي انا موخايفه عليك خايفه على احفادي يطلعون عليكم
منصور ارتاح دام كذا : هههههههه لا لاتخافين نصلح
ام محمد ابتسمت عشان ولدها : عساها تكون من نصيبك
منصور: اي زين اسمعي انا صحيح قلت لك من الحين بس مو تشتغلين لي راداار علي
ام محمد ضحكت
منصور ضحك : اي انتي الحين تدرين خليني اخذ راحتي
ام محمد: ههههههههه ماقلت لك اخطبها من الحين وافتك
منصور: يمممممه
ام محمد: زين زين يلا رجعني بسني تعبت
منصور: شفتي السوالف معي ماتنمل خطينا الشارع ماحسينا بس انتي ماتعطيني وجه
ام محمد ضحكت : ماعليش بابا يلا خلاتك ينتظروني
منصور: يلا اصلا خلاص خلصت اللي ابيه
ام محمد تضربه ومنصور يضحك : اي اي استهبل
ام محمد: مو علي زين
منصور يضحك : زييين "ومشى فيها ورجعها "
"ام محمد من قالها منصور انه يبي غزل وهي تقرر تراقب غزل بتتشوف وش الشي الي خلا منصور ولدها ينجذب لهالغزل "
.
.
.
"فضييييت"
...........: فواز لاتكلمني بهذا الاسلوب
فواز يناظره برفعه حاجب: وبأي اسلوب تبيني اكلمك ؟
سلطان : تبي تستفزني يعني يافواز
فواز: انا ماستفزك ياسلطان وكفايه قاعد تكلمني كني بزر عندك
سلطان عصب : فواز مستعد اذبحها هلانسانه اللي مسوي كل هذا بسببها
فواز: مو كافي اني جرحتها
سلطان : اموت واعرف ليه خايف على مشاعرها
فواز يتكلم وهو يتذكر طريقة كلامها معها : انت ياسلطان قاعد تطعن بنت في برائتها بنت حالها حال اي وحده عندها طموح ومستقبل ومستعده تأجل اي شي عشان مستقبلها انت قاعد تجرح في قلب مايعرف يجرح
سلطان انقهر من كلامه عنها : قاعد تتكلم لي كنك عارفها
فواز وهو يناظر بعيد : انا اليوم كلمتها وشفت وجهة نظرها بالنسبه لرفضي وكلمتني بكل ادب واخلالاق وبراءه تحس من جد ماهي قاصده ترفضني كل السالفه انها تبي تكمل دارستها
سلطان : انت تحبها ..!
فواز فز من اللي كان فيه : انا احبها حالها حال اي بنت من بنات عمي
سلطان: اي مو اللي يشوفك وانت تتكلم يقول تموت عليها
فواز بقوه : اي مو انت ماشفتها شلون تتكلم تمنيت كنت على عماي ولااشوف طفله تكلمني وكنها تعاتبني
سلطان غار من حب فواز لها حس ان فواز يحبها اكثر منها :
Can u stop talking about her
فواز يتنهد: اوكي براحتك
سلطان: انا راجع بعد يومين
فواز بحزن : ادري .. يعني ماراح ترجع
سلطان:اجازتي تبدا 8 اوقست وانا بحاول اجيكم بالويك اند اللي اكون فيه فاضي لان يوم الاثنين ماعندي دوام اصلا فايمكن افكر اشبكها مع الويك اند واجيكم
فواز: حلو"سكت "
سلطان منقهر لانه ضيع الايام وهو متهاوش مع فواز ولا استمتع فيها : شفيك ساكت
فواز: ابد مافيني شي بس بنشتاق لك
سلطان ابتسم بارتياح :وانا بعد بس يلا جايكم اخرتي
"ترن ترن ترن "
فواز: لحظه شوي"ويرد " هلا بو سعود
مازن: ياهلا بك وينك يارجال
فواز: انا طالع مع سلطان وانت
مازن: ياسر يدور عليك
فواز: هو معك
مازن: ايه
فواز: وينكم فيه
مازن : حنا قاعدين نمشي والاهل دقوا ورايحين نسريهم
فواز: حلوو خلاص شوي وجاينكم
مازن: شوفوا روحوا دايركت الفندق لان حنا جايبين الاهل
فواز: تعشيتوا ؟
مازن: لامابعد بس الاهل يبون نجيب لهم من أي مطعم على ذوقنا
فواز: اها خلاص اجل صار
مازن: فمان الله
فواز: فمان الكريم
فواز: يلا قمنا
سلطان فهم من مكالمة فواز: أي اوكيه
فواز: يلا
.
.
.
"عند مازن وياسر "
"كانوا يمشوون بالشوارع ويفرفرون قريب من اهلهم عشان ياخذون البنات راحتهم مازن كان متحرقص يبي يشوف منار مشتاق لها .. ويحس وده يركض بس ياسر ماساعده قاعد يمشي على هونه.. بس الله هونها ودق ياسر على امه عشان يستعدون .وبالفعل العايله استعدت وتجهزت للدفع "
"وبعد ماوصلوا او قربوا رفع ياسر الجوال على امه وعطاها خبر"
مازن بدا يباسم
ياسر: الجو باليل بارد
مازن يبتسم : ايه مررره
ياسر:الحين الشباب جاين هنا ولا سابقين الفندق
مازن: لاهم سبقونا
ياسر: ومنصور وبدر وينهم فيه
مازن: مادري والله عنهم
"شوي وقربوا عندهم واهلهم كانوا بعدهم قاعدين في الطاوله"
"ياسر كان مستحي يقرب ومازن متحمس يقرب لوول"
"مازن او مابينوا البنات بعيونه قام يدورها بعيونه"
ياسر: احم احم"وينادي دنو الي ركضت له " حيييه حبي
مازن : جاهزين
ام محمد: أي يلا يمه
ياسر: دفعتوا
ام ياسر: أي يبه
ياسر: يلا مازن اخذ قسم وسبقني
مازن: يلا يمه
ام مساعد: يلا .. يلا بنات نصكم يجي معنا
"مازن تشقق حده اول ماشاف منار الي كانت شاقه الضحكه مبتسمه له "
"وقررت منار ترجع معه هي ولميس ووصايف وجنى وام فيصل وام مساعد "
"وياسر خذ امه وام محمد وسهر وعبير وغزل واديم .. وام فواز "
"اول مابعد مازن عن ياسر بشوي "
منار: مزووون
مازن لف عليها ومتشقق: هلا والله منييير
منار تضحك: شخبارك
مازن: والله الحمدالله مانسأل الا عنكم
منار: عن الطنازه
مازن يضحك : اقول مو قدام الخلق
منار تضحك
جنى: اخت منار خذنا على بعض
مازن سمع : من اللي قاطه وجهها
منار تضحك: هذي جنو ماعليك منها
مازن: ام شوشه
جنى : شوشه بعينك
ام فيصل: جنو عيب
وصايف: الله يفشلك
مازن سمعهم وضحك : لا خليها ياخاله تاخذ راحتها متعود
منار: شقصدك
مازن: اوووه سوري بس مو شي جديد دامك بنت عمها
منار: ههههههه انا اوريك
"مازن ضحك وجنى انبسطت"
وصايف: ماتستحين
جنى: مالك شغل
منار: والله زمان عنك يامازن
لميس: اشوفك سائله عنه
مازن: أي أي من جد
منار استحت: تعرفني استحي
مازن ضحك: ماصدق ماصدق
منار ضحكت
لميس: من جد لايكثر منوور هاه
منار: انتي انخرسي بعد
لميس ضحكت
"مازن حس ودي يلف ويقعد يسولف لين يوصلون بس يازعم ماشي وعيونه قدام واذنه ورى "
.
.
.
"عند ياسر كانوا يمشون بهدوء وراهم وياسر مابعد يشوف سهر ولايدري انها معهم لانهاطول الوقت ساكته وهو عن نفسه ماكان عارف اذا كان يبي يشوفها ولالا "
.
.
.
اليوم الثاني
الســــــاعه: 7:30
الصبــــــاح
في المطـــــــار
"كانوا واقفين ينتظرون السياره اللي مسئوله تاخذهم ..وبسمه تحجبت وشالت عبايتها ونجود شالت عبايتها وشالت طرحتها ..وكان مصلحه شعرها ومتجهزه يعني ..محمد شافها وماعلق لانه مو من حقه لان اخته كانت مثلها وسهر لولا الاهل ماكان تحجبت لانها دلوعه وماتوقع انها تتحجب يعني ماله حق على بنت الناس "
محمد: يلا بنات قوموا
"بسمه ونجود قاموا يسحبون نفسهم تسحب"
محمد شافهم: يلا هانت
نجود: مادري كيف تتحمل السفريات ورا بعض
محمد ابتسم : الله يكون بالعون
بسمه بهمس: من جد
"الهمس كان اقرب لمسامع محمد "
محمد: يلا تفضلوا
"وصلت السياره وركب محمد قدام ونجود وبسمه ورا وعلى طول حطوا راسهم على الطرف وناموا ومحمد استسلم لتساؤلات صاحب السياره "
.
.
.
"الله يستر مين داق"
"فتح عين والثانيه مسكر وحاول يشوف المتصل وماقدر قام ورد "
....: الوه
..........: بومحمد
..........: محمد
محمد: أي نايم
فواز: ايه والله عسى ماشر صاير شي
محمد: اعذرني صحيتك بس انا توني واصل لندن وجايكم الفندق بس ابي خد ينزل وياخذني
فواز ماستوعب : شلووون ومتى وليه ماقلت لنا نستقبلك
محمد ابتسم كان عارف ان فوازماراح يتذمر: لا يارجال ماحبيت اكلف عليكم المهم خل الحارس يفتح لنا
فواز: الحين انا شوي ونازل لكم
محمد: حنا باقي لنا ربع ساعه ان شااء الله ونوصل
فواز لسا مو مستوعب : خلاص خلاص توصل بالسلامه
محمد: الله يسلمك"وسكروا "
"فواز قام بالعاسر وهو متكسر مانام الا متأخر ومافيه بس يلا ولد عمه ويستاهل "
.
.
.
"بعد ربع ساعه "
" وصلت السياره اللي فيها محمد وبسمه وفواز ..بسمه حست قبل لايوصلون بوقت وصحت نجود على اساس انهم قربوا ونجود قامت وصلحت نفسها وبسمه كان مبين عليها التعب "
محمد لف عليهم بأبتسامه وهو مقاوم هالتعب : نمتوا
بسمه تبتسم مجامله : أي
محمد رد الابتسامه بأكبر: كويس ريحتوا
بسمه هزت راسها
محمد: يلا وصلنا
"نزلوا بسمه ونجود ومحمد قعد يتكلم مع صاحب السياره وحراس العماره طلعوا وشالوا الشنط "
"بسمه وحتى نجود استحوا يوم شافوا فواز اللي طلع بمجرد ماوصلت السياره من بوابة الفندق وماعرفوا يسلمون ولالا ..بس فواز كل اللي صار له انه فتح عيونه على الاخر منصدم وكان يحمد ربه انه لابس نظاراته ..حاول ينفض الافكار الي تجول براسه حتى وصل محمد وكسر صمت الطرفين "
محمد: بو محمد
فواز لف بسرعه عليه وقلبه يتنافض : بو سلمااان يالله حيييهم
محمد سلم عليه وكان فاهم قصد تعابير وجه فواز : فواز بنات عمي عبدالرحمن
فواز ينتفض : هلا هلاوالله ببنات العم الحمدالله على السلامه
بسمه ونجود بخجل: الله يسلمك
فواز يناظر الي شايلين الشنط دلهم على رقم الدور ورقم الغرفه
فواز :تفضلوا تفضلوا عاجبكم الجو
"محمد وبسمه ونجود ضحكوا ودخلوا اللوبي فواز توهق مين بيصحى من البنات عشان يستقبلهم "
فواز استغرب ليش هم كذا الصغيره متحجبه والكبيره ماعندها واللي ذابحه ومخليه ينتفض ان هي نفسها اللي تشبه حبيبته كان طول الوقت متوتر
محمد: بنات عمي بينتظرون كثير
فواز ابتسم واستحى: لحظه شوي بتصل على غزل تجي وتاخذهم
محمد ابتسم: اوكي"وكان محمد متلهف يشوف زوجته مايدري ينتظرها تصحى ولايصحيها"
"فواز يدق يدق ومارد تفشل ماعرف وش يسوي ورجع يدق يدق يدق"
"وشوي على نهاية الاتصال الثالث"
........: الو
فواز: هلا غزل قومي ابيك
.....: مين
فواز: انا فووواز شفيك قومي مو وقتك
..: انا سهر
فواز تفشل وش فيه ارتبك الاخ : هلا هلا سهر
محمد بصوت واطي: قول لها في ضيوف بيجونكم
فواز سمع وفهم وقال لها مثل ماطلب محمد
سهر استغربت ضيوف وهالوقت وش هالناس:نعم
فواز فهم انها ماراح تستوعب: اسمعي الحين بيدق الجرس وافتحي الباب عن اذنك "وسكر"
"سهر استغربت وسطلت وقامت عند الصاله تنتظر هالضيوف بس قبل راحت الحمام"
فواز ابتسم : يلا تفضلوا
"سبقهم والباقي وراه بصمت.. واول ماوصلوا ..اول ماشاف صاحبين الشنط وخلهم ينزلون الشنط مقابل شقة البنات وخلا محمد ياخذ شنطته واشر لللبنات مشوا ماكان مايأشر وكنهم عارفين المكان "
فواز: هذي هي شقة البنات لاتخاف على بنات عمك بس خلني ادخل شنط البنات
محمد ضحك لان الاخ شكله ناوي يلحقهم: الله يخسك
"راح فواز وهو منزل عيون مايبي يناظرها اكثر.. واول مانزل الشنط الرجال اشكره فواز ونزل الرجال وفواز توكل بتدخيل الشنط .. ودق على جوال غزل "
"سهر اوردي كان بيدها جوال غزل"
سهر: الوو
فوا: هلا سهر سوو طريق بدخل الشنط
سهر بأستغراب شفيهم :اوكي
"فتحت الباب سهر ولسا مستغربه وابتعدت وفواز دخلهم قريب من الباب واشر للبنات يتفضلون "
"سهر كان تراقب من بعيد واول ماشافت بسمه الي دخلت وهي مستحيه صرخت وفواز سكر الباب "
سهر: نو واااااااااااااااااااي
نجود وبسمه انبسطوا
سهر اركضت لهم ثنتيهم وضمتهم مع بعض
سهر: ياحوبيللللللللكم "وقعدت تسلم عليهم "
نجود: سبراااااااااااايز
سهر: واحلى سبراااااااايز ياحوبيلكم ليه ماقلتوا لي استقبلكم
بسمه: مو قلنا لك سبرايز
سهر: ههههههههه يلا يلا تعالوا خلوا شناطكم هنا وقولي شلون جيتوا وشلون قررتوا ومتى اصلا
بسمه تبتسم: سهوره ماما ترانا تونا واصلين ودايخين
سهر ضحكت : طيرتوا النوم من عيوني مالي شغل
نجود تضحك: قومي ارجعي نامي شوفي عيونك متنفخه
سهر ضحكت : ماتوقع بيجيني نوم
بسمه: هههههههه ياحليلك بس اعذرينا حنا بنقوم ننام
نجود: اان اصدق على صرختك ماقامت ولاوحده فيهم
سهر تضحك: كنا سهرانات وماتوقع
نجود: خلاص يلا قوموا ننام نعسانه حدي
بسمه: عمي هنا
سهر: لاهم باوتيل كنت معهم بعدين جيت هنا بس كل صباح يجون هنا
بسمه: حلوو اجل يلا قوموا
"قاموا البنات عشان ينامون من جديد"
.
.
.
"زوجتي وين"
فواز: لاتحاتي زوجتك مع ابوك بالفندق
محمد: يلا بروح لها انا
فواز ضحك: اقول اقعد بس من جدك مسوي لي مشتاق
محمد: ههههههه أي والله
فواز: لا جد نام الحين وبعدين بوديك لها
محمد يستهبل : توعدني
فواز: هههههههه وعد
محمد: اوكي يلا سرينا
فواز: يلا
"وقاموا"
.
.
.
"الســــــاعه 12:00 "
"اديم قامت وهي تحس براحه نفسيه من بعد اللي صار لها امس تحس انها الحين حره وبدون قيود وسلطان بتحاول على قد ماتقدر تتجاهله وماراح تخليه يوفقها على كثر ماوقفها .. قامت وتحممت وخلصت وماحد كان صاحي .. اول ماراحت الصاله استغربت من هذي الشناط مين داخل عليهم وهو نايم وماعرفت شتسوي قعدت تناظرهم بأستغراب .. ناظرت الساعه وشافتها 12 وقررت تصحي البنات معها راحت اول شي الغرفه الثانيه .."
اديم: وصايف جنوو يلا قووموا
وصايف تتمت: شوي بسس
اديم: لاتصيرون مرره كله نوم ولانشوف النور
جنى تصرخ: شمسهم ماتغيب الا متأخر
اديم اخترعت : اقول انثبري بس حشى ماقول وحده صاحيه من النوم
وصايف وهي نامت ابتسمت من جد جنى ماتقول وحده نايمه
اديم: لميس يلا قوومي
لميس فاتحه عين: الساعه كم؟
اديم:12 ونص قومي نروح هارودز نفطر ونتمشى ونرووق
منار سمعت كذا: انا انا بقوم
اديم ضحكت : يلا قومي
"شوي شوي وقاموا يقومون وحده وحده وقعدوا على السرير ينتظرون الحمام وانتم بكرامه "
"وراحت الغرفه الثانيه واستغربت من العدد الزايد في الغرفه ماكانوا كذا ماكن في الغرفه غيرها وسهر وغزل وعبير من ذولا النايمن على الارض استغربت وراحت تبي تكشف عليهم شوي شوي"
"اول ماشالت الحاف صرخت مو مصدقه "
اديم : بسمممممممممممممه
بسمه نقزت وشافت اديم وابتسمت بالخفيف
اديم: يالدووووووووووبا متى جيتوا "وبسرعه شالت اللحاف عن نجود وصرخت ونجود ولاتحس "
بسمه قامت مستحيه ومغطيه وجهها
اديم: متى وصلتوا
بسمه: الساعه 7 وشي الصباح
اديم: وشو له ماقلتوا لنا ياسبرايز انتوا .. ومين فتح لكم الشقه
بسمه تضحك: سهر ياحوبيلها قومها فواز وفتحت لنا
اديم: ضحكت
اديم: نجود قووومي
نجود قلبت الجهة الثانيه
بسمه: مافي امل
اديم: خلاص خلاص ارجعي نامي رحمتكم
بسمه: لابسني شبعت بقووم
اديم: لاجد ارجعي
بسمه: وش دعوى
اديم ابتسمت: براحتك
"قامت بسمه الحمام"
اديم: يلا عبير سهر وغزوله قومووا بسكم نووم
غزل تتذمر: مره ثانيه بنخليك تنامين اخر وحده
اديم ضحكت : طيب يلا قومي بنروح نفطر برا عشان بسمه ونجود
غزل قامت منفزعه : وشووووووو
اديم ضحكت: قوموا شوفوا بسمه ونجود وصلوا اليوم الصباح نروح نفطر معهم وننبسط بدل هالنوم
"استانسوا اللي بالغرفه وقاموا يسولفون على ماتخلص بسمه "
.
.
.
"ميييييييييييين"
.......: افتح الباب بابا
"باااااااابااااااااا"
محمد شال ولده بكل قوته: ابووووووي انت "وقعد يبوس ولده وسلمان مبسوط على ابوه "
"سلمااااان تعا ل هنا بابا"
نجوى شهقت
"محمد دخل وسكر الباب وراه "
نجوى: فديت سلمان وابوه
"نجوى طارت له وهو ضمها هو وولده"
نجوى: ليه ماقلت لي
محمد: مو قلت لك سبرايز
نجوى: وربي احلى سبرايز
محمد: ولا جبت معي بنات عمي بسمه ونجود
نجوى: صــــدق
محمد: أي
نجوى: يافرحة سهر والبنات
محمد: فاتتك شلون صرخت
نجوى: ههههههه ياحوبيلها
محمد يغمز: في مكان لحبيبك
نجوى: اافا اذ ماشالك المكان تشيلك عيوني
محمد: واااااه ياناس
نجوى ضحكت : يلا شوي بلبس سلمان وبجي
محمد: اوكي وانا بروح اسلم على ابوي وامي
نجوى: اوكي
"وطلع محمد"
.
.
.
"بــــــأختصار العايله كلهم عرفوا بوصول البنات وبسمه ونجود راحوا لعماتهم يسلمون وبعدها طلعوا البنات لحالهم يفطرون برا ونجود وبسمه معهم"
.
.
.
" في الهارودز"
بسمه: سهوره وين عمي سلمان
سهر: في الاوتيل بعدين بجتمع وبتشوفوونه خلونا نفطر ونروق بعيد عن الازعاج
بسمه:وكيف سلطان
سهر: يسلم عليكم توه دق علي يوم عرف انكم هنا وقال لازم يجي يشوفكم
"بسمه ونجود ضحكوا"
"البنات استغربوا وش معنى نجود وبسمه"
نجود: ياحليله
سهر: والله طار يوم عرف انكم جيتوا
بسمه: ياحليله
سهر: شوي وبيجي
جنى: خلاص العدد اكتمل اوووووف ياكثركم الظاهر كل واحد بياخذ اهله وبيطلعهم لحالهم
غزل: هههههه من جد
عبير: ماعلينا منهم خل ينقلعون
منار: هههههه من جد
نجود: ليههم يطلعون معكم
غزل مسكره على سنونها: أي
نجود: غريبه
عبير: مادري مين قالهم
سهر : ماعلينا اللي صار صار
غزل: من جد المهم وين تبون نروح اليوم
جنى: الملاهي
سهر: بنات عمي توهم واصلين مايقدرون اليوم
جنى: يووه ساعات عيال خالي وساعه عيال عمي
نجود تضحك: اقول انثبري بس
جنى: هههههههههه طفشونا
نجود: والله
"تررررررن ترررررن"
سهر : سلطان اكيد وصل
نجود: تشققت
سهر: هلا سلطان
سلطان: هلاوالله وينكن فيه
سهر ضحكت
سهر: حنا في
سلطان: خلاص ثواني وجايكم
عبير: اخوك ماعنده وقت
سهر: هذوول نجود وبسمه "وتغمز"
لميس: متعودين انتم على بعض
سهر: أي مررره مثل الاخوان
لميس: ياحليل والله
جنى تضحك: شوفوا سلطان يربع
سهر والبنات يضحكون عليه وهو جاي متشقق
سهر: مالكم دخل بأخوي ياني فديته وفديت طووله
"ضحكوا عليها"
سلطان اول ماوصل بترحيب وهو يناظر بنات عمه : هلا والله وغلالالالالا بعيال عمي عبدالرحمن تو تو مانورت لندن وربي
نجود وبسمه استحوا حدهم
بسمه بذوق: الله يحيك منوره بأهلها
نجود: تسلم والله
سلطان : شخباركم وش مسووين وش هالمفاجأه الحلووه
نجود تبتسم: شفت شلوون
سلطان يضحك : والله وكبرتواا "ويناظر نجود " هههههه ماتوبين من يومك عنيده
نجود بدلع : افا شسويت
سلطان : ابد ابد ماسويتي شي بس اللي براسك يمشي
نجود ضحكت : عشان الحجاب
سلطان : ههههههه أي بس ماعليك عيشي حياتك
نجود ضحكت
وسلطان لف على بسمه اللي يموت عليها ويموت بذوقها من يوومه : وصقيقتي شخبارها
بسمه ضحكت : الحمدالله والله
سلطان يغمز: نسيتي صقاقتنا ولالا
بسمه ضحكت : وانا اقدر
سلطان يضحك: يلومووني ياناااس
سهر: هههههههه سلطان ترى في عواذل هنا
جنى: ماعنده وقت اخوك
سلطان لف عليها وبمزح: اسكتي اسكتي بس
جنى ضحكت
سلطان: شوفوا محد يقدر يلومني نجود وبسمه هنا وماتبوني انبسط
"جنى وبسمه ضحكوا "
سلطان: بنات هالله هالله في بنات عمي وياويل اللي يزعلهم بكلمه"ولف وناظر اديم بنظره تذبحها "
نجود وبسمه مستانسين : تسلم
سلطان"ونويف انا اوريكم فيه لاسحبه سحب
بسمه: حرام عليه صيفي
سلطان يقلد نعومتها : معليش حبيبي مره ثانيه يترك كل اللي عنده ويشوف ولد عمه
"ضحكت نجود وسهر وبسمه "
"والبنات ابدن ابدن ماتوقعوا سلطان مع بنات عمه عبدالرحمن كذا يمون وبزياده عكسهم الي السلام يالله يسلم "
نجود: لا صدق علية حق
سلطان يبتسم لها : أي هذا الكلام
سهر: مطول اخ سلطان
سلطان ضحك : سوري عطلتكم وبعدين شعليكم انا وبنات عمي نصلح انتم كملوا شغلكم مو صح
نجود وبسمه ضحكوا وسايروه : أي
سلطان: خلاص خلاص بمشي لايصكونا بعين بنات عمكم يلا سي يوو "وسوا لهم باباي بيده وغمز ومشى "
غزل:انا احتج وش معنى وش معنى
لميٍيس : من جد وش هالتفرقه
"ضحكوا على حماسهم "
سهر: خذوا اثرهم من العين
"ضحكوا على سهر"
وصايف: ههههههه الله يخسك حسيتك عجووز
البنات: من جد
"لميس انشغلت بجوالها وباقي البنات قعدوا يعلقون عليهم"
.
.
.
|