05-21-2012
|
#23
|
شهد كانت معصبه من بندر وهو يتأسف ولاقبلت أسفه فجأه حست بغثيان أركضت للحمام أستفرغت ويوم طلعت دارت بها الدنيا فجأه طاحت على الأرض مغمى عليها دخل بندر شافها وأسرع لها يبي يشيلها ومن التوتر ماعرف وشلون يشيلها خاف أنها ماتت ولاصار لها شي لأنه عارف أنها متضايقه راح طلب أسعاف أنقلوها للمستشفى.
بندر:مدري وين اروح خفت تكون ماتت أوجاها إنهيار عصبي لأني قتلتها بكلامي ياالله أستر يارب أستر طلع لي الدكتور مبسوط قال مبروك المدام حامل تمنيت الأرض تنشق وتبلعني ولاأسمع هذا الخبر ضاقت بي الدنيا مدري ليه ماأبي يجيني عيال أمهم شهد كيف بيصير أشكالهم لا لازم تنزله ماأبيه قررت أدخل عندها قلت : الحمد الله على السلامه , شفتها مبسوطه وحاطه يدها على بطنها تتحسسه كنها مومصدقه بتصير أم طالعتني أدمعت عينها وبإبتسامه قالت بتصير أبو وأناأم ماأدري كيف تجرأت وقلت لها لازم تنزلينه شفت أبتسامتها بدت تذوب قالت ليه قلت ماأستعديت لمسأله اني أكون أب , عصبت وقالت: ماتبيه كيفك أنا أبيه وبتطلق طلق مايهم أهم شي أولدي مايموت فاهم مايموت . قلت:حسي بموقفي . قالت:أطلع برا انت واحد أناني همه نفسه وقلبه لاكن حط في بالك أن هذا الطفل يوم القيامه بيوقف بوجهك أمام الله والله مايضيع حق مظلوم. أنصدمت من كلامها فصرخت علي وقالت: توديني الحين للمطار برجع للرياض.
وافق يرجعها للرياض ألحالها وصلها للمطار وودعها وطارت الطياره ويوم طلع من المطار حس بوحده غريبه راح للفندق هدوء قاتل من تزوجها ماأفترق عنها توه يحس بقيمتها ليه مانحس بقيمه الشي إلا إذا فقدناه جلس على الكرسي حس بوحده قاتله شغل التلفزيون كان فيها أغنيه:
كل شي حولي يذكرني بشي حتى صوتي وضحكتي لك فيها شي
لوتغيب الدنيا عمرك ماتغيب شوف حالي أه من تطري علي
الأماكن كلها مشتاقه لك.
جلس يسمع الأغنيه حس بضيقه سكر التلفزيون ياالله قد أيش الوحده شينه.
بندر: من فارقتها وأناأحس بوحده وتأنيب ضمير شهد راحت وهي رافضه تنزل اللي في بطنها ليه تبيه أخاف يصيرشين مثلها عهود السبب أه ياعهود لوماعرفتك كان أحسن أه وش أسوي أطلع من الفندق أحسن لي بروح للشركه اكمل أشغالي بسرعه وأرجع للرياض لازم أراضيها.
في الطياره شهد:جن هذا الرجال صدق مجنون فيه أحد يبي يتخلص من ضناه أه ياقلبي ماكنت أعرف الهم كنت دايم أضحك ومن عرفته وأنا عايشه بحزن ليتني وافقت على الإنفصال, المهم اهم شي ولدي لاتخاف ياماما ماراح أتخلى عنك أبد.
جلست طول الوقت تسولف مع الطفل اللي في بطنها كان عمره شهرين توها تدري أنها حامل.
وصلت للرياض وماعلمت أحد بحملها غير أمها .
وفي اليوم الثاني رجع بندر للرياض ماتحمل الوحده في ماليزيا كان الكل مبسوط به من تزوج مارجع وتوه يجي لأنه 7شهور وهوبخارج المملكه بسبب أشغاله.
وفي اليوم اللي بعده كانت عائله بندرمجتمعه بالأستراحه وأم بندرألحت على شهد تحضر معهم وافقت غصبآ عنها رغم كرهها للروحه وكانوا البنات يسولفون وشهد كانت تبي تشوف عهود وشافتها أنبهرت من جمالها لاكن أنقهرت حست أنها ولاشي بالنسبه لعهود عذرت بندر يوم تعلق بها ولأن الجمعه عائليه كان الكل لابس لبس عادي لاكن شهد كانت متشخصه لأنها العروس
عهود:أنقهرت يوم شفت زوجته ماتوقعت أنك يابندر غبي صدق غبي وش يبي بذي الشيفه اللي لوتملا وجهها مكياج ماصار حلو الله لايبلانا لازم أسوي شي يحرق قلبها.
قامت عهود وأخذت جوال شهد وشهد ماتدري وأرسلت لبندر رساله كتبت فيها: قلبي تعال عند المسبح أبيك ضروري.
كانت الأستراحه كبيره والمسبح بعيد عن قسم الرجال والحريم راحت عهود وألبست مايوه أسود وطبت بالمسبح.
بندر: تعجبت يوم شفت رسالتها ماتوقعت أنها تكلمني بعد اللي صار بماليزيا قررت أروح وصلت شفت وحده وياليتني ماشفتها مدري ليه ماقدرت أبعد عيني عنها كانت لابسه مايوه أسود عرفتها من أول مالمحتها عهود ليه تسوين كذا والله فرق كبير بينك وبين شهد ليتني ضليت عزوبي أه ياقلبي.
عهود حست أن بندر واقف بعيد طلعت من المسبح ومشت وهي تسوي حركات إغراء خذت جوالها وأرسلت لشهد رساله:شوفي زوجك وش يسوي عند المسبح.
وحطت الجوال على جمب ورمت نفسها بالمسبح وسوت نفسها كأنها تغرق وبدت تصارخ بندر جاء يبي ينقذها طب بالمسبح وشالها وحطها على الأرض كانت تمثل عليه كأنها مغمى عليها ماعرف وش يسوي قرر يعطيها تنفس صناعي.
بندر: حسيت أن روحي طلعت يوم شفتها تغرق قلت لازم أنقذها لاكن هي اغمى عليها وهذا اللي خوفني عليها قررت أعطيها تنفس صناعي.
عهود:كنت مستمتعه وأنابين أحضانه وزياده على كذا كنت لابسه مايوه تعمدت البسه عشان يرجع لي أعرفه مايقاوم الجمال.
شهد:جتني رساله من رقم غريب رحت للمكان شفت بندريطلع عهود من المسبح ويبوس شفتها وهوحاضنها ماتحملت الموقف رحت له وأنامصدومه.
بندر:صحت عهود وضمتني مدري وش صارلي ماقدرت أتحمل أنصدمت واناأشوف شهد واقفه قدامي.
شهد:ماشاء الله عسى ماقاطعتكم.
بندرقام بسرعه:كانت غرقانه.
شهد:ماشاء الله غرقانه وحاضنها وطايح فيها تبويس ياليتني صورتك عشان تشوف بعينك.
عهود:كنت مبسوطه موت وانا أشوفها تهاوشه ياليت تطلب الطلاق.
شهد:لوأقول عنك زاني وعنها زانيه قليله عليكم صدق وقحه هذي بنت عمك اللي تمدح أخلاقها ونعم التربيه.
بندر:شهد خلاص يكفي.
عهود:أحترمي نفسك.
شهد:ماأدري من وين جايبه الوقاحه لاولين ألحين جالسه قدام الرجال بدون غطاء لاكن الشرهه موعليك الشرهه على الرخمه اللي جمبك لوأنه فعلآ رجال كان ردعك.
بندر: كنت أسمعها وأناأعرف أن معها حق ماقدرت أرفع عيني لها لأني أعرف أن نظرات الإستحقار بتحرقني.
عهود: تمنيت أقوم أتوطى في بطنها بس أستغربت بندر ماتكلم ولادافع عني.
شهد:هذا هواللي تبيه يابندرجالسه قدامك بمايوه بكل وقاحه وأنت تحرم عليها من رأى منكم منكر فليغيره يوم القيامه كل شي موجود في هذا المكان بيشهد على اللي صارحتى ذرات المويه بتشهد والله على ماأقول شهيد, استحي على وجهك وغطي نفسك لاكن شكلك من بنات أخر الليل اللي يجمعون الفلوس بالحرام وماليقيتي احد يشبعك غير بندر لأن زوجك ماجد مسافر من 9شهور ولاسير عليك لاكن حسافه على الشنب اللي أنت خاطه على وجهك لأنك ماتستاهله.
بندر:أنتي أرسلتي رساله طلبتي أني أجي هنا.
شهد:ماأرسلت شي لاتبرر أخطائك وتحط اللوم علي .
بندر:شوفي الرسائل المرسله .
فتحت شهد جوالها وشافت الرساله : وفيه رقم غريب قال لي أجي هنا .
دقت شهد على هذا الرقم فجأه رن جوال عهود حاولت تخبيه لاكن بندر أسرع منها شاف الرساله عرف أنه مغفل ألعبت عليه
شهد وهي مقهوره:هذي اللي تمدحها غرك وجهها وهي أنجس من الكلب.
عهود: عن الغلط.
بندر:ماقدرت أتحمل الصدمه أخدعتني صدمه والله صدمه عهود تسوي كذا ماأصدق .
شهد:هلاسامي كيفك أنت قريب طيب ممكن تجيني الحين أوكيه حبيبي باي.
مشت شهد خطوات فجأه سمعت صوت عالي رجعت شافت بندرضرب عهود كف فقالت:بدري تو الناس توضميرك يصحى لاكن خساره يابندر ماتوقعتك دنيء.
رن جوالها وراحت وهي مسرعه ماتبي تضعف قدامه خلاص دموعها بتنزل من القهرودعت الكل وطلعت بسرعه لحقهابندروأتصل أكثر من مره ولاردت عليه ركبت وهي تبكي من القهر سامي ماأنتبه أنها تبكي لأنه مطول على صوت المسجل وصلوالبيت وهي نازله أنتبه سامي أنها غيرطبيعيه شاف مشيتها غريبه وصلت للباب توها بتفتحه فجأه طاحت باللأرض.
شهد: كنت أسمعه يناديني وأسمع عهود تصارخ بندر لاتخليني لاكن بندر تركها ولحقني ماأدري وش صار لي كتمت عبرتي ودست على قلبي وطلعت بسرعه لأن دموعي بدت تنزل ويوم وصلت البيت حسيت ان الدنيا تدور بي ودي أصرخ ودي أشكي محد يمي كل إنسان له طاقه وتنفذ وأنا طاقتي نفذت كل شي يدور حولي مدري وش فيني فجأه شفت سامي يصارخ وغمضت عيني.
سامي:من ركبت معي وهي ساكته جوالها رن ألاف المرات ولاردت وفي الأخير قفلته وش فيها يوم وصلنا للبيت شفت مشيتها مثل مشيه السكران فجأه طاحت قدامي ماقدرت أتحمل أشوف حالتها كذا صرخت أناديها تذكرت كلام أمي يوم قالت أنها حامل لاتسرع بها شلتها ومدري وشلون قدرت أشيلها وركبتها السياره ورحت بها للطوارىء كانت غير طبيعيه.
بندر:جاني أتصال من سامي من قال شهد بالمستشفى جن جنوني أنا السبب أنا السبب ركضت مثل المجنون مدري وش اللي خلاني أرجع للمسبح مره ثانيه وضربت عهود كف ثاني عل وعسى تبرد حره قلبي ورحت للسياره وعلى طول للطوارىء كنت أتذكر كل كلمه قالتها: فيه أحد يتخلى عن ضناه هذي كلمتها اللي ذبحتني قابلت سامي قال لي:جاها إنهيار عصبي حاد مدري وش صار لي صرت أبكي مثل الطفل اللي ماتت أمه لأني أنا السبب طلع الدكتور يركض جابو لها نقاله ركضت مثل المجنون وش صايرقال لي: حاله الجنين والأم في خطر لازم ننقذ الأم جاها نزيف أطلبو لها الرحمه والشفاء لأن حالتها خطيره.
سامي:أنصدمت وأناأشوف بندريبكي ماتوقعت أنه يحب شهد .
بندر:نقلوها لغرفه العمليات ألحيت أدخل أبي أشوفها لازم أشوفها دخلت كنت أشوف الممرضات كل شوي يغيرون المفرش اللي حاطينه على رجولها ماقدرت أتحمل كنت أشوف الدم ينزل منها بكثره خفت أفقدها قلت شهد تسمعيني ماردت علي كانت تبكي بقهر حاطه يدها على بطنها ماتبي تفقده لاكن لازم تفقده عشان تعيش كانت تصارخ خذو عمري بس خلو أولدي كانت تصرخ من الألم وكل شوي يغمى عليها وتضعف دقات قلبها فجأه وقف قلبها.
هل شهد بتموت وبندرماهو مصيره وعهود هل بتنتقم من بندرلأنه أعطاها كفين
كل هذا بتعرفونه في البارت القادم
رجعت لكم من جديد
بندر:نقلوها لغرفه العمليات ألحيت أدخل أبي أشوفها لازم أشوفها دخلت كنت أشوف الممرضات كل شوي يغيرون المفرش اللي حاطينه على رجولها ماقدرت أتحمل كنت أشوف الدم ينزل منها بكثره خفت أفقدها قلت شهد تسمعيني ماردت علي كانت تبكي بقهر حاطه يدها على بطنها ماتبي تفقده لاكن لازم تفقده عشان تعيش كانت تصارخ خذو عمري بس خلو أولدي كانت تصرخ من الألم وكل شوي يغمى عليها وتضعف دقات قلبها فجأه وقف قلبها.
بندر:صرخت شهد أصحي ياشهد ولاشعوريآ حركتها أبعدوني عنها وجابو أله غريبه وحطوها على صدرها الظاهرأنها أله صعق كهربائيه كانو يحاولون إنعاشها وكنت أصارخ مثل المجنون:شهد أصحي عشاني أصحي والله ماراح أضايقك أأنااا راضي بك بعيبك بزينك بشينك راضي بس بس أصحي شهد لااااااااااااااااااااااا.
وجلس يبكي ويبكي وهويردد:تكفين أصحي عشاني والله لأعوضك عن الطفل عشره بس أصحي شهد لازم تصحين تكفين لازم تصحين.
وركض لها مثل المجنون حركها بقوه وهويردد أصحي شهد أصحي أدري أنك تمزحين معي أدري أنك زعلانه بس والله والله موبيدي.
فجأه زاد النزيف ورجعت دقات قلبها تنبض فتحت عيونها وبدت تصرخ من قوه الألم أبعدو بندر عنها بس مسك يدها رافض يتركها أصرخت عليه:أطلع برا أكرهك أكرهكم كلكم أكرهك أكرك أاااااااااااااااااا أكرك أطلع برا.
بندر:شهد أناأبيك.
شهد: براااا ياحيوان برا أكرهك أطلع برا.
الدكتور:لازم تساعدين نفسك.
شهد:اولدي لايموت خذو عمري بس لاتاخذونه أنا لومت محد مهتم لأمري محد يبيني.
بندر:اناأبيك وراضي فيك بس قومي بالسلامه .
هزت راسها بمعنى لا شهد:خلني أموت أخسر دنيتي ولاأحديذلني .
وبدت تصرخ مع الألم وجابو أجهزه وأدوات حاده كان بندر يشوفها وعيونه تدمع توه يحس بقيمتها وهم يحاولون ينزلون الجنين
شهدكانت تصارخ الألم فضيع وبزوجها اللي خانها يشوفها في حاله ضعفها أصرخت:برا أطلع برا أكرهك.
فجأه أنفعلت شهد ومن كثر ماتصارخ على بندر جاها إنهيار عصبي مره ثانيه أضطر الدكتور يطلعه من غرفه العمليات ,
كان جالس على الكراسي وكلما صرخت وقف وصار يدور مره رايح مره جاي أنفلتت أعصابه وكل شوي يصارخ على الممرضات لأن أعصابه تلفت وأستمرصراخها مده ساعتين وكانوبالنسبه لبندركأنها قرنين فجأه قدر الدكتور ينزل الجنين وحطه بكيس صغير وبدأ يسوي تنظيف لشهد
طلعت النيرس تطمنه دخل غصب عنهم لغرفه العمليات قرب بندرباس راسها:أسف والله ماقصدت أاذيك. شهد غمضت عينها بألم وطالعته بنظره كلها حقد وكراهيه فجأه حست بنعاس ونامت لأن الألم وقف لأن الدكتور أعطاها أبراه منومه.
حطوها بغرفه تحت الملاحظه وأستقرت حالتها دخل الطبيب النفسي طلب من بندر يطلع لاكن بندر رفض كانت عيونه مورمه من الصياح ومحمره .
طلع الدكتور وترك بندر بوسط حزنه .
كان يطالعها ويتذكر كل كلامها كل شي: فيه أحد يتخلى عن ضناه, قتلت قلبي, جرحتني بكلامك أنابشر أحس اللي خلقك هو نفسه اللي خلقني, أنت واحد أناني همه نفسه وبس يعذب اللي حوله بكلامه الجارح ولايهتم بمشاعرهم, منت رجال.
حط يده على راسه وضغط عليه بقوه يحس أنه بحلم يبي يصحى من هالحلم لاكن هذا واقع هي نايمه على السرير وجسمها موصل بأجهزه غريبه مايدري ليش حطو هذي الأجهزه قرب منها باس جبينها نزلت دمعه من عينه على خدها مسحها بأطراف أصابعه وهو بتذكركلامها كانت تقول:وش بتقول لربك لوسألك يوم القيامه وش بتسوي ساعتها لوشفت صحيفه أعمالك , منت عارف قيمتي إلاإذا فقدتني يابندر ماراح تعرف قيمه شهد إلاإذا فقتها للأبد.
جلس على الكرسي قرب من أذنها همس : أدري غلطان بس سامحيني سامحيني الشيطان أعماني .
سكت وجلس يفكر بينه وبين نفسه:أنت غبي طول عمرك غبي لاكن هي اللي أختارتني أنا قد خيرتها بالزواج أوالإنفصال لاكن هي اللي طلبت الزواج هي السبب بكل شي.
فجأه دخلت أم شهد: يمه بنتي وش فيها.
بندرأرتاع وبلع ريقه ماعرف وش يقول سامي حس بموقفه فشرح لأمه السالفه كلها.
أم وليد:ياويلي عليك يابنتي أبي أعرف ليه جاها الإنهيار من السبب والله أن قلبي ناغزني من يوم قالت لي بروح للأستراحه كانت كارهه الروحه بس أم بندرالله يهديها ألحت عليها تجي وهذي هي النتيجه.
سامي:حصل خير أهم شي أنها بخير.
دخل الدكتور:وجودكم ماله أي لزمه أعطيناها منوم وماأعتقد انها بتصحى اليوم يمكن تصحى بكره فمن الأفضل أنكم تروحون للبيت .
سامي:طيب نقدر نشوفها بكره.
الدكتور:لا الأفضل تخلونها ترتاح لأن عندها أنهيار عصبي ونفسيتها راح تكون تعبانه وأي أنفعالات بتضرها فأنا راح أمنع عنها الزياره لحد ماتتحسن نفسيتها.
بندر:يعني محد بيزورها أبد.
الدكتور:تقدر تقول كذا الحمد الله على سلامتهاوالحمدالله أن ماجتها غيبوبه لأن الأنهيار أحيانآ يسبب غيبوبه, تقدرون الأن تمشون جلستكم مالها أي لزوم.
راحت ام شهد مع ولدها سامي أمابندررفض يتركها
الدكتور:جلستك مالهاأي داعي فنصيحه مني لك تروح تريح لأنك من أمس وأنت هنا والأرهاق واضح عليك.
بندر:طيب بجلس نص ساعه وبطلع.
الدكتور: زوجتك ماراح تصحى إلا بكره ماله داعي وجودك ولاتنسى أن عندها إنهيار عصبي حاد إذا أنت سبب أنهيارها يمكن تنفعل إذا شافت وجهك وهذا خطر على صحتها فأعتبر أن الزيارات عنها ممنوعه إلا أن تتحسن صحتها النفسيه انا راح أستدعي لها طبيب نفسي متخصص بمثل هالحالات أحمد ربك أن الله ستر ولاكان زوجتك راحت فيها.
بندر:الحمدالله.
الدكتور:مضطر أتركك الأن ومثل ماقلت نصف ساعه فقط وتطلع.
بندرهز راسه بمعنى إيه.
بندر:كان الدكتور يتكلم وأنامب يمه كان همي أنها تصحى كنت أطالع عيونها عل وعسى تنفتح مافي أمل كانت الأجهزه حولها ومثبتين على جسمها أسلاك غريبه وحاطين لها أكثر من مغذي بيدها الثنتين وغير كذا حاطين لها أكسجين وجهاز تخطيط قلب كنت أشوف الجهاز كان تخطيط قلبها ضعيف ضاق صدري أناالسبب المسكينه مالها ذنب يصير لها كذا بس هي السبب بكل شي أناقلت لها في أيام الملكه خلينا ننفصل مانصلح لبعض ماسمعت كلامي وهذي هي النتيجه.
مسك يدها وضغط عليها بقوه يبيها تفتح عيونها فقال:شهد حبيبتي شهد أصحي اناهنا جمبك.
لاحظ أنه إذا تكلم شهد تعقد حواجبها كانها معصبه وإذا سكت صارت ملامحها عاديه.
جلس يتحسس وجهها وهومهموم شعوره بالذنب ذابحه عشان كذا بكى يوم حس أنه بيفقدها.
مر يومين على وجود شهد بالمستشفى والطبيب مانع عنها الزيارات بسبب الأنهيار العصبي يخاف أنها تقابل أحد سبب لها الأنهيار وتنهار مره ثانيه صحت من النوم وهي تحس أن جسمها متكسر والصداع ذابحها عدلت المخدات وحاولت تتحرك تبي تجلس ماقدرت الألم بيذبحها .
شهد: شميت ريحه غريبه أعرف هذي الريحه ريحه مستشفى فتحت عيوني عرفت أني بالمستشفى يوم شفت الأجهزه حولي أستغربت مدري وش اللي جابني هنا فجأه حسيت بصداع فضيع وحسيت بألام فضيعه في أسفل بطني أبي أتحرك ماقدرت كنت أدور على الجهاز اللي يستدعي الممرضات فجأه دخلت علي ممرضه وهي تبتسم: كيفك اليوم شهد.
شهد:أه الحمدالله.
الممرضه: ليه شلتي الأكسجين.
شهد:لو أحطه أستفرغت.
الممرضه:ليه.
شهد: مدري يوم أستنشقته حسيت أن كبدي لاعت خلاص ماأبيه.
شهد حطت يدها على بطنها وتوها تتذكر حملها: وش صار لي ليه أنا هنا.
الممرضه:راح أنادي الدكتوروراح يشرح لك.
بندر: طلعت من البيت من الصبح وأنا بالمستشفى لي يومين أجي للمستشفى ويقولون لي أنها ماصحت بس شعوري بالذنب ذابحني فرحت لمكتب الدكتوراللي يشرف على حالتها كان أسمه محمد أماالدكتور النفسي اسمه فواز.
دخلت على الدكتور محمد وكان جالس مع الدكتور فواز.
الدكتورمحمد: هلابك بندر هذا الدكتور فواز اللي قلت لك عنه.
بندر:تشرفنا.
الدكتورفواز: أحنا نعرف أنك من أكبر رجال الأعمال بصراحه توقعتك كبير بالسن ماتوقعت أن الملياردير بندربن خالدأل..... صغير بالسن. ولذلك أقول لك تشرفنا بمعرفتك.
بندر:مومهم المهم زوجتي وش صار عليها.
فوازبإستغراب:شهد تصير زوجتك.
محمد:إيه زوجته مادريت.
فواز:أسف بس توني الأن أستلم ملفها ماتوقعت أنك متزوج.
محمد: مثل ماانت عارف يابندر شهد الأن تعبانه نفسيآ فمستحيل نسمح لأحد يزورها عشان ماتنفعل مره ثانيه.
فواز: حنا بنجلس معها اليوم إذا صحت ويمكن تصحى بأي وقت.
بندر:ممكن أشوفها.
محمد: لا طبعآ ممنوع.
فوازلأنه طبيب نفسي فيعرف حاله الإنسان من النظره الأولى.
فواز: كنت أشوف وجهه باين عليه الندم والحسره وواضح أنه حاس بتأنيب ضمير ومن نبره صوته واضح أنه هو السبب باللي صار لشهد وهوالأن خايف عليها وخايف من رده فعلها بندريخاف يصير لها شي لأنه هو السبب باللي صار فحبيت أسأله
أخ بندرمتى أخر مره صار بينك وبين شهد خلاف .
بندرلزم الصمت ونزل راسه بالأرض وتنهد بقوه .
الدكتور فواز:مثل ماتوقعت هوالسبب في اللي صار لزوجته.
جت النيرس: دكتور مدام شهد.
بندرقام مرتاع وقاطعها: وش فيها.
النيرس:مافيها شي بس راح مفعول المخدر وصحت لاكنها تحس بصداع وألام بأسفل البطن.
الدكتورمحمد:أوكيه شوي وجايين بس أعطوها مويه وحاولو تأكلونها شي بسيط.
الممرضه: أوكيه دكتور.
بندر:أقدر أشوفها.
الدكتور محمد:بنخليك تشوفها.
الدكتور فواز قاطعه: لا ماتقدر معليش يابندر بس الظاهر أن شهد ماراح تتقبل وجودك وأنت عارف السبب لأن اللي صار لها شي خطير وأنت عارف وش أقصد.
الدكتور محمد عرف ان فواز عرف من ملامح بندر أمور كثير لأنه طبيب نفسي فما حب يقاطعه فلزم الصمت.
بندر:بس أنا زوجها ومن حقي أشوفها.
الدكتور محمد حس ان الدكتورفواز يبي يقول شي لبندر عشان كذا قام وخلاهم على راحتهم.
بندر: د:محمد بتروح لها.
د:محمد: إيه.
بندر:طيب أسألها أن كانت تبي تشوفني.
د: محمد: خلاص لاتخاف بأسألها.
طلع الدكتور محمد فأستغل الدكتورفواز وجود بندر وفتح معه نقاش.
د:فواز: بندر ممكن تخبرني عن حياتك الشخصيه.
بندر:مافيه شي يستاهل أقوله لك.
فواز:طيب أنت هل سويت شي سبب لشهد الأنهيار.
بندر:مدري مدري.
فواز:طيب أنت ليه تحس بتأنيب ظمير.
بندر:عادي واحد ويحب زوجته وخايف عليها.
فواز:هل أنت فعلآ تحب زوجتك.
سكت بندر.
فواز: ممكن تجاوبني اناأشوف كلام كثير بعيونك.
بندريطالع الأرض وهو متضايق: يكفي أسأله خلاص.
فواز:كنت أشوف بعيونه كلام كثير فهمت أنه السبب في الأنهيار العصبي وعرفت من عيونه أنه يحبها لاكنه ينكرهالشي ورافض يقتنع به .
بندر: ممكن اشوف زوجتي.
فواز: لا.
بندر:طيب ممكن أوقف عند باب الجناح أبي أسمع وش يقول لها الدكتورمحمد.
فواز:أوكيه بس ممنوع الدخول.
ومن غرفه الدكتور محمد إلا الجناح اللي منومه فيه شهد
شهد:جابو لي أكل يسد النفس وحده تأكلني خبز والثانيه تعطيني مويه ومره شوربه ومره دجاج فقلت: بس خلاص لاعت كبدي ماأقدر أكل.
النيرس1:لا شوهالحكي يابنتي لازم أاكلك هذي أوامر الدكتور.
النيرس2:الدكتوررح يجي هلىء فياريت تاكلي .
شهدبينها وبين نفسها: والله مادلعوني وحطوني بذا الجناح الفخم إلا يوم درو أن زوجي ملياردير مالت عليهم إذا جاء أحد من عيال النعمه دلعوه وإذا جاء أحد عادي أحشروه بغرفه مع أكثر من شخص وبينهم ستاير مالت عليهم صدق الناس مصالح.
فجأه دخل الدكتور شهد على طول غطت وجهها.
محمد:كيفك اليوم.
شهد:الحمدالله بس ماأتذكر شي.
محمد:شي طبيعي لاكن شهد هل تحسين بشي.
شهد:أحس بسكاكين تقطع راسي وأسفل بطني.
محمد:شي طبيعي لأنك فقدتي طفلك.
شهد بكت بصوت مسموع:ليه ماخليتوني أموت معه.
محمد:أنتي تعرفين أن هذا قضاء وقدر.
شهد:ياليتني مت معه ماأبي هالدنيا ليه أنقذتوني كان خليتوني أموت .
وبدت تصارخ: ليه أنقذتوني كان خليتوني أموت والله الموت أرحم من حياتي لاالفلوس ولا شي يفيد مدام النفس عايفتني ليه خليتوني أعيش ليه.
محمد:ممكن تهدين أعصابك شوي وتجاوبيني, شهد ليه تبين تموتين.
شهد:لأن محد يهتم لأمري أحس أني ضايعه ماعمري عرفت الحزن والهم حياتي كانت ضحك بضحك فجأه.
رجعت تصيح.
دخل الدكتور فوازوحذر بندر من الدخول.
بندر:كنت أسمعها وقلبي يتقطع سألت الدكتور هل هذا الأمر طبيعي, قال شي طبيعي أنها تتكلم كذا هي منهاره يمكن تبوح بأشياء في قلبها مكتومه لاتدخل رجاء الحين جاء الوقت اللي أبدأ معها بالعلاج وراح وتركني عند الباب أتسمع كلامها.
عند شهد:
شهد:ليه الناس صارت ماتفكر إلا بنفسها أنا وش ذنبي وافقت عليه كنت أبيه حبيته وصدمني اكثر من مره يطلب الإنفصال وش أسوي ياربي أنا ماغلطت حبيت بالحلال ويصير لي كذا ماعمري غلطت كان مستعجل يبي كل شي بسرعه يبيني انسيه حبيبته السابقه اللي هي أنجس مخلوق على وجه الأرض أبيه يفهمني همه الشكل وبس كنت واثقه من نفسي ثقه عمياء دمرها بإنتقاده صرت أشك بنفسي ليه الناس كذا ليه.
وبدت تصارخ أبي أموت حياتي مالها معنى أبي الطلاق خلاص ماأبي شي ثاني ماعاد أبي شي منكم ولاأبي شي من هالدنيا.
فواز:هل كنتي سعيده معه.
شهد:كنت طايره من الفرحه ومستعده أسوي له اللي يبي لاكن نفسه عايفتني كل يوم ينقد شكلي كل يوم يجرحني يعذبني أوف دكتور ممكن طلب.
فواز:تفضلي.
شهد: ماأبي أشوفه فتره وجودي هنا.
فواز:ليه.
شهد:ماأبي أشوف نظره الشفقه بعيونه.
فواز:بس هويحبك.
شهد:لاتلعب بعواطفي هو كارهني تعرف وش معنى كارهني لأني وافقت أتزوجه خلاص يادكتورماأبيه ولاأبي اشوفه وياريت تجيبون لي جوالي .
فواز:ليه.
شهدودموعها تنزل:أبي أكلم أهلي .
فواز: طيب ليه تبين تكلمينهم.
شهد:أبيهم يزوروني.
فواز:طيب من هو الشخص اللي ماتبين تشوفينه.
شهد: بندروعهود.
فواز:من عهود.
شهد: هي سبب تعاستي.
فواز: طيب وبندر.
تنهدت: هوسبب حزني وتعب نفسيتي.
فواز:طيب ممكن سؤال أنتي تحبين بندر.
نزلت راسها:مدري بس ياليت ماأشوف وجهه.
محمد: شهد تقدرين ترتاحين الحين وبكره نكمل العلاج.
طلع الدكتورمحمد.
شهد أرتاحت للدكتور فوازفقالت: دكتورممكن تقول لي وش أسمك.
فواز: أسمي فوازوناديني باسمي أعتبريني صديق لك.
كان يقول لها كذا عشان ترتاح له وهذا جزء من العلاج.
شهد:فواز.
فواز:نعم.
شهد:ممكن بندرمايدري بالحوار اللي صار.
فواز:أنشاء الله تبين شي ثاني.
شهد:إيه مافيه مكتبه قريبه من المستشفى.
فواز: ليه.
شهد:أبي كراسه وقلم رصاص ومساحه وأبي دفتر وقلم حبر .
فواز:ليه.
شهد:تقدر تقول هوايه أتسلى بها عشان ماأطفش .
فواز: بغيتي شي ثاني.
شهد:أبي فاتوره الحساب حقه طلباتي عشان أدفع حسابهم بعد ماتجيبهم.
فواز:أنشاء الله.
شهد:طيب ممكن تجيب لي جوالي.
فواز:لا.
شهد:ليه.
قرب فواز ومعه أبره مهدئه .
شهد:تكفى ماأبي أنوم.
فواز:هذا جزء من العلاج.
شهد:طيب بكلم اهلي أول وبعد كذا لوتبوني انوم سنه كامله ماعندي مانع.
رحمها وقرر يجيب لها جوالها.
|
|
|
|
|