06-10-2017
|
|
|
عشنا وشفنا / صالح السهلي
عشنا وشفنا بـ ( المهابيل ).. العضه=من قصة الرسام للإرهابي
والله وصار يحدّث الرويبضه= من الفقيه لنزغة الترابي
حسن من السودان والدين نقضه= عبر الجزيره ( منلحس ).. ويبابي
حتى حديث المصطفى عمد رفضه= يقول : ( من جاء بهِ كذّبي )
وإمامة المرأه بفتواه فرضه= تخيّل المرأه ورى المحرابي !!!!
ياناس هذا زايدٍ فيه مرضه=شوفوا لنا دبره لهذا الصابي
واللي بصدره من حسد غصب نفضه= كلّه عن المجدّد الوهابي
مع ان دين الله بيديه نهضه=يشهد على ذلك اولى الألبابي
الله حفظنا فيه والله حفظه=شيخٍ نقول انه من الاسبابي
واللي مجنني على ويش ابغضه=لو ما خرج من اوسع الابوابي
قال الكثير وماذكرت الا بعضه=يوم اجتمع بالمجلس الطلابي
يتقصد الشعب السعودي وغرضه=يشتت الدين ويعيش ينابي
الله يرزقنا من الفكر عوضه=حسن لذع .. والله عليه حسابي
وعشنا وشفنا يازمن فيك العضه=ومن الدلاله حضرة الترابي
|