الحب له عندي مكانه عظيمـه=وانتي مكانك فوق يااجمـل النـاس
غلاه عنـدي مايقـدر بقيمـه=يالـي هواهـا مايقـدر بالالمـاس
انتي على ثغرك تباشير غيمه=اروي عروقٍ من جفى الوقت يباس
يقولها قلـبٍ ينـادي نديمـه =جاوب صدى صوتٍ يناديك باحساس
لك مقدريه من وفا والف شيمه =محلك بقلبي وقدرك علـى الـراس
انتي هنا بين الحنايـا مقيمـه =لاماتزعزع من غلاها على سـاس
هلى غيومك وامطريني بديمـه=وارويك باشعارٍ على كـل قرطـاس
ترى الجفا للقلب اكبر ظليمـه =ماعاد باقي في يدي غير هالكـاس
هو اخر الباقي وراس الغنيمه=فز الفؤاد! وللهوى رنة اجـراس