البارت التسع عشر
:
يا عازف الاوتار في درب راحل اطراف لحنك باكيات المعاني
اشوف عينك للمداميع ساحل ورموش عينك للمدامع مواني
تقبل جحافل ثم تقفي جحافل لا يا كريم الدمع راعي السواني
الروح حسرى والخوافق مجافل لا باس يا حلو(ن) تنوف الغواني
شفني كما ظلن صموتن وماثل ابكم اصم وشاعر(ن) له اغاني
تنهد مايد وهو يشوفها نازله من دري وقال ابوه: والله يا مايد ان ما حشمت نفسك والله بتشوف شي ماشفته في حياتك.
مايد بضيقه وهو رافع واحد من حياته قال: خلاص ماقدر اكمل وياها وانا باجر في المحكمة من صبح بطلق..
شهقت عهود وقالت العنود: احسن تستاهل من حوباتي عليكم وحوباتي على اخوها...
لفت لها عهود وسمعت ابوها يقول: لمي حلجج انتى اللي ما بغيتي الريال وسرتي لساالم اتصيحين وتقولين له مابا سعيد اوووص لا اسمع منج هالرمسه ووجه كلامه لمايد وقال: وانته عشان كرامتك كرهت بنت الناس اللي حشرتنا عليها خطبوها خطبوها مالت عليك الموضوع بينك وبين اخوها هي شو يخصها ...
مايد: خلاصصص عافها خاطري ماقدر اجاملها اكثر ولا اقدر احبها اكثر قلبي صد عنها من اول يوم ردني فيه اخوها..
ابوه تنهد بضيق وقال:،ما فكرت في خواتك
مايد: ماعليهن حمدلله رياييلهن ميتين عليهن ...
ابوه: عساس انته ما كنت ميت على بنت خالتك
مايد: كنت لكن الحين خلاص كل شي انتهى بيني وبينها ...
الكل انصدم من قرار مايد المفاجيء واللي ما كان فالحسبان .. عهود توترت والعنود مستانسه بطلاق لطيفه..
عهود بقهر: يالمينونه لطوف شو سوت بج عشان تفرحين بطلاقها لطوف بريئة والله انخدعت في اخوج لكن الله يعينها ...
العنود بوناسه: احسن تستاهل خل نشوف من بياخذها عقب السبع اخوج حمدلله يارب من هالحال وزود يا لطيفه يا بنت خالتيه يا اخت سعيد....
عهود بصدممه قالت: الله اكبر عليج البنت شو سوت تفرحين بها كل الفرح تراها مب هي اللي ردت سعيد عنج انتى ردتيه عن نفسج ..
العنود تضحك وترقص وتركب الدري وتغني بوناسه اما عهود سكتت وهي ضايقه الله يستر يوم بيعرفون قوم خالتيه ...
اريـد ان احضـنك بعـنف كـعنف مـشاعريِ حـين اغـار حـين اشـتاق حِـين احـتاجك
في أبوظبي .. مهروه كانت نازله تحت وشافت مبارك اوه طالع من صاله وما طالعها حست بغلطتها وتسرعها وندمت وابتسمت يوم شافت اليازيه نازله وهي تقول: البارححه مارمت ارقد انغثيت من معدتيه ..
مهره: جان شربتي زعتر ما قتلج لا تكثرين من سبايسي امس ...
اليازيه: عيبتني لازانيا امس ...
مهره: انزينن بس سبايسي وانتي بروحج فيج القولون
اليازيه: ربج كريم شو صار بينج انتي والمحروس
مهره تبتسم : ماشي عطيته شوي من اللي يحبه قلبج ورفعت ضغطه ويننت فيه خليته يترجانى امس اعطيه حقوقه وانا مطنشه..
اليازيه: احسن يستاهل وينه هو
مهره تضحك: حبيبتي من نش الظهر روح لها وحياتج قلبه يرففف ظامي ماصدق الصبح يطلع اتسبح وسار لها ...
اليازيه بضيقه: مالت عليج وانتي تضحكين الحين بيعطيها كل شي وبيعيش وياها الحب يا الخديه
مهره تتنهد: برايه لا تحنين على راسي اليازية اخوج جذاب ما يبا يعترف ..
اليازيه: من تربي بيعترف ... ومسكت بطنها بالم
مهره: روحي المستشفى خذي دووا قومي
اليازيه : يلا الحين بروح.
وشوي واذن العصر وصلّـوا واليازي راحت ويا ودوم وحمدان المستشفى اما مهره راحت غرفتها تسبحت وتلبست وشلت شنطتها وطلعت برى توها بدق لدريول عشان تسير البحر تغير جو ونفسيتها تعبانه وترضى بنصيبها من راشد
اما عند راشد بعد ساعتين من الوضع انتبه على نفسه ودفـر ثريا عنه وهو يستوعب اللي سواه وقبض راسه بضيق وندم سمعها تقول : شفيگ
راشد بعد ما ردت له حاسيته قال : حسبي الله عليج عميتينـي عن حاسيتيه خلتيني بلا حاسية ...
ثريا بضحك وهي طرش صور البوسات والمصات لمهره قالت : والله حلالك اعتقد ..
ضيق راشد منها وطلع عنها وسار يقعد في الصالة وهو معصب وانسدح على الكرسي وحس بضيقه اتصل باليازيه وشوي ياه صوتها تعبان: مرحبا
راشد استغرب نبرتها وقال بخوف: فيج شي
اليازيه بتعب: لا فديتك
راشد : صوتج مب عايبني
اليازيه تنهدت وبتعب قالت: حبيبي والله ما فيني شي بس تعبت من القولون ..
راشد بضيقه: فديت قلبج باجر بييج أي. مستشفى الغاليه
اليازيه: اللي حذال بيتنا ..
راشد بحب: اها ، وين الحب عيل عنج...
اليازيه: في البيت والله
راشد بضيقه: تمام يلا بسبر لها غناتى ، وانتي فديتج ما تشوفين شر يا الغلا..
اليازيه بتعب: شبعت من الحب...
راشد يضيقه:سكككتتتتتي تكفين والله انى جاز عمرييي من قربها
ابتسمت بالم وهي تقول: لا تضيع مهره من ايدگ يا راشد ترا لا فات الفوت ما ينفع صوت..
راشد بضيقه قال: شو يعني كلامج .
اليازيه تتنهد بضيق: حاسب على نفسك وتصرفاتگ تراها تحس بكل شي بس مطنشه بمزاجها تكفى ياخوي طلبتك لا تخرب بيتگ بيدك ...
تنهد بضيق وهز براسه بالإيجاب كانه يزوي قدامه انتبه على يزوي وهي تقول: لا تخسرها والله ترا مهره بسرعه بتبيعگ ..
دق قلبه بقوو من كلام يزوي توه يستوعب هو شو سوى سكر تلفون وطلع من شقه ورقع الباب بقوو وراه واتجهه لسيارته بيسير صوب الحب ...
اما عند مهره كان الوضع عندها جداً سيء خصوصا بعد ما شافت البوسات والمصات على رقبة ثريا من راشد تنهدت بضيق وهي تكمل صياحها عارفه انه مالها امل بقرب مبارك وعارفه انها مالها مفر من راشد نار حبك يا مبارك وجنة راحتگ يا راشد تنهدت بضيق وخلت تلفون على طاوله ونامت بدموعها ما تقدر تغصب مبارك على شي حاولت ترقد بس ماقدرت اتصلت على هيا ربيعتها وشبكت الخط ويا المر وغيث وقعدوا يسولفون..
المر بوناسه: انتتتي وينج من عرستي نسيتينا ..
مهره تبتسم بضيق : ما عاش من يناسكم يا الغالي بس العرس بلوى ولو اددري ان العرس جيه أساسا ما وافقت على
المر بجديه وغيث قالوا رباعه: ليش ؟؟ فيج شي مهره !!
ابتسمت بحب وهي تقول: والله يا الغاليين ما عرف شو اقولكم غير انه العرس ضيم المهم خلوكم مني ، كلموني عنكم ، انته المر شو جديدك ..
المر بضيقه: والله الغاليه داومت في البلديه واكمل العصر في مركز الخيول والاسبوع اللي طاف خذينا الرمز والسيف..
مهره بفرحه: الحمدلله تستاهل كل خير فديتك .. المر عقب أبا اكلمك ضروري اوك..
المر بوناسه: فالج طيب حاضرين ..
مهره ابتسمت بحب وقالت: ماعليك زود الغالي.. وانته. غيث علووومك الشيخ..
غيث يضحك: ههههه لا جديد سجلت فالجامعه والمساء اروح المركز عشان تدريب ..
مهره: يحظكم والله كلكم في مركز الفروسية...
غيث: ودج تردينً.
مهره: لا مب متفيقه حق التقييد والالتزام.
هيا تضحك: ههههههههه الود ودج يا غناتي اليوم قبل باجر تردين بس عشان الحب ما ترومين ..
مهره تضحك: ههههههه بتخبركم جميعاً مافيه حد منكم تزوج انزين او خطب من القروب الحلو والشلة الجميله..
المر يضحك: محمد عرس ..
مهره بفرحه: صدق ... عله بالبركة منو خذ ...
المر : بنت خاله ...
مهره : ايوا عله مبروك عليه يارب ويشل عياله ان شاء الله
المر: امين يارب العالمين ..
غيث: ووانتي المهر ما ودج تردين صدق .
مهره تغمض عيونها وبضيق قالت: بشووف والله بفكر فالموضوع .
المر: المهر اللي ترتاحين له سوويه..
هيا تضحك: هههههههه صادق والله انك يبت الكلام في حله.
ابتسم غيث وقال: نحن ما تفقنا انج ما تكلمين المر وضحك هههههه .
هيا بمستحى: كله ولا المر هذا كان الكل في الكل أيام تدريب.
المر يضحك ويلف لفة بيتهم: هههههههههه هيه يغار غيثوه اصبر عليها من تملج بها بتنسانا لا تحاتي نفس المهر .
المهر بضيق: لا والله لا عدمتكم من الوجود ، ما نسيتكم ولا الله قاله، يا غير اني اختبصت بالعرس وضيمه وهوايله وبسسس كان المفروض ما سمع لخواني مالت عليهم .
ضحكوا كلهم وقال المر بضيق وهو ينزل من سيارته : مهره بلاه صوتج مب عايبني .
المهر تبتسم وقالت : مافيني شي يلا انا بسكر الحين بنام والمر كلمني على الواتس اترياك.
المر يبتسم بضيق وهو يدخل في صاله: ويسلم على هله وقال بهمس : اوك يلا الحين بسكر وتنهد بضيق وسكرت مهره الخط وسكر المر عقبها .
المر يلس على الكرسي وشل الدله اللي عداله وصب له جاي.
بخيته تغمز لامها وقالت: بلاها الحب زعلانه عليك ..
المر عطاها نظره وقام واقف تنهد بضيق وسار الغرفة فوق دخل تسبح وصلى العشا لانه كان ياي من نادي وانسدح على شبريه يمدد جسمه وشل تلفونه واتصل بمهره ثواني وياه صوتها : مرحبا المر
المر بشوق: مرحبا بج زود الغاليه .. بشريني عنج ...
مهره : طيبه طاب حالك...
المر: امري شو في خاطرج..
مهره بضيق: تروم تشغلني في البلديه عندك
المر : تم فديتج حاضرين طرشيلي اوراقج وبقدمهن لج..
مهره: عندك حد تعرفه يشغلني ..
المر: عندنا شواغر فديتج يبون موظفين ..
مهره تنهدت بضيقه: اوك بقابلك باجر عقب المغرب عند البحر اللي عقب جسر المقطع ..
المر بوناسه: تمام فديتج ..
مهره: ربي يحفظك الغالي ..
المر: ومن يقول فديتج...
وسكروا عن بعض
بعد المكالمه نامت براحه المهر وماحست بوجود شخص ثاني موجود فالبيت.. راشد اللي كان من ساعتين واصل وماعنده الجراه يدخل على مهره ، دخل على مبارك اللي انصدم بوجوده وقعد عنده..
مبارك بربكه: بسم الله انته شيايبنك هالوقت...
راشد بضيقه وقهر: اسكت يا مبارك احس انى جاز عمري كيف سمحت لنفسي اتقبلها ماعرف ..
مبارك يحمد الله الف مره ما طاوع مهره وقلبه ولا جان بيروحون فيها هم الاثنين ، وقال بضيقه: عسسسى ماشر ان شاء الله..
راشد ياشر على رقبته وقال بضيم: طالع الجلبه شو سوت فيني .
ضحك مبارك وهو يشوف رقبة راشد وقال: هههههههه ايوا وانته كنت مضيع ذهنك صح..
راشد بلوم: والله العظيم ماحسيت بعمري بلا حاسيه...
مبارك: لا حول ولا قوة الا بالله العلي العظيم .. انته تعرف ان ثريا تقهر مهره فيك ليش ما تعترف بها قبل ما تعرف مهره وتروح في ستين داهيه...
راشد بضيق: اسكت والله مالي ويهه اشوف مهره بعد هذا كله
مبارك تنهد وسكر المصحف وقال: يعين الله ياخوي حط المصحف على الكمدينو ولف يطالع راشد ولقاه ضايق ومنعفس ويهه
مبارك تنهد بضيق وقال بحكمه وعقل: راشد ترا حدودكك ويا ثريا زادت ولا تخسر مهره بسبتها تراه والله عقب محد صدقني بيوقف وياك نحن خوانگ نحاول نوقف وياگ وما نضرگ بس انته قاعد تضر نفسگ بنفسك ليش ما تعق الياهل وترتاح في حياتگ..
راشد بضيق: ماقدر أخاف عقب الله يعاقبنـي في مهره وما تحمل ، وانا مابا شي يبعدها عني
تنهد مبارك بضيق وقال نام احسن لك الكلام وياك ضايع..
ضحى بيه لا صدق هذي قويه.. جبت عمري اضحيله وخان بيه ..عافني وجاز له دلالى بالاذيه... لا صدق هاي قويه ...اول ماجت فرصه عله وطار..طار لفوق عاف الشوق ..راح ويه الهوى العالي .. لان طلع مني مخنوق ..عاف الشوق صرت مالومگ..وين العشرة والأيام ..حبگ راح بسرعه ..بعته وبالعشق ضحيت ..ماخليت خطه رجعه..
في صباح اليوم التالي ، بعد تعب نشت لطيفة على صوت مسج فتحت عينها بتعب وشافت مسج من مايد (مبروگ عليج العده) تنهدت بضيق وقامت غسلت ويهها واسنانها وتسبحت وطلعت تلبست وصلت الضحى وقعدت تسبح وتستغفر وتهلل وتحوقل وبعدها قامت ونزلت باست راس ابوها وقعدت صبت لها جاي ويالسه تشرب سمعت ابوها يقول: اخوانج قدموا العرس ومايد لين الحين ما قال متى بيعرس.
تنهدت بتوتر وقالت: هيه نحن شوي بناجل الموضوع.
ابوها يبتسم: زين فديتج الله يسعدكم...
لطيفه تبتسم: امين ...
راح ابوها العزبه وتريقت وعقب ساعه شافت أمها نازله من دري وقالت: ها امايه وين ..
أمها: بسير عند قوم بو عوض حرمة ولدهم مربي
لطيفه : هيه ما شاء الله عله بالبركة ..
أمها: امين يارب وعقبالكم. ..
لطيفه تبتسم مجامله: امين ...
طلعت أمها وشوي راحت فوق تقعد مع نفسها وبعد ساعه بالضبط سمعت دق الجرس نزلت وشافت حمد ولد عمها ..
حمد يبتسم : سلام عليج
لطيفه تبتسم : وعليك السلام مرحبا بو شهاب كيف الحال
حمد يدخل ويفصخ النظاره: بخير يعلج الخير انتي شحالج وشحال عمي ..
لطيفة: كلهم بخير قرب داخل..
حمد تنهد وتقدمها وسار ييلس على الكراسي لف طالع لطوف من فوق لين تحت وقال: بلاج ضعفتي !!
انصدمت لطوف من ملاحظته وقالت: والله ما دري يمكن يتهيأ لك .
حمد يبتسم: اخسي يتهيألي ضعفتي وايد وذبلتي يا لطوف ..
ابتسمت وهي تصب له قهوه وقالت: عادي الغالي الدنيا تطلّب جيه.
حمد مسك الفنيان وعدل غنرته وعقاله وقال : سلمتي ..
لطوف تبتسم وتنهدت وهي تقول: يسلم غاليك... مبروك الخطبه ..
انصدم حمد وقال: أي خطبه!!
لطوف سكتت حست انها يابت العيد توترت .
حمد تكلم بغيض وقال: أي خطبه رمسي وطالعها بطرف عينه..
لطوف بهمس: سمعت امي البارحه تكلم امك وتقولها بيسيرون يشوفون بنت بو عوض مريم بيخطبونها لك..
حمد بعصبيه: يخسووون يوزوني إياها ما طلبت عرس انا حد اشتكى لهم ماطلبت عرس انا ..
لطوف بهدوء وتوتر: حمد فديتك اهدى انا اسفه والله مب قصدي ادخل في شي ما يخصني بس انا اسفه والله سمحلي للمره المليون ادخل في شي ما يخصني ..
حمد هدى شوي وقال: لطوف انا اللي اسف وسمحي لي على اسلوبي وياج من زمان ودي اعتذر لج بس والله العظيم اني ماعرفت قيمتج الا يوم ملجتى عرفت اني احبج واني غبي يوم فرطت فييج انا اللي ماعرفت قدرج يا بنت العم ..
ابتسمت وهي تقول: عنبوه يا حمد الكلام هذا من سنين وانا نسيته وما شليت في خاطرية انته ولد عمي عالعين وراس وانته ما عمرك غلطت انا اللي دوم اييب العيد...
حمد يبتسم : لا والله انا اللي فرطت فيج ولا انتي من يفرط فيج لطوف انتي غير عن بنات عمي كلهن ، صح كلكن لكل وحده منكن شي يميزها بس انتي غير الله ميزج بطيب وسماحه..
ابتسمت لطيفه وهي تقول: ماعليگ زود يا الغالي ..
شوي ورن الجرس ..
لطيفه سارت تبا تفتح الباب وزقرها حمد وهو يقول: لطيفه وين تبين اعتقد ريال موجود جدامج( وهو ياشر على عمره) مب صمنديقة، انا بفتح الباب انتي خليج هنيه ...
توترت لطيفه وهي تقول في خاطرها يارب ما يطلع مندوب المحكمه مابا حد يدري الا بعد عرس سعيد ونايف ...
اما حمد طلع برى وشاف ريال غريب اول مره يشوفه رفع حايبه وهو يقول: هلا امر
الريال: سلام عليكم
حمد : وعليكم السلام..
الريال: بيت حمد...ال....
حمد قلبه دق من شاف شعار المحكمه على صدر الريال وقال: هيه نعم ..
الريال: ممكن اشوف الأخت لطيفه ..
حمد : ليش ؟؟
الريال: بتعرف كل شي ..
حمد تنهد بضيقه وقال: قرب داخل ..
دخل الريال داخل لين الميلس وحمد سار صاله وقال: هاتي هويتج وتعالي الميلس ..
هزت راسها بطواعيه وهي تقول في خاطرها ان شاء الله ما يقول لحمد انه من المحكمه راحت تيب هويتها ودقت باب الميلس وسمعت صوت حمد يقولها تعالي دخلت وهي متحجبه وقالت: سلام عليكم ...
حمد وريال: وعليكم السلام ..
نش حمد وشل هويتها وعطاها ريال ويلست لطوف على الكراسي اللي قدامهم وهم جدامها وبينهم مساحه كبيره وفي نصهم الطاوله قال الريال : انتوا تعرفون ليش انا هنيه صح ..
لطيفه بتوتر: هيه نعم نعرف وطالعت حمد اللي يطالعها برفعة حايب وقال: لا مانعرف ليش انته هنيه ممكن تخبرنا..
الريال صد على لطيفه وشافها منزله راسها حس فيها وقال بضيقه وهم: انا مندوب من المحكمة ياي اسلم الأخت لطيفة ورقة طلاقها واحتاج توقعيها
حمد مصدوم وقال : طلااااقً
الريال : هيه نعم وللأسف الزوج قدم ثبوته انه دخل عليها ..
حمد بعصبيه لف على لطوف مقهورر من هالتصرف الطفولي وشافها منزله راسها وقال: المفروض تطلبون شهادتها اذا فعلا تم دخوله عليها ولالا..
الريال: مايحتاي ياخوي وربت بيده على كتف حمد وهو يكمل كلامه مايد طلع لنا ورقة من المستشفى تثبت لنا انه دخل عليها ..
حمد كان يطالع لطوف بحرقه وقهر وقال الريال: ممكن اختي تيين توقعين على الورقه ..
قامت لطوف وهي منزله راسها ووقعت على الورقه وهي حابسه دموعها بالقو ..
الريال عطى حمد الهويه وطلع حمد بقهر قال: راد عليج صبري بوصل ريال وبرد لج ..
وصله لين الباب ورد عند لطوف في الميلس ولقاها منزله راسها وقال بعصبيه وقهر: كيف تسلمينه نفسج كيف يا المينونه ..
لطوف بدموع وهي طالعه: اشششش اسكت لحد يسمعك حمد ترا الموضوع مب برضايه الموضوع غصباً عني فهمت ...
حمد انصدم وقال وهو يهز لطيفه من كتوفها : كيف!! مب برصاج فهميني !!
لطوف بحرقه قلب قالت: هووو سوى الحركة هاي بخصوص موضوعه مع سعيد فهمت ..
حمد عقد حياته وهدى شوي وقال وهو يبعد عنها: كييف فهميني الغالية لا تمين ساكته ...
لطوف تنهدت وهي تقعد عالكرسي وقالت بضيق : سمعني ، مايد الله يهديه جبر اخته العنود على سعيد اخويه والعنود كانت رافضتنه ما تباه ودخل اخوه عبدالله في سالفه وقاموا يضغطون على العنود انها توافق عطتهم الموافقه غصبن عنها وقالت لبوها انها موافقه بس ما قالت انها مجبوره عليه قبل الملجة بيومين راحت عند سالم اخوها وكلمته وقالت له يتصل بسعيد ويقوله ان العنود ما تباك وانها مجبوره عليك من اخوانها عبدالله ومايد ، وسالم الله يهديه ماقصر سوى تلفون لسعيد وقاله السالفه كله ، انزين بوعسكور ما قصر خلاهم على عماهم واتصل بخالتيه وخطب الريم وقالها عن سواة عيالها وعن اتصال سالم له ، خالتيه شلت الريم وساروا وفحصوا ويوم الملجة طلعت فحوصاتهم وتلاقينا كلنا فالمحكمه ودخلنا اول شي انا ومايد وملجنا وعقب دخل نايف وعهود وملجوا وعقب ساروا عبدالله ومايد بيسلمون على سعيد وكان الكل مستغرب من وجود الريم عندنا فالمحكمه وانها سارت مع ابوها فالكل كان يبا يعرف سبب وجودها بس محد تكلم والعنود كانت فرحانه وتدعي انها تتقبل سعيد وانها ماتبا تفرط فيه ومن هالكلام بعدين وصلوا عبدالله ومايد بيسلمون عليه قالهم سلامكم من بعيد فقالوا له ليش عسى ماشر قالهم سالفة العنود ومن يومها وهو يفكر ينتقم من سعيد وعقولته انا من ردني سعيد اخوج عن السلام وانتي طلعتي من خاطريه كلمته قتله بيهدى سعيد وبتزين الأمور بينك وبينه ما طاع يهدأ وذاك اليوم ياني يسلم وتعدى عليه بالقو وغصبن عني ووداني المستشفى عشان يطلع لي ورقه اثبات اني مب بنت عشان يوثقها في الطلاق عشان يحسسني اني حثاله وانه محد بياخذني ..
حمد عصب وبقهر قال: حسبي الله عليه الخايس ان شاء الله حوبتج ما تعداه..
لطيفه تنهدت ومسحت عيونها وقالت بغصه : حمد طلبتك محد يعرف بموضوع الطلاق نهائيا لين ما يعرسون اخواني لا تظلمهم مثل ما ظلمني مايد تكفى طلبتك..
حمد بصدمه: انتي ما بتقولين لهلج الا عقب عرس اخوانج..
لطوف: هيه نعم ماريد اخرب على بنات خالتيه ...تكفى حمد طلبتك...
تنهد وهو يهز ريله وقال بقل حيله: شو يصبرني شهر فكاك من ويهه أصلا الله يبليه بحرمه تطلع عيونه...
لطوف ما استوعبت كلامه وقالت بصدمه: لا يا ولد العم تكفى لا تدعي عليه خله، حسيبه الله ، والله ما ينسى حد..
هز راسه بالإيجاب وسكتت عنه، طالعها بحنيه وقال: لطوف
رفعت عينها وهي تبتسم حمد من شاف لمعة دموع في عينها غمض عيونه وهو يقول : تراني ما بخليج ..
لطوف : اششش حمد انته مالك حايه في الموضوع انته مب مسوول عني تكفى لا تربط مصيرگ فيني الله يخليگ لعمي ولا يحرمه منگ..
حمد طالععها بطرف عينه وقال: الله يخليني اذا خليتج ، اعتقد انتي بنت عرب وناس ويوم خطبج ، خطبج من ريال المفروض لو هو ريال ويمسح على لحييته ايي عند عمي ويتكلم وينهي الموضوع بس الله فكج منه لان مب ريال وما يستاهلج وزين يت منه يوم طلقج لان ما يعرف قدرج وابتسم وهو يقول : انتي استانسي ولا عليج ولد عمج لج ظهر وعون..
ابتسمت على كلامه وطلعت من الميلس وراحت صوب غرفتها يودت ورقة طلاقها تحت ملابسها...
اما في دبـي
سعيد والريم يالسين يتشرون أغراض لقسمهم ولف عليها وهو يقول: بقى بس أسبوعين واجتمع فيج..
ابتسمت الريم بحب قالت: محلى اليوم اللي بجتمع فيه وياگ..
سعيد يحضن ايدها وهو يقول: فديتتت قلبج يا الغلا ...
الريم ابتسمت وكملت مشاريها...
اما عند عهود فكانت يالسه ترتب اغراضها وتزهب شنطها ومضايقه من يومين نايف ما كلمها قالت في خاطرها ما ينلام طلاق اخته بالنسبة له صدمه واكيد انه مصدوم الله يستر ما ينفعلون نزلت تحت وشافت الريم داخله هي وسعيد عشان الخدامه تحط أغراض الريم في الغرفة وردوا طلعوا وساروا يكملون مشاويرهم ...
تنهدت عهود بضيقه وقالت في خاطرها والله سعيد مب فارقه عنده لا هو ولا الريم ،،، دخل ابوها وهو يقول: نايف برع يتخبر عنج ليش ما تردين عليه ..
تهلل ويهها من الفرحه وقالت: صدق ...
ابوها: ليش بينكم شي ..
غهود بفرحه: لا والله بس عشان موضوع مايد قلت يمكن زعلان...
ابوها: مايدرون بالموضوع لطيفه اتصلت بي وحلفت عليه ماارمس بالموضوع لا قدامكم ولا قدام امكم تتحسب انكم ماتعرفون بس امج الوحيده اللي محد خبرها عشان فرحتكم وهو مسود الويهه بيعرف قدره عقب .
عهود: فديتها لطوف حتى في شي هذا فكرت فينا ..
ابوها تنهد بضيق وقال: يلا سيري لا يحس نايف بشي .
طلعت عهود ولقته فاتح دريشة سيارة ويترياها قربت منه وقال: ويييين عن تلفون .
تنهدت بضيقه وقالت: انته اللي من يومين ما تتصل.
نايف يبتسم وقال: تعالي ركبي .
تنهدت بضيق وهي تركب عداله وقالت: انته ليش قطعتني ومادقيت .
حضنها بحب وهو يسكر الدريشه ووقال: والله اتغلى عليج أبا الشوق يزيد ضحكت بإحراج وزفرت براحة وقالها نايف: بنتمشى شوي في سيارة وبنرد بيتكم .
هزت راسها بالإيجاب وكملت سوالفها ويا نايف ...
اما عند مهره كانت يالسه في الغرفه ضايقه رن تلفونها وشافت رقم لطوف اختها وردت : هلا بالشيخه لطيفه .
لطوف تضحك: هههههههه الشيخه من ربتج الغاليه ...
مهره تبتسم: شحالج وشحال الحب..
لطوف : كلنا بخير ونعمه ويسرج الحال ..
مهره تبتسم: ما بقى على عرسكم شي الا أسبوعين ..
لطوف تنهدت: لاًانا ومايد اجلنا شوي .
مهره بضيق: ليش ؟؟ فيكم شي ...
لطوف : لا فديتج بس هو يبا عرس روحه ...
ضحكت مهره وقالت : هيه شعليه الحبيب شغال حب ..
ضحكت لطوف وهي تقول بلاهم ما يدرون بشي وقالت: هههه حبيبتى انتي خليج مني ومن مايد وقولي لي تزهبتي لعرس خوانج..
مهره تنهدت وهى تشوف دخول راشد عليها وقالت: لا بلبلس من لبسي تونى عروس وملابسي كلها يديدة..
لطوف بتنهيده قالت: والتعديل والحنى ...
مهره تبتسم: بشوف اليوم ...وبرد عليج خبر باذن الله ..
لطوف : تمام الغلا..
مهره تبتسم وقالت: ودعتج ربي غناتي ... وسكروا الخط..
تنهدت مهره وتجاهلت راشد اللي كان طالع من الحمام وقالت: غريبه يعني ما بطيت عندها ..
انصدم راشد ولف لها وقال: شووو ؟؟ منو هاي؟؟!
مهره تنش من على الشبريه: اللي قلت لي انك بتسير عندها ..
شافته تنهد براحه وزفر وهو مغمض عيونه وقالت: بلاك متروع مسوي شي غلط وخايف منه... وراحت صوب الحمام..
تنهد بقووو وهو يقول انا شكلي بييب العيد اتصل بمبارك وقاله السالفة ضحك مبارك عليه وقال: وانته على طول تبين انگ مسوي شي ترا مهره مافي منها اثنين راشد لا تخسرها ارجوك.
راشد ما انتبهه لمهره وقال: الله يهديگ يا مبارك وانته تشوفني ناوي اخسرها، والله ماعندي نية اني اخسرها بس قمت اشوفها تعق كلام احس انها شاكه فيني ..
مبارگ تنهد بضيقه وقال: عمر الحب مافيه خيانه يا راشد واللي يحب ما يخون وانا مب مصدق كيف انته تحب مهره وتخونها..
راشد بتنهيده وضيقه قال: يابن الناس افهمني مهره صادتني عنها اكثر من أسبوعين كيف تبانى اتحمل جفاها يلا قول..
مبارك: بلين والكلمه الطيبه والصراحه بينكم اهم شي ، اهم حتى من الحب والاهتمام..
راشد يحط مبارك سبيكر وهو يبدل ثيابه وعاطي مهره ظهره ؛ ومهره تسمع سوالفه ويا مبارك قعدت في الممر عشان تسمع سوالفه سمعت راشد يقول: انزين مبارك انا ماقدر اصارحها بشي هذا
مبارك يقاطعه وقال: هيه ادري لانك ما تبا تخسرها بس انته تباها تعرف من غيرك عشان ضيّـع مهره من ايدگ صح راشد ترا تصرفگ وهروبگ من الموضوع غلط في غلط انته مب قاعد تعالج غلطگ انته قاعد ادمر نفسگ وحياتگ وتخسر الانسانه اللي تباها ..
راشد بضيقه وقهر قال: يعني اقولها انا معرس وعندي حرمه وحرمتيه الحين بتربي وبتيب لي ولد.
مبارك تنهد بضيقه ،وشوي وطلعت مهره وطالعته بعيونها وهي تضحگ بقهر: ههههههههه لا قولي انها ربيعتگ وهزت راسها بلا وراحت عنه صوب الكبت لبست ملابسها وراشد يطالعها بصدمه ومبارك حس انها ورط راشد وسمع مهره تقول: خل جذبگ ينفعك تتحسب اني ميته عليگ وطلعت بعد ما تلبست عباتها وراشد لحقها عند دري وهو يقول : مهره تعالى افهمي سالفه مهره كانت معصبه عليه ومقهوره دزته عنها وخطفت تمشي بسرعه ودعمت في مبارك اللي توتر وهو يشوفها كيف مقهوره وقال: مهره صبري محد يحل المواضيع بها الطريقة انتي اكبر من جيه لاتنسين انج قايله لراشد بتوقفين وياه على الحلوه والمره..
مهره بغيض وعصبيه: مابا اتفاهم ويا اخوك ، مب غصب ترا انا من حقي اني ازعل ..
حضنها راشد من ورى وهو يقول : مهره فديتج الموضوع ما ينحل بها الطريقة صبري خلينا نتافهم...
مهره وهي تبعد نفسها بالغصب منه كأنها جازتنه وقالت: لا عاد تلمسني فهمت ... انته ابعد عني هالفتره ماريد اشوفگ..
مبارك بعصبيه مسكها وهو يقول: مش على كيفج حبيبتي بتيلسين وبتناقشين الموضوع مع ريلج فهمتي ولالا ؛ وسحبهم هم الاثنين وقعدهم في صالة وقعد معاهم وبقهر قال: يهال والله العظيم محد مدرگ افعاله .
لف على مهره قال: الشرع محلل له اربع هذا واحد ، اثنين هو يحبج وشارنج وما يبا يخسرج ، ثالث شي زواجه من ثريا غلطه ويدفع ثمنها غالي ولو ما يحبج جان بيقول لج كل شي بس هو يحبج وخايف من ردة فعلج عشان جيه هو فضل انه يسكت ويشوف حل للموضوع هذا بنفسه من دون لا يخسرج ..
مهره تطالعه بطرف عينها وقالت: وانته حد حاطنگ محامي عنه جيه هو ما يعرف يرمس عن عمره ولا ماله ويه..
مبارك تنهد وهو يقول: مهره فديتج انتي الحين معصبه اهدي شوي عشان نقدر نحل الموضوع بتفاهم..
مهره بضيقه: مبارك انا مابا اسمع منه شي ولا اريد اعرف شي عنه وعن الحب ، الحين عرس خواني باقي عليه كم يوم بس وماريد شي يعكر مزاجي.
تنهد بضجر راشد وهو يقول: مهره انتي فاهمه الموضوع غلط .
صدت عليه مهره وانصدمت يوم شافت المصات اللي على رقبته وكتفه وقالت من دون ما تحس بعمرها ودموعها ماليه وييها تحس انها غيراااانه عليه وفي نفس الوقت تحس انه وجود ثريا بييب مشاكل بينها وبين راشد قالت بغيره: انته لو فيگ خير ماخليتها تعلم في رقبتگ وانته تعرف ان وراگ حرمة ثانيه في البيت تترياك لكن والله يا راشد من عقبها تحرم عليه فهمت ولالا وطلعت عنهم وهي تصيح قالت لدريول وهي تركب سياره: روح العين ...طرشت للمر مسج أعتذار انه صار لها ظرف وراحت العين ..وكلمت اليازيه وتعذرت لها ان ما تروم توصلها واليازيه قالت لها انا رخصوني اليوم وانها بتطلع البيت بعد شوي ومهره كلمتها وهي منحرجه شوي من اليازي انها ما وصلتها وسكرت عنها...
|