صح لسانك واسعد الله مساءك وعلى ماقالوا كيبورديه وخانة الكتابة معرضة للسهو
يا صاحبي رايي عليك تمردغه او تضربه
وان مات منهم بين ايديك ب ندعي الله يحلله
والشبك لا ماله ضرر هش الدبش ثم ازربه
حرام في مثلك قصاص والموت كلٍ يوم له
الناس مثل المطبعه صفحة لسانه تكتبه
واللي تطيب قرايته وسط البشر نوماس له
خل النظر عند النخل أما بلح ولا رطبه
والحرمله يا صاحبي مهما تسوي حرمله
واكبر دليلي ماا مضى والعام هذا م قربه
يا كثرهم عيا يجي دور البطوله يقبله
واللي يحب درب الردى خله يذوقه مشربه
لا تلتفت بدروبها فيها الخطاوي بهذله
اللي على السهل الثرا رجم الوفاء يستصعبه
واللي يمد الطيّبه يلقى قرين السنبله
|