منتديات قصايد ليل - عرض مشاركة واحدة - رواية يدري إن اسباب ضعفي نظرته يدري إني ما اقاوم ضحكته كامله

07-28-2011

وضحه : مدري كيف تم الأمر سوى إني عرفت إن عمي أبو خالد كلم أبوي وخطبني لفهد عشان يكون علم عنده أذا تقدم لي أحد
ليالي : تعتقدين من متى خاطبك
وضحه : الأكيد في واحد خطبني وطلبته يرفضه بكمل دراستي لان قال أن نتزوج ونسافر بس بعد فتره وبزواج منى بلغني أبوي رفض الخاطب ولما سالت ليه ما قال السبب والحين عرفت أن عمي أبو خالد طلبه يرد الخاطب وطلبني لفهد
مي : فرح كان عندك خبر
فرح : خبر بيخطبها بس ما كان عندي خبر بالموافقة لين سمعت فهد يقول عنها
سمر : لمن قال
فرح : لامي
وضحه(تكمل) : ولحبيبته
الينات : شنووووووووووو
وضحه : ههههههههههههه وش فيكن مستغربات إيه حبيبته
عذاري : من صدق تتكلمين
وضحه : أذا مو مصدقات أسألن فرح
فرح : فعلا كلامها صح
عذاري : لحظه بنات بشوف الباب من وأرجع (دقائق ورجعت) بنات سوري بسكر عشان بتجهز بنروح للمستشفى عند أبوي
سمر : اوكيه بس إذا رجعتي أتصلي علي أوكيه
عذاري : اوكيه جهزي لي الشنطة باللي وصيتك فيهم و سلمي على خالتي وجدتي والكل بنات سلموا على الأهل مع السلامة
البنات : اوكيه مع السلامة
مي : بنات العشاء اليوم تحضرنه
سمر : سوري وربي نفسيتي ما تسمح لي وبكره عندي اختبار
ليالي : وأنا نفس الشيء وعندي اختبار مهم
وضحه : وأنا نفس الحالة
فرح : وأكيد أنتي مي بتكونين مشغولة باختبارك معناها ما لازم احضر
مي : آآه وربي حالتي مثلكم اختبار ونفسيه ولا لي خلق أشوف احد ولا بنزل أصلا بجلس بغرفتي
ليالي : بنات وش صاير لنا من حال لحال رديه
سمر : بصراحة بنات أنا ماني قادرة استوعب خطبت ناصر ليالي أنتي عندك خبر بالسالفة
ليالي : والله ما عندي خبر إلا اليوم عرفت طيب وأنتي عندك خبر بخطب سالم
سمر : لا أنا اعرف إن سالم يبغاك بس خطب هذا أمر فاجئتيني فيه
ليالي : يبغاني منتي فاهمه شيء
سمر : وش قصدك
ليالي : بصراحة اللي فهمته اليوم أن السالفة تمت من تحت أبوي وعمي
مي : خوالي كيف
ليالي : بصراحة ناصر ما يعرف شيء عن سالفة الخطبة
سمر(بصدمه) : شنو تقولين
ليالي : الصدق ناصر ما كان يعرف وأعتقد حتى سالم ما يعرف بالسالفة وهذا تخطيط عمي وأبوي عيال العم لبعض
وضحه : ياربي وش فيهم أهلنا يسيرون حياتنا على كيفهم أنتي وسالم وناصر وسمر وأنا وفهد وش فيهم ما يخططون لبعيد نناسب بعض ولا لا
مي : يمكن فرح الوحيدة اللي ما شاء الله أخذت من تتمنى والله يهنيها يعني عزانا وحده فينا بتكون حياتها طبيعيه
سمر : بس ليالي سالم
ليالي (تقاطعها) : فاهمه وش تبين تقولين لمتى وانتو تعيدون نفس الأسطوانة سالم يحبك يا ناس أنتو عشتوا كل لحظات حياتي بربكم واحد يحب وحده ويوصيها على ثانيه يسألها عنها يهتم لغيرها أصحوا أنا متاكده إن سالفة خطبت سالم لي نفس حاله سمر وناصر محد عرف باللي صار إلا لما تم ولكن أنا بقولها لكم مثل ما قلت لناصر يبلغ سالم بكلامي أني ما أبيه ولا يفشل عمره ويتقدم ترى ليالي ما هي تسليه عنده خله يروح لست الحسن والجمال ساره اللي ذابحني فيها أنا عارفه انه يبي ساره ودائم واضح اهتمامه فيها قله ليالي تعفيك وتقول رح للي ملكت قلبك
وضحه : والله أنا معاك بهذا سالم يقول شيء بس أفعاله غير
سمر : صدقوني والله اهو يبي ليالي سالفة ساره بس عشان أبوها يهتم لها
ليالي(بعصبيه) : يهتم لها لا والله واهتمامه لها يوصل لدرجه يوصي من يحبها على كلامك على بنت ثانيه يا ناس يحس ممكن أغير ممكن ازعل اتضايق أففففففف
فرح : طيب أهدي
ليالي : سوري بنات بس السالفة تعصبني والله
سمر : هههههههه وخصوصا اللي فيها سالم
ليالي : هههههههههههه إيه
مي : اوكيه بنات أستأذن بنزل لأمي أساعدها قبل يحضرون الحريم وأصعد أذاكر مع السلامة
البنات : مع السلامة
وضحه : وأنا بروح أشوف خليفة ما شفته من الصبح طالع تبون شيء
فرح : اجل فصل أنا بعد
سمر وليالي : مع السلامة
فرح ووضحه : مع السلامة
سمر : صرنا لوحدنا وش السالفة يا ليالي
ليالي : سالفة
سمر : ناصر ما يعرف بالخطبة
ليالي(تنهدت) : اللي صار أن ناصر نزل متضايق عرف بسالفة الخطبة أمهاتي وأبوي يعرفون بس أنا لا ولا احد من أخواني وصار اليوم شد وعصبيه وناصر يقول حرام اظلم سمر معي وان ما يبي يتزوج بصراحة ما أبي اخبي عنك شيء وأحطك في الصورة ناصر كان في حياته حب تقدرين تقولين حب مراهقة بس بالنسبة لناصر حب كبير لأنه أول حب بحياته
سمر : تعرفينها
ليالي : أيه كانوا جيرانا من 6 سنوات بس فجاه تركوا البيت وباعوه وانقطعت أخبارهم عنا
سمر : وما تعرفين عنهم شيء
ليالي : لا بس اللي عرفته إن اللي كان ناصر يبيها تزوجت وتعيش في الشرقية هي وأهلها
سمر : كيف عرفتي
ليالي : قال لي شافها بالشرقية وكان معها طفل اسمه ناصر
سمر(رفعت حاجبها) : شافها
ليالي : صدفه شافها كانوا يتعشون وشافها واهي نادت طفل اسمه ناصر
سمر : تتوقعين أنها مسميته على اسم حبيبها ناصر
ليالي : مدري بس كيف أهلها يبون يزوجونا لناصر وسالم واهم في بحياتهم حب ما اقدر ابني حياتي على وهم ماله أساس واهو قلبه وشعوره وإحساسه لوحده ثانيه
سمر : قصدك ساره
ليالي : إيه
سمر : طيب تحبين اسأله وأشوف إذا مثل ناصر ولا يعرف بالأساس
ليالي : لا ما أبي تسألين ويكون مثل ناصر يخضع عشان أبوه مثل ما ناصر رضخ وخضع للواقع بسبب أبوي وما يصغره عند عمي
سمر : وش بتسوين
ليالي : بوقف واتحدي الكل ولا يجبروني على سالم
سمر : تكرهينه
ليالي : .................
سمر(كررت السؤال ) : تكرهينه
ليالي (بهمس) : لا
سمر(سمعت بس تبي تتأكد) : ما سمعت
ليالي : لا ما أكرهه بس بعد ما اقدر أحبه عقلي يقول شيء وقلبي يقول شيء
سمر : وش يقول عقلك وش يقول قلبك
ليالي : بقول لك لوحدك خليها بينا أحيانا أحس انه صدق يحبني بس عقلي يقول تتخيلين هذا سالم يحبك لأنه يعتبرك أخت يحبك مثل سمر مرات أقول حبه لي مختلف عن حبه لسمر وعقلي يقول كيف يحبك وأهو يذكر ساره يهتم لها كيف مدري يا سمر أنا بدوامه بس الأكيد لو انجبرت عليه بكون تعيسة أبي أوافق عن قناعه هذا لو وافقت أبي أعرف وأثق أنه يبيني مو عشان رضا أبوي وأبوه فهمتي هذا طلب مو صعب بس أبي أتمهل أبي أثق أبي ارتاح اللي سواه عن ثقة منه ولا مثل ناصر أبي اتاكد أني أنا اللي بقلبه وبس أنا اللي يحب وبس
سمر : والله يا ليالي حالتي مو اقل من حالتك بس المشكلة أنتي قوة شخصيتك عند أبوك أقوى مني أنا ما اقدر أوقف بوجه أبوي تعرفينه وعصبيته أخاف منه وما أخاف من احد إلا الله ثم أبوي يا ليالي لما كلمني اليوم تعرفين تذكرت خطبت مشاري لمنى كأنه تكرر بس الفرق إن سمر وناصر يعني المعنى انه موافق بس يعطيني خبر فقط فاهمه
ليالي : معقولة
سمر : قلت له أحسه مثل اخوي قال لي شيء خلاني واثقة انه مقرر ولا مهتم لرأي قال أمس والله فرحت كثير ناصر بيخطبك لولا إني بعطيك حرية الرأي ولا كان قلت موافق من اليوم
ليالي : أنا أبوي للحين ما يعرف إن عندي خبر بالسالفة تعتقدين بيكون رده مثل عمي لك
سمر : مدري بس الظاهر إن أهلنا ما صدقوا وكان هالخطبه مثل كنز وحصلوا عليه وتعرفين غلاة ناصر عند أبوي
ليالي : مثل حاله سالم وغلاته عند أبوي شيء كبير
سمر : كيف نتصرف يا ليالي
ليالي : تعبانه من التفكير يا سمر تعبانه بس أكيد ما راح أوفق هذي حياتي أنا لا أبوي ولا أمي ولا احد راح ينفعني سموره بطلع اوكيه عشان أصلي
سمر : اوكيه قلبوو باي
ليالي : باي

قامت سمر وصلت وبعدها غيرت لبسها ولبست بنطلون وبلوزه طويلة رفعت شعرها كله حطت غلوس وكحل طلعت لغرفه منى دقت الباب كانت تصلي واهي جالسه على الكرسي انتظرت لين خلصت ووقفت واهي تتسند على العكاز

منى : الله لا يحرمني هالطله الحلوة
سمر (ابتسمت) : ولا يحرمني منك مناي خلينا ننزل اشتهيت قهوة وحلى
منى : أوكيه (نزلت الجلال واتجهت لها) ما تحبين نزور سلمى
سمر : وش رأيك بكره نزورها الصبح
منى : ما عندك كليه
سمر : عندي محاضره عشان اختباري وبعدها ما عندي شيء يعني على الساعة 9 ونص مخلصه وراجعه البيت أمر عليك ونطلع لها ما أحب زيارات العصر
منى : اوكيه أذا طلعتي اتصلي علي أتجهز وعشان طلول في المدرسة ما لي مزاج آخذه ويزعج وسلمى توها في فتره نقاهة
سمر(تمسك يدها واهن ينزلن السلم) : اتصلتي على مشاري
منى : مغلقه جوالي
سمر : للحين
منى : أيه

رح بلـغ اللـي ! مسٌـوي حضرتـه ناسـي
ان راح ( مايشوف شر ) وان جا ( بهلي به )اذا بيرضـى علـي , قلـه علـى راســي
واذا بيزعـل علـي !! يزعـل شسويـبـه
بدري عليه .. اعتذر لـه واحـرق انفاسـي
يبطي ! ونجـوم السمـا .. اقـرب مطاليبـه
الله يعيـنـك !؟ اذا حطيـتـك بـراســي
لني لاحطيت شـي براسـي ,,, اجيبـه !!!

سمر : منى كم لك حامل
منى : على كلام الدكتورة لي أسبوعين وداخله ثالث اسبوع
سمر : كيف متى صار أصلا أنتي لك شهر وكم يوم متزوجة
منى : اللي صار وهذي قسمه الله والحمد لله
سمر : ما شاء الله الله يجعله من أبناء الخير والمهم الله يقومك بالسلامة أنتي واهو ويحنن قلب أبوه
منى(تنهدت بألم) : أنا ما ألوم مشاري على اللي سواه صدق بس أنا تضايقت من كلامه وأسلوبه يعني هذي مشيئة الله والله مو بيدي ولله حكمه يمكن اللي صار ومنع أسوي العملية خيره لي
سمر : بصراحة ما اعتقدت بحياتي مشاري ممكن يعصب عليك
منى : أنا نفسي أنصدمت تقريبا دخلنا ثاني شهر من تزوجنا ولا عمره زعلني أو كسر بخاطري
سمر : جلسي بروح أقول يسون القهوة وأجيبها
منى : لا تعالي نسويها إحنا بنفسنا ونجلس بالحديقة
سمر : اوكيه
دخلن المطبخ وجلست على الكرسي منى وسمر تحضر القهوة حطت البن والهيل
منى(تحرك كوب على الطاولة) : سمر وش رأيك بناصر
سمر (ألتفت لها) : صدقيني للحين مصدومة من اللي صار
منى : ليه مصدومة
سمر : إن ناصر يخطبني
منى : طيب وش فيها ولد عمك ويمكن
سمر : تطمني ما يفكر فيني أصلا اكتشفت انه ولا يعرف عن سالفة الخطبة من الأصل
منى(بصدمه) : كيف ومن قال لك
سمر : ليالي (ألتفت للقهوة تبعدها شوي قبل تحترق) تقول ناصر أنصدم بالسالفة ولا عنده خبر وان أبوه اللي اهو عمي خطب له
منى : معقولة
سمر(تصب القهوة في الدله) : والصراحة اليوم عرفت إن سالم خطب ليالي والظاهر إن نفس حالتي مع ناصر يعني بدون علم سالم بالأمر
منى : لا شوي شوي بفهم
سمر(تغسل فناجين وتتجه للثلاجة تبي حلى) : الظاهر إن عمي وأبوي خطبونا لبعض دون علم الشباب
منى : يعني دون علم ناصر وسالم
سمر : اعتقد
سالم(واقف عند الباب ومتسند) : لا خطأ
سمر : بسم الله علي خرعتني أفف كان بيطيح الصحن
سالم : ههههههههه بسم الله عليك أحسن عشان ما عزمتيني
سمر(تحط الحلى على الطاولة) : وش عرفني انك هنا قلت أكيد رحت لبيت عمتي
سالم : لا كنت جالس أنا وناصر متضايق شوي وما يبي روح ألحين
سمر : ناصر هنا
سالم : أيه
سمر : سالم أنت اقرب واحد له صح
سالم : أيه ليه سؤالك
سمر : صحيح أن عمي خطبني لناصر بدون علمه
سالم (منصدم وقرب لها) : كيف
سمر(تحط القهوة وتجلس جنب منى) : ليه مصدوم كيف تقول انك قريب له وما تعرف يعني أكيد كلام ليالي إن أبوي خطب ليالي لك بدون علمك
سالم(يسحب كرسي وجلس) : شوفي سالفة خطبت ناصر لك عرفتها اليوم صح بس ما فكرت مجرد فكره إن عمي اللي خطبك بدون علم ناصر لحظه عشان كذا مزاج ناصر مو كل هذا اليوم
سمر(تصب قهوة لسالم ومنى وتقرب لهم الحلى) : يعني صح حالك وحال ناصر واحد
سالم : لحظه وش حالي وحال ناصر
منى : سمر تقصد أن أبوي خطب لك ليالي بعد ما عمي خطب سمر لناصر
سالم : لا لا مو صح أنا خطبت ليالي قبل ناصر يخطبك
منى وسمر(صدمه) : شنووووووووووووووووو
سالم : لحظه بفهم ليه قلتن هذا الكلام
منى : سمر تقوله
سمر (تشرب قهوة) : اللي صار اليوم أن ليالي قالت (وحكت له كلام ليالي لها) وهذا كل اللي صار
سالم : زين قلتي لي سمعي يا سمر أنتي ومنى أنا خطبت ليالي من كنت في الشرقية أبوي كلم عمي وخطبها لي يعني من أسابيع خطبتها مو من أمس أو قبله وأنا لا يمكن إني اجبر ليالي توافق علي إلا إذا أهي اقتنعت أني أبيها هي لوحدها
سمر : يعني ما تبي تملك
سالم : كنت أفكر أنا و ناصر نملك بنفس اليوم من سمعت بخبر خطبت ناصر لك فرحت كثير بس بعد كلامك وخوف ليالي مستحيل أتقدم واخطي هذي الخطوة أنا أبي عن قناعه توافق ما أبي توافق مرغمه
منى : تقصد بتنتظرها
سالم(هز رأسه بنعم) : ................
سمر : بتصبر يا سالم على أفكار ليالي وعنادها
سالم : أصبر العمر كله لخاطر عيون اللولو
منى(ابتسمت) : يا حظ عيون اللولو فيك
سالم(رفع حاجبه) : بخضع عيونها لي لوحدي أكون نظرها
سمر : طيب وأنا
سالم : قصدك سالفتك مع ناصر
سمر : سالم عمري ما تخيلت ناصر يخطبني واللي ضايقني إني عرفت انه مو رغبته اهو رغبة عمي وأبوي اللي بيجنون علينا بهذا القرار
منى : ليه ما تكلمين أبوي
سمر : انتو ما شفتوا كيف يتكلم اليوم تكرر سالفة خطبت مشاري لك موافق وبس يعطيك خبر نفس الشيء موافق على ناصر ويعطيني خبر
منى : طيب شوفي حياتي مع مشاري صدقيني احمد ربي وادعي لأبوي دوم أن ما رضا برفضي وأجبرني مشاري ما في مثله
سالم : صح يمكن لك خيره في اللي قاعد يصير وخطبت ناصر لك
سمر : انتو مو فاهمين خطبت منى رغبه مشاري يعني حب لمنى بس ناصر ولا يفكر فيني وقلبه مو لي (ألتفت لسالم) صح يا سالم كلامي قلبه مو لي
سالم : من قال لك
سمر(وقفت ودموع بعيونها) : قال اللي قال مستحيل اقدر اجبره يحبني وأنا اعرف أن مو ملكي ليالي أنت تحبها وأنت تبيها بس ناصر لا ما يحبني
طلعت من المطبخ لغرفتها وكانت تبكي مقهورة من اللي يصير ومتضايقة
سالم : منى
منى : لا تحاتي بتكلم معها وبخليها تصلي صلاة استخاره
سالم(يوقف) : أنا بروح لناصر
منى (مسكت يده) : سالم لا تفتح سالفة خطبته أبدا خله لين يتكلم حتى لو طال سكوته أتركه لما يشوف نفسه مستعد يتكلم بيتكلم لا تضغط عليه
سالم : حاضر (ضرب جبينه) يوووه نسيت أقول لك
منى(تشرب قهوة) : شنو
سالم : ترى مشاري يقول أتصلي عليه لأنه يتصل على جوالك والظاهر مو شاحنته طافي
منى(ابتسمت ورفعت حاجبها) : طيب بتصل عليه روح لا تتأخر على ناصر
سالم : أوكيه باي
منى : باي
سالم(واهو يتجه للمجلس يفكر في نفسه) : يالبى قلبك يا لولو ما تكرهيني يعني تحبيني هههههههههههه تبين توافقين بقناعه بتعرفين إني اخترتك أنتي وان أنتي اللي بقلبي والله بقلبي أنتي وبس ملكه على عرشه بنشوف لمتى يا لولو وبنشوف لمتى بصبر قبل لا انفجر وأتهور والسبب أنتي

بالله ياسيد الغلا لاعدمناك
هاك اعتراف إلي من القلب شاريك
انت الذي ما ملت العين لقياك
وانت الذي يازين علقتني فيك
وانت الذي في داخل القلب شرواك
و انت الذي من أكثر الناس مغليك
فأرجوك لا تطري على الروح فرقاك
أرجوك لا تطري البعد ناخيك

طلع مع ناصر متجه لبيت بندر

----------------------------------