منتديات قصايد ليل - عرض مشاركة واحدة

05-21-2012

بعد إنتهاء الإجازه رجع الكل يداوم
الساعه 8صباحآ
(في جامعه الملك سعود للبنات):
كانت شهد جالسه تلف عباته مرت من عندها وحده مستعجله ومن العجله طاح منها جوالها.
شهدخذت الجوال ونادت البنت لاكن للأسف البنت أختفت.
سمر:هااااااي.
شهدأرتاعت:هلا وأنتي ماتعرفين تهدين صوتك روعتيني.
سمر:هههههههه معليش ياشهوده ماأقصد شفتك سرحانه فقلت أخرعك هههههههه.
شهد:صدق بايخه.
سمر:تعالي البنات مجتمعين في نفس المكان اللي دايم نجلس فيه ومجهزين الحلا والقهوه جبتي الفطاير.
شهد:إيه خذي ذا الكيس .
سمر:واو كاكاوات وفطاير وشيبسات البنات بينهبلون.
شهد:خلينا نروح لهم أحسن.
خبت شهد الجوال بشنطتها وجلست مع البنات.
سلمت على الكل وأجلست فجأه رن جوال البنت شافت الشاشه المتصل حمد ردت عليه يمكن يعرف صاحبه الجوال.
شهد:ألو.
حمد: هنوده كيفك.
شهدأرتبكت.
حمد: حبيبتي نسيتي بوكك مع السواق هو واقف برا روحي خذيه وثاني مره لاتنسينه أوكيه.
شهد تنحنحت:السلام عليكم أخوي أنت تعرف صاحبه هذا الجوال.
حمدتعجب:من أنتي وين هنادي.
شهد:والله أنا كنت واقفه ومرت وحده مستعجله وطاح منها جوالها وأنا ماأدري منهي.
حمد: حصل خير.
شهد:ممكن تعلمني أسمها وباي قسم عشان أوصل لها جوالها.
حمد:أنتي تدرسين بالجامعه.
شهد بحده صوت:ممكن تعطيني أسمها.
حمد:هنادي محمد زايد أل.......قسم محاسبه.
شهد:مشكور مع السلامه.
سكرت قبل لايتكلم وماعطته فرصه يشكرها.
سمر:وش فيك وجهك محمر.
ساره:ههههههههه شكلك مضحك.
شهدقالت لهم كل السالفه وضحكو عليها.
جواهر:أنتي تعرفين البنت.
شهد:إيه هي في نفس قاعتي نسيتوأني أدرس محاسبه.
سمر:شكلها متأخره على المحاضره إلا على فكره ليه ماحضرتي محاضرتك.
شهد:أنتو السبب أغريتوني بالقهوه وأقنعتوني ماأحضرها.
جواهر:هههههههههههه صدق خبله.
شهد:طالعه عليكم هههههههه.
وكملوجلستهم بسوالف وضحك.
الساعه 10 صباحأ أتجهت شهد للقاعه وسألت عن هنادي وشافتها جالسه تبكي.
شهد:عفوآ الأخت هنادي.
هنادي:إيه أناهنادي.
شهد:أنتي هنادي بنت من.
هنادي: بنت محمدزايدأل....
شهدأبتسمت لها:جففي دموعك وخذي جوالك.
هنادي بفرحه:وشلون لقيتيه.
شهد:أناشفتك وأنتي مستعجله وكنتي تركضين وطاح منك جوالك.
هنادي: تصدقين أنا أول مره اجي لجامعتكم لأني درست بدبي وجيت أكمل دراستي هنا وماأعرف متى المحاضرات ولاأعرف أحد.
شهد: اها أنتي جديده هنا.
هنادي:إيه.
شهد:أنا شهد ثالثه جامعه قسم حسابات.
فرحت هنادي:حتى انا في ثالثه جامعه ونفس القسم.
شهد:أجل وش رايك أخذك بجوله حول الجامعه وأعرفك بأقسامها.
هنادي:مشكوره ياقلبي.
شهد: ولو العفو.
شهد أخذت هنادي بجوله في الجامه وعرفتها بصديقاتها وصارت هنادي جزء من شله شهد وصارت بينهم صداقه قويه.
وهنادي من راحت لبيتهم وهي تتكلم عن شهد عند أمها وأخوانها في كل شي.
في بيت أهل بندر
في صاله البيت
بدور:خالي بندرأنت ليش ماتجلس معنا.
بندر:مشغول.
بدور:بس أنت دايم تجلس بجناحك وماتنزل عندنا أول يوم فيه شهد كل يوم تنزل وتسلينا وتضحك معنا الحين غير ماتجلس ولاتحاكينا أبد.
عهود نزلت وهي كاشخه:السلام.
وقفت نوره وراحت لغرفتها وهي تناظر عهود بنظره كراهيه.
نجودوقفت:جاء تركي ياالله بدور خذي اخوانك ونادي الشغاله بنمشي.
بندر ضاق صدره من تزوج عهود والبيت كئيب أمه حزينه أبوه دايم يناظره بنظره أسى وعتب وأخته نوره ماتتكلم معه وغير كذا إذا جت عهود كل وحده تقوم من مكانها وتطلع أو تجلس تقرأ مجله أو تلعب بجوالها ولاحظ كراهيتهم لعهود وتجاهلهم لها
ولاحظ أن عهود ماتهتم لأمر أهله أبد.
عهود:وش فيهم من شافوني أطلعو.
بندر وقف:أسألي نفسك.
راح للجناح وعهود منقهره من تصرفاته ماتدري أن كلام بدور فتح جرح في قلبه كان ناسيه وهو شهد.
جلس بغرفته وهو متضايق:ياالله وش صار لشهد تزوجت ولا لا وولدي خالد هل ياترى بيعرفني إذا شافني ولالا.
دخلت عهود وكالعاده سحرته بإغرائاتها وخلته ينسى حتى نفسه.
مرت سنه بسرعه البرق وصارت هنادي توام روح شهد وكل أسرارها عندها
وفي يوم من الأيام شهد أعطت هنادي سيدي كتبت فيه كل مذكراتها من تزوجت بندر إلين يوم طلاقها وكل شي عنها مكتوب فيه خواطرها احاسيسها معاناتها كل شي مكتوب.
وهنادي من قرت السيدي وهي تبكي وتدعي على بندر وصارت كل يوم تمدح في شهد عند أهلها
ام حمد:بصراحه من كثر ماتسولفين عنها جاني فضول أشوفها.
حمدان:أعزميها عندنا.
أم حمد:إيه أعزميها.
حمد مب يمهم صح أن شهد خشت مزاجه من كثر ماتمدح فيها هنادي بس هو شال فكره الزواج من راسه.
حمدان: أبي أعرف هي تاجره.
هنادي:لا هي من الطبقه الوسطى تدرس وتشتغل في نفس الوقت.
أم حمد:هي ليش تشتغل؟.
هنادي:هي ماتحتاج فلوس بس تبي تجمع فلوس تدخرها لعيالها.
أم حمد بصدمه:هي متزوجه.
هنادي:هي تزوجت واحد مليارديركان أكبر منها بسبع سنوات أوتسع سنوات كان عمرها 15سنه يوم تتزوجه ماكانت تدري أنه مليارديركانت تظن انه واحد عادي الكل مدحه لأنه خلوق وطيب فتزوجته وبعد الزواج أكتشفت انه ملياردير كان يبي يشوف هل هي طمعانه ولا لا وصارت ماتفكربشي أسمه فلوس لأن أهلها ماقصرو عنها بشي والفلوس ماتهمها.
حمدان:معقوله فيه أحد مايهتم بالفلوس.
هنادي:إيه شهد والدليل أن رصيدها بالبنك 500,000ومحد يدري عن هذا المبلغ .
حمدان:كيف جمعت هذا المبلغ.
هنادي:أشتغلت مصممه ديكورات وصممت تصاميم حلوه وباعتها بمبالغ وجمعت الفلوس عشان تأمن مستقبل عيالها لأنها ماتبيهم يروحون لأبوهم اللي باعهم عشان بنت عمه.
حمدان:صراحه رحمتها.
أم حمد:هنادي قولي لي قصتها.
هنادي فلت كل الشريط وقالت لهم سالفه شهد بالتفصيل الممل حمد تأثر وبان عليه التأثر.
حمدان:حمد وش فيك.
حمد:وش عليك أنت المهم هنادي صديقتك ذي تقبل صدقات.
هنادي شهقت:تبي تذبحني أنت الحين هي يوم تطلقت رجعت لزوجها كل العمارات اللي كتبها بأسمهاورفضت تاخذ منه ريال واحد حتى المصروف اللي يرسله لولده يرجع له ومانقص منه شي شهد لوتموت جوع ماتمد يدها لأحد كرامتها فوق كل شي وبعدين راتب أبوها 20,000 ريال مااعتقد تحتاج شي.
أم حمد رق قلبها لشهد:أعزميها وأناأمك.
هنادي:أنشاء الله.
حمد راح لغرفته شاف لاب توب هنادي مفتوح شاف حافظه مكتوب عليها مذكره توأم روحي شهوده فتح البلوتوث وأرسلها لجواله وشاف الماسنجرمفتوح دخل عليه شاف رساله تنبيه والمرسل شهد.
أبتسم هذا معناه أنها موجوده على الماسنجر.
اتصل على هنادي وقال لها أنه يبي يستعمل لاب توبها لأن لاب تبه خربان وطبعآ هذي كذبه منه وهنادي على نياتها وافقت وهي ماتدري ان حمد ناوي على نيه.
دخل الماسنجر منتحل شخصيه هنادي وكتب:
(هنــــــوده الحلـــــوه):
باك معليش شهوده تاخرت عليك.
(بقايا قلب محطم):
هلاقلبي وينك لي ساعه أرسل لك ماتردين.
(هنــــــوده الحلـــــوه):
كنت مع الأهل المهم شهوده كنت باسالك ليه تزوجتي؟ معليش على هذا السؤال بس عندي فضول.
(بقايا قلب محطم):
تبين الصراحه كنت مراهقه وهمي سعه الصدر ماكنت أهتم غني ولا لا همي أنبسط وكنت أحب المغامره وكنت اشوف أختي تمدح في زوجها وتحبه ويحبها فقلت أتزوج يمكن أصير مثل أختي بس صارت حياتي كلها تعاسه.
(هنــــــوده الحلـــــوه):
ياقلبي والله ماكنت أدري طيب ليه هوطلقك.
(بقايا قلب محطم):
لأنه كان يحب بنت عمه ومن درى أنها تطلقت تزوجها علي ماتحملت لأنه خانني قدلم عيني.
وبدت شهد تقص لها كل القصص المؤلمه وهي ماتدري أن اللي يكلمها بأسم هنادي هو حمد.
(هنــــــوده الحلـــــوه):
لويخطبك أحد بتوافقين.
(بقايا قلب محطم):
لا إلا إذا كان إنسان يقبل يعامل عيالي كأنهم عياله.
حمد ضاق صدره
(هنــــــوده الحلـــــوه):
شهود تكفين أرسلي لي صوره عيالك.
بعد دقيقتين وصلت رساله فتحها لقاها صوره ثلاث أولاد وفيهم جمال سبحان من خلقهم
حمد انبهر من جمال عيالها.
(هنــــــوده الحلـــــوه):
شهود وش أساميهم.
(بقاياقلب محطم):
الكبير خالد سبع سنوات والتوأم نايف ونواف ثلاث سنوات.
(هنــــــوده الحلـــــوه):
الله يخليهم لك.
(بقايا قلب محطم):
أمين.
هنادي أتصلت على شهد وأنصدمت يوم قالت لها شهد أنتي الحين تسولفين معي بالماسنجر ليش متصله تذكرت أنها فاتحه إيميلها وماسكرت اللاب توب فعرفت أن حمد هو اللي يسولف مع شهد ضحكت وراحت لغرفه حمد.
دخلت وشافته متضايق وهموم الدنيا كلها براسه وهو يقول:ياقلبي عليها ماتستاهل.
فقالت:أحم أحم وش تسوي.
حمد أرتاع وسكراللاب توب وقال: متى دخلتي.
هنادي بإستهبال:من قلت ياقلبي عليها ماتستاهل .
حمد:بنت وش قلت أنا.
هنادي:تراني كاشفتك دقيت على البنت وقالت لي أنتي الحين تسولفين معي بالماسنجر ليش متصله هههههههههه حمد علي هالحركات المهم وش رايك تتزوجها.
حمدأنصدم من كلام أخته توقع أنها بتفضحه.
هنادي:حمدهي طيبه والله وحبيبه وأنت تتمنى أطفال هي صغيره وعندها 3أولاد وش رايك تستر عليها وتعامل عيالها كنهم عيالك.
حمدماعجبه الوضع:أقول خذي لاب تبك وأطلعي.
هنادي لقتها فرصه:حمد وش رايك اكلم البنت بالمايك وبقول لها قصتك وبشوف وش بتقول بس ماراح أقول لها أنك أخوي.
حمدطالعها بنظرات تعجب عجبته الفكره بس حب يكابر.
هنادي فتحت المايك وطولت على السماعات عشان يسمع حمد الكلام.
هنادي:معليش بس تعبت من الكتابه.
شهد:حتى أنا والله تعبت المهم حبيبتي وش عندك من دخلت الماسنجر وأنتي تسأليني أساله طويله حسيت أني داخله تحقيق موماسنجر.
حمدأبتسم وبينه وبين نفسه قال: ماشاء الله صوتها جميل وعندها أسلوب واضح انها مثقفه عز الطلب.
هنادي:ههههههه عادي تحدث في أرقى العائلات.
شهد:هههههه صدقتي.
هنادي تطالع وجه حمد وهي تبتسم: أقول شهد بأقول لك قصه واحد قريتها في روايه من الروايات لك خلق تسمعين.
شهد:ههههه كلي أذان صاغيه تفضلي.
هنادي: هو واحد من كان صغيرطاح من فوق حصان والطيحه أثرت عليه كثير كبر وتزوج وأكتشف انه عقيم.
شهد:ياحياتي ياقلبي عليه اه والله مايستاهل.
هنادي طالعت حمد اللي بان على وجهه الحزن وبلعت ريقها وكملت: وزوجته من درت طلبت الطلاق لأنها تبي أطفال وهذي حالته تزوج سبع حريم وكلهم طلبو الطلاق لأنهم يبون عيال من كان عمره عشرين وهو يتزوج ويطلق لأن الحريم يطلبون الطلاق وهو مايبي يجبرهم على نفسه فيطلقهم ومره تزوج وحده وحملت.
شهدفرحت: الحمد الله.
هنادي:ويوم ولدت وبعد تحليل الدي أن أي أثبتت التحاليل أنه مو ولده وأكتشف أن زوجته حملت بالحرام لأنها طمعانه بحلاله.
شهد بكت : ياحياتي والله مايستاهل اللي يجيه والله حرام ذي ماتخاف ربها عشان وصخ دنيا تزني ولا وتحمل والمسكين مايدري يحسب انه ولده ياقلبي عليه والله مايستاهل.
هنادي : طلقها وصار عمره 28 سنه وهو إلا الأن اعزب.
شهد:ياحياتي ماينلام أخذ موقف من الزواج ماينلام.
حمدلازم الصمت يسمع كلام شهد وقلبه متقطع بسببين الأول تذكر ماضيه والثاني من سمع صوت شهد عرف انها حنونه وأنقهر لأن زوجها طلقها عشان سبب تافه وضاق صدره لأنها عانت معاناه عصيبه يوم تزوجت.
هنادي:خلاص شهوده لاتبكين.
شهد:والله مو بكيفي دموعي تنزل غصب عني.
هنادي غيرت الموضوع وتغيرت نفسيه شهد وصارت تضحك وتنكت حمد أعجبه أسلوبها
هنادي:شهد ممكن سؤال؟
شهد:إسألي .
هنادي:لوأن اللي قلت لك قصته خطبك بتوافقين حتى وأن كان عقيم.
شهد:العقم مهوب عيب وكثير من الناس تعالجومنه وكثير منهم الله رزقهم بسبب أعمالهم الصالحه وصبرهم ومافي شي يصعب على رب العالمين ولوتقولين إستحاله ينجب فبقول لك مافيه شي مستحيل قدره الله عظيمه ومافيه شي يصعب على رب العالمين,
أعرف حريم مستحيل ينجبون أنجبو بسبب تقربهم لله بالدعاء والطاعات هذا البلاء إختبار من الله الأطباء مايعلمون الغيب ولايستطيعون يعالجون كل الناس هم سبب فقط ولاكن العلاج أساسآ بيد الله سبحانه.
هنادي طالعت حمد شافته مبتسم وباين عليه الراحه وكأنه مقتنع من شي.
شهد:حبيبتي مضطره أطلع من الماسنجرلأن عندي زبونه تبي تصميم ياالله باي.
هنادي:باي.
طلعت شهد وهنادي سكرت اللاب توب:هاه وش رايك.
حمد:رأيي في أيش.
هنادي:في شهد.
حمد:هي كم عمرها؟
هنادي:24سنه ليه تسأل.
حمد:لا ولاشي بس مجرد سؤال المهم أنتي مطوله بجلستك هنا.
هنادي عرفت انه يبي يجلس لحاله.
طلعت بدون ماتتكلم وهي تدعي من كل قلبها أن أخوها يتزوج شهد.
حمد بينه وبين نفسه:البنت ذي غريبه رغم كل معاناتها تضحك وتنكت ولاكن شي صار لها فيها حنيه عجيبه واضح من صوتها أنها حنونه وطيبه ومشاعرها رقيقه ماشاء الله على عيالها يهبلون سبحان من خلقهم وش رايك ياحمد تتزوجها بس أخاف ماتقبلني وغير كذا أمي تفكيرها معقد يعني إستحاله بتوافق خايفه تخرب سمعتها بين الحريم العائله ياالله وش اسوي خلني أقوم وأقرأ مذكرتها عشان أعرف قصتها زين وبعدين فيها ميه ألف حلال.
وبدأ بقرائتها كتبت في بدايتها:
جلست في غرفتي واناحزينه ماسكه جوالي وولدي حولي
كنت أعاني من ألم الحمل وأبكي من مراره حظي
هذي هي بدايه قصه رحيلي لعالم مجهول ماأدري كيف بيقبلني
اليوم صرت مطلقه والسبب زوجي الأناني
اللي أهانني وانتقدني وحرمني السعاده لأجل وحده ماتسوى زباله
متخلفه همها العز والفلوس
طلقني عشانها وهذي هي النتيجه مطلقه وعندي ولد وطفل في بطني
هذي مذكره كتبتها بدم قلبي فيها أنيني وحزني وألامي
أبتدي بها بيوم خطبتي وأنتهي بها بيوم طلاقي
من هنا تبدأ قصتي ومن هناتنتهي
وهذه هي البدايه:
وبدت بسرد القصه وحمد يقرأها ومع كل موقف حزين يضيق صدره عليها
ويوم انتهى من قرائتها تأثر ونزلت دمعته للمره الأولى وجلس في غرفته وماقدر ينام من ضيقه الصدر
بعد مرور أسبوع من الأحداث الغريبه عزمت هنادي شهد وبعد إلحاح وإصرار وافقت رغم كراهيتها للروحه
وزارتهم في قصرهم دخلت وهي مومهتمه صحيح القصر يجنن لاكن مااهتمت كانت تبي الليله تعدي بسرعه لأنها مشغوله بتصميماتها دخلت للمجلس كان معها خالد ونواف ونايف.
خالد:ماما هذا بيت صديقتك.
شهد:إيه حبيبي.
دخلت هنادي:أهلين شهوده وأخيرآ جيتينا.
شهد:حرام عليك والله أني مشغوله زين لقيت لي وقت عشان أزورك .
دخلت أم حمد:هلا والله بشهد وأخيرآ شفناك هنادي كل يوم تتكلم عنك.
هنادي:يمه لاتفضحيني.
شهدوأم حمد:هههههههههههه.
ام حمد شافت عيال شهد أنبهرت من جمالهم باين عليهم أنهم عيال عز.
أم حمد: من هالحلوين اللي جايبتهم.
شهد:هذولي عيالي خالد ونواف ونايف.
خالد:أنا في ثاني إبتدائي وأخواني صغار.
أم حمد:ماشاء الله عساك شاطر.
خالدبعفويه:المدرس دايم يقول لي يابطل أنابطل.
أم حمد:هههههههههه ياحليله.
هنادي:يمه وش رايك أخلي شهد تصمم لي ديكور لغرفتي.
أم حمد: تونا مغيرين غرفتك ماأمداك.
هنادي:يمه والله أن تصميمها يقطع القلب عندها ذوق خطير تعرف تنسق الغرفه بشكل يهبل.
شهدأنحرجت فلزمت الصمت.
أم حمد:بكيفك بس شوفي ترا هذي أخر مره.
هنادي:انشاء الله شهد ياالله قومي شوفي غرفتي.
شهد: طيب مع أي مؤسسه راح تتعاملين عشان اتعامل معهم.
هنادي:لامؤسسه ولاغيرها أبيك أنتي اللي تزينينها لي ياالله قومي.
أم حمد:روحي وعيالك معي لاتخافين.
شهد راحت مع هنادي لغرفتها.
دخل حمد وشاف أمه مبسوطه وتضحك مع خالد وهو يحكي لها قصص وكانت تلعب التوأم أول مره يشوفها بهذي السعاده
دخل وسلم عليها.
أم حمد:هذولي عيال صديقه أختك.
حمد:باين عليهم أنهم عيال عز.
أم حمد:شكلهم عيال عائله عريقه.
حمد:إيه تقول هنادي ان أمهم تزوجت أبوهم وكان أبوهم ملياردير وقبيلي حتى أنه جميل.
أم حمد:تقطع قلبي عليها توها صغيره ومع ذلك تضحك.
حمد:يمه وش رايك فيها.
أم حمد:ماشاء الله سنعه وذربه وطيبه.
حمدأبتسم إبتسامه رضى وشال خالد وطيره بالهوى ولعبه وخالد فرحان ويضحك ثم شال نايف ولعبه وطيره بالهوى ونايف ميت من الضحك وشال نواف ولعبه وطيره بالهوى وهو ميت من الوناسه خالد قام ينطط ومسك يد حمد وزلت لسانه وقال بابا أنا بعد مره ثانيه.
هنا حمد وقف وأم حمد نزلت دمعتها حمد:خالد أنت تعرف ابوك.
خالد:لا بس أنت تشبه له صورته عندي.
كان خالد يتكلم ببرائه : أناماعندي أبو أبوي تركنا من زمان أمي دايم تصيح بالليل جدي يعطيها فلوس تعيي تاخذها خوالي يعطونها تعيي تاخذها هي تشتغل عشاني أنا وأخواني.
ثم أبتسم أبتسامه بريئه:أنت ماعندك ولد قدي.
حمد: لا.
خالد:خلاص انا بصير ولدك بس لاتدري ماما.
حمدأبتسم تعجب من أسلوب خالد.
خالد:خالتي وين ماما.
أم حمد وهي تحاول تمسك عبرتها: بتجي الحين.
حمد أستأذن وراح لغرفته سمع صوت ضحكه هنادي قرب من غرفتها يتسمع لكلامهم.
شهد:شوفي هنا راح أصمم لك الديكور وهنا بنصبغ البويه شوفي لازم الألوان تكون متناسقه وفي نفس الوقت كيوت .
هنادي:كم يلزمك من الفلوس عشان الطلبات.
شهد: نحتاج لأمور كثيره لاكن قبل كل شي الألوان وشرايك بدرجات الوردي مع الفوشي .
هنادي:لا.
شهد: لابالعكس هاالألوان راح تعطي غرفتك جو هادي غرفه النوم لازم تكون مريحه لاتنسين أن الألوان لها دور كبير بتغيير النفسيه أنا أفضل دراجات الوردي لأن هذا اللون مريح للأعصاب ويجيب النوم ويصلح لغرفه النوم.
هنادي:وش معنى هذا اللون بالذات.
شهد:شوفي انا لون غرفتي وردي إذا جيت من الجامعه واناهلكانه من أدخل غرفتي أحس براحه نفسيه وأعصابي تهدأ بسرعه.
هنادي:يعني تأثيراللون.
شهد: إيه.
هنادي:لا انا أبي لون أحمر.
شهد: طيب وش رايك أسوي لك وردي على حسابي الشخصي وشوفي النتيجه وإذا ماعجبك أغيره لك مجانآباللون اللي تبين.
هنادي:أوكيه بروح أشاور امي بالأول أنتظريني هنا.
شهد:أوكيه.
حمد أبتعد بسرعه عن الباب وراح لغرفته ويوم هنادي طلعت راحت لغرفته وقالت:شهد بغرفتي رح شفها وقل لي رايك بعدين.
حمد:أختي أنهبلت تبيني أشوف صديقتها.
هنادي:أخلص علي.
حمدراح لغرفه أخته وسمع شهد تكلم بالجوال كانت تكلم أخوها وقف عند الباب وماأنتبهت له كانت لابسه بنطلون برمودا أسود فيه كرستالات فوشيه وبلوزه فوشيه كت مفتوحه جهت الصدر وكانت لابسه كوتش أسود فيه خطوط فوشيه ولابسه أساور وسلسال فوشي وأسود وحاطه مكياج خفيف وضلها لونه وردي فاتح وروجها فوشي كانت تتكلم بهدوء أبتسم إبتسامه رضا يوم شافها كانت تكلم وهي تلعب بشعرها الطويل اللي واصل لأسفل ظهرها كانت تضحك على هبال أخوها وتسولف معه.
شهد:سموي أنا بأتصل على الشركه وبأطلب طلبيه , إيه بويات وفرش , لابس بصمم ديكور لصديقتي المهم كلم مديرهم لازم أروح بنفسي أخاف يغلطون بالطلبيه عاد هذي صديقتي , طيب متى بتجيني, لا ياسخفك سامي والله مالك داعي طيب وش أسوي أوكيه بأطلب مزين أوكيه باي.
شهد لمحت ظل أحد واقف ظنت أنه هنادي وقفت ورفعت عيونها وقالت: هنادي انا لاز....مم....
أنصدمت طاح منها جوالها ومن الربكه خذت طرحتها وتغطت.
أبتسم وقال:أسف بس كنت أدور هنادي أعذريني.
طلع وتركها ترتجف من الخوف.
دخلت هنادي شافت وجه شهد متغير عرفت أن حمد شافها ضحكت : وش فيك شهوده.
شهد: لا ولاشي بس مضطره أمشي.
هنادي:ليه أخوك بيجي.
شهد:لا بأطلب مزين وبيجي.
هنادي:مجنونه انتي تروحين مع مزين ألحالك لامافيه.
شهد:اخوي مشغول وأناتأخرت.
هنادي:خلينا ننزل وفيها ميه ألف حلال.
دخلت هنادي للمجلس وشافت أمها مبسوطه بعيال شهد:يمه شفتي شهد بتطلب مزين.
أم حمد:لا مافيه وش مزينه لا إذا تبين تمشين فيه السواق تروح معك هنادي والشغاله يوصلونك ويرجعون.
شهدأنحرجت:لامعليش ياخالتي مضطره أمشي.
مرحمد من المجلس وتنحنح تغطت شهد:يمه تامريني شي قبل ماأطلع.
أم حمد:قل للسواق يجهز السياره.
حمد:ليه في هالوقت المتأخر.
أم حمد:صديقه أختك أخوها أنشغل ومايقدر يمرها وتبي تروح بمزين فقلنا يوديها السواق وبتروح معها هنادي والشغاله.
حمديصرف: هي وين ساكنه.
هنادي:في حي الـ..........
حمد:عاد أنا كنت بروح هناك.
هنادي:ليه وش يوديك.
حمد:واحد من أخوياي ساكن هناك ونسيت عنده غرض وبروح أجيبه من عنده هنادي ألبسي عباتك بنوصل صديقتك انا أنتظركم برا.
شهد أنحرجت: لاماله داعي.
حمد:أناأنتظركم برا.
طلع وماأعطاها فرصه تتكلم.
أم حمد:ياالله لاتتأخرون عليه.
شهد طلعت وهي كارهه الروحه معه.
هنادي تعمدت تخلي شهد تركب ورا حمد أما خالد كان راكب قدام.
حمد طول الطريق يسولف مع خالد وخالد مبسوط به وضحك وسوالف شهد يوم شافت فرحه خالد بحمد تذكرت بندر دمعت عينها ودعت بينها وبين نفسها اللهم أنصرني على كل من حقر بي وبعيالي . كانت تقصد بندروعهود.
كان حمد يطالع المرايه فجأه ألتقت عينه بعين شهد للحظات حس بإحساس غريب يبي ينزل عيونه مايقدر حس بالحزن بعيونها وفقدان الأمان تذكر قصتها اللي قرأها هي نزلت عيونها بسرعه وجلست توصف البيت بصوت يرجف ووصلو للبيت نزلت شهد بعد ماشكرت هنادي على التوصيله راحت تفتح الباب ودخلت.
هنادي:أحم أحم نحن هنا وين سرحت خلاص البنت دخلت ليه تطالع الباب.
حمد يصرف: توقعت أنها فقيره لاكن بيتهم زين من برا.
هنادي:طيب وش رايك فيها.
حمد:أقول ترا ماتنعطين وجه ياالله أركبي قدام وخلصيني.
هنادي: طيب وخويك اللي بتمره.
حمديكذب:بكره بمره صعبه أمره وأنتي معي.
هنادي:بكيفك.
بعد مروريومين بدت شهد بتجهيزديكور غرفه هنادي كانت تصبغ الغرفه لأنها فنانه بالصبغ وتعرف تعتق الغرفه وتعرف تسرمكها تعلمت كل هذي الأمور من مقاول مؤسسه كانت تشتغل معه وصارت خبيره في هذي الأمور
كانت لابسه بنطلون جنز أسود وبلوزه ورديه ورافعه شعرها ذيل حصان وولدها خالد جالس مع أم حمد في الصاله وهنادي كل شوي تدخل الغرفه وتتفلسف وشهد مب يمها لأنها ماتبي تغلط في البويه أو تسوي شي غلط فكانت جالسه على أعصابها .
حمدعنده فضول يبي يعرف شهد وش بتسوي بغرفه أخته كان يطلع من غرفته ويطالع باب غرفه هنادي عل وعسى يلمح شي بسيط لاكن ماقدريشوف شي نزل للصاله شاف هنادي تلحق خالد وتلعب معه ونواف ونايف كل واحد جالس على رجول ام حمد وكانت مبسوطه والدنيا موسايعتها من السعاده.
حمد:السلام عليكم وش عنها الوالده مبسوطه أول مره أشوفك تضحكين كذا.
أم حمد تنهدت:أحد يشوف هالحلوين وتبيه يكون مومبسوط تمنيتهم عيالك.
خالد ركض لحمد:شلني ذي بتموتني.
حمد شال خالد:منهي اللي بتموتك.
خالد أشر على هنادي اللي في يدها كيكه.
حمد:وش فيك على الولد.
هنادي:صلحت له كيكه لأنه طلب مني أسويها له ويوم صلحتها قال وع طعمها.
خالدطلع لسانه لهنادي:أساسآ أنتي ماتعرفين تصلحينها زي ماما.
هنادي:شف أبن اللذين خلود تعال أحسن لك ولايعني شفت حمد قلت تحتمي به تراه مب نافعك.
خالدبعفويه:هوباباتي وبيساعدني بابا شف هنادي.
أم حمدماتحملت قامت وراحت لغرفتها عشان حمد مايشوف دمعتها.
هنادي:خالد هذا موبابا.
خالدتعلق بحمد:لاهذا باباتي يشبه بابا كثير هو بابا.
حمدلعب خالد ونزله بالأرض وراح لأمه طق الباب من صوتها واضح أنها تبكي:يمه انا حمد.
فتحت الباب بعد مامسحت دموعه:بغيت شي وأنا أمك.
حمدأبتسم:إيه.
دخل وسكر الباب وراه وحط راسه على رجل امه وأمه مسحت على راسه:وش بغيت وأنا امك.
حمد:يمه أنتي تحبين عيال صديقه هنادي.
أم حمد: إيه دخلو قلبي من أول يوم شفتهم فيه وامهم ربتهم على خلق زين ماشاء الله والله أني تمنيت أنهم عيالك وأناأمك في هاللحظه اللي زارتنا فيها شهد وعيالها حسيت أنها من دخلت للبيت جابت السعاده معها مدري وش اللي صار بس أناتعلقت في عيالها وهي ماشاء الله صحيح أنها موقبيليه لاكنها تدخل القلب مع أنها أم عيال لاكن أسلوبها أسلوب طفله تحتاج من يحميها ويصون عرضها لوتشوفها وهي مع عيالها تقول كأنهم أخوانها موعيالها كنت أقول أهم شي النسب والعز لاكن من شفت شهد وأنامنبسطه منها تصدق حلمت فيها أكثر من مره مدري وش السبب بس تبي الصراحه وأنا أمك قلبي حبها وحب عيالها كذا من الله بدون سبب بصراحه من دخلت بيتنا وهي مفرحتني .
تنهدت بقوه: مدري وش بسوي لاراحت من عندنا.
حمد لاحظ حزن أمه وأستغرب منها لأن أول مره في التاريخ وحده تسيطرعلى قلب أمه لأنه يعرف أمه متسلطه ومايعجبها العجب وللمره الأولى تلتفت لأطفال وتلعبهم وتمازحهم بمحبه كأنهم عيالها.
حمد:يمه وش رايك بشهد.
أم حمد أبتسمت إبتسامه إنتصار لأنها وصلت لمرادها.
حمدفهم إبتسامه أمه:يعني شكلها عيالها يشبهون لها طريقه كلامها.
أم حمد:ههههههههههههههه,أختصرالكلام وقل أنك تبيني أخطبها لك.
حمد أرتبك أم حمد:ياحليله وليدي قام يستحي.
حمدأنحرج لأنه خجول:يمه وأنتي تفسرين سؤالي أني أبي أتزوجها.
أم حمد:إيه تبيها والله أني يوم شفتك شايل عيالها والله حسيت أنهم عيالك ويوم ناداك خالد بابا شفت بعيونك حنان الأبوه.
حمد:طيب هقوتك بتوافق.
أم حمد:ومن وين بتحصل واحد أحسن منك.
حمد:لابس يعني عقيم.
أم حمد:هي عندها عيال وهذا هو الأهم وماتدري يمكن تجيب منك عيال إذا أنت اهتميت بعيالها وسترتها.
حمد:طيب متى تكلمينها.
أم حمد:اثقل وأنا أمك خل الحرمه تخلص من تجهيز غرفه أختك وبعدين تكلم.
حمد:مدري يمه خايف.
أم حمد: من أيش.
حمد:ترفضني.
أم حمد:اللي الله كاتبه بيصير.
حمد:طيب متى بتخلص من تجهيز غرفه هنادي.
أم حمد:ترا الشغل فيها صعب لاتنسى أن غرفه أختك كبيره مره بس خل الحرمه تجهز الغرفه على مهلها.
حمد:اللي تشوفينه.
أم حمد:حمد أنت تبيها.
حمد سكت مايدري هو ليش يبي يتزوج شهد مايدري هل هي رحمه منه لها ولا لعيالها ولاعشان أمه اللي ماقد فرحت من مات أبوه ويبي يفرحها مايدري.
أم حمد:وش فيك رد.
حمد:إيه.
أم حمد:على بركه الله.
بعد مرور أسبوع أنتهت شهد من تزيين الديكورات وشرت إضائات تناسب الغرفه وكلها رومنسيه وراحت للسوق وشرت أثاث جديد لغرفه هنادي وجو العمال وشهد نسقت ترتيب الغرفه ويوم أنتهت حاسب العمال وقالت لخالد ينادي هنادي.
خالدراح ينادي هنادي شهد:مستعده تشوفين غرفتك.
هنادي:إيه تكفين أسبوع حرمتيني أشوفها .
فتحت شهد الباب دخلت هنادي طارت عيونها من مكانها كانت الغرفه ولافي الأحلام كانت شي كلمه خطيره وروعه وجنان قليله عليها صرخت ونادت أمها وأخوانها دخل الكل وماأنتبهو لوجود شهد.
حمدان:متأكده ذي غرفتك ولاهذي الغرفه الخطأ.
حمد:ماشاء الله كلمه إبداع قليله عليها.
كانت الغرفه بنوتيه ورومنسيه ومنسقه تنسيق كامل.
أم حمد:لاإله إلا الله ماشاء الله .
حمدان:تسلم يد اللي زينها .
طبعآ حمدان مايدري عن اللي مسوي الغرفه كان يظن أن الشركه اللي يتعاملون معها هم اللي زينو غرفه هنادي.
هنادي:تسلمين لي ياشهوده.
حمد وحمدان أنتبهو للي واقفه جمب هنادي ولابسه عباتها وأنحرجوأ.
أم حمد: ياالله أنت وياه أطلعو خلو البنت تاخذ نفس توها مخلصه من الغرفه.
شهد: ماعليش ياخالتي اساسى أنا ناويه أمشي جاء أخوي ياالله خلودي مشينا.
أبتعد حمد عن الباب ومرت من جمبه مايدري وش اللي خلاه يلتفت ورا ويشوفها .
حمدان:يابو الشباب تراها راحت ماله داعي تناظر ورا إلا إذا كنت تتخيل سرابها فهذا شي ثاني.
حمد:يمه لاتنسين اللي أتفقنى عليه.
أم حمد:تصدق أفكر اقولها تغيرغرفتي هههههههههه.
حمد:يمه لاحقين بس أنتي تممي الموضوع.
حمدان : وش السالفه.
هنادي:شكل اخوك قرر يتزوج.
حمدان: ومنهي سعيده الحظ.
هنادي:اللي من شوي مرت قدامك.
حمدان: منهي ذي.
هنادي:ذي شهد صديقتي اللي كن أتكلم عنها.
حمدان ضاق صدره من كثر ماتتكلم عنها هنادي دخلت قلبه وحبها حب من طرف واحد ويوم عرف بأن أمه تبي تخطب شهد
لحمد لزم الصمت وحس أن الدنيا موسايعته بس لزم الصمت.