مثل ماقالت نظرة كانو بمرحله ماضيه يكتفون بالثانوي وترى كان يرونه انجاز يختمون الثانويه العامه لكن الان
الاغلب يدخل الجامعة او تكون بنيته لكن بسبب ظروفه المعيشيه مايقدر يواصل فيضطر للبحث عن عمل وتكوين
نفسه فالجامعة والله جدا صعبة الواحد يركز بالدراسه والظروف القاسية تنهشه نهش صعبه جدا يعني بعضهم
ينتقل من قريته وحالته المادية تعبانة ويستاجر سكن وعقد الزامي لسنة كاملة ومساكن الجامعه معروفة ماتنفع بريال واحد سجن موسكن
وغير المواصلات وطلبات الابحاث والاعمال امر يفوق طاقة الطالب حتى المكافاة ماتكفي حق اسبوعين كامله
فالاغلب يفهم هالامر بحكم تجارب من حوله فمايبي يضيع جهده وطاقته ويغامر بطريق غير واضح نهايته
انا سلكت هالطريق وذقت معاناة وتعب حتى علقت بالوسط بس تجاوزته والحمدلله ودخلت التعليم وانتهت
هذه السنوات الامر صعب والله يكون بعون طلاب الجامعة الان ظروفهم اصبحت اصعب منا بالسابق
وحتى اللي مايكمل الجامعة امره صعب
والصعوبة الحقيقية ان الانسان يكون بوظيفة او ظروف يشوف انه يستاهل وضع احسن لكن الواقع يحشر انفه بالارض ويلصقه رغم محاولاته الا انه يفشل ويخذل كان الله بعون الجميع فعلا
لكن فيه شي ابي اكد عليه الصبر والتحمل والثقة بالنفس تخلي الانسان يفعل المستحيل ولابد له من دفع ثمن لذا كله سواء على حساب صحته اوامور اخرى بس بالاخير يستاهل التضحية فعلا
والله العظيم مستحيل شخص يجتهد ويصبر ويخطط زين ولاينال مراده هذا قانون من قوانين الطبيعة مصيره بيوصل مهما طالت السنوات بس يصبر شوي ويتحمل
|