01-14-2019
|
|
|
على الموعد اللي بيننا جيتلك ملهوف
على الموعد اللي بيننا جيت لك ملهوف
اسابق عقارب ساعتك قبل موعدنا
انا داري ان قلبك على شوفتي مشغوف
لو انّه يجور الوقت فينا ويتعبنا
تحديت جور الوقت ياضامر السرجوف
لو ان اللقى شح الزمن به وعاندنا
واذا الله كتب لك عمر باذن الولي بتشوف
وتدري بوفاي ابوقت عيا لايسعدنا احبك لو انك في ديار الخطر والخوف
لو ان الزمان الشين ودّه يخالفنا
سطى حبك بقلبي وحاف الجوارح حوف
ياليت المواصل بيننا كان حايفنا ولاودي اجرح خاطرك مثل مانت تروف
بحالي وتدرا اعياننا من مدامعنا
تصبرت وانا ادري الصبر علة المشعوف
ومل الصبر منا وحن ماتمللنا لكن الامل لازال لو باعدتنا اظروف
مامات الامل من بيننا لو تباعدنا
فراق الولايف والله انه عذاب الجوف
وكيد العواذل يالله انك تخارجنا
|