نوره اصبر كلها 3 اسابيع وان شالله انا لك انت
فارس لو تشوفين رياض كيف يقهرني
لما يتصل علي ويقول انه عايش في نعيم مع
حرمته
نوره طيب انا مابيدي شي الحين لك اصبر
فارس لحظه ياقلبي
جودي جلسي عاقله ماراح اعطيك الجوال
نوره من جودي
فارس هذي حبيبتي الثانيه
نوره نعم حبيبه وانت وينك
فارس في البيت
نوره زين اخليك مع حبيبة قلبك
زعلت يابو زعم
فارس ليكون غرتي منها تراها بنت عبد المنعم
نوره تذكرتها
ايه صج شفتها تجنن
فارس اقول منعم تعال اخذ بنتك
شكلها ماتبي عمها يكلم حبيبته
نوره فارس ان شالله كنت تكلمني
جنب اخوك
فارس ايه عادي
نوره حرام عليك شبيقول عني الحين
يمكن اطيح من عينه
فارس اقول منعم تقول بطيح من عينك
منعم لا والله حبيبة فارس نحطها
فوق راسنا
نوره لا انا بسكر يمكن يعلم حرمته
فارس منعموه بتعلم حرمتك اني اكلم نوره
منعم اقول اطلع احسن لي
واخليك على راحتك
فارس احسن وخذ جود معاك
منعم قومي بابا ماهو حولك
ويشيل بنته ويطلع
فارس الحين صفا لنا الجو
نوره كل الكلام الي قلته لي
قدام اخوك وصفالك الجو الحين
فارس لاتخافين منعم بير اسراري
وانا بير اسراره
خلينا نرجع للي وقفنا عنده
نوره حبيبي اخليك الحين
فارس ليه
نوره لا بس هذي مشاعل جايه
فارس شفتي ولا لو كان بالحلال ماخفتي
روحي ياخوافه
/////
رياض وهذا انا جلست خير
فواز بصراحه عرفنا عن قرارك وانك
ناوي ترجع البنات وتحرمهم من الدراسه
رياض والله انا اعرف مصلحة خواتي ومحتاج احد يعلمني
زياد استاذ رياض
رياض نادني بدون استاذ
زياد اوكيه المهم انا المشرف
عن ليال في التدريب والي اشوفه
انها عندها طموح وحرام يضيع
بسبب واحد مثل اسامه هذا
رياض طيب ولحل اذا خليتها يمكن
يرجع ويضايقها ولا فيه احد يرده
فواز واحنا وين رحنا
رياض والنعم فيكم بس انتو اخر سنه
لكم هنا وبعدين من راح يهتم فيهم
فواز ترضى بالحل الي قالته ليان
رياض الي هو
فواز يكون زياد خطيبها رسمي ولا يقدر يسوي شي لها
زياد من قال لك اني ابقي اخطبها شفيك فواز
رياض لا انا الي رضيت اعطيك اختي
لواحد مأعرفه
فواز صلو على النبي انتو الأثنين
رياض وزياد عليه الصلاة والسلام
زياد فواز استحاله اوافق
رياض انا ماني موافق شفيك انت
فواز سمعوني ولا تقاطعوني لو تكرمتو
لحد مأخلص
الحين انت يارياض خايف على اختك
وتبقها تكون تحت انظرك وليال تبقى تكمل تعليمها وافق يكون زياد خطيبها بس
بينا احنا الثلاث محد يدري عشان اذا فكر
اسامه يضايقها يكون لزياد حق يرد عليه
وانت يازياد حتى ليال ماراح تدري انك خطيبها
واذا شفت اسامه يضايقها تقدر توقفه عند حده
بحكم انك خطيبها
رياض صدقني يافواز صعب الي تقوله
اوافق عليه
فواز انت الي لازم تعرف ان زياد
رجال والنعم فيه ومن عيله معروفه
وابوه دكتور معروف في الجامعه وامه بعد
حتى اخوانه كل ماسك طريقه في التعليم
لاتخاف اختك بأمان معاه
زياد صدقني رياض خواتك راح يكونون مثل خواتنا واكثر وبنحطهم في عيونا
رياض ماراح اختلف معاكم والنعم فيكم
بس انتو تتكلمون عن سنه وحده لكم هنا
واذا رجعتو من بيصير معاهم
زياد انت امنهم هذي السنه والي بعدها
ان شالله يكون اسامه مل وصدق اني خطيبها
ويتركها وترتاح
فواز فكر ورد علينا
رياض الي الله كاتبه بيصير
رجع للمستشفى واخذ البنات
ورجعهم الشقه وخذ نوره معاه بس
ماتكلم مع احد طول الوقت
في الفندق
رياض نوره تعالي تعشي
نوره مأبقى اتسمم معاك
رياض براحتك
نوره راحتي انك ترجعني السعوديه بكره
واذا الحين ماراح اقول لأ
رياض وهذا بيريحك
نوره ايه لأني "مابي اشوف وجهك خلاص بس اذا قلت بيعاند ولا بيرجعني "
اختباراتي مابقى عليها الأ اسبوع ويادوب
ارجع واذاكر كم كلمه
رياض طيب قام واخذ جواله وبوكه ومفاتيح السياره وطلع
نوره روحه بلا رده ان شالله
مرت ساعه وثنتين وثلاث
واربع ولا رجع جربت تتصل عليه
بس مايرد راحت لسرير وانسدحت
لحد ماغفت عينها وبعد فتره
رياض نوره اصحي يالله موعد الطياره بعد
ساعتين
نوره تفتح عيونها كم الساعه الحين
رياض الساعه 10 الصباح
نوره وانت وين كنت امس
رياض يهمك تعرفين
نوره لا
رياض اجل قومي رتبي الأغراض
عشان نروح المطار
واذا ماعليك كلافه طلعي لي قميص غير هذا
فصخ الي عليه ورماه على السرير
ودخل دورة المياه
نوره خذت قميصه واحضنته بقوه
ماتدري ليه بس حبت تشم ريحته وبسرعه
حطته في شنطتها وطلعت له قميص ثاني
في المطار
ينتظرون نداء لرحلتهم
ليان تنادي
رياض
اول ماشافها ابتسم جات واحضنته
نوره سلمت على ليال
رياض انتبهو لبعض وانا وصيت فواز وزياد
عليكم أي شي يصير لكم لا تترددون وتكلمونهم
ليان الله يخليك لنا ياخوي
رياض بشتاق لك هبال وحضنها
جا ت ليال وقفت قباله وهي تناظره
بس رياض كان لابس نظاره شمسيه
ماكانت تشوف نظرات عيونه وحست انها
بتصيح بس رياض فتح ايدينه لها
وليال رمت روحها في حضنه
مسح على شعرها
وعديني انك ترجعين دكتوره مثل
ماقلتي وانتبهو لبعض
ويضغط على خشمها
ليال ااااه خشمي للحين ماغيرت عادتك
ارحمني عندك نوره سو لها
رياض يبتسم جاي دورها لا تخافين
ليال الله يحفظك يااعز اخو لي
رياض لا اوصيكم انتبهو لبعض
واسمعو نداء الطياره سلمو
وراحو يصعدون
:::::::
بعد ماوصلو والي كانت اغلب الرحله
رياض نايم فيها وصل نوره بيت اهلها
ورجع لبيته
نوره لما ادخلت ماشافت احد في البيت
وتذكرت ان الأربعاء يتجمعون بيت جدهم
كلمت امها وخبرتها بوصولها
نوره في غرفتها طلعت قميص رياض
واحضنته وبدت دموعها تنزل
بس بعد ربع ساعه اسمعت صوت امها
انزلت لها وسلمت عليها وعلى ابوها واخوانها
وكلمت نوره صديقتها وخلتها تجي
وطبعآ كل شي قالته لنوره
من احداث صارت لها
وعلى الساعه 10 اليل
ام نوره اقول بنتي وين رياض
ماجه ياخذك
نوره انا بجلس هنا تدرين يمه
الأختبارات باقي لها اسبوع يادوب اذاكر لها
ام نوره وخير الأختبارات بعد اسبوع
تخلين رجلك اسبوع كامل
لا ماراح ارضى بتروحين عنده ومتى
ماصار الأختبارات تعالي ذاكري
اما تخلينه من الحين شبيقولون اهله ولا
الناس عنا
نوره يمه وانا شعلي وانا متفقه معاه ماعليك من احد
ام نوره اقول سمعي كلمي زوجك خليه يجي
ياخذك انا ماعندي بنت تترك زوجها بحجه
ماصخه مثل هذي
نوره ماني مكلمته تبقين انتي كلميه
ام نوره اكلمه بخاف منك
خذت جوالها
سميتي رجلك في جوالك
نوره ولا شي
امها حسبي يالله عليك وحده تسمي زوجها كذا
بسرعه سميتيه
نوره ليه ماتصدقيني ولا شي
وشافت امها صج الأسم ناظرتها معصبه
واتصلت على رياض واطلبت منه
يجي ياخذ نوره عنده وقبل الأختبارات بيوم
يجيبها
.....
في بيت رياض
ام رياض شفتي يانوف ماكلفت
على نفسها تجي وتسلم علينا ماتقول
عندي اهل رجل
نوف معليه يمه عندها اختبارات
ام رياض الأختبارات باقي عليها اسبوع فيه وحده تترك زوجها بشهر العسل انا مو قاهرني الا اخوك
المصفع على وجهه ولا هذا
تصير مرت رياض ااااه منك رياض وجعت قلبي ولا شفيها بنت اختي جمال ودلال
ويكفي اني اعرفها عدل
نوف والله نوره طيبه وحليوه
بس انتي عطيها فرصه وبتشوفين
ام رياض تلوي بوزها مو عاجبها الكلام
ونزل رياض من الدرج وكان
على وشك يطلع
ام رياض وين ان شالله توك واصل
رياض بجيب نوره
ام رياض صج رضت الأميره وتنازلت
انها تجي
رياض مارد وطلع
نوف يمه حرام عليك هذا رياض
عين السيح الي تحلفين بغلاته لاتزعلينه
ام رياض لو ماخذ بنت اختي كان
الحين مافي احسن منه بس شقول
اكيد هذي مسويه له سحر عشان ياخذها
ولا رياض التاجر يناسب طبقه عاديه
نوف لا تنسين شخذنا من الطبقه الي
انتي مصره عليها ولا نسيتي ليال
يمه حبيبتي انتي ماتلاحظين ان رياض
تغير عن قبل من تعرف على نوره
وهو محافظ على صلاته في المسجد
وصار يحضر محاضرات للمشايخ
حتى سفراته الي كنتي ماترضين عنها
تركها صدقيني يمه نوره اهي انسب
وحده له
ام رياض عشان ماعجبها الكلام
اقول سكتي والي يرحم والديك
في السياره
رياض نوره
نوره هااا
رياض الوحده تقول نعم
نوره "اووف" نعم
رياض ابقاك تتحملين الوالده عشاني
تدرين يبقى لها وقت على ماتتعود عليك وتعرفك
نوره "ايه هين والله لأكون سنه سوده عليكم بس صبرو علي "
ليان نفسي اعرف ليه رياض غير رايه
ولا خلانا نرجع معاه
ليال تصدقين انا سألت نفسي نفس السؤال
اكيد فيه شي غير رايه
ليان صادقه هذا رياض كلمته وحده
ليال يمكن نوره اثرت عليه
ليان يمكن مو يقولون يوضع سره
في اضعف خلقه اوه ذكرتيني
خليني اكلمها اذا اوصلو
دقت على نوره
نوره لما شافت رقمها حبت تغيض رياض
نوره بدلع هلا وغلا بأ عز
احبابي
ليان هلا نونو شلونكم وصلتو
نوره بخير يالغلا ايه من زمان
رياض ماعجبه طريقتها وهي تتكلم
ليان وشلون حبيبي رياض مرتاح
نوره "حبتك القراده وياه " زين مافيه شي
ليان طيب نونو اخليك بس لا تنسين
تكلمينا
نوره مو بكيفي مافيه وقت اكلم
ولا لو علي كل وقت تسمعون صوتي
رياض سحب الجوال من يدها بعصبيه
نوره وجع
رياض الو من معاي
ليان هلا رياض عسى ماازعجتكم
رياض ليان هلا شلونكم
ليان بخير السموحه رياض اذا
قاطعتكم
رياض هبال لا يروح فكرك بعيد
احنا رايحين البيت
ليان اوكيه سلم عليهم
رياض طيب مع السلامه
نوره عيب تاخذ جوالي باهطريقه هذي
رياض حلفي حبيبتي انتي كلك
على بعضك ملكي انا لا تقولين جوالي
اوصلو لقصر رياض وكانت مثل القصور
الخياليه نوره عجبها شكله من اول مادخلو
بس مابينت
وقف سيارته عند بوابة المدخل
وانزلو وجاه واحد من السواقين
واخذ السياره عشان يركنها في المواقف
ادخلو وكان بداية المدخل مليان تحف
اشكال والوان ومرايات
وقفت تعدل شكلها
نوره لو سمحت جوالي
رياض أي جوال
نوره الي حطيته في جيبك عطني اياه
رياض زين تفضلي
ومدت يدها تاخذه بس رياض ضغط على خشمها بقوه
رياض وجع الي قلتيها لا تعيدينها سامعه
نوره اااي اتركني خشمي حرام عليك
تركها وناظرت نفسها وشافت خشمها صار احمر
نوره وجع في ايدينك
رياض ها شقلتي نعم
قرب منها
نوره لا لا ماقلت شي والله
خلاص توبه
رياض ابتسم على شكلها وهي خايفه منه
وطبع بوسه على خدها
خلينا ندخل
نوره لحظه بعدل شكلي
طلعت المكياج وحطت على وجها بودره وكثرة
على خشمها لأنه صار احمر
ادخلو وسلمت على ام زوجها واخته
ام رياض زين غيرتي رايك وجيتي
لأن رياض قال بتظلين عند اهلك
عشان اختباراتك
نوره بصراحه انا فكرت وقلت باقى اسبوع
على الأختبارات ألا اجي واتعرف
على خالتي
رياض كان جالس على اعصابه
وخايف تشب حرب بين الثنتين
ام رياض والله انتي الي ماجيتي مع زوجك
ولا انا موجوده
نوره معليه هذا انا جيت وان شالله
نجلس مع بعض وتتعرفين علي عدل
رياض الا وين نايف ومتعب
نوف هذا انت طريتهم وجاو
نايف ومتعب نازلين من المصعد
نايف هلا تو البيت منور
سلم على اخوه رياض
وسلم على نوره
ولأنه تو صغير ماتغطت نوره عنه
ومتعب سلم عليهم
نوره استانست علي شكله
دبدوب وابيض وخدوده حمرا
نوره ياحلاتك وتقرص خده
وتجلسه جنبها
نوف لا تخلينه يدلق عليك ترا
لزقه وماينعطى وجه وكل ساعه في وجهك
نايف ايه معليه بيخليه رياض
نوره شفيكم عليه ماعليك منهم متعب
انا وياك بنصير ربع زين
متعب اوكيه
رياض احلف مصدق نفسك انت وياها
ام رياض رياض شفيك عليه خله
مع مرت اخوه انت اطلع منها
نايف ونوف يضحكون
رياض زين يصير خير
اقول نوره خلينا نصعد الجناح
نوف بخلي الخدم يصعدون العشى لكم
نوره لا والله حشى ماأتعشى الا مع خالتي
وانتو انا رياض شبعت منه
ام رياض خلاص اخلي الخدم يجهزونه
نوره زين عمي وينه مااشوفه
رياض بنفاذ صبر
ابوي متعود في هالوقت يطلع مع ربعه
في الدوانيه
نوره زين ماقبل اتعشى الا معاه
عطوني اكلمه
طبعآ ام رياض مستغربه منها ونوف ونايف
ومتعب مستانسين
اما رياض ماأوصف لكم شكله وهو ماسك نفسه
غصب
بعد ماوصل ابو رياض تعشو مع بعض
واسهرو لساعه وحده ونص
ام رياض انا بروح انام انتو مطولين
اقول رياض اذا بطاوع حرمتك ماراح تنامون
خذها وروحو امنت الله تحفظكم
رياض سمعتي قومي
نوره مشغوله في العب مع اخوانه
لعبة شانس
نايف لا تغشين شفتك نوره
نوره ماغشيت اطلعت لي 4 وهذا مشيت
للرقم
متعب ماعليك منه اهو اذا شاف نفسه
بينهزم يسوي كذا
نوف حرام عليكم كله اطلعوني
نوره هذا العبه تحملي
رياض اقول نوف ماوراك دوام بكره
نوف الصباح لا
نوره ألا صج نوف انا ماسألتك
انتي طبيبة شنهو
نوف نساء وولاده وهذا انا اقول لك
رياض اذا صار لكم بيبي انا بتابع الحمل
وتغمز له
رياض يوقف
وين يستوي بيبي وهي جالسه تلعب معاكم
ويسحبها من يدها يوقفها جنبه
نوره وجها قلب الوان
متعب ونايف خلها مابقى شي ونخلص
رياض شب انت وياه انادي لكم وحده
من الخدم تكمل معاكم
نوره من قال فيني النوم روح اخم اقصد
نام انت
رياض الظاهر الكلام ضايع معاك
ويمشيها غصب ويصعد معاها المصعد
نوره عن جد انت واختك احرجتوني
رياض لصق فيها
كيف انحرجتي قولي
نوره لو سمحت ابعد اشوي
رياض انا كذا مرتاح
نوره دفته وفتح المصعد
راحو للجناح حقهم
رياض نوره لو سمحتي خفي من الحركات
الي سوتيها مع امي
نوره الحين هذا جزاي اخلي اهلك يحبوني
رياض مو بطريقتك هذا بياخذون فكره
عنك انك مطيوره وغبيه
نوره اقول لاتغلط احمد ربك اني
عطيتهم وجه وجلست معاهم ولا كان
من اول ماجيت كان جلست في غرفتي
ولا خليتهم يشوفون وجهي
رياض اللهم جيبك ياطولة البال عن جد
بديت افقد اعصابي معاك
جلس على الكنب الي في صالته
جناحهم عباره عن صاله كبيره
وداخلها غرفة النوم وداخل غرفة النوم غرفة الملابس الي داخلها باب يطلع
على الصاله واقرب لدورة المياه
نوره ادخلت الغرفه ورتبت اغراضها
واول ماشافت مفتاح باب الغرفه
مشت بهدوء وقفلت الغرفه
نوره " ورني الحين كيف بتنام اوريك يارويض"
رياض قام عشان يدخل الغرفه بس شافها مقفله
رياض نوير فتحي الباب
نوره سوري روح نام في مكان ثاني
بيتكم مليان غرف
رياض فتحي ازين لك ولا بتندمين
نوره اقول طير يالله وراحت لسرير
رياض راح للباب الثاني واول
مافتحه فتح
رياض "الحمدلله شكلها تفكره دورة المياه بس
الحين اوريك "
دخل بهدوء لغرفة الملابس بدل بهدوء
ودخل الغرفه كانت مظلمه بس
الأبجوره الي عند راس نوره تشتغل وكانت متغطيه عشان تنام
رياض وقف عند السرير
وراح لجهتها ونزل لمستوى السرير
وسحب البطانيه بقوه
نوره قامت مفزوعه وصرخت اول ماشافته
جني جني
رياض جلس جنبها وسد فمها بيده
وسحبها لصدره لأنه شافها خايفه
صج خاف يوقف قلبها من الخرعه
نوره انزلت دمعه من عينها
رياض خلاص هديتي
ويبعد يده
نوره كيف دخلت
رياض يبتسم لأن ياشاطره فيه باب
ثاني عند غرفة الملابس وشكلك مانتبهتي له
نوره ظنيته دورة المياه
رياض لا دورة المياه براه
ويقربها له كثير لحد ماحست بأنفاسه
على وجها ويقرب عند اذنها
ويهمس لها الحين على الحركه البايخه
هذي يبقالك قرصة اذن
ووووووووووووو
^___^ تشفير الباقي تعرفونه
ثاني يوم
نوره كانت تتحاشى رياض وكانت اقلب
وقتها جالسه مع امه وابوه كان عندها تتمالق على امه ولاتجلس مع رياض وبعد ماتغدو
نايف ومتعب راحو المزرعه مع ابوهم
نوف تستعد لدوامها
رياض بعد تركهم وظلت نوره وام رياض
في الصاله
ام رياض سمعي نوره انا مسويه
لك اليوم حفلة اهل رياض من عماته
وخلاته وبناتهم وحريم ولدهم وجدته لأبوه
بيجون يتعرفون عليك
عاد ابقيك تتكشخين عدل
نوره "حلو والله لأطلع الجنان عدل "
ان شالله خالتي مالك الا الي يبيض وجهك
ام رياض زين شرايك تروحين المشغل
الي اتعامل معاهم عشان بظبطونك
انتي مرت اولدي رياض لازم تطلعين بشي عدل
نوره بكل ادب الي يريحك خالتي سويه
انا من يدك هذي قبل هذي
ام رياض عن جد مستانسه ان جاتها مرت ولد تسمع كلامها احسن من حريم الولد الي تسمع عنهم
خلاص بخلي رياض يوديك المشغل
وبكلم صباح تهتم فيك بنفسها الا رياض وينه
ونادت شغاله تنادي عليه
بعد دقايق يطلع رياض من صاله
ثانيه وماسك عصى بلياردو في يده
رياض هلا يمه بغيتي شي
ام رياض ايه بخلي نوره تروح
مع السواق يوديها المشغل
رياض ليه خير
ام رياض اليوم مسويه حفله وعازمه
اهلك كلهم يتعرفون على نوره وابغاها تتزين
في المشغل
رياض خلاص اوصلها على طريقي
مافي داعي السواق
ام رياض على كيفك اهم شي نوره
تكون في المشغل 3العصر
رياض يصير خير ان شالله
نوره بتحر رياض
اقول خالتي ماقلتي لي شلبس
طويل ولا قصير مستور ولا عاري
رياض بدت النفوره ترقه عنده لأنه
عارف نوره تطنز على امه
ام رياض الي يريحك بس مايكون عاري كثير
لأن جدة رياض ماتحب البس الفاصخ
نوره اجل تعالي معاي الغرفه
واختاري لي الي يعجبك
وراح البسه لأن ذوقك اكيد حلو
ام رياض لا يابنتي ماأحب اثقل عليك لبسي
الي يريحك
نوره لا والله حشى ماأرضى البس الا
الي تقولين عليه
امسكت يد ام رياض عشان تصعد معاها الدرج
ام رياض صبر الله يهداك انا مافيني
حيل لدرج خلينا نصعد المصعد
نوره لا خالتي انا مابقى اتعلم عليه
لأن المصعد بيخليني فسله
ويمكن اسمن الدرج احسن وبعدين رياض
حاب جسمي كذا
رياض نظرات عيونه وده يكفخها
اصعدت ام رياض وتو نوره بتصعد الدرج
رياض نوير خفي على امي ماراح اسمح لك
تتمسخرين عليها سامعه
نوره لاحول يعني اذا صرت مرت ولد حليوه
مايعجب واذا صرت لعينه مايعجب
لو سمحت لا تدخل بيني وبين امك
سامع اطلع منها صج ملقوف
رياض عصب عصب ووووو
تابعو الجزء الثامن
مع احداث اكثر أثاره
|