ضايق صدري
ضايقٍ صدري ماكنه في مدا عيني براح
وان بغيت اخفي ملامح ضيقتي بانت علي
كم تجاوزنا صعاب وقلت ماقد راح راح
البس ثياب التصنع و اتباها إني خلي
عشرة اسنينٍ ما عانق ليلنا المظلم صباح
والسنين تمر عجله والحزن ما ينجلي
ياتناهيت الضلوع اللي توهج بالجراح
ارفقي بحالي لا يقرا كسرتي ناسي وهلي
يامداهيل الفكر اروي من العذب القراح
انظمي حرفي بقافك والبسي حزني حلي
واسرجي همٍ طواني لا يقل ولا يزاح
واستري عارِ الجروح اللي لضاها يصطلي
|