منتديات قصايد ليل - عرض مشاركة واحدة - رواية يدري إن اسباب ضعفي نظرته يدري إني ما اقاوم ضحكته كامله

07-26-2011

في بيت ليالي ..

ليالي(تكلم سمر ومعصبه) : شوفي يا بنت فهد والله لا أذبحك ... لا مو كيفك كيفي ...لبس فستان وخرابيطك لا بلبس بنطلون ولا دراعه ...... ما أبغى احضر العرس خلاص كيفي ..... بقول ضرس يوجعني .. أيه فجاه عورني لا (سمعت تنحنح وعدلت(لفتها) حجابها) أيه سمعي بعدين نتكلم خ س ن ص ع أيه ههههههههههههههه باي
ناصر: خسنصع وش هالكلمه
سالم(يجلس) : مدري هالبنات خبلات خلقه
ليالي : الخبل جابت أمهاتكم
سالم : كأنك تسبين
ليالي : اللي على رأسه بطحا
سالم : تنطحك
ليالي : تاخذك
سالم : تاكلك
ليالي : تعضك
سالم : شنو كلب أهي
سالم وناصر: هههههههههههههههههههههههههههههههه
ليالي(توقف وبغرور) : تعضكم يارب مالت خ س ن ص ع معناها خبول سالم وناصر صاروا عندي
سالم (عصب ووقف وهي هربت للمطبخ) : يلعن شكلك قويه عين ما خبله إلا أنتي وأخوك الخبل اللي يضحك
ناصر : ههههههههههههههههههههههه علامك عصبت تعرف ليالي وحركات عصابتهن
سالم(يقعد) : صدق خبله بس أففففففففففف منها
ناصر(يغمز له) : خربت مزاجك الرايق على ذكرى (بهيام يقولها) لماااااااا
: لمااااااااااااااااااااااااااااااااااااااااا
سالم وناصر(نطو من الخرعه على بعض) : وشووووووووووووووو
ليالي(بعصبيه) : من قال لمى من ذكر الهبله ببيتنا
سالم(أرتعب من شكلها وأشر على ناصر) : توأمك
ناصر(تخوف ليالي اذا عصبت) : ما ما ما أقصد وش فيها لمى
ليالي : نويصر لو نطقت اسم البقره بذبحك
سالم(عصب تغلط على بنت خاله ووقف) : احترمي بنت خالي وتكلمي عدل عنها
ليالي(تطالع له من فوق لتحت) : نعم
سالم(عصب زيادة من نظراتها له) : ليلوه أحذرك والله مو رايق اعتدلي أحسن لك
ليالي(بأستهزاء ) : وش بتسوي يعـ.. آآآآآآآآه يا حمار هد يدي
سالم(لف يدها ورى ظهرها) : مو قايل تعدلي ما تسمعين الكلام
ليالي(تحاول تفك يدها) : سويلم يالتبن هدني نااااااااااااااصر يعورني
ناصر : هذا لسانك يبيله قطع طويل ما تحترمين أحد
ليالي : قطعوا راسك أنت والحمار اللي ماسك آآآآآآآآآآآآآه
سالم : اعتذري
ليالي : تخســ آآآآآح (بصراخ) يماااااااااااااااااااااااااااااااااااااااااااااااا ااه
سالم (تركها وجلس جنب ناصر يسولف) : ..............
الأم (طالعه من المطبخ) : علامك تصيحين
ناصر: شافت صرصور وصاحت
الأم(ترفع حاجبها) : صرصور وليالي تخاف منه إذا قلت بسه (قطوه) أيه اصدق
ليالي (تفرك يدها) : يمه سويلم كان بيكسر يدي الحمار ونويصر يقول لسانك يبيله قطع طويل
الأم : أنتو متى تعقلون عيب عليكم صرتوا رجال وأنتي صرتي حرمه كبيره
سالم : افاااااااااا يا عمه تصدقين إني أقدر أسوي شيء لها أساسا ناصر ما يرضى على توأمته صح ناصر
ناصر( أيده بالكلام ) : صح كان توطيت ببطنه
سالم(بهمس لناصر) : تخسي
الأم : قم أنت و أهو صلوا الظهر بالمسجد وتعالوا مو تروحون منيه ولا منيه عشان الغداء
ناصر(يوقف) : لا يمه بنصلي ونطلع نتغدى برا الشباب عازمينا
ليالي : عساه ما يحدر(ينزل) يارب أسهااااااااااااااااااااااااااااااااال
الأم : ليالي عييييييييييييييب
ليالي(رفع حاجبها) : كيفي بيت أبوي وأقول اللي أبيه واللي مو عاجبه الباب يوسع فييييييييييييييل
سالم(يطالع لها وبأستهزاء) : طرده أيه وش عليك يالله ناصر
ناصر(طالع لها بعتاب) : افاااااااا يا أبو ناصر البيت بيتك أنت الداخل وحنا الطالعين
الأم (بنظرات لوم لبنتها) : سالم وأنا أمك لا تاخذ على خاطرك ليالي ما تقصد لسانها طويل
سالم(بحزن) : لا يا عمه هي صدقت يله ناصر نطلع وبعدين أنا ما آخذ على كلام ليالي بعدها بزر
ليالي(تطالع له ولوجهه ونظرت أستهزاء) : بزر بعينك يمه كذاب مسوي نفسه متأثر هذا وجهه مغسول بماي مرق كل يوم هنا
سالم(لف لها وأشر عند رجولها ) : البسااااااااااااااااااااااااااااااااااااااااااه (قطواااااااااااااااااااااااه)
ليالي(صرخت وركضت للدرج ) : يماااااااااااااااااااااااااااااااااااااااااااه
سالم وناصر : هههههههههههههههههههههههههههههههههههههههههههههههههه
الأم : علامكم
سالم : أبدا نضحك عليها الخبله وصدقت هههههههههههههههههههههههههههههه
الأم (عصبت) : صدق ما تعقلون أروح لغداي أحسن
ناصر : ما تطلع اليوم كله هههههههههههههههههههههههههههه
سالم : أحسن عشان تعرف كيف تطردني أنا الشيخ سالم مو أي أحد هههههههههههههههههههههههه
ناصر: تعجبني ههههههههههههههه يله الشباب ينتظرونا
سالم : مياوووووووو هههههههههههههههه يالله

***************************************

في أحد المجمعات ..

سهام تنتظر صديقة عمرها منى وطلال أول ما شافها جالسه حاوط (لف) أيديه حول رقبتها
طلال : من أنا
سهام : اممممممممممممممم غلا
طلال(يلف ويبوسها) : ههههههههههههههه لا أنا طلال
سهام(تضمه) : هلا طلال كيفك
طلال : تمام وين غلا
غلا(من وراه) : بووووووووووووووووووووووه
طلال (خاف) : يمااااااه غلو خوفتيني
غلا : آسفه
منى : السلام عليكم
سهام(توقف وتسلم عليها) : وعليكم السلام كيفك
منى(تجلس وتحط عكازها جنبها) : بخير وأنتي كيفك
سهام : تمام
منى : أمي تسلم عليك
سهام : الله يسلمك ويسلمها (لفت لبنتها ) غلا علامك ماما
غلا(مبوزه وتطالع طلال) : طلال زعل مني
منى(طالعت لسهام وكتمت ضحكتها ولفت لطلال) : طلال زعلان من غلا
طلال : أيه خوفتني
غلا : ما اقصد كنت بسوي مثل ماما لما تخرع بابا
سهام(حطت يدها على وجها) : ياااااااااااافشله أحراج هالبنت
منى(ترفع حاجبها وبخبث) : شكلك حركات يا سهوم من ورانا ههههههههههههه
سهام : هههههههههههههههه لا والله مره بجرب حركه تعرفين مره قالوا إذا بتغيرين روتين حياتك الزوجية فاجئي زوجك تخبي وإذا دخل طلعي فجاه سويتها وبغى رجلي يموت من الخرعه
منى : هههههههههههههههههههههههههههههههههههههههههههههههههه هههههههههههههه
سهام(تتلفت) : بسسسسسسسسس إحراج أنتي مو لوحدنا هههههههههههههه
منى : وش سوى هههههههههههههههههههههه
سهام : كان بينجلط هههههههههههههههه قعدت أقرى عليه لين هدت روعته وحلفني ما أكررها مره ثانيه
منى : ههههههههههههههه وإذا بتسوين له مفاجئه
سهام : قال لا تحاولين وإذا ملزمه خبريني مدري كيف تكون مفاجئه
منى : هههههههههههههههههههه بستغل بنتك وأعرف عن حياتك أكثر
سهام : بنتي ما تقصر كل سوالفي عند خالتها رغد وخالها مشاري مسببه لي أحراج
منى : هههههههههههه لا ترى عندي وعندك خير آخرها البارح طلال محرجني عند واحد من أصحاب إبراهيم
سهام : وش صار
منى : أبدا هذا واحد من أصحاب أخواني قال لي طلال أنه بالمجلس قلت أيه رزة الفيس من طبع التيس قلتها عفويه دوم هو عندنا المهم طلال راح يدور في وجه التيس ولما قال له وش تدور قال له ماما تقول رزة الفيس من طبع التيس وأدور التيس بوجهك
سهام : ههههههههههههههههههههههههههههههههههههههههههههه
منى : طالعو تقول لي بس وإحراج واهي تسبب الإحراج لنا بس يالبقره الضاحكه
سهام : لا أجل أنا أرحم من شاف بلاوي غيره هانت عليه بلاويه ههههههههههههه
منى : وحصلت تهزئه من ورآه وحلفت ما أتكلم قدامه يله خلينا نطلب ونتغدى جوعانه
سهام : تونا الساعه 12 ونص
منى : أنا جوعانه هاه طلال وغلا وش تبغون نطلب
طلال : أبي هبرغر
سهام : هههههههههههه هبرغر طيب غلا وش تبين
غلا : مثل طلال
طلال(لف لها) : لا تطلبين مثلي
غلا(حطت يدها على رأسها) : كيفي
طلال : ماما لا تطلب مثلي
منى : خلها هي تحب الهمبرغر
طلال : خلاص بغير أبي بيزا
غلا : وأنا بعد أبي
سهام : غلا ماما قرري مو كذا صدعتو روسنا
غلا(لفت لها) : ماما أنتي وبابا دايم تطلبون مثل بعض خلاص أنا أبغى مثله
منى : عشتووووو الظاهر بنتك راسمه على الولد
سهام : هههههههههههههه إلا ولدك يتغلى يحصل له غلا عادل ويقول لا
منى : أقول لا تخلينا نتغلى وندفعكم المهر مثل الهنود
سهام : أذا بنتي حبته وقالت لي أبيه أدفع المهر ودبل
منى : قدها
سهام : قدها يله نشوف
منى : الغداء عليك اليوم
سهام : تم خلاص العرس مصاريفه عليكم بس جيبي المعرس
سهام ومنى : هههههههههههههههههههههههههههههههههههه
تم طلال وغلا شد وربط وعناد وتعنيد ومنى وسهام يحاولون ولا وصلوا لحل وطلبوا نوعين همبرغر وبيتزا عشان يسكتون وتم الأمر بسلام أقصد الغداء بسلام

***************************************

في بيت عذاري ..

في غرفتها جالسه تكلم عبدالعزيز

عذاري(تعدلت في جلستها) : ليه
عبدالعزيز : يعني سؤال بس
عذاري : لا
عبدالعزيز : طيب هي وش أسمها
عذاري(رفعت حاجبها) : عزوز أول سألت متزوجه وقلت لك لا وش تبغى في أسمها
عبدالعزيز : بصراحه صديقي يبغى يتعرف عليها
عذاري(شهقت) : شنووووووووووووو
عبدالعزيز : بسم الله علامك
عذاري : وش يتعرف عليها
عبدالعزيز : يتعرف عليها صعبه يعني مثلي ومثلك نسولف ونأخذ ونعطي مع بعض
عذاري : بس بس بنت خالتي ما تعرف لهذي السوالف
عبدالعزيز : هههههههههههههه مو أنتي ما تعرفين وتعلمتي وش فيها تتعلم مثلك يا قلبي
عذاري(في نفسها) : وليتني ما عرفت طريقك بس أنا حماره يوم دخلت شات وعرفتك أول كلام وبس بالشات وبعدها تبادلنا الأيميلات وبعدها الجوال ومشيت في طريق ما قدرت أقطع السكه وأرجع لبداية طريقي ليت أرجع مثل الأول آآآآآآآه عذاري اللي ما تعرف لا عبدالعزيز ولا انترنت
عبدالعزيز : حبيبتي وينك
عذاري : هاه معك
عبدالعزيز : وش قلتي تعطيني رقمها وأسمها والباقي صاحبي يسويه
عذاري : لا
عبدالعزيز : افااااا عزوزك يطلبك وتقولين لا كذا بتفشليني عند صاحبي
عذاري : عزوز مو كذا والله هي ما تعرف لهذي السوالف ولا تكلم شباب
عبدالعزيز : مهاوي مو أنتي ما تعرفين بس شوفي وش زينا نسولف وحبنا يكبر ويكبر حبيبتي أنتي عطيني الرقم يالله صديقي مستعجل أنتي ما تعرفين من شافها وأهو ماله كلام غير عنها لا تزعلين حبيبك يالله
عذاري (ساكته مو عارفه وش تقول تضعف وتضيع بنت خالتها ولا تسكت ويزعل عبدالعزيز) : ............
عبدالعزيز(غمز لأبو سلطان وأبتسم) : سمعي هذي الأبيات لخاطر عيون مها

قلبي يرتاح لوصالك مدري وش صاير وليه؟
دون هالعالم ياغالي راحتي دايم معاك
ماأتمنى في حياتي غير قربك وأرتجيه
لاحصل لي ياغناتي بعت هالدنيا وراك
كن ربي حقق أحلامي و ماأطمح اليه
وأكرم دروبي بوصلك يوم سااق لها خطاك
صاحبك شوقه تعدى يايجيلك أو تجيه
أرحم القلب المشقى لاتسوقه للهلاك

عذاري : آ آ آ (سمعت صوت أمها ينادي ) عزوز أمي تنادي بعدين أكلمك باي
ما انتظرت رده سكرت الجوال ونزلت لأمها بسرعة أما عبدالعزيز طالع للجوال وطالع لصاحبه
أبو سلطان : بشر
عبدالعزيز : قفلت بوجهي
أبو سلطان : باللعنه المهم جبت الرقم
عبدالعزيز : لا
أبو سلطان(عصب) : غبي أنت غبي
عبدالعزيز : حاولت ما تشوف لي ساعة أبغاها تعطيني ولا رضت
أبو سلطان (باستهزاء) : وتقول افااااااا عليك أجيبه طير يا عم مالت عليك وعلى اللي يعتمد عليك بعد
عبدالعزيز : عبدالرحمن وش فيك البنت بس أمس شايفها
أبو سلطان : خذت عقلي أحس أنها غير فاهم هالبنت لو ما عرفتها بموت
عبدالعزيز : بسم الله عليك خلاص أنا بجلس لها لين تعطيني الرقم لا تحاتي
أبو سلطان : طلبتك حاول لو تغرقها بالهدايا من حسابي كل شيء أبغى اسمها لا لا مو لازم أسمها أبغى رقمها
عبدالعزيز : حاضر هاه ما تبغى نطلع نتغدى
أبو سلطان : لا اطلب غدى لنا هنا بالشقة مالي نفس لشيء
عبدالعزيز(يمسك السماعة) : وش تأكل
أبو سلطان : أي شيء بس أسكت خلني أسرح بأحلامي مع الريميه
عبدالعزيز : هههههههههه الريميه وش معناه
أبو سلطان (أبتسم) : الغزال شديد البياض هذا أسمها لين أعرفها واهي غزال والله
عبدالعزيز : طيب .. ألو مطعم

***************************************

في بيت أبو إبراهيم..

الأم (في الصاله) : سمر يمه روحي أتصلي على أبوك تأخر
سمر : يمه الساعه وحده هذا وقته
الأم : مو كأنهم تأخروا
سمر : أبوي مواعيده مضبوطه لحظه 1 – 2 – 3
الأب : السلام عليكم
سمر(توقف وتمشي له) : شفتي قلت لك باباتي مواعيده مضبوطه (باست رأسه)
إبراهيم : السلام عليكم
الكل : وعليكم السلام
الأم(توقف ) : سمر نادي جدك بروح أحط الغداء
سمر : إن شاء الله
إبراهيم : يمه وين سلمى
سلمى(من خلفه شايله صحن السلطه) : موجوده بس كنت بالمطبخ
إبراهيم(التفت لها وأبتسم وبهمس) : اشتقت لك
الجد(من وراهم) : علامك لازق فيها ما عندك بيت
سلمى وإبراهيم انحرجوا والكل ضحك
إبراهيم(بأحراج) : جدي الله يهديك أسألها عن الغداء وش
الجد : أيه صدقت يلا يلا بس خلونا نأكل وعن الهرج
الأب : يله يبه حياك
الجد(يقعد) : وين الباقين
الأم (تحط الأكل بصحون لكل واحد) : الله يسلمك يبه فيصل عنده دوام وسالم طالع مع ناصر ومنى رايحه مع طلال تتغدى برا مع صاحبتها
إبراهيم(يأخذ صحنه) : منو صاحبتها يمه
سمر : الدكتوره سهام أم عبدالله
إبراهيم طالع أبوه و ابتسموا
سمر(تهمس لسلمى) : وش فيه زوجك يوزع ابتسامات
الأب : سمر تكلمي بعد الاكل
سمر : أسفه(وطالعت سلمي اللي رفعت لها كتوفها بمعنى ما اعرف)
بعد الغداء كل واحد طلع لغرفته
سلمى : خالتي وش تسوين
الأم : تعرفين الخادمات عادي النعمه ترمى على الأرض ما تهتم بتابعهن لين يخلصن
سلمى : لا أنا بشرف روحي ارتاحي
سمر: لا أنتي ولا أمي والله ما قصرتن بالغداء روحن أنا بهتم بكل شيء
صعدت سلمى لجناحها ودخلت بعد ما شالت لفتها ونقابها وجلست على السرير طلع إبراهيم من الحمام(وانتو بكرامه) وأبتسم يوم شافها
إبراهيم(يجلس جنبها) : تعبانه
سلمى (ابتسمت) : شوي
إبراهيم(يرفع يدها ويبوسها) : فديت الأيادي اللي طبخت
سلمى : فداك الغالي أتعب لعيونك
إبراهيم : أبي أنام اليوم تعبت بس أبي أقولك خبر حلو راح يفرحك
سلمى : عن منو
إبراهيم : مناتنا الغالية (وأبتسم)

******************************************