يقولون الهوى ظالم وأنا اقول الهوى مظلوم
تعلق به مطافيق تحوس الحب وتخونه
الا يا عزتي له من طعون المجتمع واللوم
تحمل صدمة ايامه وذاق المر وطعونهـ





يناجي حظه العاثر ولا جاء من طرفه علوم
لعل الناس تصرف عن نظرها لذة جنونه
الا يا وقتنا اللي فات ما يخفاك علم اليوم
تشوفه في عيون العاشق اللي بار مضنونه .




تصبر يا زمن الصمت وإعلان صرخة المهزوم
مصير الجاهل الغافل يشوف الدرب بعيونه
الا ياللي تحسب ان الفرح مكتوب لك ويدوم
لابد انك تشوف العكس لو يمشى على هونه



ترى دنياك فيها واحد ما طاوبه محروم
وكل كتب له شربه وزاده وسط ماعونه
يا كم من واحد معنا ولكن في العدد معدوم
وكم من واحد ذكره بقى والروح مدفونة
رضينا بالمقدر والمقدر للبشر مقسوم
وحكم الرب ماضي ما يحول العبد من دونه


مما رآق لي

ربي يحفظك لي ياأمي ولايحرمني اياك