يا مبادلني النظر وانت النظـر
لا تخاف البعد ياكـل الشعـور

دام حبك في حنايـاي استقـر
لا تظن انه يجي مني قصـور

من بنى لي في وسط قلبه قصر
عاهده قلبي يشيد لـه قصـور

الدقيقه فـي غيابـك كالشهـر
والشهر في غيبتك كنه عصور

وانت غايب اشتكى منك الزهر
فاقدٍ في غيبتك أحلى الزهـور

وانت راجع مات عذالي قهـر
مالقوا بك علةٍ قالـوا مغـرور

مادرو انـه بحسنـك منبهـر
حلم عمره لو يمرك بس مرور

ويامفارقني وانا ملكـك قـدر
ياموردني سراديـب القبـور

الجمال اللي بزولـك منحصـر
مالكٍ قلبي وانا قلبـي صبـور

ويامبادلني النظر وانت النظـر
شيل من بالك يجي مني قصور

احُب كل شي كان رحمه لي من الله