منتديات قصايد ليل - عرض مشاركة واحدة - غلاكـ يا شموخ عذب قلب راكانـ// ليه الصدف تجمعنا

08-21-2011

وهذا البارت 9

علياء:أكيد بتوافق يعني فشله يجي مرتين ويخطب وترفض
شموخ:يعني يحبها ويموت عليها
جود:طيب عنده خوات
علياء:لا حتى خوال ماعنده
شموخ:ياااااااااحياااااااااتي

((عند سلطان في شقة راكان))

آآآآآآه أخواني أشوفهم قدامي صداقة عمر خلااااااص كم شهر وباااااااي معاااد في أحد شلون بقضي وقتي دون راكان وطلال ومستحيل أبوي يخليني أطلع من بريطانيا أعرفه أنااااااني ومايحب الخير لأحد

طلال:سلطان .....سلطان.......يا المغرور
سلطان أنتبه:هلا ....تبي شيء
طلال:اللحين أقول سلطان ماترد ولما قلت المغرور رديت
سلطان:تصدق بفقدكم يااخي مدري مع من أستهبل
طلال:بكره يجي اللي يطيب خاطرك
سلطان:من يعني؟؟؟
طلال يغمز(*_~):زوجتك يا أبوي
سلطان:أرحمني من هاذي اللي بترضى بواحد مغرور وشايف نفسه
طلال:أحد قالك تصير مغرور
سلطان:أنا مو مغرور الناس تفهم غلط أنا واثق بنفسي
طلال:أقول تعال معنا السعوديه وأخطب لك اللي تبي و بنت أبوها اللي ترفضك حاصلها سلطان البدر أنت تعال معنا بس
سلطان:تسلم يا أخوي بس من يفهم الوالد
طلال:الشايب واااجهه يوم وخله يعرف أنك كبرت وصرت رجال وتعرف المسؤولية
سلطان وكأن الكلام عجبه :عندكم مكان في الشقه ؟؟؟
طلال:أيه ليه؟؟؟؟
سلطان:طيب سلااااااااام

طلع وعلى شفايفه أبتسامه كبيره وهو يحاول ينظم السيناريو اللي راح يصير مع أبوه

((الــــــــرياض))

((أبو شموخ))

يعيش من يحاول يقنع اللي يحبه بذاته وهذا ينطبق على بندر رجال وينشد فيه الظهر وأنا لو بكيفي عطيته شموخ بس حب الطفوله ما غاب عن عينه

بندر:ياعمي أنا جيت وأنا أشوف أني ماني غريب عليكم وتعرفوني وتعرفون أبوي بعد الله يرحمه
راشد وعبدالعزيز<ابو شموخ>:الله يرحمه
بندر:أنت تعرف أني جيت وخطبت بنتكم من قبل ورفضت بس هذا أنا جاي للمره الثانيه وأنا طالبها منكم ياعمي والله يقدم اللي فيه الخير
عبد العزيز:عارفينك وعارفين طيب أصلك ومن عندي انا وراشد موافقين وين نلقى مثلك بس راي البنت أهم وماعندنا بنات يتزوجون بالغصب وأن شاء الله يقدم اللي فيه الخير لنا ولبنتنا وتعرف أذا رفضت البنت هي الخسرانه وحنا الخسرانين
بندر:يا عمي عطها راحتها وحتى لو بعد شهر ترد بس عطها راحتها ياعمي
عبد العزيز:لا توصي يا بندر بس طلبتك
بندر أبتسم برحابة صدر:أمر ياعمي عيوني لك
عبد العزيز:تسلم بس العشاء عندنا
بندر:ماله داعي تثقل على نفسك
عبد العزيز:أنا طلبتك ولا تردني
بندر:ولا يهمك وعشاي عندكم

<<الله أكبر الله أكبر>>

قام الكل للصلاة وتفكيره بعالم ثاني

((بـــريــطانيا))

((سلطان))

دخلت الغرفه وأنا ألم أغراضي وأنا عارف رد أبوي أخذت ثلاث شنط مليتها وبطاقة الصراف حقي وفلوسي كلها أي شيء يخصني أخذته ونزلته للسيارة وصعدت ووقفت قدام باب جناح أبوي وأنا أسمع صوت ضحك مرأة عنده خمنت أنها زوجته الجديد طبعا كم يوم ويطلقها هذا أذا كان متزوجها
دقيت الباب وفتح لي أبوي وبفمه السيجارة وينفخها بوجهي
أبو سلطان:نعم وش مصيبتك بعد يا وجه المشاكل
سلطان:وجه المشاكل هاااااا ....أمش معي للصاله أبيك بكلمه
أبوسلطان دخل ولبس بجامه وطلع للصاله وجلس على الكنب الملكي المخصص له ووقف سلطان قدامه

سلطان بكل قوته:ترى بطلع السعوديه وماااعااااد أنا راجع
أبو سلطان:هههههه يعني بتهاجر
سلطان:بهاااااااجر جبتها
أبو سلطان:ولا يكون تبيني أصرف عليك هناك ترى ماعندي شيء لك
سلطان أحتقر أبوه وتفكيره:أقولك بهاجر تقول فلوس عندي اللي مكفيني
ومو محتاج شيء منك من فلوسك الحرام بس خبرتك عشان ما تسأل عني
أبو سلطان:والله وطلع لك لسان يا سليطين أجل أعرف أنا متبري منك ومابي أي صله فيك وحتى لو مت أنت ماراح أدفنك فاهم....والله وكبرت وصرت تعرف المرجله
سلطان:أنا رجال من زمان بس ما لاحظت منشغل في حريمك اللي موصخ نفسك فيهم تدري شغلطت أمي أنها خلتني معك الحمد لله أني ما صرت نفسك بدون أخلاق تدري يبى أنت شنو اللحين اللحين أنت عند ربي ولا شيء ولا حشرة أبسألك سؤال يوم الحساب شنو بتقول بتقول أبي حريمي يشهدن لي ولا تقول أنا ندمان ما أعيدها أصحى على نفسك وأترك عمايلك وأذا تبت وفكرت بكلامي تراي في السعوديه دور علي يمكن أكون سبب في مغفرتك ولا شيء زي كذا

أبوه أهتز بقوه من كلام ولده قال كلام عمره مافكر فيه شنو بيقول يوم الحساب شنو بيقول لما يسأله عن صلاته بيقول طافت علي كنت منشغل بحريمي حرااااام عليه أذا هذا تفكيره ولده اللي مفروض يعقله صار الولد هو اللي يعقل أبوه بعد كلام ولده حط عينه بالأرض ونزلت دموع
أيه أدموع الندم دموع الحسره دموع خسارة نفسه في الوصاخه وهلاكه كان يخدع نفسه لازم يصحى لنفسه ويجمع شتاته ويرجع ويترك السفاره هذا كله جمعه بلحظه
طاح على ركبه وأنزاح عنه حمل كبير ولده صار رجال وهو مو معه مع حريمه العمر خلص وهو مع حريمه كل شيء ضاااااااع والسبب حريمه
طاح على ركبه وسجد وذكر الشهاده ذكر <لا أله ألا الله محمد رسول الله>ذكرها لما كان غافل عنها تتخيلون 49 سنه راحت على حريمه بالحرااااااااااااام حرااااااااام في حرااااااااااام في حرااااام وين ودى أكيد راح يصحى ويتوب

((سلطان))

أرتحت من داخل حسيت الحياة رجعت لما شفت أبوي يسجد أثرت عليه بس لما ذكرت الحساب نزلت لأبوي وقومته وأنا أحب راسه

سلطان:الله يثبتك يبه الله يثبتك يا أبوي
أبو سلطان:أمين أمين أطرد الوصخه من البيت وأنا رايح أتوضى

رحت لغرفة أبوي أطلع النجاسه من غرفته وبعدها طلعت لغرفتي وأنا أدور شريط سورة البقرة أخذته وشغلته بغرفة أبوي أطلع الشياطين اللي ضحكت على أبوي وودته للهلاك

لما طلع أبوي من الحمام وصلى جلس جنب المسجل وهو يبكي على صوت الشيخ صار يشاهق

أبو سلطان من بين شهقاته:مااعااااااد لنا رجعه لهنا بنروح السعوديه ونحج بعد تخرجك
سلطان من الفرحه ضم أبوه وحب راسه:تسلم وأن شاء الله أتخرج ونروح السعوديه وتصير إمام مسجد وبأذن الله يثبتك الله على الإيمان
أبو سلطان أبتسم:آمييييين

نزلت تحت رجعت الشناط ماتوقعت ردة الفعل بتكون كذا سبحان اللي يغير ومايتغير

((الصبــــــــــــاح سنه جديده سنة 2009 ))

((يـــــــــوم وداع طلال ))

((طلال))

كانوا العيال موجودين والطيارة باقي عليها ربع ساعه أنا أنطر أشوف علياء مستحيل أروح وما أشوفها صحيح أني برجع بعد أسبوع مع العنود بس بفقدها شفتها جايه بطولها لابسه فستان أسود قصير و بالطوا أحمر وحاطه روج أحمر آآآآآآه ياحلوه عليها بعدها الروج الأحمر محد يحطه لها وبس

علياء:هااااااااااي شباب
شموخ:سلااااااااااام
الكل:هلا سلااااااام
علياء مشت لعند طلال:تروح وتجي بالسلاااامه<مدت يده بس>
طلال:بس كذا مع السلامه وخلاص
علياء:أجل وش تبي؟؟؟؟؟
طلال:قولي بشتاق لك وبفقدك يااااختي أرحميني وخفي علي
علياء:بشتاق لك وبفقدك
طلال أبتسم وسحب يدها وحط فيها صندوق صغير أحمر:أذكريني
علياء دمعت :أكيد
شموخ:سوري بس تعديت الخطوط الحمراء
طلال:يازينك وأنتي ساكته
شموخ:ياحبك للتحطيم
طلال:يابنت أسكتي خليني أودع حبيبتي على راحتي
شموخ:يالبعد قلبي أنا حبيبتك تسلم تسلم توني أدري أنك تحبني ليه ماصارحتني؟؟؟؟
طلال:شموخ ياكرهك <لف على علياء>وربي بتوحشيني يالغاليه
راكان يستهبل:حتى أنت بتوحشني تصدق لما ضميتك عشقتك مو بس حبيتك
شموخ:ياحياتي أنا تدرين أني مقدر أصبر عندك دقيقه وحده

<نادو على طيارة طلال>

طلال مسك شموخ وسحبها لعنده وتكلم في أذنها:ما أوصيك عليها تراها حبيبت طلال
شموخ بهمس تقلده:لا توصي بعدين شفيك مأذينا ترى كلها أسبوع
طلال:دهر مو أسبوع يلا باااااي
سلم على راكان وسلطان وعلياء وطلع الطياره

((علياء))

آآآآ ه راح وخلااااص أسبوع ويرجع متعبه نفسي وكارهه حالي أن شاء الله أسبوع ويجي بس ياشينه من أسبوع.........طلعنا للبيت وعلى طول طلعت الغرفه أشوف شنو في الصندوق الأحمر الملكي بااااااين راقي
فتحته لقيت ورقه حمراء وجمبها الروج حقي اللي ضاع مني فتحت الورقه مكتوب قصيده

((القصيده))

انا وانتي وش أوصفـلك ؟
عجز عن وصفـنا تعبير ..
مثـل مدري مثـل وشـو ؟
ولكن صعب تصويـرهـ ..
انا وانتي .. بلاش انتي !
انا لو بـ فـقـدكـ شـ يصير ؟
مجرد ( طـاري الفـرقه )
عليـّهـ صعب تأثيـرهـ ..
أحبـك .. ايهـ .. انا أحبـك ..
هــذي يبي لها تفكيـر ؟!
يخلف الله علـى عـقـل ٍ
[ ملكتـي كل تفكيـرهـ ] !

تصدقين أحسها تعبر عنا أنا من لما شفتك في بيتنا ملكتي تفكيري ولما عرفت أسمك تعرفي كأني مخترع الذرة حبيتك أنا حبيتك عشقتك جننتيني أنا لو بس تفكير أنك تروحي مني أموت مليون مره

واللي أقدر أقوله:أنـــــــا أتــنـــفــس هــــواكــــــــ يا علياء

ضميت الورقه لصدري حبيته من كل قلبي وأنا أتخيله قدامي جد ملك تفكيري

((شموخ))

آآآآآآآآآآآه أخاف أحسدهم على حبهم البريء متبادل من كل الطرفين
... متى... متى ... متى... يجي اللي يحبني ويضحي على شاني