نشيد كنت/ي تحبه / تحبينه أيام الطفوله ؟؟
من اول سؤال راحوا الطيبين ههههه
والله مافيه بالي الا
الله رب الخلق ... أمدنا بالرزق
إذا دعاه الداعي ... يحق المساعي
وكل شيء عنده ... بحكمت أعده
الله الحين صرت الحنها بعدها ههههه
شخصيه كرتونيه كنت/ي تحبه/تحبينها ؟؟
كنت احب سانشيرو الله والكابتن ماجد
الله يالكابتن ماجد كنت اسنتر العصريه وياسلام تنتهي الحلقه
وهو باقي يجري بالكوره حلقتين يادوب يوصل للباب هههه
،،،،،
كيف كنت/ي ايام طفولتك شيطان/يه ولامؤدب/ه ؟؟
لا شقاوه بس ب أدب
،،،،
ماهي المواقف اللي عرضت فيها اهلك للاحراج؟؟
والله اذكر مره وافتكر الموقف كان عندنا ضيوف
وبوم جابوا العشا وبيقلطون الضيوف
جيتكم جري وانط وسط المفطح ههههههه عاد اذكر
جاني كف على الطاير
::::
هل كنت شخص ذو شخصيه قويه أم مغلوب عليه ؟؟
لا كنت راعي واسطات من جدي وجدتي الله يرحمهم
واعمامي عاد اللي فيه خير يزعلني بومه اسود
::::
اكبر عيديه جمعته/جمعتيه كم ؟؟ ومن مين ؟؟
والله مااذكر بالضبط بس يطلع شي طيب
::::
يوم كنت/ي طفل/ه تلع/بين بكمبيوتر العائله ؟؟
لا ماماكان فيه الا اتاري ههه باك مان
::::
من كـان يدلعك أكثر أبوك او أمك ؟
امي الله يرحمها ويغفرلها
::::
اســم دلعك بالطفوله لحد الان ينادونك به ؟؟ وماهو ؟؟
حمودي
هذا الاكثر الى الانلازلت اسمعه
::::
بطفولتك كنت/ي تبكي/ن إذا ماجلست/ي بالاول بالطابور اوالفصل ؟؟
لا والله الا فكه من الصف الاول
،،،،
عندك لعبه موجوده من صغرك إلى الآن ؟ وماهي ؟
لا خلاص ماعاد به شي من اول العالم تطورت
مع الالكترونيات
،،،،
هـل كـنت/ي تـعانـ/ين مـن اخـطاء فـي مخـارج الحـروف
لا الحمدلله تمام
،،،
.. (الوح=أروح) عثير= عصير ؟؟؟خبذ =خبز؟؟
اجمل موقف صار لك بطفولتك ..ومازال عالق في ذاكرتك؟؟
كنت بطل في البرتقال وطعنها بالسكين ماعندي مشكله اطعن
وامشي هههههه
:::::
شو الالعاب اللي كنت تلعبها بطفولتك وايش اكثر لعبه تحبها ؟ومع مين تحب تلعب اكثر شيء ؟؟
كنت مدمن ركوب السيكل ،كان عمي الله يرحمه يحمسني
يسوي لي حركات واجي مسرع وانط بالسيكل
:::::
أجمل مكان سافرت له وانت صغير وتتمنى ترجع له ثااني ؟؟
كنت احب جده والحمدلله استقريت فيها
:::::
هل مر عليك موقف بطفولتك خلاك تكره شخص معين واذكر الموقف ؟؟
لا والله ابدآ طفوله دلع
:::::
كم مرة انضربت ..او كنت تنضرب كثير؟؟
اذكر جاني كف من عمي للحين يطنطن في راسي
هههه ودايم اذكره فيه
:::::
كيف مستواك الدراسي ممتاز ..ولا كسلان ..ولا نص ونص ..؟
كنت ممتاز وبعدها اهتزيت وصرت نص ونص
::::
واخيراً ..ماهو الحلم البريء ..حلم طفولتك..كنت تتمنى ان يتحقق..!
كنت احب اطلع لاعب كوره وكنت قريب من هالحلم
وجاني عضو شرف من الاهلي وكلمني في احد الدورات الرياضيه
بس خوف من ابوي رفضت لاني عارف انه بيرفض
::::
كلمه اخيره تهديها لطفولتك..!!
ياليت ان الزمن يرجع ورى ولا الليالي تدور
ويرجع وقتنا الأول وننعم في بساطتنا
زمان اول احس انه زمانًًًًٍٍ فيه صدق شعور
نحب ونخلص النيه.. وتجمعنا محبتنا
زمن ما فيه لا غيبه.. ولا حتى نفاق وزور
ياليته بس لو رجع ونسترجع طفولتنا
صغار قلوبنا بيضا..نعيش بعالمٍ محصور
ولا نعرف ابد اغراب ما غير عيال حارتنا
صحيح صغار فالتفكير لكن ماعلينا قصور
نخطط نكسر اللعبه.. وتسعدنا شقاوتنا
نروح المدرسه بدري ..ونضحك داخل الطابور
نحاول نزعج العالم في روحتنا وجيتنا
وعشان نأخر الحصه.. نخبي علبة الطبشور
نشاغب بس فالآخر.. تميزنا برائتنا
نحب الضحك والهيصه.. نحب انط فوق السور
نفرفش.. ليه مانفرفش مدام الضحك عادتنا
ولكن دارت الأيام.. وبان الخافي المستور
وصار الهم متعلي على قمة وسعادتنا
كبرناوصارت الدنيا تصف أحزاننا بالدور
وتهدينا الألم والهم غصب عن عين رغبتنا
تعبنا من بلاوينا ..أحد ضايق وأحد مقهور
وكلٍ غارق بهمه.. وفالآخر تشتتنا
وانا ما أقول غير الا وحلالاه الزمان يدور
ويرجع للورى فتره.. نعّدل وضع عيشتنا
،،،،
اتمنى وفقت
الف شكر ايقاع المطر رجعتيني ورى
وايام جميله
|